&& يومياآت عروؤس &&

[شقآوه آثنى]

بما اني مو خبيره بالحمامات المغربيه حبيت اعطيكم الاشياء اللي شريتها و اللي فهمته
اللي عندها اضافات تعطيني و الله يجزاها خير
طبعاً شريت عليه الصابونه المغربيه هي ملمسها مثل الجل كريميه شوي
و كنت اسوي الحمام المغربي اني اغسل نفسي بماي احط الصابونه و اخليها من 10 لـ 15 دقيقه
و بعدها افرك نفسي لجه القلب ما عده البطن و الصدر دوائر من من 3 إلى 5 دقايق دقيقه تقريباً و بعدين اغتسل عادي
و اغسل شعري و لكن شفت اضافات لنسوان بالانترنت و اتمنى اشوف تجاربكم و ان شاء الله تفيدوني و تفيدون غيركم

الصابونه البلدي او المغربيه اسمها Black soap - argan
ما لقيت لها صوره بس تشبه هذي قريبه منها

و الزيت اسمه Aragan oil Extra virgain
و طبعاً ما اقدر الا اطلع القريب منه و اللي يشبه و هم نفس الشي
يعني من تقولين له زيت اركان او صابون بلدي اركان اعتقد بيعطيج نفسهم لان حتى لو دورتي بالنت
الاسماء غير بس المنتج نفسه لا اكثر

و استخدم ليفه ذا بودي شوب لان جلدي يحمر بسرعه و يبقع و كذا
فسرت استخدم مالت ذا بودي شوب حلوه و مفعولها اوكي معي
اعتقد تعرفون شكلها بس للي ما تعرف هذي شكلها

 

[<miss botamba>]

السلام عليكم و رحمه الله
اهلين بنات اخباركم عساكن طيبات و بخير
سجلت بهذا المنتدى من فتره و الحمد الله انخطبت و اطلعت
ام خطيبي كويتيه قلت الحمد الله مسجله هنا ابغي اعرف اسلوب اهل الكويت
ما ابغي اجيب العيد معها و امه حييل طيبه على كلام امي لاني ما شفتها بس امي كانت تزورها يوم كانت بقطر عندنا

و ما دام ان ملجتي مطوله و العرس اطول لانه عده يدرس
فسرت ادخل المنتدى شبه يومي و استفيد منكم
عاد قبل كم يوم رسمت لي جدول عنايه اسبوعي و مفروض اسوي
حمام مغربي و كنت ابغي اسأل من مسويه حمام مغربي بالبيت انا جبت لي
صابونه مغربيه كريميه شوي ريحتها زيت زيتون من تاجره مغربيه و زيت اعتقد اسمه زيت اركان لتشققات
و هذا ثلاث يوم لي رجيم لاني ابغي اضعف الصراحه بس مو رجيم لا حبيته يكون نط حياه
يعني اكل اللي ابغيه بس حدود و مقسمه لثلاث وجبات و الاسناك فواكه و اكثر من شرب الماي
و انا اسوي تمارين يا من اليوتيوب و لا ارقص لين تكسر رجولي
وزني 95 و ابغي يكون وزني 60 و انا الحمد الله عريضه
لان اللي يشوفني يقول بـ 70 و طويله و خطيبي يعرف اني متينه بس حبيت
اكون باحسن طله ان شاء الله بليله عرسي

و كل يوم بدخل هنا اكتب يومياتي ان شاء الله
و اتفاعل معكم و اذا اقدر اساعد و اكون مفيده فالحمد الله
لان كلنا بنات و قاعدين نجرب نفس الشعور و التوتر ان شاء الله
كل يوم بدعي لكم بصلاتي ان ربي يبارك فينا و يتمم علينا ان كان خير ان شاء الله
و حبيت تفاعل العضوات بالمنتدى فان شاء الله اكون متفاعله و مفيده
و دمتم حيبياتي ^.^​

بتنور الكويت فيج


عاد انا امووت على الدوحه واهل الدوحه ;*

شوفي الخالات يفرقون مو كلهم نفس الطبع بس انتي حاولي تكسبينها

مثلا اخذي لها هديه من الدوحه

عندج محل بلقيس في رويال بلازا الي في شارع السد

عندهم دراريع حلوه و سعرها زين مو غالين حلوه حق تسيوره الصبح او جاي الضحى راح تستانس

او

اخذي لها طقم استكانات من محلات سوق واجف نسيت اسم المحل بس في داعوس يم الملاس الذهبي اعتقد اسمه الملاس الذهبي المحل اهوا يبيع اكل شعبي ويمه سطرت محلات مواعين بداعوس

او

عندج الشاهين فيه كورنر تحف هنديه اخذي لها طقم صواني وحييييل رخاص

اول ماتدخلين الشاهين كملي سيده لي بعد كورنر العطور في نزله نزلي ولفي يسار وبعدها تلاقينهم عاليسار


حمام مغربي سويه كل اسبوع اذا تقدرين زيت ارغان انا استعملته وماحبيته ريحته مو حلوه وترا البيبي اويل و البايو اويل نفس المفعول

وترا الصابون بروحه نفس المفعول لا تشترين شغلات ثانيه


والطريقه الصحيحه للحمام المغربي اول شي تقعدين فتره بالبخار ومو شرط يكون نفس السونا لا بس بطلي الماي الحار بالحمام و خلي الحمام ينترس بخار وحسب تحمل جسمج رطبي جسمج بالماي الحار بس مو ماي مغلي تخلينه ههههه

وعقب دهني جسمج بالصابون وقعدي فيه من خمس لي ربع ساعه حسب اذا مليتي خليه خمس او سبع دقايق عادي


وعقب غسلي الصابون عدل بدون الليفه لمن يروح الصابون كله فركي بشكل ناعم مو قوي من فوق لي تح او بشكل دائري مايفرق بس اهم شي لا تفركين حيل


ووعقب تقدرين تحطين ماسك طين مخلوط معاه لافندر و ماي ورد وهم قعدي فيه شوي وعقب غسلي

هذا شكله واذا ماحصلتيه عادي اي ماسك طين من العطار او المحلات وانتي زيديه ماي ولافندر و ماي ورد

وهذا مالي انا شاريته من حواي بالمغرب خالط معاه لافندر وحنه وحلبه مادري ليش بس ريحتها مو خايسه بس انتي خلج عالطين و اللافندر وماي ورد

وهذا شكله

هذي الطريقه المغربيه الاصليه والي انا سويتها بالمغرب


وهذي عندهم التوب مجرد صابون وبعد طين بس ماكو ولا خلطه ثانيه



ورجيمات عندي مليون رجيم في مواضيعي اختاري الي يعجبج وكلهم صحيين ويضعفون اذا التزمتي


رياضه فتحي قوقل و كتبي dr oz 5-minute workout يطلعلج يمكن 4 فيديوات في موقع الدكتور اوز تمارين لمده 5 دقايق بس وتضعف و تحرق الدهون


وبس دعواتج ان الله يفتحها علي ويسرلي اموري ;*

 

[<miss botamba>]

شقآوه آثنى

انا جسمي ما افركه حيل لان ساعات اتحسس

اول شي اسويه بالشاور اي سنفره وحاطه السنفرات هني

بعدها استعمل صابونه فير اند وايت وافرك بس الاماكن الغامجه

وبعدين اما استعمل هالليفه

او


هذي

واحط فيها اي شاور جيل و اصوبن جسمي بشكل خفيف



واهم شي افركه بضمير الظهر هههه لان احس لازم يتنظف عدل لان ماينشاف


واستعمل المفراكه الطويله واحط له شاور جيل عادي

واخر شي احط بيبي اويل او بايو اويل


وبعد ما ينشف جسمي ادهنه باي لوشن بس افضل بدون ريحه وخصوصا لوشنات سانت ايفز اما بالكولاجين او فيتامين E


الازرق و الاخضر

 

[شقآوه آثنى]

بتنور الكويت فيج


عاد انا امووت على الدوحه واهل الدوحه ;*

فديتج حبيبتي النور نوركم الله يخليج

شوفي الخالات يفرقون مو كلهم نفس الطبع بس انتي حاولي تكسبينها

مثلا اخذي لها هديه من الدوحه

عندج محل بلقيس في رويال بلازا الي في شارع السد

عندهم دراريع حلوه و سعرها زين مو غالين حلوه حق تسيوره الصبح او جاي الضحى راح تستانس

انا يوم قالت لي امي ترى امكن ياخذج الكويت بين فتره و فتره ذي امه بالنهايه
قلت معليه و طول الوقت افكر انا لازم ابيض الوجه و فكرت بساعات و عود و كذا اغلب هداياي تكون ساعات او عطور
بس قلت اسأل هنا و بشوف امكانياتي بنسبه للجلابيات و اي اعتقد مريت مره على محل بلقيس او سمعت عنه

اخذي لها طقم استكانات من محلات سوق واجف نسيت اسم المحل بس في داعوس يم الملاس الذهبي اعتقد اسمه الملاس الذهبي المحل اهوا يبيع اكل شعبي ويمه سطرت محلات مواعين بداعوس

حلوه فكره الاطقم الشاي ما اطلعت على بالي بس جد ودي اجيب لها طقم فاخر
و بمر على المحل اللي قلتي عنه اذا في مجال لاني اعرف مطعم الملاس الذهبي احنا
كل ما رحنا البحر نحب نشتري منه قبل ما نروح

عندج الشاهين فيه كورنر تحف هنديه اخذي لها طقم صواني وحييييل رخاص
اول ماتدخلين الشاهين كملي سيده لي بعد كورنر العطور في نزله نزلي ولفي يسار وبعدها تلاقينهم عاليسار

مشكوره حبيبتي الله يجزاج خير مو ناسيه جميلج حبيبتي

حمام مغربي سويه كل اسبوع اذا تقدرين زيت ارغان انا استعملته وماحبيته ريحته مو حلوه وترا البيبي اويل و البايو اويل نفس المفعول
وترا الصابون بروحه نفس المفعول لا تشترين شغلات ثانيه

زين لاني ما اعرف كنت بخم كل اللي عند التاجره بس هي قالت لي اذا لحمام مغربي
استخدمي الصابون البلدي و قالت لي اذا صلح لج عندي كولكشن حمامات ثانيه غير المغربيه
و انا ارتحت لها و فشريت اركان الصابون البلدي و زيت اركان اكسترا فرجن بعد لتشققات اليوم سويت حمام المغربي
و ان شاء الله بداوم كل اسبوع بطريقتج لانها اسهل و مريحه

والطريقه الصحيحه للحمام المغربي اول شي تقعدين فتره بالبخار ومو شرط يكون نفس السونا لا بس بطلي الماي الحار بالحمام و خلي الحمام ينترس بخار وحسب تحمل جسمج رطبي جسمج بالماي الحار بس مو ماي مغلي تخلينه ههههه
وعقب دهني جسمج بالصابون وقعدي فيه من خمس لي ربع ساعه حسب اذا مليتي خليه خمس او سبع دقايق عادي
وعقب غسلي الصابون عدل بدون الليفه لمن يروح الصابون كله فركي بشكل ناعم مو قوي من فوق لي تح او بشكل دائري مايفرق بس اهم شي لا تفركين حيل
ووعقب تقدرين تحطين ماسك طين مخلوط معاه لافندر و ماي ورد وهم قعدي فيه شوي وعقب غسلي
هذي الطريقه المغربيه الاصليه والي انا سويتها بالمغرب

سؤال الطين هو منتج و لا الطين اللي نعرفه < مستغربه
و لافندر كيف شكله ممكن صوره له و الباقي عندي ان شاء الله
و بسوي طريقتج ان شاء الله المره الجايه

وهذي عندهم التوب مجرد صابون وبعد طين بس ماكو ولا خلطه ثانيه

هني عندنا يقصون عالحريم الحمام المغربي الملكي يخلطون سوالف مع الصابون وعقبه يحطون لكم حنه بيضا ومادري شنو وحتى طريقه الحمام غلط

الله يسامحهم شكثر القصص ما التاجرات و الله حرام يخربون على التاجراث الثقه
و يا كثر القصص و لا كثرهم كانوا عرايس و يلخبطون من عندهم و عاد اللي تشتري على نيتها

ورجيمات عندي مليون رجيم في مواضيعي اختاري الي يعجبج وكلهم صحيين ويضعفون اذا التزمتي
رياضه فتحي قوقل و كتبي dr oz 5-minute workout يطلعلج يمكن 4 فيديوات في موقع الدكتور اوز تمارين لمده 5 دقايق بس وتضعف و تحرق الدهون
وبس دعواتج ان الله يفتحها علي ويسرلي اموري ;*

تسلمين حبيبتي اللحين بفر مواضيعج
و شكراً على الفيديوهات و زين انها قصيره انا كل يوم 30 دقيقه رقص
و احس اني ما قاعده احرق مع اني اسوي مجهود جبار اللي ينفع لي فيديوهات التماري
و تصدقين صديقه لي بتسافر دبي عند واحد هندي راعي يوغا تقول تعرف وحده تمت دوره يوغا مع ذاك المدرب
و تقول معد سارت تمتن قلت زين يعني الوحده تسوي رجيم و نثبت وزنها بيوغا و اليوغا تجيب الاسترخاء
توني من كم يوم قايله حق الوالد ابغي اخصص لي غرفه احط فيها شغلات مالت رياضه
مثل الكوره الكبيره و الستاند و غيره
و بدعيلج من كل كل قلبي حبيبتي الله لا يحرمني منج تسلمين

 

[شقآوه آثنى]

شقآوه آثنى

انا جسمي ما افركه حيل لان ساعات اتحسس

اول شي اسويه بالشاور اي سنفره وحاطه السنفرات هني

بعدها استعمل صابونه فير اند وايت وافرك بس الاماكن الغامجه

وبعدين اما استعمل هالليفه

او


هذي

واحط فيها اي شاور جيل و اصوبن جسمي بشكل خفيف



واهم شي افركه بضمير الظهر هههه لان احس لازم يتنظف عدل لان ماينشاف


واستعمل المفراكه الطويله واحط له شاور جيل عادي

واخر شي احط بيبي اويل او بايو اويل


وبعد ما ينشف جسمي ادهنه باي لوشن بس افضل بدون ريحه وخصوصا لوشنات سانت ايفز اما بالكولاجين او فيتامين E


الازرق و الاخضر

تسلمين حبيبتي ساعدتيني واااااايد الصراحه
و لكن عندي سؤال الصابونه وين بلقاها عاده
و بنسبه للباقي عندي اياهم و استخدمهم مرات مع كريم تقشير بالتوت الاحمر
و للوجه في مقشر بالمشمش قليله عليه روعه ينظف البشره بضمير
و لما اكون مستعجله استخدم المقشر اللي من دايسو هو على شكل قطره وردي
يشبه هذا تقريباً

 

[<miss botamba>]

صابونه فير اند وايت احنا نشتريها من الصيدليات و اوقات تلاقينها عند محلات العطاره مو متأكده وما ادري اذا متوفره بالدوحه او لا بس انتي شوفي الصيدليات


الصواني شوفي هذا شكلهم ويمكن كلهم سعرهم اذا كثر 400 ريال





الطين المغربي او يسمونه الغاسول اعتقد مال براكين شغله جذي لان اهوا مثل الصخر و تكسرينه بس مفعوله نفس الطين العادي مال البحر الميت او اي ماسك طين بالسوبرماركت مايفرق

عندج هذول ممكن تلاقينهم بالسوبرماركت

او من بودي شوب

بس هذا طحالب وطين

اللافندر تلاقينه مجفف بمحلات العطاره او السوبر ماركت او بسوالف معطرات البيت الي تكون في جيس و يسمونه بالعربي خزامى

او فريش عند المحلات المتخصصه بالزرع و مقارب له عندنا المشموم بس مو نفسه

هذا شكل اللافندر الفريش

 

[<miss botamba>]

شوفي انا لمن رحت هناك الحمام كان عندهم 3 شغلات


اما مغربي بس صابون

او صابون وبعده طين مع لافندر

او صابون وبعده طين ولافندر و اخر شي مساج بالارغان


بسسسسسسسسسس ماعندهم شي ثاني

وكنت رايحه حمام فايف ستار على قولتهم مو حمام عادي شعبي الشعبي مالهم يلوع الجبد المكان يخرع ومو نظيف

احطلج صوره بعد شوي

 

[<miss botamba>]

اول شي يدخلونج غرفه الحمام

كلها رخام اسود نفس الصوره بس انا غرفتي كانت كلها سودا ويمها من بره شاور

وماعون الصابون و الطين

وعقب اتييج مغربيه اتصوبنج وتقولج انسدحي على مايمر الوقت وانا كل ساع لعب اقوم والطخ بهالصابون

والفتحه الي ورا الصابون نفس طريقه حريم السلطان كلها ماي حار واتيي عقب اتغسلج واتفركج


وعقب تروحين المساج

وعقب اما تقعدين عالحمام السباحه او بغرفه خاصه اذا تبين لان من داخل خلط

احنا خذينا غرفه خاصه تقعدين فيها واذا تبين تقيلين مو مشكله

ويضيفونج جاي مغربي و صحن حلو مغربي


مال من يوديني هناك



بنات والله نصيحه المغرب اتيين حق شهر العسل لا يقصون عليكم بسوالف الســحر وبناتهم والله جياكر الي عندنا ايوون كلهم تجميل حتى منى امرشا الي ميتين عليها كانت معانا بالطياره والله سحت بدون ميك اب حتى قلنالها بنصور قالت لنا تعالوا بعد شوي لطخت ويها ميك اب عقب رحنا صورنا

 

[<miss botamba>]

انا فكرت اسوي هالطريقه للفرش وخذيت الصخر من ايكيا وخذيت نوعين ناعم وخشن

والفازات بكل مكان

هذي اعجبتني

بن القهوه

عيش

بس احس يطلع ريحه

فاصوليا بيضا

وحق الماشات مال مشابك الورق

 

[شقآوه آثنى]

صابونه فير اند وايت احنا نشتريها من الصيدليات و اوقات تلاقينها عند محلات العطاره مو متأكده وما ادري اذا متوفره بالدوحه او لا بس انتي شوفي الصيدليات


الصواني شوفي هذا شكلهم ويمكن كلهم سعرهم اذا كثر 400 ريال





الطين المغربي او يسمونه الغاسول اعتقد مال براكين شغله جذي لان اهوا مثل الصخر و تكسرينه بس مفعوله نفس الطين العادي مال البحر الميت او اي ماسك طين بالسوبرماركت مايفرق

عندج هذول ممكن تلاقينهم بالسوبرماركت

او من بودي شوب

بس هذا طحالب وطين

اللافندر تلاقينه مجفف بمحلات العطاره او السوبر ماركت او بسوالف معطرات البيت الي تكون في جيس و يسمونه بالعربي خزامى

او فريش عند المحلات المتخصصه بالزرع و مقارب له عندنا المشموم بس مو نفسه

هذا شكل اللافندر الفريش

ان شاء الله القاه لاني من قبل كنت ابغي اسوي خلطه و وفرت كل شي كان باقي بس شي واحد ما خليت صيدليه و لا سوبرماركت ما دورت فيه يأست و اغراضي اللي شريتها انرمت بالزباله =.=
قلت بوه اشتري لين اتاكد من وجود الشي اللي اشك اني شفته قبل

و طقم الصواني في بعد اطقم ذهبيه و عنابيه اتذكر خالتي شرتها عجيبه
و تنفع للي مجالسها اضاءه صفره لان اللي يشوف الطقم يحس انه في فصوص من الماس

اما المنتج الاول شبيه بمقشر للاقدام من همالايا مفعوله عجيب بس انا احط بعدها كريم
لان رجولي تسير جافه بعد ما اغسلها بالماي و لا مقشر بعد هههههه

و المنتجين اللي بعدهم ما اعرفهم
و لكن اللي من ذا بودي شوب و ازهار الخزامى ذول سهله اوفرهم
تسلمين حبيبتي ان شاء الله الاسبوع هذا اكون موفرتهم تسلمين من القلب

 

[شقآوه آثنى]

اول شي يدخلونج غرفه الحمام

كلها رخام اسود نفس الصوره بس انا غرفتي كانت كلها سودا ويمها من بره شاور

وماعون الصابون و الطين

وعقب اتييج مغربيه اتصوبنج وتقولج انسدحي على مايمر الوقت وانا كل ساع لعب اقوم والطخ بهالصابون

والفتحه الي ورا الصابون نفس طريقه حريم السلطان كلها ماي حار واتيي عقب اتغسلج واتفركج


وعقب تروحين المساج

وعقب اما تقعدين عالحمام السباحه او بغرفه خاصه اذا تبين لان من داخل خلط

احنا خذينا غرفه خاصه تقعدين فيها واذا تبين تقيلين مو مشكله

ويضيفونج جاي مغربي و صحن حلو مغربي


مال من يوديني هناك



بنات والله نصيحه المغرب اتيين حق شهر العسل لا يقصون عليكم بسوالف الســحر وبناتهم والله جياكر الي عندنا ايوون كلهم تجميل حتى منى امرشا الي ميتين عليها كانت معانا بالطياره والله سحت بدون ميك اب حتى قلنالها بنصور قالت لنا تعالوا بعد شوي لطخت ويها ميك اب عقب رحنا صورنا

واااااي وناااسه حبيت المغرب ودي ودي اروح هناك بس جد اذا في مجال الاسعار حلوه
ما يردني شي ان شاء الله اروح لها لان ابوي مره راح لها شغل قلت له وش شفت قال ما تسيحت
سويت شغلي و رجعت الدوحه كنت منقهره سمعت وايد اشياء تستاهل الروحه لها

احس مثل ما قلتي كشهر عسل بيكون روعه و الاجواء عندهم انتعاش الصراحه

 

[شقآوه آثنى]

انا فكرت اسوي هالطريقه للفرش وخذيت الصخر من ايكيا وخذيت نوعين ناعم وخشن

والفازات بكل مكان

هذي اعجبتني

بن القهوه

عيش

بس احس يطلع ريحه

فاصوليا بيضا

وحق الماشات مال مشابك الورق

شفت هذي عندنا بفرع ايكيا اللي انفتح بس تصدقين
يوم كنت ابغي اشتريها و الوالده قالت انها تشمخ الفرش بس احس عادي يعني
من بيشوف فرشي يعني و تشمخها داخل العلبه يعني ما بيكون ظاهر للعيد

 

[مــرح]

^ يعني شنو تشمخها

مافهمت

 

[أمورته]

اخبااااااااااااااااركم اييييييييييييه وحشتوني

عروس اكتوبر
لا سهالات ان شاء الله بس احراج وبعدها حرقان

 

[راقيه وجذابه]

فديتكم جزاكم الله خير ماقصرتوا حبيباتي

الحمدلله على كل حال نصيبي عسى ربي يعوظني

..

مس بوتمبا شقاوة انثى

هيربل سبا يسون جذي واحﻻ منه بعد ظايفتهم عندي بالانستقرام رووووعه مكانهم صج ريﻻاااااكس

ومن تايم المهلب

كنت حاجزه فيه لزوجي كان راد من سفر وحجزت له جلست مساج وحمام مغربي المكان فخم وراقي سعره غالي بس يستاهل مادري اذا في فرع نساء اول ﻻ

واخيرآ مابين بعينه ^_^ الحمدلله على كل حال

 

[Mrs.H]

جان ماني غلطانة من تايم تابع لسبا تايم

بس سبا تايم عجييييب

 

[شقآوه آثنى]

^ يعني شنو تشمخها

مافهمت

ههههههه حبيبتي يعني اممم تجرحها
انا قطريه فما اعرف انتم وش تسمونها < تتثقف
اتذكر الوالده قالت لي تتشمخ بس احس اللي كريستالات
لا ما اعتقد بتخرب الفرش يعني اللي احسه بيخر اللي شوي قاسي واحد

 

[شقآوه آثنى]

فديتكم جزاكم الله خير ماقصرتوا حبيباتي

الحمدلله على كل حال نصيبي عسى ربي يعوظني

..

مس بوتمبا شقاوة انثى

هيربل سبا يسون جذي واحﻻ منه بعد ظايفتهم عندي بالانستقرام رووووعه مكانهم صج ريﻻاااااكس

ومن تايم المهلب

كنت حاجزه فيه لزوجي كان راد من سفر وحجزت له جلست مساج وحمام مغربي المكان فخم وراقي سعره غالي بس يستاهل مادري اذا في فرع نساء اول ﻻ

واخيرآ مابين بعينه ^_^ الحمدلله على كل حال

حبيبتي انتي ^.^
الا اقول لهم افرع يعني في مجال القى بقطر
مو شرط اروح لهم بس اعرف المنتجات اللي يستخدمونها
يعني قررت اشتري ماسك الطين و كذا منتج و اكمل على طريقه مس بوتمبا

و صديقني مدام مسويه له ذا الدلال و لا بين بعينه بتجيبه مره ما فيها خير
انتي ذهبه حبيبتي و بيجيج اللي يستاهلج و يحبج و كل شي في خير
امكن لا كملتي معه يطلع مو شي و تحسفين و احلى شي فيج انتي راضيه
و ذهب ما يتغير و انتي ذهبه حبيبتي

 

[<miss botamba>]

مس بوتمبا شقاوة انثى

هيربل سبا يسون جذي واحﻻ منه بعد ظايفتهم عندي بالانستقرام رووووعه مكانهم صج ريﻻاااااكس

ومن تايم المهلب

كنت حاجزه فيه لزوجي كان راد من سفر وحجزت له جلست مساج وحمام مغربي المكان فخم وراقي سعره غالي بس يستاهل مادري اذا في فرع نساء اول ﻻ

واخيرآ مابين بعينه ^_^ الحمدلله على كل حال

هيربل سبا قصدج الي بالرقعي اذا اهوا انا كنت رايحه له قبل 5 او 6 سنين بس ماعجبني صج اسعاره ارخص من الباجي بس كان المكان لج عليه شوي .. مادري اذا جددوه او شي جذي مادري رحت له مره ولا فكرت ارجع له


ومن تايم تابع لسبا تايم بس سبا تايم ماعندهم مغربي ستايلهم اوريانتال كله شغل شرق اسيوي وعندهم سوالف سنفرات وجاكوزي بس مافي بخار وسونا كله اسوي عندهم


وكل مكان فيه وجوه غير عن الثاني مايتشابهون

 

[<miss botamba>]

^ يعني شنو تشمخها

مافهمت

قصدها الحصى يزلغ المسكه مالت الفرش

نفس لمن تتزلغ الطاولات