يوميات حملة نيولوك انثى الصيفية الرمضانية .. نقطة الانطلاق الفعلية

[الدلـــع كله]

السلام عليكم والرحمة

شلونكم يا احلى كويتيات :sfg:



عنايتي ليوم الثلاثا 9-6

بسم الله ماشاءالله لاقوة الا بالله


اول ما قعدت من النوم غسلت ويهي ورقبتي وايديني وريولي بصابونة البابايا
وغسلت الكتكوت بعد بصابونة البابايا الخاصة فيه وبعدها رطبتة بزيت اللوز المر
وغسلت شعري بشامبو جونسون لاني من امس حاطتله زيت املا ونمت فيه وبعدها قبل لا انشف شعري صبيت على شعري من منقوع اكليل الجبل
طبعا خليت شعري ينشف بدون ما انشفه بالاستشوار . ومسحته بتونيك الفازلين
سنفرت ويهي بسنفرة استيفز وبعدها بخيت عليه من ماي الورد وبعدها حطيت له كريم الكولاجين
واكلت حبة كالسيوم مع الريوق وحبة زيت كبد الحوت مع العشا
وكل شوي احط من مرطب لابيلو للشفايف

وسلامتكم

وسنوافيكم بآخر مستجدات العناية ليلا بعد الساعة الثانية عشر :eh_s(20):

 

[شيخه الغيد]

( شوفان وروب وماي ورد ونشا وخميره وليمون) لويهيي

تسبحتتتت كما ذكرت جدولي اتوقع بصفحه 83

سويت لي شاامبوووو لشعععري شامبو الصبار خذيت من نبته الصبار توها فرش وحطيت ماي مغلي اكليل الجبل
وشامبوووووووو شويه وحطيت صبار طبيعي يعتبر شاامبو ان شاءلله لي نهايه الحمله


دهنت شعري بسيرم وكريم


وجسمي بمرطب وشفايفي

كل شي من خلطاتي


ذكرت يومياتي زياده عليه ماسك الويييه وشامبو الصبار

 

[dandon87]

مساااء الخيير :fun:

تاابع عنايتي ليوم الأربعاء

رديت من الدوام غسلت فيسي بغسول كلين اند كلير

العناية الداخلية

زدت عالغدا العادي سلطة روب و خيار و شوربة شوفان ودجاج و وطماط مقطع

واخذت حبة مالتي فيتامين و حبتين زيت السمك

وشربت باربيكان وقد ما فيني قاعدة اشرب ماي

العناية الخارجية

بداية سبوحي غسلت شعري بشامبو جونسون وبعدين حطيت من نص شعري ليل الاطراف كريم هامالايا بالبروتين ورفعت شعري و بديت بجسمي

حطيت اول شي خلطة دانة الكويت و نطرت 5 دقايق وغسلتها

وبعدين حطيت خلطة الصابون مالتي و نطرت كم دقيقة و فركت جسمي بكفوف من بودي شوب
وسنفرت ركبي بسنفرة مشمش

وبعدين غسلت جسمي و شعري بماي فاتر للبارد وطلعت

مسحت الاندر آرم و الكتكوت واكواعي وركبي باسكينول بالليمون

ودهنت الكتكوت بخلطة الكريمات مالته و ركبي و اكواعي بكريم سودو

دهنت جسمي كله بلوشن ستيفز بفيتامين اي و خلطت معاه كريم اولاي للتفتيح

المؤخرة دهنتها بلوشن ستيفز مع اولاي للتفتيح و خلطة كريمات المنطقة الحساسة للتفتيح

حطيت على فيسي كريم الليل من اولاي للتفتيح و شفايفي حطيت خلطة الفازلين و دم الغزال و العسل

شعري كسرت انبولة ايفا بالصبار و دهنت فروة راسي فيها مع مساج لفروة راسي يمكن 10 دقايق

و عجنت حنة وسدر احطهم باجر بالليل لي ثاني يوم الصبح .. صورتها ان شالله باجر انزل الصور مع التفصيل الممل لاني حدي داايخة و عندي دوام من الصبح

تصبحووون على الف خيير :sfg:

 

[تفكوره]

السلاااام عليكم

شلونكم ياحلوين

بالنسبه ليومياتي

اول ماقعدت غسلت وجهي بنيتروجينا
فرشت اسناني بسنسوداين ايزو اكتيف

غسلت الكتكوت بغسول حيادر من برا وبين الفخوذ

رشيت على وجهي ماي ورد

وصليت
وكليت توست محمص مع جبن مع حليب

ومسحت رجولي وركبي واكواعي والكتكوت
بسكنول البابايا معاه خالطه معاه ماي ورد ونشا

وبعدين دهنت الكتكوت بزيت الخروع وزيت الجلسرين
ودهنت رجولي بجلسوليد ولبست دلاغ
ودهنت سيقاني مع ركبي بجرجنز فير اند سوفت لتفتيح البشره
ودهنت ايدني واكواعي جرجنز فير اند سوفت

وسويت خلطه لتوريد خديداتي
نشا وماي ورد وروب وحطيت دم غزال
على وجناتي بس
وهذي صورته



وباقي العنايه الليليه
انشالله بنزلها الفجر قبل مانام

 

[جوري الفيلجاوي]

عنايه الليل: ويهي دهنته بفيتامين سي واي

ايدي وريلي وشفايفي فازلين

رموشي وحواجبي خلطه حدوره

حوالين عيني فيتامين اي مع كريم ريكسول للهالات

اثر الحرق الدكوين ولكويد

ديودرنت حدوره

صدري خلطه الملاك

شربت ماي وقريت سوره البقره وبسسسسس تصبحون على خير

 

[Miss-LuLu]

السلام عليكم

تكملة يومياتي لليوم السادس 9-6

حطيت زيت جوز الهند على شعري



وان شاء الله بخليه على شعري ساعتين واغسله بشامبو هيد امند شولدرز

والحين انا قاعده ادرس واكل فواكه



وكل شوي امسح ويهي بمنقوع المره وتونك نيتروجينا

وقبل لا انام

بحط سودو كريم للمنطقة الحساسة و ويهي وايديني

خلطة حيادر للرموش والحواجب

حوالين عيني خلطة الفازلين وبحط لها قفشتين باردين

واباطي ديورنت حيادر

واسناني بلمعجون المبيض
وبس

والحين بروح ادرس ادعوولي

 

[احلى دبه]

وحشتوووووووووني موووت :eh_s(22):



اليوم الثلاثاء
9-6

صحيت الصبح فطرت وغسلت وجهي
وكرمت فسي بكولجين وفزالين بعكر فاسي لشفتي

العصر تغديت وشربت ماي لاباس فيه
حطيت ماسك التفاح حق ستيفز

وباخذ شور وبوافيكم بالاحداث

 

[&دلوعة القمر&]

اليوم الاربعا ء 9-6
الصبح غسلت وجهي بصابونتة المره الكركم بعدين حطيت السيروم
وعيوني كريم لوريال وبعدين الواقي شفايفي الابيلو ويدين
فازلين الوردي ورجولي كريم لونا طبعا غسلت جسمي
طبعا غسلت جسمي بخلطة الصابونية وجسمي كلها بخلطة

كريمات الترطيب الكتكوته بخلطة الزيوت

في اليل غسلت وجهي بصابونة الكركم والمرة وبعدين رشيت
على وحهي ماي ورد وحطيت سيروم وكريم اليل من لريال
وعيوني كريم مالهل من الوريال رموشي زيت الخروع
شفايفي فازلينمع دم الغزال
وجسطي دهنتها بزيت الوز واليمون وزيتون وجلوسليد
ونشا واليمون 3ساعات وبعدين غسلتها بخلطة الصابونية
وبعدين سنفرة المشمش
وحطيت على الركبي وكوعي خلطة التقشير ورجيلي ويديني
خلطة انا مسويته
وشعري دهنته بخلطة الزيوت 3 ساعات وغسلتها بشامبو سلن بلو
وبعدين حمام زيت برشوت و
وسلامتكم

 

[el3aNoOoNa]

عنايه الليل


ويهي فازلين

المنطقه الحساسه كريمها



رموشي زيت حيادر

وبس تصبحون على الف خير

 

[وردة سلفر]

هاااااااااي بنااتااات

انا غسلت ويهي الحين بالمر والكركم ورشيت ماي ورد بااارد وحطيت لابيلو كرز ورحت قصصت شرايح ضعااف بطاط وحطيت شريحتين تحت عيوني وقاعده اكتب لكم وهذي الصوره :

انا توني متعشية بقوم اسويلي جاي اخضر .. ولما اخلص بقولكم شبسوي

 

[الكريستال]

عنايتي يوم الاربعاء 9\6

اليوم غسلت شعري بيبي جونسون ترطيب مضاعف
واستعملت بانتين بديل الزيت
واسناني فرشت بملح
واستخدمت الصابونة السحرية حق ويهي
ورحمت جسمي اليوم عقب السوالف للي سويتها فيه

 

[soulangel]

اهلين يا بنات وحشتوني
انا لي كم يوم ما أدخل عشان ماعندي انترنت
ان شاء الله اكتبلكم ايش سويت

 

[miss.lol]

السلام عليكم


سوري اليوم حدي طولت عليكم بس كنت وايد وايد وايد وايد مشغولة و انا قررت من اليوم و رايح أنزل يومياتي الليل لان اخاف ما التزم فبعد ما اخلص أحسن انزلهم


المهم هذا جدولي حق اليوم


يختصر لكم الي صار اليوم طبعا ... و الاشياء الي مستخدمتها ...



لووووووول تدرون قاعدة اكتب و انا عطشانة حيل و مو يمي ماي بارد

طبعا أول ما قعدت من النوم مادري الساعه جم بالضبط بس كنت حاطه بشعري الخلطة العجيبه ... غسلتها و لا احس ان التساقط خف صراحة قاعد يطيح شعري حيل و لا يفيد معاه شي



بعد ما غسلتها بالشامبو حطيت ماسك الاكرينال على شعري و لفيته ... و عقبه غسلت جسمي بصابونة البابايا . و صابون مغربي بس ما قعدت فيه وايد ع السريع .... خلصت غسيل الجسم و التفرك ... حطيت غسول سيمبل على ويهي و غسلته .... و بعدين غسلت شعري طبعا من الماسك الي اهوا مثل الكونديشينر .


عقب ما خلصت من السبووح . نشفت جسمي اليوم دهنته بلوشن البابايا حق الجسم .... و بعدين كريم بايوديرما للترطيب لاني اصلا ما طلعت من البيت اليوم ... و معاه سيباميد للهالات السودا تحت العين ... و كحل الاثمد ما استغني عنه لوووووول و ديودرنت بدي شوب ...


نطرت شعري ينشف

مشطته و يا كثر ما طاح


حطيت انبولة اكراديرم على شعري و قعدت ادلكه ...


خذيت ريوقي ... و معاه فيتامينات فيروجلوبين و اكرينال .... ما انسى طبعا أقولكم اني دهنت ايدي بفازلين الايدي و الاظافر و قلم بدي شوب حق المنطقة دار مدار الظفر ... و بعد فركت رقبتي بكريم اوماري للتفتيح عسى اييب نتيجة بس


و اغراضي الي استخدمتها حق الصبح هذي اهيا

بس ناسية صورة الصابون المغربي



انيي حق الليل ....

الي كان قبل شوي


غسلت ويهي اول شي بغسول سيمبل حق الويه ... عقبه دهنت ويهي بكريم بيوديرما حق الترطيب .... و حوالين العين سيباميد و الرقبة بكريم اوماري ... و ما ننسى الركب و الاكواع الي بيضه تلق حطيت عليها سيروم فير آند وايت ... الي موجوده صورته الي لونه كحلي



و جسمي طبعا لوشن البابايا بنات خرعتوني قلتولي نيفيا يسمر عيل شلون ابي كريم حق الشد شسوي ؟؟؟



و الحين بحط خلطة ملاك للرموش ... و يعطيكم العافيه و سوري ع الاختصار بس و الله هذا جدولي كان وايد قصير اليوم


يعطيكم العافيه

 

[جوري الفيلجاوي]

بنات باجر عيد ميلادي ومحد معطيني وي بالبيت لوووول

 

[احلى دبه]

باك


:eh_s(22):


رحت سويتلي شاي اخضر + ماسكي المعتاد + صحن عنون فيه عنب



بعد مماينشف الماسك بغسله وبرش ماي ورد + بحط بشعري تونك اكليل الجبل والزعتر


راجعتلكم بعنايتي قبل النوم ان شاء الله :eh_s(22):



لا اله الا الله والله اكبر وسبحان الله والحمد الله ولا حول وال قوة الا بالله :eh_s(17):

 

[ReRez]

انا حطيب شرايح بطاط ( رقييييييقه ) على الهالات وقصيتهم بهالطريقة

وشلتهم بعد ما انشفو .. ماشاءالله البطاط صج سحري يهبل :ceaf32e183:

قبل كنت مسويه موضوع كامل عنه و حطيت لكم عيني قبل وبعد البطاط جد شي عجيب :sfg:

و الحين بروح اسبح لأني حاطه الخلطة العجيبه و صارلها 3 ساعات على شعري

و ارد اقول اللي صار معاي بالشاور و بالمره اسوي عناية الليل واحطها لكم

 

[وردة سلفر]

بنات باجر عيد ميلادي ومحد معطيني وي بالبيت لوووول

تعالي بالموضوع الثاني خخخخخخخخ

 

[لوليتـا]

يااااارب تييسر اختباراتي

تو دهنت شعري
وراح اغسله ع الفجر بأذن الله
وغسلت وجهي بغسول لوريال بيور زون
وحطيت سيروم فايتامين سي
وفوقه كريم لوريال للعيون بس حاطته لوجهي
وحطيت افلون لشفايفي
ورول غارنيه حطيته ع عنوناتي
وكريم فازلين الوردي ليديني ^_^
وبكذا نعيماً عليا

انتظر بكرا ^_^

 

[لوليتـا]

يااااارب تييسر اختباراتي

تو دهنت شعري
وراح اغسله ع الفجر بأذن الله
وغسلت وجهي بغسول لوريال بيور زون
وحطيت سيروم فايتامين سي
وفوقه كريم لوريال للعيون بس حاطته لوجهي
وحطيت افلون لشفايفي
ورول غارنيه حطيته ع عنوناتي
وكريم فازلين الوردي ليديني ^_^
وبكذا نعيماً عليا

انتظر بكرا ^_^

 

[جوري الفيلجاوي]

تعالي بالموضوع الثاني خخخخخخخخ

وين ماعرفه