يوميا @ سجلي حالتج النفسيه اهني@متزوجات حيااكم@

[مكتومه]

صباح الخير ع الجمييع .. وا ن شاء الله الجميع
يكونون بخير وصحه وسلامه..

<<تبي تغير حزتها عن انصاف الليول ههههههه

 

[ماني من الناس]

خخخخخ شدون مي تو

قلت خلص الموضوع باي باي

انزين بنات ابي اطباق سهله وسريعه لاني توي جديده عالمطبخ وماحب اسوي شي معقد وياخذ وقت

 

[(TigerWoman)]

ملل 
استغفر الله

 

[شادن33]

منمن الحق ينقال أحسج تعرفين طبخات أكثر عني ماشالله
وأنتئ أصغر مني
بس بدورلج من طبخاتي الغربية وذمبك على كمبك خخخخ

 

[(TigerWoman)]

ماني من الناس

ابي طريقة المشروم شكلها يمييييي 

 

[ماني من الناس]

شدون اهم شي طبخاتج غريبه الله يستر خخخ

طريقه المشروم هي التالي :


يحمص البصل بالبهارات والقليل من الفلفل الاسود حسب الرغبه ويضاف اليه السبانخ يلقى المشروم ال fresh حجمه كبير وليس المعلب في الزيت ثم يزال قدم المشروم ثم توضع على كل حبه مشروم حشوه السبانخ بالبصل ثم تزين بجبن الموزاريلا وتضع بالفرن كم دقيقه فقط لتذاب الجبنه
ويمكن تقديمها مع صوص هو التالي :
٢ ملعقه جبن قلاص وكريمه كي دي دي وتسخني الصوص

وبث*

 

[امـونه]

وأي بنات وربي حاسه بخنقه مؤ طبيعيه صدري نار شابه تهاوشت معاه ما خلى دعوه ما دعاها علي ولاسبه ماقالها وكان مسرع ومسك فرامل ودشيت بالمرايه اللي قدام وتعورت وكمل كلامه وحذفني بشقتي وكله عشان الجوال صامت ودق كم مره ماانتبهت وانا كنت اسوي رياضه
وانا بغربه وربي ابي أنحاش اي مكان من النار اللي فيني ولا حولي احد حتى أتكلم معاه يارب رحمتك

تلفت نفسيتي يا بنات لي ساعتين ابجي
سوري طولت بالحجي عليكم بس من الحره ما احد قدامي الا الله ثم أنتو افضفض له

 

[شادن33]

ههههه منمن
شوفي فوحي بطاط علي قدج انتي وريلج
وبعدين اهرسيه وحطي ملح وفلفل اسود وقوطي روب واخلطيه
وسوي حمسه لحم مفروم علي مزاجج
وصفي نص البطاط المهروس في البايركس وحطي عليه خلطه اللحم المفروم وبعدين حطي النص الثاني وزيني الوجه بالجبن
ويمي ويمي وترا تمتن حقج خخخخخ

 

[ماني من الناس]

سمعوا بنات كل وحده تكتب قايمه الطبخات اللي تعرف تسويها عشان نفيد بعض اذا وحده منا حابه طريقه شي معين اوك :
اعرف اسوي التالي :

كشري
باستا بالصويا صوص وصوصات أخرى
شوربه عدس
كريم كراميل بالقشطه
حلا الشعيريه الباكستانيه
ريزوتو ربيان
رز ابيض بالزبده
كاري ربيان
سمبوسه ماش
خبز بالثوم
ربيان بالسمسم
رز بالخضروات المشكله
وحلا روا شرايح سمبوسه داخله جبن كيري وفوقه حليب مركز ومكسرات

 

[ماني من الناس]

واي خوش طبخه ماش بوتيتو

انزين قصدج الروب اهو الروب العادي ؟! لان ماقط استخدمت روب بطبخه خخخ

 

[شادن33]

وأي بنات وربي حاسه بخنقه مؤ طبيعيه صدري نار شابه تهاوشت معاه ما خلى دعوه ما دعاها علي ولاسبه ماقالها وكان مسرع ومسك فرامل ودشيت بالمرايه اللي قدام وتعورت وكمل كلامه وحذفني بشقتي وكله عشان الجوال صامت ودق كم مره ماانتبهت وانا كنت اسوي رياضه
وانا بغربه وربي ابي أنحاش اي مكان من النار اللي فيني ولا حولي احد حتى أتكلم معاه يارب رحمتك

تلفت نفسيتي يا بنات لي ساعتين ابجي
سوري طولت بالحجي عليكم بس من الحره ما احد قدامي الا الله ثم أنتو افضفض له

معليه حبيبتي تلاقينه معصب من شي وحط الحره فيج

 

[ماني من الناس]

امونه سمعيني

للزوج العصبي


مره سمعت دكتور فوز تقول اذا زوجج عصب سيده روحي مسكيه من ايده وضغطي عليها برفق هالشي يؤثر عالمخ ويهدي الاعصاب

ونتي اول مايعصب عامليه مثل الطفل روحي سيده حضنيه ولا تتكلمين خلج هاديه لين مابيستحي من نفسه وبيطخ بروحه

 

[شادن33]

منمن أي الروب الزبادئ
ووناشه أتم.حق باجر ماتتخترب إذا في الثلاجه حق ألعيازات خخخخ

 

[(TigerWoman)]

ماني

تسلمين حبيبتي ماقصرتي 

 

[شادن33]

خخخخخ كله بدليات

 

[(TigerWoman)]

اموونه

عسى ربي يهديه ويسخره لج ان شاءالله
وان شاءالله ربي يرزقج بالذريه الصالحه ياااارب

 

[(TigerWoman)]

شادن

اثرت عليج رق رق لوووول

 

[شادن33]

آمونه كل الرياييل إذا عصبوا يخورونها انتي وخري عن ويهه حزتها
ولما يهدي كلميه

 

[ماني من الناس]

بجربها وبصورها

تايجر وومن العفو الله يسلمج

 

[ماني من الناس]

بنات انتو كلكم بطاليات ماتسسون رياضه تحرك الجسم !!! احس يبيلي كل يوم اتمشى ولو في البيت