:: ًََقــٌســـًَــمه ونصـــًَيــــــب ًًََ::

[miss 3yara]

اي لاتطولين


انتي متى تخلصين امتحانات ؟

 

[miss 3yara]

لا تطولين بليز

 

[miss 3yara]

وااااااااااااااااايد طولتي

 

[ريوف2]

Na6reench

 

[::كسرة عود::]

حييييييييييييييل طولتي..

الله يعافيج كمليها بسرعه""

 

[miss 3yara]

واااااااايد طولتي والحين احنا عطلنا يالله كملي

 

[Bq]

صارت العطله يالله عاد كمليها

 

[miss 3yara]

صارت العطله وانتي قلتي بتكملينها وينج وااااااااااااايد طولتي

 

[ريوف2]

يالله كملي

 

[om lamaar]

روااااايتج رووووعه .... بس واايد طولتي انا حاسه فيج لأني مريت بالهمرحله والله يوفقج يااااااااااااااااااااااااااااااااااااااااااااااااااااارب
وتقبلي مروري

 

[::كسرة عود::]

up




up

 

[om lamaar]

up
up
up
up
up
up
up

 

[سمي الضبي]

قوة حبــايـــبي شلونكم انشالله تمام اول شي باركولي ناجحه ثاني شي عندي لكم مفاجأه

 

[سمي الضبي]

مها ومرام كانو قاعدين بالصاله يتريقون مع امهم وام فهد وام عبدالله
مرام : خالتي دلال وين دانه ؟؟
ام عبدالله : نايمه بسابع نومه ومراح تقوم الا العصر اعرفها
مرام : هذا قبل لكن الحين انا اللي بخليها تقوم من صباح الله خيير
مرام قامت من السفرة علشان تقعد دانه من النوم واهيه رايحه الدري واجهت لولوة واهيه نازله
مرام : صباح الخير لولوة تو ما نور لامكان
لولوة : صباح النور حبيبيتي (( وصدت عنها بسرعه))
مرام استغربت من تصرفات لولوة اللي من الصبح نفسيه لكن مااهتمت وكملت طريجها
لولوة توها داشه على الحريم ومبين عليها التعب : السلام (( تبوس راس امها )) صباح الخير
ام فهد : صباح النور!! يمه بنتي شفيج تعبانه ؟ مو نايمه ؟
لولوة حاولت تغير الموضوع : انا !! شبعانه نوم .... مها وصليلي الخبز (( كانت اطالع الخبز اما مها كانت حاسه ناه لولوة فيها شي وما سمعت لولوة )) مها ؟؟ (( مها استوعبت )) الخبز !!
مها عطتها الخبز وكانت خالصه ريوقها: الحمدالله يما انا بغرفتي اذا تبين شي ناديني
ام خالد : انشالله ....وانتي طالعه فوق قومي لعيال وعمانج يتريقون معانا وخنت حيلي خالد مو ماكل شي من اول ما وصل قومي اول واحد
لولوة من اسمعت اسمه قامت من الطاوله والكل استغرب
ام فهد : لولوة شفيج ؟؟
لولوة :أأأ لا بس شبعت ومالي نفس اكل بعد (( وراحت عنهم ))
هني مها تأكدت انه لولوة فيها شي وراحت الحقتها لغرفتها طقت الباب
لولوة : منو ؟؟
مها : هذي انا أبيج بموضوع
لولوة : مها ميخالف خليها بعدين راسي يعورني
مها : واذا قلتلج ماراح اتحرك من مكاني لين تبطلين الباب
لولوة استسلمت لها وبطلت الباب لكن مها انصدمت من اللي شافته بلولوة عيونها حمر من البجي ويها اصفر مو نايمه وتعبانه
مها : لولوة عسى ماشر ؟شفيج؟؟
لولوة سكرت الباب وراحت تبجي بحظن مها ومها ما تدري شسالفه للحين

**********************************

خالد : صباح الخير
ام خالد: صباح النور والنوير تعال تريق وين لعيال وابوك؟؟
خالد: سالم وعبدالله وراي وفهد نايم لانه سهران من امس .....وين البنات؟؟ (( يقصد لولوة))
ام فهد : مرام ومها ولولوة تريقو(( تحسف ليش انه ما قام مبجر وشافها ))
واحنا اهني ننطركم

نزل بوخالد وبو عبدالله وبو فهد مع لعيال وتريقو ... وبعد ما تريقو راحو فرشو لهم حصيرة وسوو لهم قعدة بالحديقه .... طبعا ضحك سوالف ونكت اما فهداالي قام من اصوتهم وطل من الدريشه ويضحك

*******************************
مها : حبيبتي لولوة شفيج اسم الله عليج
لولوة (( تبجي )) : انا تعبت ... والله تعبت مو قادرة اتحمل اكثر من جذي (( تزيد من بجيتها ))
مها : أي فهميني عشان اعرف شسالفه ؟؟
((لولوة تحاول تهدي نفسها عشان تفهم مها السالفه))
لولوة : امس....خالد كان هني (( تقصد غرفتها ))
مها حاطه ايدها على قلبها: شــــنـــو !!!!! شقصدج؟!؟!؟
لولوة: لا مها لا تفهميني غلط كان هني مع فوزيه بروحهم
مها تفكيرها كله يروح بعيد: أي وبعدين ؟؟
لولوة :خالد قالي خليج برة وظل يكلها ويراضيها وانا برة (( تمسك بجيتها )) سمعت فوزيه تقول حق خالد ابي امي سارة قلت بيني وبين نفسي مستحيل ينساها دام عياله يذكرونه فيها
مها تلم لولوة وتحاول تواسيها وتفهمها : يا لولوة ويا بعد عمري انتي تدرين انه خالد تزوج سارة لانه يحبها وتبينه ينسها ؟؟ تبيني اقولج شنو سالفه سارة ومن وين تعرف عليها ومن طلعت علشان تحطين ببالج انه خالد يحبها ويموت فيها
لولوة :افهم من كلامج انج تعرفينها!؟!
مها : أي اعرفها لانها كانت اعز رفيجه عندي بس ما كنت ادري اناها ما خذته لانها كانت ادق من فترة لي فترة وبس
لولوة : الله يخليج مها لا تخشين عني شي

*********************************
فهد : صباح الخير ...
عبدالله : أي صباح خير الناس العصر وانت ب الخير المفروض تقول مساء الخير
ريم : هذا فهد ما تغير كالعادةيقوم من النوم متاخر ويقول صباح الخير
عبدالله ( يحرش): باجر لا خذيتج مو تيرين مثل اخوج تقومين متاخر .... عشان بلعقال ..(( يسوي روحه عصبي من الحين ))
بوفهد:كفو والله ... أي احنا ما عندنا دلع بنات
ريم: يباااااا ابيك لي عوون صرت لي فرعون
سالم واهوة يطالع مرام : الحريم ما يمشون الا بالعين الحمراا" مرام ما عطته وجه "
بو فهد: لالا اانا ما ارضى على بنتي
عبدالله : الحين كيفك ترضى ما ترضى لكن باجر بتكون على ذمتي وحلالي ومحد له دخل فينا
ريم: بهذي انا معاك لكن اطقني ما تقدر
عبدالله : وليش انشالله
ريم : ادري قلبك ما راح يطاوعك انك اطقني
عبدالله يتنهد: ياربي شسوي بروحي ...... اذبح عمري انا
ريم: اسم الله عليك وليش تذبح عمرك
عبدالله يطالعها وبنظرات رومانسيه : أحبج (( ريم انفجرت من الحيا))
خالد: انتو هي هي سووها قيس وليلى هناك مو عندنا
بو عبدالله: الله يخليكم لبعض انشالله ويرزقكم بأحفادي
الكل : أميين
فوزيه : يبا ابي العب كرة قدم
خالد: كرة قدم !!! تعرفين تلعبين ؟!
فوزيه : أي اعرف لولوة علمتني 
خالد بينه وبين نفسه (( الله يا لولوة حتى كرة القدم تعرفينها ... ودي اعرف عنج كل صغيرة وجبيرة وشنو تحبين وشنو تكرهين ))
فوزيه : يباااا يلااااا
خالد: يلا اروح اشوف حمني وينخ علشان نلعب مع بعض
قام خالد ودخل البيت يبي يروح يقوم عبدالرحمن من النوم توجه لغرفته وطريج غرفته يخليه يطوف على غرفه لولوة.... خالد سمع صوت بجي من غرفه لولوة والفضول خلا يسمع

مها :وجذي تعرفو على بعض و......
لولوة : بس خلاص تكفين لا تكملين ...
مها : لازم اقولج انا مو حابه اضايقج ولا حابه اجرحج لكن حبيت اعطيج فكرة عن علاقتهم علشان تعرفين انه خالد شكثر يحب سارة
خالد من سمع اسمه واسم سارو على لسان مها وكانت تكلم لولوة (( انا !! انا وسارة !!))
لولوة : اذا خالد يحبها قد حبات الرمل ..... ((تبجي))انا احبه اكثر من نفسي واحبه كثر البحر اللي ماله حدود (( تجهش)) مها احبه وربي احبه ... والله كلما افكر فيه او افكر انه ياخذني اشيل الفكرة من بالي على طول لانه ان قاعدة اعيش نفسي الام ورديه ولأني ادري ...... ادري انه ما نساها للحين ... ومستحيل ينساها ....

خالد مو قادر يتكلم من الصدمه مو قارد يصدق اللي يسمعه من لولوة وما قدر يتحرك من مكانه وظل يفكر بتصرفات لولوة لما نزل وشافها مو على بعضها وفعلا عرف من تصرفاتها انها تحبه (( لكن عقب شنو ياخالد البنت مجروحه منك))

****************************
منال والبنات كانو قاعدين بالحديقه مع اهلهم لكن بحصيرة بروح فوزيه قاعده بحضن مرام
فوزيه : وين ابوي ابي العب كرة
مرام : قال بيروح يقعد حمني ويرد علشان تلعبون مع بعض
فوزيه : خلاص انا بروح عند لولوة علشان تلعب معانا بعد " فوزيه ماعطت مرام مجال انها تتكلم قامت من حضنها ركض داخل البيت
مرام : يالله من هالبنت
دانه : تبي تستانس خليها ...... واااي مو خوش عمه
مرام : خليج ساكته باجر بنشوف العمه دانه مع عيال عبدالله
منال : بسج انتي وياها ماعندكم سالفه

******************************
فوزيه عند باب لولوة "طق طق طق "
لولوة : منو ؟؟
فوزيه : لولوة تعالي الحديقه معانا
لولوة بطلت الباب : هلا حبيبتي ... تبيني اروح الحديقه ؟؟ بعدين انا الحين تعبانه اوكي
فوزيه تمد بوزها(( زعلانه )) ولولوة كانت واقفه عند الباب لكن داخل الغرفه فوزيه حست بحركه بآخر الممر التفتت يمينها وللحين ماده بوزها والشخص هذا كل ماله ويقرب ولما قرب عندها
خالد : حبيبتي شفيج زعلانه ؟
لولوة من اسمعت صوته انتفضت من مكانها وللحين اطالع تحت لانها كانت بمستوى فوزيه وخالد قبالها لكن ورى فوزيه
فوزيه: لولوة ماتبي تلعب معانا
حمني : ماما لولوة تعالي العبي معانا
لولوة ظلت ساكته واطالع تحت ..... مها طلت من ورى الباب
مها : خلاص حبايبي دقايق ونازلين علشان نلعب كللنا
فوزيه : يلا بسرعه 

خالد لاحظ توتر لولوة وحب يخفف عنها شوي : لولوة ...(( اطالعه )) يلاراح نبدي المباراه مو تتأخرون ..( ما تكلم الا ويبيها ترد عليه ) اوكي ؟؟
لولوة :.............انشالله
خالد خذى فوزيه وحمني ونزلو تحت للحديقه وبدو اللعب وكان خالد وحمني وسالم وبو فهد وفهد ومنال وريم فريق اما الفريق الثاني كان عبدالله و ومرام وفوزيه ودانه وبو عبدالله ناقصهم اثنين لولوة ومها نزلو وكملو لعب معاهم اما الامهات وبو خالد قاعدين ويتفرجون
**الفريق 1 **
سالم الحارس
ريم و فهد دفاع
منال وبو فهد الوسط
خالد وحمني الهجوم

الفريق 2
دانه الحارس
مها وبو عبدالله دفاع
لولوة و فوزيه وسط
مرام وعبدالله هجووم

 

[سمي الضبي]

سمعو صفارة البدايه من خالد بأيده

فهد : يبا اخذ
بو فهد : منال منال عطيها خالد
منال تركض عند خالد وتعطيه الكرة خالد خالد وحمني يتبادلون الكرة مع بعض مرام وعبدالله يركضون صوب خالد علشان ما يهجم لمرماهم خالد عدى مرام وعبدالله وراح الوسط اللي فيه لولوة لكن لولوة ما تحركت من مكانها من الحيا خالد شافها وابتسم لها وحب يستغل الفرصه
خالد : منااااال
منال اللي كانت ورى لولوة خذت الكرة ولولوة للحينها بمكانها اما دانه اللي صدت الكرة وماخلتهم يحصلون هدف ....صارت الكرة بايد الفريق الثاني وكانت مع لولوة اللي حركتها طووول الوقت كانت بطيئه عطت الكرة لفوزيه وفوزيه عدت مهاجمين فريقها اللي اهمه مرام وعبداالله وراحت عند ابوها
خالد : حبيبتي عطيني الكرة راح اعطيج هديه
عبدالله: فوزيه لا تسمعين كلامه بعدين يفوز علينا
فوزيه محتارة واهيه واقفه بمكانها فوزيه حطت عينها على لولوة خالد شاف لولوة واهيه تغمز حق فوزيه بس ما فهم شسالفه فوزيه استسلمت وقربت عند خالد علشان تعطيه الكرة واللي بفريقها الكل يصاارخ
.......: لاااااا كملي كملي
......: لا تعطينه يقص عليج
فوزيه كانت بتعطيه ابوها باص لما شافت ابوها مقرب عندها حييل وبحركه سريعه عدت ابوها والوسط والدفاع وسجلت هدف وراحت عند لولوة وطقو بعض ايد بأيد ولولوة تلمها الكل اللي بفريق لولوة استغرب
فوزيه : شرايكم بخطتنا ؟!!!
خالد حط عينه على لولوة وقرر ينتقم ابتسملها ابتسامه الشر
لولوة من بعيدد حست انه بيسوي شي (( تنبههم(( :يا شباب دير بالكم ناوين على شر
بعد ما خططو فريق خالد شراح ييسوون كملو لعب وكانت الكرة عند فهد ومررها لخالد ووبعدها ريم سبقت خالد على اساس يعطيها الكرة من ورى مهاجمين الفريق الثاني ريم راحت ورى مرام وحمني راح ورى عبدالله خالد مرر الكرة على ريم وريم حاولت انها تعدي مرام لكن سمعت صوت عبدالله
عبدالله : مرام مرام تعالي مكاني انا اعرف شلون اتفاهم معاها
ريم اطالعه وتبتسم لكن ممررت الكرة لحمني واهني بدت الخطه ركض حمني بأقوى ما عنده وريم معاه ولما وصل عند لولوة حمني طااح على الأرض
حمني : آآآآآآآآآآآآآآآآآآآآآي رجيلي يباااا
لولوة راحت عنده : اسم اله عليك شفييك
وما وعت الا
.........: دااااانه صديهااا
لولوة اتلتفتت وشافت هجوم ريم لمرماهم ولكن دانه صدتها
دانه واهي ما سكه الكرة :حبايبي خططكم ما تمشي علينا
حمني : هههههههههههههههههههههههههه اقص عليج
لولوة اتدلدغه ببطنه : تقص علي هاا (( التفتت لخالد وخالد أشر بأيده حركة المسدس ويغمز لها لولوة انحرجت من الحركه ونزلت راسها وكملو اللعب وكان الهجوم الأخير من عند مراام اللي عدت الهجوم والوسط والدفاع وواجهت الحارس اللي هو "سالم "
سالم : محد يقدر يهز مرماي
مرام : متأكد؟
سالم يبتسم لها ويرفع الحاجب اليمين مرام ارسلت له بوسه من بعيد لين ضيعته وخلته مايعرف السما من الارض وشاتت الكرة وسجلو هدف
مرام : حبيبي محد يقدر يفوز علي انا او يقص علي انا
فاز فريق عبدالله 2-0 بعد اللعب الكل راح عند الحصيرة وقطة ثقلهم عليها اللي تعبان واللي دايخ من اللعب هذا فريق خالد اما فريق عبدالله صارو يدورون بالحديقه كلها من الوناسه وعبدالله شايل فوزيه بجتفه عبدالله وفريقه راحو لهم
مها : يلا نبي منكم اطلعونا احلى مكان
خالد يلهث : لا.... احنا ما .. اتفقنا..... على جذيه
ريم : أي والله ما قلتو الل ييفوز له مقابل
لكن فهد ما سكت حس يسكوت لولوة من جم يوم : لولوة !!
لولوة : هلا
فهد : انتي شنو تبين ..... نشتري لكم هدايا ولا نطلعكم ؟
لولوة استغربت من سؤال فهد : ما دري انتو شرايكم ؟
فهد : لولوة انا سالتج وابيج انتي اللي تردين علي
لولوة تفشلت من رد فهد لها ولاحظت انه خالد ما شال عينه منها
لولوة: أأأأ خلاص تعال اقولك علشان انا بعد ابي أفاجأهم
راحو على صووب وكلمته
فهد يكلم اللي قاعدين : انا ماشي تامرون على شي ؟
خالد : على وين ؟
فهد يطالع لولوة : أوامرها
الكل يفكر ويخمن لولوة شنو قالت لفهد ...؟؟؟؟


*****************************

طلال توة داش البيت : السلام عليكم
ام طلال : وعليكم السلام !! وينك ليش تأخرت ؟؟
طلال : والله ماكو قاعد بمكتبي اشوف المعاملات وللحين ما خلصتها
ام طلال : الله يكون بعونك .. المعاملات ومشيناها دق قول يمه بتأخر مو تخليني احاتي
طلال: يمه لا تحاتين كاني جدامج وما فيني شي وانشالله اوعدج انه هذي اخر مرة والمرة الثانيه بدق وبطمنج
ام طلال : تغديت ؟
طلال يقط ثقله على الغنفه: لا ومو مشتهي
ام طلال : يمه قولي فيك شي ؟
طلال يطالع امه وشاف نظرات القلق بعينها وحب يقول كل اللي بقلبه
طلال : يماا... لقيتيلي مرا ؟؟
ام طلال استغربت من سؤال ولدها لكن افهمته : يا يمه يا حبيبي انت عبالك اني نسيت هالمووع والله اني منعرس لي عرس حتى لعروس اللي ما اعرفها اروحلها بس ما لقيت اللي انته تبيها
طلال: اها يما تكفين عجلي ابي اشوف عيالي قبل لا امووت
ام طلال حز بخاطرها على كلام ولدها جنه الموضوع بيدها سكتت فترة وطلال حس فيها رد يطالعها لقاها خاشه وجهها بأيدها (( تبجي))
قام وباس راسها وقعد جمبها ويلمها : يما والله مو قصدي ازعلج ولا شي بس من متى واحنا على السالفه
ام طلال ما ردت عليه وظلت تبجي وطلال يحاول يواسيها

" طــــــــــلال"

طلال شخص حبوب وقلبه طيب مايحب يزعل احد ولا يحب يشوف احد زعلان وعمرة 26 هو ويا خالد ربع من ايام الجامعه وميت على الزواج ووقت الجد جد والضحك والوناسه بوقته شخصيته قويه يفرض هيبته لما يعصب كلمته وحده وماتنعاد وينطبق عليه مثل " كلام الملوك لا يعاد " وابيكم تحطون على كلمه ملوك الف خط لانه اهوة فعلا ملك .... ملك بكل شي .....ملك الاخلاق ....ملك جمال ..... ملك شجاعه ... ملك الشخصيه


**************************

ام خالد : بو خالد؟
بو خالد: عيون بو خالد
ام خالد تسلملي عيونك .....باجر ابي اطبخلكم الغدا شنو حاب تاكل ؟
بو خالد: لالا مابي اتعبج بعدين انا مشتاقلج وابيج جمبي طول الوقت
ام خالد: لا قولي شنو تبي ودي اطبخ
بو خالد: أأأأ أبي امممممم ودي بمرقوقه
ام خالد تأشر من عيني هذي قبل هذي
**********************************
مها كانت قاعدة مع لولوة وريم ومنال بالصاله
ريم : بناااات ما بقى شي على عرسي 
منال : اللي يسمعجج يقول راح تطلعين من البيت
لولوة : الله يخليكم حق بعض انشالله ... ولا يحرمكم من شوفه بعض
ريم ( طالعه من قلب ): آمــــيــن..... والفال لكم انشالله ... من اكبركم لي اصغركم

سمعو تنحنح عند الباب اللي تعدلت واللي البست لفتها
خالد: منال؟
منال : هلا خالد تعال حياك مافي احد غريب
خالد دش عليهم بطل التلفزيون وقعد
مها : ليش ما تروح غرفتك عندك تلفزيون
خالد للحين عيونه على التلفزيون : تلفزيوني خربان.......ليش مثقل عليكم
لولوة بدون ما تحس بنفسها : لا بالعكس
خالد التفت لها وانحرج من ردها لكن مها
مها : يعني
خالد عطاها نظرات ليش انه احرجته جدام البنات
خالد: ماشي أخليكم
مها حست انه كلامها يجرح لكن ما كان قصدها انها تجرحه
مها : خالد لحظه تعااال والله مو قصدي(( لحقته )) خالد ....خالد
خالد ما رد عليها وطلع من البيت
مها ردت للبنات وكانت زعلانه من نفسها ولولوة كانت معصبه من رد مها لخالد
ريم : ميخالف باجر حاولي تكلمينه وراضييه
مها ك انتي ما تعرفين خالد لا زعل يحط بقلبه حتى لو راضيته وخصوصا مثل هالموقف
منال : أي ليش قلتي جذيه ؟
مها : يعني قاصدتها ؟ والله مو قصدي احرجه ولا اجرحه
مها ما قدرت تنام وخايفه على خالد ليش طلع من البيت ومارد
اما خالد اللي كان عند ربعه بالدوانيه ومومفكر بالموضوع كلش صج انه زعل عليها وماخذ بخاطرة لكن حب ينسى السالفه ويستانس شوي

*************************
حبايبي ابي توقعاتكم ولا تحرموني من ردودكم وانشالله يعجبكم هالبارت

 

[ريوف2]

اول شي ابي اباركلج على النجاح.. انشاله دوم ناجحة
ثاني شي وناااااااااااسة صار لي مدة انطر التكملة..:eh_s(9):
الصراحة الجزء اليديد وايد حلو بس المشكلة انه خلاني اتشوق اكثر وافكر باللي راح يصير :gr4uu:
مــشكورة على تعبج معانا وترى ناطرين التكملة.._03BA:
بلييييييييييييييييييييييييييييييز لاتطولين

 

[::كسرة عود::]

مبروووووووووووك النجاح...

حلو البارت بس الله يعافيج لا تطولين بالبارت الجاي..

ويعطيج العافية...​

 

[Barbary]

مبروك النجاح

تسلمين قلبوا

 

[om lamaar]

مبروووووووووووووك النجاح وعقبال التخرج
بس لا تطولين علينااا بليييييييييز لأن القصه مشوقه و ممتعه جداا <<<<<< قلبت نحوي ههههه

 

[سمي الضبي]

الله يبك فيكم حبايبي وشاكرت لكم مروركم واوعدكم ما راح اطول انشالله