&& يومياآت عروؤس &&

[راقيه وجذابه]

&& يومياآت عروؤس &&



***



صباح الورد يا أحلى عرايس

شلونكم شخباركم مع التجهيز ان شاءالله كل شي تمام ♡♡♡

حبيباتي راح افتتح اليوم حملة ( يومياآت عروؤس )

حمله تهتم بيوميات العروس وتجهيزها من ناحية ..

شنو جهزت اليوم شنو شرت ومن اي محل

برنامج عنايتها اليومي

نظامها الغذائي

شنو مارسة بيومها حق تجهيزها لعرسها

نطرح افكار .. اماكن حلوه طحتي عليها .. شي جديد اكتشفتيه .. افكارج لتجهيزج .. عنايتج بجسمج وافضل عيادات رحتي لها للبشره واليزر وكل مايخص الجمال .. نفضفض كل ماقرب وقت العرس ..

كل مايخص يومياتج من اليوم لي يوم عرسج ان شاءالله ،، تحطينه هني تفيدين وتستفيدين وكل ماشريتي او جهزتي شي حطيه لعرايسنا وان شاءالله تكون افتتاحيه سعيده على الكل وتستفيدون ....

دعواتكم لي ربي يعوظني بالزوج الصالح الي يسعدني وعسى ربي يوفقكم ويسعدكم مع أزواجكم

انتظروا يومياآتي (( راقيه وجذابه ))

 

[منـآل]

-


‏​‏​‏​​حلـِۈۋ‏ موضوعج والله
وإن شاء الله يلقى التفاعل
يعطيج العافيه

 

[مدّهره !]

يعطيك العاافيه أوخيتي ...~



والله يعوووضك بخير ...~

 

[راقيه وجذابه]

أنا أول وحده راح أبلش ♡♡

طبعآ أنا مو عروس بس ان شاءالله ربي يعوظني وأصير عروسه حلوه مثلكم لووووول

أنا أحب أهتم بنفسي بكل شي وبأدق تفاصيلي أحب الأناقه والجمال متابعه ل لوكات المشاهير أحب أتبع الموضه وأحب عالم الماركاآت ... >> قولي قصة حياتج بعد لوووول

ببلش معاكم شوي شوي .. حبه حبه .. وحده وحده >> برااا ههههه

ﻻن انا عنايتي وبرنامجي مكثف ماشاءالله تبارك الله ..

بسم الله نبدأ

بالنسبه لي اليوم كان برنامجي

الصبح ريوقي خفيف ومودسم ﻵني ماشيه على نظام غذائي .. الهدف أحافظ على رشاقتي .. وزني 52 ماشاءالله وابي اوصل 50 بس جذي فراغه هههههه

الظهر لبست حزام حراري ورحت الممشى مشيت ساعه كامله ..

سويت حمام مغربي بالبيت ..

مهتمه بترطيب بشرتي بكريم فيتامين سي ..

زييت شعري ..

شريت كرتون ماي صغير وبطلتهم كلهم حطيت بكل بطل شوي ماي ورد وصكيتهم ويوميآ اشرب اكثر من بطلين ماي ..

رشاش ماي الورد يم التواليت اول شي اسويه بعد ما اغسل وجهي ارش علي ماي ورد ..

عشاي كان 7 حبات تمر كوب حليب خالي الدسم ..

من الشهر الجاي بخصص مبلغ من معاشي كل شهر اشتري شي ع الخفيف عطورات ميك اب و هالسوالف ...

المايك لكم ..

انتظروا توقيع الحمله ♡♡♡♡

 

[شوارفسكيه :$]

هلا حبيبتي انا موعروس بس ان شاءالله الله اعوضني واصير عرووس معاكم اول شي بقولكم من البدايه انا الحمداللهاحب نفسى حيل ومهتمه بنفسى حيييل الحمدالله شي حلو بقولكم عنايتي
جسمي الحمدالله حلو احب امشى لو نص ساعه باليوم وزني 62 ابي انزل لي 60 يعني كيلوين للرشاقه الزيدة وطولى 158الحمدالله طولى زين
الحين بتكلم بالشعر وعنايتي فيه
استخدم دابر املا الياسمين يوم ولا يوم ازيت شعري فيه ساعتين اواكثررر الحمدالله شي حلووو
والحين بتكلم عن عنايتي الشخصيه
اولا شي استخدم الصابونيه مالت مزيونه وشقرة وثاني شي عقب مااغسلها من جسمي احط سنفرة السنفرات مالت مزيونه وشقرة حلوة بصراحه روعه انا اللي اسويهم مااطلبها منها الحمدالله اعرف اضبطهااا وووووكل اسبوع مرة اسوي الصابون المغربي روووعه الحمام المغربي بالاسبووع مررة اهبل وليفتي الليفه المغربيه اشتريها من العطار ولا حلصت انشف جسمي وارطب جسمي بمرطب جرحنيز بزبدة الشيا روعه هالمرطب
والله ايوفقكم ياعرسنا ويعوضنا انا وراقيه وجذابه كل خييير ياربي
موفقين خير

 

[شوارفسكيه :$]

تذكرت شي كل يوم احط على وجهى ماء ورد اذا تذكرت شي بكتب

 

[راقيه وجذابه]

وينكم عرايس وين التفاعل والنشاط

عرايس 2011 الله يذكرهم بالخير نشاط وحيويه وتفاااعل .. يالله نبي نصير نفسهم واحسن منهم بعد هههه

شوارفسكيه هلا ومرحبا فيج ويانا وعسى ربي يعوظني انا وياج يارب وكل البنات

حلو برنامجج اليومي ماشاءالله

اليوم طلبت مجموعة نواعم من مزيزنه وشقره وطلبت كريم الدﻻل بعد

وشربت فوار فيتامين سي

واخذت فيتاميناتي ( اوميقا 3 ) تهببببل هي سر الشباب ماشاءالله

رطبت جسمي بكريم فيتامين سي

توني راده من الممشى

وناويه هاليومين امر صيدلية بوتس اخم جم شغله ان شاءالله

 

[ms sooola]

راقية وجذابة حلوو موضوعك ^^
انا عروس وزواجي بالعيد ان شاء الله يارب يتتم على خير
عنايتي سويت الخلطة الصابونية حق مزيونة وشقرا فديتها ..تهبل نعومة ونظافة وبعدها ارطب بلوشن فير اند وايت والنتيجة حلوة الحمدلله اسوي ليزر لجسمي تقريبا باقي لي جلسة وحدة والحمدلله الشعر خف والنتيجة مرضية وحمام مغربي
استخدم حبوب الخميرة الحمرا الامريكية حلووة حيل للبشرة والاظافر
امم طلبت من مندوبة بي بي كريم ميشا ولسا ماوصل يمدحونة حيل ان شاء الله يكون مثل مامدحوه
وبس لي باااك ^^​

 

[راقيه وجذابه]

حياج الله ويانا مس سوﻻ

حيالله عروسة العيد

الله يوفقج يارب استمري حبي

انا اليوم تريقت ورحت الممشى ساعه

رديت تغديت غداي كان خفيف وسعرات حرارايه اقل

شربت فوار فيتامين سي

اخذا فيتاميناتي ( اوميقا 3 ) هذا سر الشباب وولأسف البنات غافلين عنه

رطبت جسمي بكريم فيتامين سي

وبروح هاليومين بوتس اخذ لي جم شغله ان شاءالله

يالله عرايسنا نبي تفاعل

 

[عروسة اكتوبر]

بالنسبة لي صارلي يومين ما طلعت مكان مليييييييييت من السوق​

بس الحمدالله عنايتي مستمره​

بما ان شعري خفيف حيل قاعده استخدم عشبة الروزماري( اكليل الجبل ) حق شعري احطة يوما على شعري واخذ حبوب البورايورين للشعر واستخدم زيت دابر املا للشعر واحط حنة بالاسبوع مره​

وللجسم استخدم الخلطة الصابونية و كل يوم ارطب جسمي بكريم فازلين بالكاكاو ريحتة روووووعة​

وبالنسبة لوزني انا طولي 161 ووزني 62 وابي اضعف هالكيلويين بصراحة مو متبعة رجيم بس مخففة اكل والحمدالله​

الله يوفقنا كلنا عرايس ويرزق كل البنات​

 

[M!SS.LOBY]

بالتوووفيق:yaaaaaarb:

 

[راقيه وجذابه]

عروسة اكتوبر

الله يوفقج ويوفق كل البنات يارب

حلو جدولج اليومي

وين عرايسنا

اب اب

 

[al_sheikha]

روووووعه موضووعج راقية الله يعوضج خير ان شاءلله

 

[al_sheikha]

بالنسبة للعناية انا ضعيفة حيل ومتبعه نظام غذائي عند الدكتور محمد ربيعه
روووووعه هالنظام مو بس حق المتن كله صحي واخذ فتامينات وكالسيوم واوميقا 3
واحاول اكثر ماي واكل روب يوميا
واتابع عند دكتورة جلديه والحمدالله بشرتي بتحسن

 

[بنت الكويت90]

بالتوفيييييييييق للجمييييييييييع



انا عنااايتي ترطيييب وحمام مغربي ودابر املا للشعر وحبوب فيتامين سي



وناويه اروح اخر الاسبووع لحنان بيطار اعالج حبوووب ويهي



ادعوووووووولي بناااات عساربي يوفقنا ياااارب

 

[شربـــات لـــوز]

اهلااا بعرايس 2013
انا عن نفسي مسويه ليزر بطيبه كلينك روووووعه حيييل
والعنايه خلطات واااايد للسولولابت والخطوط وتوحيد لون
وان شاءالله بكتب موضوع شامل للخلطات الي فادوني
وبسوي برنامج عرووس بصالون لافندر البيرق
حاليا اسوي حمام مغربي بنفسي وقت النوم ارش ويهي ماي ورد بعكر فاسي معا اربع حبات مره واشرب ماي وفيه شويه ماي ورد
كل اسبوعين احط حنا
احس الوقت يركض عرسي بالعيد

 

[شربـــات لـــوز]

بخصوص التجهيز
شريت عطوراتي من هارفي نكلز وشريت مجموعه من فكتوريا سيكرت انصحكم فيهاا كل مجموعاتها اتينن
شريت من لاسنزا ملابس داخليه وسويت نفنوف ثاني يوم عند المصممه نجوئ الفضلي
وللحين حووسه ماخاصت
ونفسيتي تعبانه حيل مادري اشفيني بس ودي ابجي
الله يوفقنا ويوفق بنات المسلمين ويرزق الي للحين ماتزوجوا

 

[شربـــات لـــوز]

ماخاصت -ماخلصت

 

[يارب رزقك والج]

الزين مايجيب الا الموااضيع الزينه يا هلاا براقية
انا من زمان اتابعكم واذكرج ايام تجهيزج مع البنات
صدمتيني الحين لما قلتي الله يعوضني تطلقتي
بعد عمري الله يعوضج بالزوج الصالح وتبشريني عن قريب

 

[راقيه وجذابه]

عروسة اكتوبر

الشيخه

شربات لوز

هﻻ ومرحبا فيكم حبيباتي

فعﻵ فكتوريا سيكرت عجييييب انصح كل العرايس يجهزون منه عطورات ولوشنات وقمصان ومﻻبس داخليه كله من هناك

كنت ظايفه وحده بالانستقرام اجنبيه اتابع لبسها وستايلها كانت تلبس بكينيات عجييييبه وتهبل قلت حسافه ليت بالكويت نفس جذي

لمن رحت فكتوريا لقيتهم انصدمممممت خميت الي ابيه والي ما ابيه وطريقت تنسيقهم للتيشرتات مع الستيانات الي تكون طالعه من التيشيرت عجيب

انصحكم فيه

يارب رزقك

اي والله تطلقت الحمدلله على كل حال عسى ربي يعوضني

فديتج الزين انتي ومرورج الازين ياقلبي