يوميــات حملــة العنايــة بالجمــال

[رومي]

السلام عليكم
عنايتي نفس امس

جسمي حطيت خلطه دوف وقبل شوي غسلته. جلس علي 5ساعات. احس انها تنظف حييل

وبعد الشاور دهنت جسمي زيت لوز حلو. ووجهي غسلته صابونه لوش. وبعده كريم ديكسيبان طبي
وشعري مشطته وحطيت مرطب طبي. فرنسي

وبث

اعذروني تاخرت لاني نمت. وبنوتتي صحتني. يعني مافيه نوم الا بعد صلاة الفجر. ههههه


واشوفكم بكره ان شاء الله

 

[- Shouq -]

عنايتي اليوم:

للاسف يتني الدورة قبل موعدها بيومين بس اضطريت اتسبح لاني كنت نايم بخلطة السدر وخلط الجرجير والصبار وللامانة بنات لمعة شعري صايرة تينن مو طبيعية بس التساقط للحين ماخف يمكن يبيل وقت اكثر

اللي سويتة اليوم اني اول ماقمت رحت الحمام وغسلت شعري وليفت جسمي تحت الماي بالصابونة المغربية الخشنة وتصدقون طلع جلد ميت!! استانست حدي هههههههه

بعدهاحطيت كريم فاتيكا ربع ساعة وبهذي الربع ساعة غسلت ويهي بصابونيتي الخاصة وفركت جسمي بصابونيتي العجيبة و حطيت ماسك الحليب والليمون والعسل على ويهي بعدين غسلتهم ودهنت جسمي باللوشن اللي مسويته ورشيت على ويهي خلطة ماي الورد مع الجلسرين.

الحين قبل ما انام بحط اللون مر ثاني وبدهن ويهي بخلطة كريمات التقشير وبحط خلط الرموش والحواجب و بحط خلط الجلسرين والفازلين والفكس على شفايفي وريولي وايديني وبلبس دلاغات.. للحين ما يبت الدسوس

 

[- Shouq -]

انا صابونيتي مالت الويه مكوناتها:

صابونة Maxi Peel وصابونة الكبريت وصابونة ترانس 2000 و البابايا وجلسرين وزيت الليمون وغسول يوكو للويه بالحليب وصابونية باب اليمن

تنصحوني ازيد عليها شي؟؟؟

على فكرة انا مرة بالأسبوع استعمل على ويهي صابونية الجسم فيها واااااايد مكونات وسنفر ة وبصير استعمل سنفرة اولاي اليومية

 

[- Shouq -]

بالنسب حق فير اند لوفلي انا شفت بعيوني نتايج على وحدة رفيجتي.. صج صار ويها صافي وناوية استعملة بس كسلت اروح اليوم اييبه

 

[رومي]

بنات هذا فيديو رووعه

انا مشتركه بقناتها واسمها اسأل مجرب

هذا فيديو عن ماسك الرز. صراحه عجبني واكيد بيعجبكم وبجربه بكره ان شاء الله

http://m.youtube.com/watch?feature=related&v=A72TZN7FSp4

تصبحون على خير

 

[- Shouq -]

رومي مشكوووووووووووور انا بعد بجربه

 

[- Shouq -]

انا صابونيتي مالت الويه مكوناتها:

صابونة maxi peel وصابونة الكبريت وصابونة ترانس 2000 و البابايا وجلسرين وزيت الليمون وغسول يوكو للويه بالحليب وصابونية باب اليمن

تنصحوني ازيد عليها شي؟؟؟

على فكرة انا مرة بالأسبوع استعمل على ويهي صابونية الجسم فيها واااااايد مكونات وسنفر ة وبصير استعمل سنفرة اولاي اليومية

نسيت بعد صابونة العسل

 

[- Shouq -]

يلا بنات تايم تو سليب ناو تصبحون على خير

 

[Rock N Roll]

امس ما كتبت عنايتي لهيت ومامداني ادش

سويت تمارين كيم واستعملت غسول نيفيا وايت ومقشر المشمش وماسك تصفيه وتفتيح من origin

سويت بخار واستعملت صابونه البابايا وسنفره كاب والخلطه الصابونيه

دهنت جسمي بلوشن الشيا ورشرشت من عطري ونمت

 

[يعني كذا!]

امس مادخلت كنت مشغوله حدي اليوم تروشت بصابونة الطاوس لجسمي عالسريع رطبت جسمي بلوشن فازلين موحد والركب والكوع خلطة كرتوزن. البطن مقشر اكرتن الفيس غسول مشغوله بسب البحث الله يعيناخلصه وافتك. سلام حبايبي.

 

[ھدۅۅۅۅۅۅء]

بالنسب حق فير اند لوفلي انا شفت بعيوني نتايج على وحدة رفيجتي.. صج صار ويها صافي وناوية استعملة بس كسلت اروح اليوم اييبه

عيوني آختي صآر لهآ تستخدمه من آكثر من 3 آشهر
ومآ آحس تغير شي ..؟! ربيعتج شو نوع بشرتهآ وآي نوع تستخدم .؟ ​

 

[Abla.mariom]

عآآآآآآآآآآآآ


وقفت كل شي اليوم عسآس يوصل اللي طلبنآه من غرآس

مآ جآبته

بس سويت لأمي تنظيف بشره خخخخ خرآبيط طبعاً

بقولكن اشسويت

شكر و زيت زيتون و ليمون اول شي

سنفره لوجهآ ( يآبعد وجهي )

بعدهآ رشيت مآي ورد

بعدهآ حطيت روب

نطرتة ينشف جآن أمسحه بالقطن


تآلي حطيت لهآ قنآع بالبآبآيآ من هيميلآيآ

نطرته هم ينشف و شلته

بعدهآ حطيت لهآ كوليجين فيلر

فوق شفآيفهآ و بخدودهآ

وتحت عيونهآ

تآلي سيروم حطيتلهآ

و بس

طبعاً قلت وآآآو تغيرتي يمآ

خخخخخ خرطي مآ تغير شي​

 

[- Shouq -]

عيوني آختي صآر لهآ تستخدمه من آكثر من 3 آشهر
ومآ آحس تغير شي ..؟! ربيعتج شو نوع بشرتهآ وآي نوع تستخدم .؟ ​

والله مادري اهيه البنت الصراحة كانت مدرسة وياي بالمدرسة وبيوم شفت ويها وايد صافي وبس سألتها قالتلي من فير اند لوفلي بس الحين انا تركت المدرسة ومادري عنها بس صج صج كان ويها وااااااااااايد صافي بس ماتدرين يمكن مسوية تقشير وما تبي تقول

 

[Abla.mariom]

انا عمي بيروح بنص شهر 3 بعلى مصر وبقولة اييبلي منه .. تبيني اوصيلج معاي؟؟

ييآآ بعد قلبي :$

لآ فديتج مآ يحتآج

بالصيف بطس اهنآك :eh_s(9):​

 

[- Shouq -]

على راحتج ابله مريوم بس اذا تبين لايردج الا لسانج ترى مافيها اي تعني

 

[Abla.mariom]

فدييييييييييييييييييييييييييتج

وعلى طآري فير اند لافلي

كنت استخدمه قبل سنه

الصرآحه حلوووووووو

و يفتح

بس قطعته لأنه قمت استخدم مون لآيت

بس دييييربآآآآآآآآآآآلكم تطلعون فيه بالشمس

نفس نظآم الفآزلين

إذآ طلعتي و انتي حآطه فير اند لفلي بيسودج زيآدة

و كلش مآ ينآسب البشرة الدهنيه


إختي كآنت تسعمله و اهي بشرتهآ دهنيه


صآر فيهآ حبوب و مآدري شنو


أنآ نآسبني لأنه بشرتي جآفه​

 

[- Shouq -]

انا اليوم عنايتي خفيفة بسبب الدورة وهي كالآتي:

الويه: غسلته بصابونيتي وحطيت ماسك حليب وليمون وعسل بعدين غسلته وحطيت ماي ورد وكريم اولاي لتجديد البرة و sun block بس جني بوقف الاولاي لاني استعملته 3 مرات وبكل مرة استعمله يعفسلي ويهي يطلعلي حبوب صغيرة بس يمكن اعطيه فرصة اخيرة. الحين قبل لا انام بغسل ويهي بالصابونية وبحط كريمات التقشير

شفايفي بحط عليهم جلسرين وفازلين وفكس

حواجبي ورموشي بحط عليهم الخلطة

تحت عيوني بحط السيروم مع انه شكله خرطي .. انا مشكلتي الانتفاخ مو السواد .. تنصحزني بشي معين؟؟

على كل جسمي بدهن اللوشن وبزيت على ريولي و ايديني نفس خلطة الشفايف وبلبس دلاغات

بين فخودي بحط خلطة كريمات التقشير مالت الويه

بالنسبة للمكملات الغذائية خذيت حبتين زيت السمك وحبة فيتامين e وشربت للحين 4 قلاسات بس راح اشرب الحين قلاسين وانام .. صراحة وايد صعب علي اشرب 8 قلاسات

وتصبحون على خيييييييييير

 

[aحلم عمريa]

بالنسب حق فير اند لوفلي انا شفت بعيوني نتايج على وحدة رفيجتي.. صج صار ويها صافي وناوية استعملة بس كسلت اروح اليوم اييبه

احبه هالكريم انا ما اضفته مع جدولي بس بضيفه
يجنن ناسبني بشكل ولي يمكن 4 سنين عليه :rerrerek:
علمتني عليه صديقتي وجهها يلق ما شاء الله تبارك الله





شوي وبكتب عنايتي :eh_s(7):

 

[ھدۅۅۅۅۅۅء]

والله مادري اهيه البنت الصراحة كانت مدرسة وياي بالمدرسة وبيوم شفت ويها وايد صافي وبس سألتها قالتلي من فير اند لوفلي بس الحين انا تركت المدرسة ومادري عنها بس صج صج كان ويها وااااااااااايد صافي بس ماتدرين يمكن مسوية تقشير وما تبي تقول

آهآ :eh_s(10):
بس يمكن آلبنت تكون صآدقه وطبيعة بشرة اختي غير عنهآ
لآنه فيه آشيآء ممكن آنهآ تنفع لج بس تضرني وآلعكس
هي على حسب آلبشره ... حبيبتي توكلي على الله وآستخدميه
والله يعطيج خيره ويكفيج شره يآرب :yaaaaaarb:
فديتج :eh_s(17)::eh_s(22):​

 

[ھدۅۅۅۅۅۅء]

احبه هالكريم انا ما اضفته مع جدولي بس بضيفه
يجنن ناسبني بشكل ولي يمكن 4 سنين عليه :rerrerek:
علمتني عليه صديقتي وجهها يلق ما شاء الله تبارك الله





شوي وبكتب عنايتي :eh_s(7):

مآشآء الله تبارك الله
مثل مآ قلت آكيد بسبب نوعية البشرره
والله لا يضرج حبوبه :eh_s(7):​