أولاً الفترة الصباحية :
طبعاً لازم استبح و اغسل شعري و هذي اهيا معدات السبوووح راح تستغربون لان حيل شوية بس شسوي يايتني الدورة وااي حدها باطة جبدي عشان جذي ما اقدر أطول بالسبوح
طبعاً مثل ما قلت لكم تسبحت الساعه 11 و خلصت الساعه 11 و ثلث لووول بسرعة هاه
استخدم شامبو بايوديرما للقشرة و التساقط و هذا واصفتلي اياه الدكتورة ميسون أبو الشاويش في مونتانا كلينك و صراحة الشامبو روعه و يرطب الشعر الجاف و بنفس الوقت يوخر القشرة و طبعا معاه كونديشينار الاكرينال عشان يفجج التشابك و استخدمت حق جسمي صابونة البابايا مع ليفة البدي شوب طبعااااا
بعد السبوووووع و التدلع و الوناسة
طبعا نشفت جسمي و خلصت و حطيت الديودرنت لوووووول هالمرة استخدمت ديودرنت بدي شوب حاطة صورة بالجلسة التصويرية و بعد الديودرنت دهنت جسمي بخلطة زبدة الشيا الخام مع زيت الزيتون و هذا شكل الخلطة طبعاً بعد الخلط كان باقيلي شوي من زبدة الشيا و نقعتها بزيت الزيتون لوووول
بعد ما خلصت و دهنت جسمي بهالخلطة .... طبعا اهيا للخطوط البيضا و الحمرا الي تطلع بالجسم stretch marks و حبيت استخدمها الصبح لان بسرعة يمصها الجسم و انا بشرة جسمي جافه و خصوصا بعد السبوح
الحين نيي حق الاشياء الي حطيتها بويهي الصبح و هذي اهيا
اشياء كلش ما استغني عنها و اضيف عليها غسول الوجه من سيمبل بتشوفون صورته مع الموضوع كحل الاثمد المغربي حداااا روعة من التاجرة نوارة حدي انصحكم فيه شنو اينن و يريح العيون و الرموش ... و بعد عندكم كريم سيباميد حطيته تحت عيوني لووول الهالات اذبحتنا من الكمبيوتر ... و عندنا طبعا كريم الترطيب من بيوديرما حطيته على ويهي ... و نزيد عليه و آخر شي كريم اوماري لتفتيح الرقبة من وصف الدكتورة .
خلصنا من الوية
امممممممم عقب ما خلصت من ويهي استخدمت سيروم فير آند وايت لتفتيح الركب و الاكواع طبعا حطيت منه على ركبي و كوعي و بتييلكم صورته مع الموضوع
و بعد دهنت قدم ريولي بجل بيبي جونسون للاطفال حدا ينعم و ايدي بكريم فازلين للاظافر و الايدي
صح نسيت أقولكم ... بعد بهالفترة حطيت انبولات اكراديرم على شعري عشان التساقط
و هذي صورتها
بس بريل كريم ما راح احطه الصبح بنطر شوية عقب العصر
