~~ًَ~~ ياللي خذيت قلبي هاته قبل لا تروح ~~ًَ~~

[فوز وفواز]

يعطجيج الف عافية قصتج روووووووووووووووووووعة لاتطولين عليننا نااااااطرييييييينج ام علاوي

 

[sweet.sanfoora]

ناطرييييييييينج استبرق

 

[استبرق أم علاوي]

وااااااى فيصل قثيث شيبي شكله بيسوي سالفه

تسلم ايدج عالباارت الرووعه :*

تسلمين يا الغاليه

 

[استبرق أم علاوي]

واو البارت روعه



لا عفيه غدير لا تخرب على منال وريلها حرام



ويالله بعرف شبصير على ساره وحسين

ان شاء الله أكمل
تابعيني

 

[استبرق أم علاوي]

يعطجيج الف عافية قصتج روووووووووووووووووووعة لاتطولين عليننا نااااااطرييييييينج ام علاوي

مرورج الاروع


ان شاء الله ما اطول

 

[استبرق أم علاوي]

ناطرييييييييينج استبرق

ان شاء الله اكملها

بس مادري متى باجر ولا اللي عقبه :eh_s(22):

 

[warood]

La2 3afya istabra8 7beebti plllllllzz Kitbay shay il youm mu t5alyna bachr 3afyaaa!!! Na6ryynich 7yatii mu 6awlyn 3alaina binte'9arich

 

[» miss♥f6oum «]

الباااارت ينن ويعطيج العافيه قلبي

و بليز بليييز بلييز نزلي باارت اذا قدرتي لانه روايتج حدهاا موصج وتشوق ناااطريينج أم علااوي

see U

 

[فوز وفواز]

ام علاوي يالغالية لاتطوليييييييييييين عليينناغ ناطريييييييييييييييينج روايتج حلوة بليز لاتطولين :yaaaaaarb:​

 

[استبرق أم علاوي]

السلام عليكم

بنات اليوم عطله شمقعدكم بالبيت طلعوا استانسوا
تره الامتحانات على الابواب :d

ان شاء الله اليوم انزل بارت

 

[فوز وفواز]

ام علاوي يالغالية ناطرينج بس شكله راحت عيج نومة لووووووووووووووووووول

 

[استبرق أم علاوي]

السعوديه - الشقق المفروشه - الساعه 2 الفجر


قاعده أفكر باللي اليوم صار مع ام بدر وابتسامو - ماراح اطوفلها اللي سوته - مو قادره انام الكل كان نايم -لبست جاكيت على البجامه وحطيت الشيله على راسي ونزلت تحت كان هدوء والكل نايم طلعت بره كان في حديقه صغيره يم العماره لازقه فيها - رحتلها وانا اتمشى شوي شوي ومنزله راسي واطقطق بالموبايل

حسين : شتسوين هل حزه

ساره << التفتت مخترعه : بسم الله منو - حسين واااي خرعتني

حسين : اسف شتسوين بهل ليل بره


حسين كان قاعد وحاط الابتوب واللي لاحظته على الشاشه هم مخطط هندسي لبيت

ساره : ماياني نوم قلت بتمشى شويحسين : اها بس دير بالج ولا تباعدين

ساره : ان شاء الله

رديت اتمشى وانا حدي منحرجه كان ودي ارجع بس مو حلوه الحركه كأني راده لاني شفته
شفت كرسي طوييييل آخر الحديقه رحت قعدت عليه وانا العب بالموبايل وكل شوي ارفع راسي اشوف اذا حسين قاعد ولا راح
شوي ولا حسين يسكر لابتوبه ويقوم قمت اراقبه عشان اذا بيروح انا اقوم لانه المكان شبه اظلم وخااالي
شفته ياي صوبي قلت بنفسي هذا شفي ياي شيبي - قرب اكثر سويت نفسي العب بتيلفون وكل شوي ارفع راسي اطالع ريله تقرب - رفعت راسي كأني متفاجأه

حسين : ممكن سؤال ؟

ساره << متعجبه : تفضل اسأل

حسين << يقعد بطرف الكرسي : دام فضلج - ممكن اعرف شنو صار عقب ماصعدتو فوق بعد الهوشه ؟

ساره : ماصار شي كل واحد دخل غرفته

حسين : يعني البنت ماقالت عني شي بعد ؟

ساره : لأ والله انا دخلت الغرفه مع ام بدر ما ادري شنو صار بره - وجنه ابتسام دخلت غرفتها بعد

حسين << نزل راسه : الظاهر الكل مفكر بشي غلط بيني وبين ابتسام

ساره : لا بالعكس قصدك الكل يدري شنو ابتسام وشنو تبي توصله لانه مو بس معاك حتن واحد من الشباب

حسين : بعد - ماشاء الله ونعم التربيه

ساره : أممممم بقيت أسأل _ هذيلا وين اهلهم

حسين : والله اللي عرفته من يوسف انه وحده منهم مع امها والثانيه رفيجتها

ساره : امها ؟! اي وحده ؟

حسين : ما عرفتها بس يقول المره الكبيره

ساره : اي شفت وحده كبيره الظاهر هذي ام ايمان ...

حسين << وقف : يالله دخلي والا بتقعدين بروحج

ساره : لا الحين بدخل

مشى حسين قبلي - ماخلاني اكمل كلامي قاطعني - يعني شنو سمع اللي يبيه مني وراح - الصراحه هذا واحد مايستحي
سألني ولمن خلص دقرني لمن سألته - الشرها علي انا اللي عطيته ويه
صعدت فوق ونمت وانا محتره حتن حلمت حلم يخرع واكثر من مره فزيت

--------------------------------------------------

قعت الصبح على صياح بنت ام بدر - والشقه كانت لويه وبره كان ازعاج الظاهر انا آخر وحده قعدت

ساره << تتمقط: ام بدر الساعه جم؟

ام بدر : صح النوم - الساعه 5:30 والباص بيمشي 6

ساره << تنقز : ويييي ليش ماقعدتوني

ام بدر : والله شكلج يكسر الخاطر وانتي نايمه امبين عليج التعب

ساره << متخصره : وشكلي مايكسر الخاطر اذا القايد سمعني جم كلمه

ام بدر : لو الحين متحركه جان خلصتي

رحت بسرعه غسلت ويهيي ولبست وحطيت بجامتي بالجنطه وكنت بتريق بس مالقيت شي آكله والكل نزل الباص حتن ام بدر
وانا بطلع شفت ابتسام لابسه بجامتها الضيجه وفاله شعرها لي حد جتفها صابغته أشقر كان شكلها حيل حلو وكانت تتمشى بصالة شقتهم وفاتحه الباب صعد حسين وواحد من الشباب بيجيكون على الجناط اذا نزلوهم كلهم وبيشوفون منو مانزل بعد
وانا ماودي حسين يشوف ابتسام بهل شزكل ووبدون حجاب - ماادري ليش احس اني محتره وودي انتفها

ساره : حسين جنطتي

حسين : خلصتي من جنطتج انزلها

ساره : اي خلاص مابقى جناط

رد حسين التفت صوب شقتهم بيجيك اول مره ما استوعب

حسين : هذي جناط منو خلصتو منهم ولا لا؟

ابتسام : جناطنا انا ماخلصت من جنطتي

حسين التفت وشافها وطقته البوهه وجنه ارتبك وقام يتلفت

حسين : يالله متى تخلصين نزلنا كل الجناط وبعد ربع ساعه لازم نمشي

ابتسام : خمس دقايق واكون خالصه ومايحتاج انت تزلها في اللي ينزلها لي

حسين كان لاهي بالجناط ويشيل ويحط فيهم - حقرها وخذه الجناط ونزل وانا مت قهر لمن شفته ارتبك حسيت انها عجبته
- اوووو انا شكو فيهم - وانا نازله خزيت ابتسام وطالعتها من فوق لي تحت ونزلت

شفت طيبه بنت ام بدر تبجي واتطق امها

ساره : شفيها بنتج عسى ماشر

ام بدر : معصبه انه فصختها بجامتها تبيها

ساره :طيبوبه ياحلوه تبين بجابتج

طيبه : اي
(طيبه عمرها 4 سنين حلوه ومتبتبه ووايد لازقه بأمها)

ساره : تعالي معاي اعطيج اياها

ام بدر : شنو بتسوين ؟

ساره : الحين بتشوفين

رحت بقول حق الصبي اللي واقف يم الجناط ويدخلهم انه ابي جنطة ام بدر بس شفت ابتسام يايه ووراها هالخروف الصبي اللي كلمها عن جنطتها هم شايل جنطتها بيحطها بالباص فقررت اني احرها رحت حق حسين وانا شايله طيبه وساسرتها انه هذا عنده جنطتج - نزلت طيبه من عندي وراحت حق حسين وهوا كان واقف يم باب الباص يحيب اللي يصعدون

طيبه : عمي ابي جنطه

حسين : نعم عمي أي جنطه؟

حسين شافني معاها وطالعني بنظره انه شنو تبي طيبه

ساره : بقينا جنطة ام بدر

كنت اكلم حسين وفجأه مرت ابتسام وحسين قعد يخز فيه الي صعدت

ساره : اكلمك انا

حسين : هلا آمري

شلت طيبه ومشيت وحسيت جسمي صار حار من الحره طيبه عصبت وقامت تصارخ بصوت عالي وترافس

طيبه : ابييييييييييييي شنطتييييييي

ساره : حبيتي اعطيج اياها نطري

طيبه : مابي مابي مامااااااااااااا

حسين ناداني وخذه طيبه

حسين : شنو تبين اي جنطه ؟

طيبه : شنطتي اللي فيها بجامتي

راح حسين وطلع جنطت ام بدر وخلى طيبه اتطلع بجامتها ورد الجنطه مكانها

طيبه <<تبوس حسين: انا أحبك

حسين : ههههههه وانا بعد احبج انتي شسمج؟

طيبه : طيوبه

حسين : والنعم أحلى أسم

يوسف : يلا الكل يركب الباص بنحرك الحين

صعنا الباص ولا الاماكن متغيره كل واحد خذه مكان ثاني وام بدر كان لها 3 كراسي حقها وحق بناتها بس خلت طيبه بحظنها والكرسي اللي يمها بنتها الثانيه عايشه والكرسيين الثانيين واحد حق بنتها والثاني خالي وقالتلي اقعد مكانها وراح يصير يمي خالي جهت الدريشه ابتسام كانت واقفه تنطر حسين يقعد عشان تعرف وين مكانه وتصير حواليه وايمان يمها - صعد حسين وصارت ابتسام في ويها نزل راسه وهوا يحكه قام كل مايشوفها يرتبك وهل شي يحرق دمي ما ادري ليش - وطلع مكانه قبال ام بدر على الطرف يم واحد من الشباب
.
.
.
. يتبع

 

[استبرق أم علاوي]

توقعاتكم يابنات


وانتظرو البارت الياي هللله هالله بالردود

 

[استبرق أم علاوي]

فوز
لوووووووووووول
الا سهرانه عشان انزل ابارت قاعده اكتبه

 

[فوز وفواز]

يعطييج الف عافية من اليوم وانا انطرج ماقصرتي بس ياريت تطولين البارت اكثر قصتج حلوة وممتعة وايد ماينشبع منها

 

[مشتاقة الى الله]

اووووف من مكائد البنات
هذي إبتسام يبدو انها مو هينة
الله يستر منها
وننطر التكملة​

 

[غمـــ ^^ ـــازه]

امبييي شكله حسين ين على ابتسام لووووووووووووول

اتوقع انه بيصير شي بينهم

يعطيج العافيه عالباارت اينن:**

 

[النجاح هدفي]

وااااااااااااااااااااااااي
شوقتينا للقصة يا ام علاوي
بس عادي كل شي يهون دام ام علاوي موجودة

 

[» miss♥f6oum «]

الباااااارت ينن حدااا روعه

نااطرينج

 

[استبرق أم علاوي]

يعطييج الف عافية من اليوم وانا انطرج ماقصرتي بس ياريت تطولين البارت اكثر قصتج حلوة وممتعة وايد ماينشبع منها

الله يعافيج
ان شاء الله احاول اطول البارتات اليايه :hjy5jewf: