௮۩₪ رابطة المتحورات ₪۩௮

[احبج يا الكويت]

رد: ௮ஹண۩₪ رابطة المتحورات ₪۩ணஹ௮

قوة ...

يالله ببدي أفضففضلكم .. عني وعن هموووم

وسموووم سمنتي .. ولأني بإذن الله بنضم لكم فعليا بأذن الرحمن وبكوون متحورة رسمياااا .. بس منتظرة عاامل الوقت

يضبط معااااي .....







بناات آنااااا ..


واللة يأست من نفسي وجسمي كل مااااا لة ويااااخذ بالعرض !!!!!!!!!!


ماااا كوووو فااااايدة عيزت من الريجيمااااات بجمييييع أنواااعها ,,,,,

طوووو حيااااتي ريجيييييم في ريجييييييم ,,,, وبعدييييين أرد أمتن و ألوع الجبد واللة من صجي ....

مع اني حلوة مثل ما يقووولووون بس الملامح متغطية بهالمتن والزغاااادييييييييييييد ...... شالفااااايدة !!!

لا لبس .. لادلع مع زووووجي .. لا خفة ومرووونة ... حاااااايشني اكتآآآآآآآآب دااااائم ....





بنااات ..

واللة مااا أدري اشفيييني !!!

يعني صج آنا أحب اني آكل وأستاااانس بالاكل ,, بس مووو لدرجة اي أصييير هالمتن !!!

قطييييييييييييييييييييييييعة تقطع المتن ....




أتمنى ... إي أتمنى ومن حقي أتمنى ....


أبي أعيييش حياااتي سعيييدة بشكلي ووااثقة من نفسي ,,,,

أبي زوووجي يحبني موو بس علشااان آناا أم اعياااالة وقلبي طيب ....

أبي ليييمن أشوووف وحدة ضعيييفة وكااشخة مااا أتحسر على عمري وصغر سني ....

أبي أكوون قدوة وصووورة حسنة لاعيااالي يقتدووون ويفتخرووون فيني ........

أبي أضعف أبي أضعف أبي أضعف أبي أضعف أبي أضعف أبي أضعف أبي أضعف ......







ويوووم

صااارحت زوووجي من جم شهر باني خلاص بسوي عملية علشاان أضعف !!!!!!!!!!!

عصب علي وقاالي انتي مينووونة اتخلييينهم يلعبوون فييج ويقصوووون أعضااائج وانتي صااحية ألحيين ما

فيييج شي ...

وآنااا راااضي فيييج جذي ..!!!!!!!!! وخلج على الريجيمااات وااايد أبرك ولااا تخاااطريييين

بحيااااتج

ومستقبلي ومستقبل

اعيااالج علشااان شي مووو عااارفة نتااائجة المستقبلية وسلبياااتة ....


وااااااااااااي مت من الحييييييييييرة ذااااااااك اليوووم وكل يوووم عقبة في نااار ونيررران تزيدني سمنة أكثر وأكثر

جنة جسمي تخلى عني وقاعد يقوولي بصرييح العبااارة أتخذي القرااار ياا طيووبة لأني تعبت من ترددج ومن ريجيمااتج اللي أهلكتني وآنا جسمج ماا أثق فيييج ألحييين كلش كلش وراااح أسمن وآآآكل وأسمن لأني خااايف من اليااي من ريجيماات واخترااعاات وأدوية سد شهية ماالهاا أول من تاالي وجووووع وحرمااااان لياالي واشهووور طوييييلة ... آنا ما أحبج ولا أثق فيييج ... إلا إذا أتخذتي خطوة فعلية لأنقاااذ ماا يمكن إنقاااذة ..... !! [/COLOR]>> خواتي لاتعتقدون بأني مينوونة بهالحواار مع نفسي .. فكل إنسان يحدث نفسة ويلوومهاا ويكاافئهاااا .....





عمري 31 ألحييين .. وباجر الخميييس 4/ 12 عييد ميلااادي بيصييير عمري 32 سنة ,,,





ومن يوووم عمري 10 سنين

تقريباا وأنا أبي أضعف

حاالي حاال خوااتي وصديقااتي ,, وما بقى ريجييم مااا سوييته ,, أبروووحي .. ومراات عند أحسن

الدكااترة ...

و أغلااهم ... بس ما كوووو فااايدة !! أرد أمتن ...........

تخيليووا 22 سنة قزرتهااا ريجيمااات فاشلة .....

بس مليييييييييييييييييييييييييييييييت

أبي أضعف صج هالمرة .....








وااااااااااااااااي زوجي أدري أن يحب الضعف والرشاااقة ,, مع ان أهو متبتب اشوي ,,,

بس تدرووون حلاااال للرياايييل المتن وأحنا لأ ,,,, وبصراااحة ما ينلاااموون حلااات المرة نعوومة

ورشااااقة

ودلع ,,, ومووو جنها معلمة من معلمااات مصر ....





المتن يخرع ودفااشة وخلااااجييين طوييلة علشااان نغطي الكروووش والبلااااوي ..... أبي ألبس

مرصرص ,,, ولووو ويست ,,, بالبيت طبعا ,,, متى يااا ربي متى ؟؟؟

قااعدة أسوي خطط ترااجيديا حق الحبييب علشاان يواافق ,, مع اني أعرفة رااسة يااابس ,,

بس الحمدللة قاعد يقتنع ... تدريجيااا ...








[SIZE="6"]هاذي فضفضتي لليوووم معااكم خوااتي ... جوووود الله ايسخر لي د. سلطاان وأسويها عنده ...

أدعووولي بلييييييز ....

ومووو هابي بيرثدي تو مي ... ساااد بيرثدي تو مي ... هيء هيء هيء .... حتى الشمووع مو رااضية تطفي !! شالحظ !!
[/SIZE]










[ "]تعاالي معااناا أي وحدة متيينة ...
فضفضيلي وأفضفضلك ....[/SIZE]

كل عام وانتي بخير:happybday: انشالله هذي اخر سنة تكونين متينه فيها خلي ريلج يشوف تجارب البنات اللي مسووين العمليه انشاءالله راح يقتنع واستخيري وتوكلي على الله

 

[احبج يا الكويت]

رد: ௮ஹண۩₪ رابطة المتحورات ₪۩ணஹ௮

يا حبيباتي

كلكم ياللي سألتوا عني وباركتولي

وكويتية طيوبة مشكوووورة الغالية على الكلام والدعوة الصالحة

وحبيبتي اللي باركت لي بعد اشكرها وعساج على القوة

حبييييييييييييييييييباتي



انا ولله الحمد بخير وعافية

وبيني وبين حبيبتي العضوة تونة الكويت مسجات تسال عني واسال عنها

الله لا يخليني منكم

سبحان الله صج الله كريم وعظيم انا وحيدة اهلي ما عندي خوات والحمدلله هالمنتدى حصلتي لي وايد خوات



بالنسبة للعملية

الحمدلله تمت بنجاح انا الخميس ان شاءالله اكمل اسبوع

العملية كانت تحويل مسار

وفعلا حاسة اني قاعدة اكتشف الدنيا من جديد بمسار جديد بعيد عن اللحوم والشحوم

النفسية ................. قادرة اتغلب عليها لان الشيطان الرجيم يوسوس للانسان ... شرايج اكادينيا بهارديز

شرايج ب مجبوس لحم :yaaaaaarb: وانا ادعو ربي الثبات

من ناحية يوع اذا تمشون على كلام الدكتور ماكو يوع

والوزن ينزل ولله الحمد

الاخت اللي تكلمت ( سوري انا انسى النك نيم ) عن الزوج و اهمية الرشاقة في الزواج وان الجسم تعب


حبوبة

فعلا انا من نويت اسوي العملية وزوجي بدت نفسيته تتغير --------- صار يحاتي لما اضعف لا يكون اهده اواعايره بالكرش اللي عنده هههههههههههههههه

و بصراحة قاللي : زين اللي فكرتي تعدلين جسمج انا احسبج بوهباش وبطينية ..... يللا ورينا شطارتج



وانا بتحدي معاه ومع نفسي اللا اصير جنيفر لوبيز باذن الله باذن الله

حبيباتي ما يفيدكم اللا صحتكم والفلوس رايحة وياية والبنات تارسين البيوت ومستعدين ( بعضهم ياخذون على مرة )

والريال الكويتي عموما عيونه طالعة برة دايما

ولنا عودة :edbf4317b9:

الحمدلله عالسلامه والف مبروك انا ماانتبهت الا اليوم انج سويتي العمليه الله يتمم لج على خير يارب انا سويتها قبلج بتاريخ 5/11:hjy5jewf:

 

[حبووبة 76]

رد: ௮ஹண۩₪ رابطة المتحورات ₪۩ணஹ௮




مشكووورة أختي الحبييبة في الله ...

akadenia


و

Thanks for every single word
I wish that my future is brighter than my past
I hope that my inside beauty can come out and shine on in the real world
And my last birthday wish is that I really hope to be able to to change and make my kids be proud of such
ahot MAMAH that they have






حبيبتي بالنسيبة لزوجي .. إحنا فعلا قابلنااا آنا وايااه الدكتوور سلطاان قبل 6 أشهر تقريبا .. وكلم زوجي وقالة بأني أحتاج العملية .. وشرحها له بالتفصييل الممل ..

وزوجي حزتها إرتاااح للدكتووور وإمدحه عندي .. وقال لي مشاءالله واايد واااثق من نفسة هالدكتوور ومتوااضع و ... و....
وقال لي بأنه إموافق على العملية مبدئيا وأهو بيساعدني بدفع نص المبلغ بعد !!

بس ألحيييين ما أدري إشفيييه منتكس ... وآنا طبعا ماا بي منه ولا شي ولله الحمد الخيير وااايد بس الله يهدييه كلة طاايح فيني تخرع وخرااااابيييط ماالهااا أول من تالي ....!!!

وآنا مثل ما قلت ببداية حديثي خلاص إمعزمة على العملية برضاااه أو من غيييره ... وإنشاءالله برضاااه أفضل طبعاا ...

وكاان الله بالعوووووووون .....

 

[حبووبة 76]

رد: ௮ஹண۩₪ رابطة المتحورات ₪۩ணஹ௮

3alia_ice cream

مشكووووورة حبيبتي .... وكل عام وأنتي بصحة وسلااامة ..

تسلمييييييييين ماااا قصرتي ..........



وعلى فكرة زوجي ما يهمه تجاارب أحد أهم شي رااايه أهووو وبس ,,,,

وآنا حااسة فييه بأنه خاايف علي حيييييل علشااان جذي قااعد إيحبط فيني ... هيء هيء هيء

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

كويتيه طيوبه

كل عااااااااااااااااااااااااااااااام وانتي بالف خير وعقبال 1000 سنه


:happybday:

ونشوفج انتي واعيالج واعيال اعيالج واعيالهم تكبرون بالصحه والعافيه:yaaaaaarb:


هابي برذي تو كويتيه هابي برذي تو كويتيه هابي برذي هابي برذي هابي برذي تو كويتيه



هاج هديتج :jbdwjbd:

جكجكجكجكجكجكجكجكجكجكججك

وطم جك جك جك

:eh_s(9):

عاااااااااااااااااااااااااااااااااااااااااااااااشو

:ggdw:
يالله قومو شيلوها شيله والليله ليله والي تشوفه يا ويلي ويله



:happybday:

:nbvppw:

:lolo::lolo:

:q8:​

 

[احبج يا الكويت]

رد: ௮ஹண۩₪ رابطة المتحورات ₪۩ணஹ௮

:eh_s(16):

3alia_ice cream

مشكووووورة حبيبتي .... وكل عام وأنتي بصحة وسلااامة ..

تسلمييييييييين ماااا قصرتي ..........



وعلى فكرة زوجي ما يهمه تجاارب أحد أهم شي رااايه أهووو وبس ,,,,

وآنا حااسة فييه بأنه خاايف علي حيييييل علشااان جذي قااعد إيحبط فيني ... هيء هيء هيء

من حقه يخاف عليج بس تبين الصج انا عقب ماسويت العمليه الكل قام يقوللي سوالف تخرع عنها حاشني اكتئاب مو طبيعي وحسيت اني راح اموت خلاص من الحجي اللي سمعته وقعدت ابجي على عيالي خفت يتيتمون:eh_s(11): وصار فلم هندي بس الحمدلله الحين راحت هالاحاسيس الله يهداهم الناس ماوراهم غير التخرع انا ما ارتحت الا لما قمت اكلم ناس مسوينها يعني صج اسأل مجرب ولا تسأل طبيب والحمدلله نفسيتي الحين ممتازه يعني ريلج ما الومه اذا سامع ناس تخرعه لاني انا اخترعت:dddds:انشاءالله يقتنع وتسوينها برضاه

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

هاي بنات شلونكم ولهت عليكم

رحت عند دكتور التخدير طبعا من الصبح رحت الحمدالله اول اسم عنده وييييييييييع حده كان ماله خلق الظاهر توه قاعد من النوم المهم امي معاي سالني اذا احد بتاريخ العايله عنده مشكال مع البنج والتخدير جان امي تتليقف وتقول له لا انا ماعندي مشاكل كانت لووووووووووول

الحين اهو يسالني وامي تجاوب ضحكتني هالبطه المهم سالني اذا عندي حساسيه من شي معين قلت له عندي حساسيه من الغبار بس جان يضحك جن يقول الكويت كلها عندها حساسيه من الغبار واكثر ديره فيها غبار جان اضحك بويه واهو مليق لووووووووول المهم قالي طلعي لانج بره لووووووووووول انا اهني جان انحرج مادري ليش شنو اطلع لساني بره لوووووووول المهم صار الي صار وطلعته لوووووووووووووووووووووووووووووول والله مصخره كان شكلي قاس لي ضغطي كل شي تمام قالي مسويه عملبه لوز ولا دوده الزايده قلت له نو قالي متزوجه جان اقوله وانا بهالمتن ماظن بعد العمليه ان شاء الله اتزوج جان اهني يضحك وامي تدعي يارب يرزقج بولد الحلال ومن هالادعيه وانقلبت حصه اسلاميه لوووووووووووووووووول المهم وقع بملفي وكتب خرابيط وقالي روحي عاد حق الدكتور خالد الشرف عاد اهو الدكتور عيادته يوم الاثنين الاسبوع الياي ما ينفع لان عيد اي صج

عيدكم مبارك كلكم مسبقا

عاد رحت حق البنت الي تحط المواعيد بطت جبدي قطتني ليه 29\12 اولا وايد بعيد وانا بروحي ما اتحمل النطره ما قدر اصبر قلت لها يا اختي الله يخليج حطي ليه مبجر بس بيحط لي موعد عمليه واهي ماقدر يعني شسويلج حقييييييييييييره اسلوب خايس جان اعصب عاد كنت اكلمها بادب بس الظاهر ما ينفع معاها شي قلت لها يعني شنو انطر ليه 29 \ 12 لو احد من معارفج جان باجر حطتي له جان تقولي شسوي قلت لها الاثنين مو الي الياي عيد الي وراه انا عند الدكتور واشوف شنو بيصير وانا مانطر قالت ما يصير تدشين قلت لها ادش واسال الدكتور واذا رضا لا انتي ولا الي اكبر منج يقولي لا بطييييييييييييييييييييتها بطت جبدي عاد اسلوبها كان حقير معصبه علي وانا شكو تكلم الناس عدل ما نشتغل عند ابوها

السؤال الي يطرح نفسه تتوقعون في دوام يوم الاثنين الي بعد العيد يعني مو الاثنين الياي الي وراه تاريخ 15\12 فيه دوام لان الكل بيداوم الاحد اكيد الاثنين في دوام والله بدش بس باخذ موعد عمليه تتوقعون يرضى الدكتور ؟ ادعو يارب يحطها لي هالشهر ما تتطوف هالسنه الا مسويه العلميه يالله يارب والله حدي احاتي سالفه الموعد


بااااااااااااااي

 

[jakoora2008]

رد: ௮ஹண۩₪ رابطة المتحورات ₪۩ணஹ௮

حبيبتي الغنادير شلون كانت طريقه اكلج وقت العمليه ممكن تقوليلنا واتحطين شنو تاكلين

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

اب اب اب

 

[akadenia]

رد: ௮ஹண۩₪ رابطة المتحورات ₪۩ணஹ௮

حبيبتي روز 85


اخذي الامور بهدوء

وخلي التساهيل من رب العلمين انزين وتوكلي على الله ولا تحنين ولا تتحبطين


علشان ما تندمين لا سامح الله واللا تتسرعين

الله يكتب لج السلامة

 

[akadenia]

رد: ௮ஹண۩₪ رابطة المتحورات ₪۩ணஹ௮

حياتي عالية - ice cream


الله يسلمج ويعافيج

مشكووووووووووووووووورة حبوبة والله يوفقج

 

[akadenia]

رد: ௮ஹண۩₪ رابطة المتحورات ₪۩ணஹ௮

[

حبكم في قلبي مثل هالنهر الساحر

كويتية طيوبة

الله يسمح دربج ويوفقج وينولج مرادج

 

[akadenia]

رد: ௮ஹண۩₪ رابطة المتحورات ₪۩ணஹ௮

شنو احبار اللي تحوروا بالعيد

هل لاحظتوا تغيير مقاساتكم

شنو شعوركم وانتوا تشترون مقاسات اصغر ؟؟؟

يلا خبرونا عنكم

 

[ام سلطانوه]

رد: ௮ஹண۩₪ رابطة المتحورات ₪۩ணஹ௮

انا ناوية اسويها بالحكومة بصراحة رحت البنك وما سمح لي اخذ غرض علشان العملية على العموم انا ماخذة موعد عند العسكرى بس مو عارفة تطول المواعيد مالتهم ولا لأ ياريت احد يرد على

 

[الزين الاصيل]

رد: ௮ஹண۩₪ رابطة المتحورات ₪۩ணஹ௮

شعوووووووووووووووووووووووووووور ايجنن يا بناااااااااااااااااات اللهم لك الحمد ولك الشكررررررررررررررر
انا وحده متحوره صار لي ست اشهر بس قرار الوحيد في حياتي اللي هو صح
زصدقوني بعد التحيور راح اتغيرووووووووووووووووووووووووووووون من ناحيه كل شي
لا
لاتخلون السمنه تهدم حياتكم ونفسيااتكم فيه اللحين حل اللله سبحانه وتعاله سخره لنااااااا استخيرواا ووكلواا عل اللللللللللللللللللللله

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

وااااااااااااااااااااااااااااااااااااااااااااااااااااااااااااااااااااااااااااااي

اصارخ من قلب يارب يارب يارب يارب

اضعف واصير سمبتيييييييييييييييييييك ورشيقه اكادينيا مشكوره حبيبتي على النصيحه

بس والله يا جماعه متحمسه ودي اسوي العمليه صج اهيا اسمها عمليه والناس تخترع انا اذا فكرت شلون بيسونها وشنو ممكن يصير دمي ينشف وبخترع مهما كان نظرتي غير نظرت طبيب ممكن يشوف هالشي عادي وبسيط ومتعود عليه انا دايما راح افكر اني راح اضعف وارتاح واقدر اسوي الي ابيه والبس الي ابيه واكون خفيفه

الله يوفقني ويوفق الجميل


بنات عيدكم ومبارك وكل عام وانتو بالف خير

على فكره استقبل العيادي لوووووووووووووووووووووووووووووووووووووووووووووووووووول

باي

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

اب اب اب

 

[احبج يا الكويت]

رد: ௮ஹண۩₪ رابطة المتحورات ₪۩ணஹ௮

حياتي عالية - ice cream


الله يسلمج ويعافيج

مشكووووووووووووووووورة حبوبة والله يوفقج

اجمعين انشالله حبيبتي :eh_s(21):

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

بنات وينكم
>>> صج فاضيه عيد وتقول وينهم فاضين لج

لووووووول بشرو عن احوالكم ان شاء الله بخير

 

[ام سلطانوه]

رد: ௮ஹண۩₪ رابطة المتحورات ₪۩ணஹ௮

اي والله روز ماادرى وين البنات معقولة لاهين بالعيد شكلى بس انا وياج والموقع