يوميا @ سجلي حالتج النفسيه اهني@متزوجات حيااكم@

[شادن33]

ام فروووح بالاسبوع الثاني لبسي المشد للبطن ولاتتركينه الا عند النوم
وفي الليل اشربي ينسون وايد زين

وتطلعين بالسلامه حبيبتي

 

[manoooram]

مساء الخير بنات
شلوووونكم ؟

أم فروح مبروك ما ياج حبيبتي


الحمد الله النفسية حلوه ومرتاحه

 

[ام الدرر]

السلام عليكم
الحالة النفسيه
مش بطال ​

 

[ليدي بجد]

السلام عليكم<<حسيت داخلة مجلس



أخباركم يا حرريم. انشالله النفسيات في السما يارب
اول مره ادخل هالموضوع واتمنى تقبلوني صديقه للبرنامج !!!!اقصد لكم ههههه





ه امممم نفسيتي الحمد الله زينه
وسلامو عليكو

 

[امـ خــزامـى]

وعليكم السلااااااااااام

حياااك حبيبتي ترى صدق هذا مجلس بس مجلس عجاازات خخخخخخخخخ
يعني سوالف وضحك وتشكي وخلطات وطبخاات ومششاكل
وكل وحده ببيتها ببجامتها وبكشتها الطايره الجميله ههههههههه


ونفسيتي الحمدالله تماااااااااااااااام التمااااااام وخصوصا تطمنت على كلي دلع حبيبتي


وان شاءالله اليوم بتزورنا تضضبطوا ياحلواات وجهزوا قهااويكم وحلويااتكم
نبي سوالف توووسع الصدرر

 

[ما يهزك ريح]

ام فرح مبروك ماجلتي

الله بجعله من الذ ريه الصالحه ويرزقكم بره

النفسيه " تماام

 

[امـ خــزامـى]

مرررحباااااااا

وينكم ياحلووات ؟

 

[Zinab BH]

صباح الخير شلوووونكم
ام خزامى و شدون شهالفال من الصبح عليي طايحين فيني تخرع
بس سويت تحليل طلع لي مو حامل خخخخخ بس بعد هم خايفة مادري ليش
لان سويت ابوال و اختي الكبيرة تقول لي في ناس مايطلع لهم الا في تحليل الدم
بس حركات الدورة البايخة فيني بس مو رااضية تنزل شربت دارسين وكليت سنبون وكليت اناناس و مشيت وبعد معاندة
خل تنزل ابي اروح اااااااااااااااااحف لاعت جبدي شكلها تنطرني احف عشان تنزل اعرف حركاتها السخيفة البايخة الفاجهة
وصايرة عصبية منها حدي اهئ اهئ ادعولي بنات وقررت تنزل عليي مني يوم ثاني اطير لدكتورة نساء خل احصن روحي
حتى فخذي يعورني مدري شسوات وياها

 

[انثى عاشقة]

اهلين صبايا
مساكم ورد ,,
حالتي النفسية زوينة الحمد لله ..

ام الدرر صاااااااااااااااااجة ذابحني الفراغ كله من ريلي
ما يحب يطلعني ولا يطلع من البيت ولا يحب احد يزورنا
كان معارض اني اتوظف عشان دوامه شفتات وانا بيكون دوامي الصبح
كل يوم ابجي له قال توظفي كيفج
مع اني افضل البزنس اشغل روحي بدون التزم بدوام
مممممممم
وبعد يبي له احلل دم احس نسبته نازلة
كانت نازلة واخذت حديد وتركته ولا كملت ولا حللت بعدها
احس السبب الرئيسي للنفسية الي انا فيها ان نسبة دمي نازلة او فيتامين دال رجع نزل
حااااسة بهالشي لان احس بضعف في جسمي @@

كلولولولولولولوولولولولوش
مبرووووووووووووووووك باتشو رجعوج لبيتج
الله يقر عينج في ريلج ويسخره لج ويصلحه
ويرزقكم الذرية الصالحة فرحت لج من قلبي ..


ام فرووووووووووح
مبرووووووووووووووووووووووووووووووووووووووووك من قلب قلبي
اخيرااااااااا شرف الامير
جعله من مواليد السعادة وتقر عينج فيه

النفاس يبي له اهتمام حيل اهم شي تتدفين عدل ولا تجوعين
كثري فواكه وخضار واكل صحي
انا طول نفاسي ماخربطت شكولاتة ولا عيش وخرابيط
كنت اكل خبز اسمر وسلطة واشرب عصيرات فريش

كلي دلع وين الغيبة ياعسلهم وحشتينا ووحشتنا سواليفك =)

باقي العسلات وحدة وحدة عساكم دااايم الدوم بسعادة


​

 

[انثى عاشقة]

زنوبة عاد قبل الحلوة اعصااااااااااااااااب
الله يعينج هدي وخليج ريلاكس
طاع منو تتكلم >>> خخخخخخخخخخخخ​

 

[عنزيه ومافيه شك]

مرحبا موضوع حلوووووووووووووووووو انا صحيت ولقيت زوجى رايح لمخيم وتاركنى نايمه وعصبت ههههههههههههههههههههههههههههه كان المفروض يصحنى اروح معاااه



الشكوى لله

 

[ام الدرر]

السلام عليكم
الحالة النفسيه
ملل وحنة العيال ع الطلعه تزهق


شلونكم بنات
انوث جربي الوظيفه يمكن ترتاحين بالمكان وتتعودين ع الالتزام
وصاجه نقص ف دال يسبب ضعف
اخذي كالسيوم معاه يساعد ع رفع نسبته

زنوب
الله يكتب لج اللي فيه الخير حبيبتي

شدون
اين انت ​

 

[انثى عاشقة]

عنزية
كلنا في الهوا سوا الشكوى لله
انتي اشغلي روحج بأي شغلة ويمر الوقت
واذا رجع البيت افترسيه خخخخخخ
امزح
قولي له باجر نبي نطلع سوا وحشتني حاولي فيه يخرج معاج


ام الدرر
الله يعينج
انا وحدة وحنتها تزهقني صايرة لزقة فيني عشان ماعندهاش غيري
ايه يبي لي احلل فيتامين دال لان كان حيل نازل
سوي لج عصير نعناع وليمون ينعش النفسية =)​

 

[انثى عاشقة]

بس احلى شي في بنتي تطلب مني شغلات
لما اعطيها تقول لي فووووكررررن يعني شكرا ههههههههههههههه
​

 

[Perfume]

مسااااء الخير
شلونكم
ام فروووح الف مبروووووك
الحالة النفسية ماشي الحال

 

[Perfume]

قمووور وباتشوو وينهم ؟؟؟

 

[ام الدرر]

انوث
ياحلوها ربي يحفظها
انا حاطة حرتني بالاكل يحوشني جوع مو طبيعي
مدري ليش

بيرفيوم
يالله حيها شعلومج
قموور نستنا خلاص
الله يسمح دربها ويحفظها وين ما كانت ​

 

[امـ خــزامـى]

مررحبا

كيفكم ؟
انا الحمدالله تمااام

زنووب الله يكتب لك االلي فيه الخير الام الفخذ والحوض اتوقع روماتيزم
بنت خالتي من قبل لاتتزوج كل دورره يزيد عليها الالم ويوم كشفت قالولها روماتيزم

انوووث
يا زين الفوووكرن ياناس الله يخليها لك

وام الدرر كيف اختك ان شاءالله احسن ؟

شدووون وش عندك مختفيه ؟

كلي دلع وينكككك اهئ اهئ

بيرفوم الله ييريح بالك حبيبتي

طالبه انجلش ماهي تطوراتك ؟؟

ملكه ومايهزك ريح الله يديم هالنفسيه عليكم ويريح بالكم

 

[Zinab BH]

صباح الخير بنات شخباااااركم النفسية تعبانة كله من الدورة مو راضية تنزل بروح اليوم اسوي تحليل دم صار تاريخ 20 واهي للحين وحدي عصبية صايرة حتى مسكينة امي البارحة تهاوشت معاها هوشة لا اله الا الله
والسبب ليش تقول لي لا تشربين دارسين صرت الفك المفترس حتى زوجي يقول لي العصبية زايدة فيج وانا ساكت عنج خخخخخ شسوووي يعني خلاص طفرت اربعة ايام

ام خزامى ماتوقع الرومتيزوم لان من يوم انا صغيرة اذا تيني لازم هذي الالام مصاحبة لها
انثى يعني انتي مثل الحالة اذا بتجيج الدورة تصيرين مثلي خخخ ماعتقد انا كله صياح وابي اصيح ونفسيتي مال هواش

ام الدرر انا اموت بشي اسمه اكل حتى انتفخت حدي من الاكل و الوزن مافي امل ينزل حتى اسوي كل يوم مو راضي ينزل ولا عاد الكرشة ملوعة جبدي مسببة لي ازمة نفسية

شسوووووي بروحي متأزمة نفسية ابي اقعد بروحي مابي احد اهئ اهئ اهئ والله بصيح

 

[Perfume]

صبااااااح الخييير يا حلواات
ام الدرر انا بخير حياتي
اختج شلونها ان شالله احسن

زنوووب طولي بالج
هذي الدورة وسوالفها
ونصيحة استخدموا طريقة منع ثانية
مثل الواقي لانه طريقتكم غير مضمونة ابدا