يوميا @ سجلي حالتج النفسيه اهني@متزوجات حيااكم@

[(TigerWoman)]

انا موظفه بس ماخذه امومه  وحركتي مع اليهال اهي بحد ذاتها رياضه 

 

[شادن33]

منمن أنا لازقه بريلي يطلع يمشي يوميا أروح وياه واليهال معانه حفله في الشارع
البطه واعيالها خخخخ

 

[شادن33]

أقصد نص بظه خخخ

 

[ماني من الناس]

هههه الله يساعدج تايجر وومن صاجه فيه ناس من التعب والحركه بعد الولاده يضعفون وفيه اللي من قله الحركه يزيد وزنهم

بس حلوه الحركه شدون تبع المشي يوميا ذكرتيني بيوتيوب بطه تمشي مع بناتها ويجي الهوا يطيرهم ويتشتتون خخخخخخ حاسبي على عيالج الكتاكيت لايروحون منيه ومناك

بس المشي يريح البال اذا بروحج بدون اطفال يزعم علاج نفسي خخخ

 

[ماني من الناس]

تريقتوا ولا ليحين

انا اول شي بتمشا بتحرك شوي وبعدين بشوف شنو آكل

 

[(TigerWoman)]

ماني

انا عندي ثلاثه الله يحفظهم واحد بروضه وبنتي عمرها ٣ سنوات وولدي الثاني توني والده صارلي ٥ شهور والحين حامل تخيلي الوضع  معني ارضع بس سبحان الله حملت وانا عصقوووله يعني بالتاسع وزني يصير ٦٥ 

 

[ماني من الناس]

^^

الله يعينج حبوبه صج العيال ورا بعض شي متعب عالاقل يكون فرق بينهم ثلاث سنوات ع بال ماتستعيدين قواج الجسديه

بس هم فيه جانب حلو انج تخلصين بسرعه من مرحله الحمل وبعدين خلاص تسوين ستوب وتتفرغين لنفسج

مع اني ماشوف وحده معاها عيال تكون متفرغه خخخ بس يكبرون عوديهم يعتمدون ع نفسهم يرتبون غرفهم ويلبسون بروحهم عشان ترتاحين شوي مو كلشي فوق راسج

ترا اذا ماعودتيهم من الصغير انسي بعدين يتعودون مثل حالتي كله اعتمد ع غيري

 

[امـونه]

امونه سمعيني

للزوج العصبي


مره سمعت دكتور فوز تقول اذا زوجج عصب سيده روحي مسكيه من ايده وضغطي عليها برفق هالشي يؤثر عالمخ ويهدي الاعصاب

ونتي اول مايعصب عامليه مثل الطفل روحي سيده حضنيه ولا تتكلمين خلج هاديه لين مابيستحي من نفسه وبيطخ بروحه

يا قلبي وربي سأكته ماقلت ولا كلمه

اموونه

عسى ربي يهديه ويسخره لج ان شاءالله
وان شاءالله ربي يرزقج بالذريه الصالحه ياااارب

آمونه كل الرياييل إذا عصبوا يخورونها انتي وخري عن ويهه حزتها
ولما يهدي كلميه

تأيقر تسلمين ياحياتي ع الدعوه

شادن كنا بالسياره

الله يعين زود على هم الغربة هم هالرجال

 

[امـونه]

اشتقت لامي حيييييييييل

 

[(TigerWoman)]

ماني

لا ريلي يبي ١٢ حشه فريق كرة قدم لووول
شوفي عيالي مو شياطين معودتهم عالهدوء والتكانه لووول بس كل شوي اغسلهم وابدلهم واوكلهم اخلص منهم الصغير يبطل حلجه ارضعه ابدله العب معاه شويه بعدين انومه عاد اشوف طلبات الباشا هههههههه يعني ماكو وقت كلش

 

[(TigerWoman)]

امونه

ياحياتي ربي يصبرج ان شاءالله
روحي شوفي امج اسبوع وردي

 

[امـونه]

أنا بأمريكا ماتسوى اسبوع لي عنها ١٠شهور وأول مره أبطئ عنها جذي يارب رحمتك

 

[ماني من الناس]

الله يعين الجميع

بنات شلت يدي بشرايح شمعيه اول يوم اوك ثاني يوم يدي صار فيها احمرار بعدين قلب ع بقع بنيه

الظاهر يدي تحسست قط صار لكم جذيه وشلون يروح وهل ياخذ وقت مايسوا علينا

 

[امـونه]

اي احترق الجلد صارت لي مره لاتحكينه بس رطبيه وبيروح ان شاءالله

 

[(TigerWoman)]

امونه

ياحياتي انزين كلميها يمكن اذا سمعتي صوتها ترتاحين
الله يهون عليج يارب

 

[(TigerWoman)]

ماني

ديري بالج اهتمي بالترطيب ترا اذا اهملتيه مايروح
لوتسوين ليزر احس لج من الشيره عباله

 

[يارب يطيب عبود]

صباح الخير للجميع
منمن شلونك وينك غاطه
انا شلتها مرا عادي ما بقعت بس ما شالت زين
يمكن انتي عدتي عالمكان اكثر من مرا

امونه خليه ما عليك منه اكيد معصب وبطلع حرته فيك
بس انتي طنشي ارجعي اقري وشوفي وش سويت امس
خلينا نفكر بانفسنا شوي كل تفكيرنا فيهم
سوي لك شي يبسطك وانسيه لا تقولين له شي
واهو بيجيك يعتذر منك

 

[ماني من الناس]

ايه بنات قاعده ارطب بكريم ميبو خنقتني ريحته زيت سمسم خخخ صار لي ثالث يوم ارطب

وبعدين بسوي ليزر

ابتلشنا بالحف الله يعين

 

[(TigerWoman)]

ماني

تذكرت كلام امي ربي يخليها لنا تقول بعد الحف حطي ماي وشكر

بمعني تاخذين قلاص ماي وقفشتين شكر تخلطينهم عدل ما بار طبعا وبعدين صبيه على ايدج خليه نص ساعه او اكثر بعدين غسليه ورطبي ايدج 

 

[امـونه]

تأيقر ان شاء الله بكلمها

يارب يطيب عبود خليها على الله توني مالي عشر شهور جنها سنين وربي الشيب طلع فيني كله منه مرات اتمنى أني عند أمي للحين
الله يصبرنا بس