يقولون سامحي الي ظلموج اشلون ماقدر والله ماقدر ابي اشوف حوبتي فيهم

[brettey]

حبايبي كلكم عسى ربي ينولكم مرادكم ويبعد الظلم عنكم

 

[jaaanooo]

بس المشكله لما هالشخص يكون عزيييييييييز عليج وايد

بعد شتسوين يا حبوبه شغله صج تعور القلب .. بس احد طريقة تتناسين .. صدقين brettey انا انظلم من اهلي ومن نااس حواليين عمري ما تخيلت انهم يسووين فيني جذيه .. بس فوضت امري لله .... ما اقوولج انا متدية .. لا والله بس هذا الي كان بيدي اسويه .. وكلي امرج لله وحااولي تنسين او تتناسين وربي بياخذلج حقج حبوبتي

 

[brettey]

الله كريم
ياربي صبرني وعوضني خير

 

[مدام فاشن]

حبيبتي ادعي ان شاء الله هل ظلم ينقلب خير عليج وسبب ظلمهم لج تطلعين بنتيجه خير

والله والله انه في وحده ظلمتني ظلم وموتتني وكنت ادعي عليها ليل ونهار مابي شي بس ابي الي سوته فيني اشوفه بنفسها بس ابي حوبتي اشوفها بعيونها وتقول هذا نفسه الي سويته بفلانه


بس الحمد الله الحمد الله رب العالمين والله ياحبيبتي انه الي سوته فيني وظلمها لي والي سوته فيني انعكس علي بالزين

ظلمتني وظلمها ياب نتيجه عكسيه عكس الي اهيا تتمناه لي حياتي تغيرت 180 درجه للاحسن والحمد الله انها اهيا السبه بالي انا فيه الحين من راحه

واحمد ربي الف مره باليوم على حياتي الي تغيرت بعكس مااهيا كانت تبيه


والحمد الله رب العالمين ومابعد الضيج الا الفرج من عند رب العالمين

 

[زهرةجدة]

شكرا حبايبي ع الموضوع الرائع وف نفس الوقت المحزن
لان حقيقي من يوم اتوفى والدي وانا اشوف من اخوانه القرف والشجع ع مالنا الى الان 16 سنه وهما عاملين قلق ف حياتنا حسبي الله عليهم وهما عايشين احلى عيشه ماناقصهم ولاشي واحنا تعبانينوالله ماني قادره اشتغل عشان رح يسحبو الراتب متخرجه من 7 سنين ومتحسره ع حالي لازواج ولا عمل الله ينتقم منهم وفي عيالهم

 

[قلبي ابيض]

قولي اللهم اني عفوت عمن ظلمني

 

[Pissy Missy]

حبيبتي اذا ما شفتي حوبتك فيهم بالدنيا ف تأكدي انه حوبتج بتشوفينها أضعاف بالاخره بإذن الله

الله ما يرضى بالظلم وراح يضاعف عليهم العذاب

الله يفرج عنج ويمسح على قلبج ويخليج تنسينهم وينصرج عليهم

 

[اللولو97]

أقدر اسامح نعم بدون ما أشوف أي حوبه فيهم​

لأن الله محييط في كل شي مو خايفه إن ما يشوف وما عندي أدنى شك إن ربي مو عادل​

الله عز وجل يمهل ولا يهمل مو شرط تشوفين الشي الحين​

ولاهو شرط تشوفين العقاب عقب سنين لأ يمكن ما تشوفينه​

بس لازم تعرفين عدل و رحمة وكرم ولطف رب العالمين​

يعني الله عز وجل مو مثل البشر يعني تقولين يمكن ما حس يمكن ما إنتبه يمكن مو مقدر​

لأ لأ الله الخبير الله العليم الله أقرب من حبل الوريد أرحم لج من نفسج عليج​

برتي ما تبيني اسامح وأنا أومن بعدل الله؟!​

انج تسامحين مو إن انج تردين كل شي مثل ما كان مو إن تعاملينهم بألطف ما يمكن​

المسامح إن ما تحقدين إن تقولين يا ربي انك شاهدت فنصرني بدون دعاوي بالسوء عليهم والإلحاح بلحق السوء فيهم لأن ربج أعلم ويختار الجزاء المناسب العادل​

نفس راى اختى جاى الضحى

رب العالمين يمهل ولا يهمل ولا ينسى عباده ابدااااااا


ادعى ان الله يعوضج خير ولا تدعين على غيرج الا بالخير لان الملائكه تقول لج ولك المثل

 

[دنيه سعوديه]

الله ينصر كل مظلوم وينصرني وانا ارى يارب

 

[بخـــارى]

ظلمج وتبين تشوفين حوبتج فيه وتحبينه ومو قادره تكرهينه؟؟

شلي بتستفيدين من شوفة حوبتج فيه؟؟

شنو العائد المادي او المعنوي لج اذا هالانسان تضرر وانتي تحبيييييينه؟؟

ادعي انه ربهه يهديه ويسخره لج
انا في ناس ظلموني لكن ريحت راسي ماافكر فيهم بالمره ولا ادور اشوف حوبتني
لكن تصي رفيهم سوالف
الكل يقول شوفي الي سووه فيج قاعد ينرد لهم

وانا اتضايق من هالكلام

لاني ماني مستفيده
الي افكر فيه رضا ر بي علي
اطور من نفسي
استمتع بحياتي

ترى سهل انج تظلمين وسهل تتشمتين وهاذي حيلة الانسان الضعيف

الصعب

انه الي ظلمج تعاملينه بالحسنى من غير ماتنزلين من قيمتج ولا كرامتج

ووقت الضيج توقفين معاه وتبتغين الاجر من رب العالمين

لاتقولين انا ادعي وما اشوف حوبتي وربي مايستجيب لي بسبب العجله الي فينا

لا صبري يمكن انتي تدعين على شخص لكن ربي يحول هالدعوه لرزقه اوتوفيق لج وهالشخص يتضايق لانج فرحتي برزقتج
اكثر من انه لويصيبه ضرر
فكري بعيالج وبسفرتج حق لندن
فكري بنفسج
الهي بعيوبج

والله راح ترتاحين

شوفي انا اعرف وحده مسويه روحها اهيا واهلها وبذات عقب ماكلهم تزوجوا ظمنوا الدنيا وانهم محل قوة
تجمعوا هالخوات علىى اختهم الكبيره مو متزوجه وظروفها صعبه وسعوا مع ابليس يطلعونها من بيتها و سبحانك ياربي

تدور الدنيا على وحده واهيا اقواهم وتنطر من البيت لاامها ولاخواتها فادوها بشي
واختهم الكبيره كل اخوانها وخواتها يبونها عندهم شفتي ربج وحكمته

يابريتي انا شفت ناس ماهمها الا انها اتطلقني من زوجي
ولا مادعيت عليهم مع اني ادري بسوالفهم وكرهم لي

لكن الحمدلله فديته ابو الغاليه بنيتي
نزعل يومين ويرجع يراضيني بسفره او بشي حلو
وتذكري كلام ربج
(يمكرون ويمكر الله والله خير الماكرين)


اسفه طولت عليج

 

[brettey]

حبيبتي بخاري انا ما بي له المضره انا بس ابيه شي اييله يخليه يندم واقاعده ادعي انه يسخره لي ويرجع لي ندمان ابي يعترف بغلطته لان الكل شاهد عليه ان ظلمني
وفي ناس ظلموني وابي اشوف حوبتي فيهم
والله كريم

 

[أماني الحلوه]

ادعي ربي ينصرني بس ماادعي عليهم علشان اذا ربي نصرني اهما اكيد بيشبون نار وبالنهاية حتىلو بدعي وبيصير فيهم شئ ؟ شستفيد ؟ ادعي حق رووحي احسن

 

[FeShinGoOo]

شوفي انا قبل فتره قلت اني محلله كل الناس بحياتي الا انسانه وحده كانت ساحرتني وغربلت عيشتي جسبي الله ونعم الوكيل فيها هاذي مستحيل اسامحها لان الي سوته ليلحين اثره ماراح ..

صج انها تابت وصارت خوش انسانه بس انا ماقدر انسى عمري الي راح ونفسيتي الي انهدت .. والامراض والكوابيس والعلل والاكتئاب والعءاااب الي عشته كنت عايشه بجحيم ما انساه ولا راح انساه ولا راح اسامحهااااااا


اما الاشياء الثانيه حش ولا حقد ولا حسد ولا تحفر اقول الله يسامحهم واخذ حسناتهم وياخذون ذنوبي ..

 

[ツ Βαbŷ Fąčę ツ]

إذآ بتقعدين تفكرين 24 سآعه فيهم رآح تنقهرين والله أكثر واكثر شكلهم ظآلمينج ظلم جآآآآيد وإلآ
جآن مآ وصلتي لجذي لآ تدعين عليهم بس إدعي الله يآخذ حقج وتحسبي والله يآآرب ينصرج عليهم
ويوريج يوم فيهم ...

 

[حب الرّمان]

الله يسامح الي ضلمج فرشي سياتج وصلي حق ربج ودعي لهم بالهدايه وسامحي ربنا سبحانه وتعالي الي خالقنا يغفرلنا سبحانه علي اكبر المعاصي تيين انت يالانسان متسامحين وماتغفرين واذ احد ضالمت كله قولي حسبي الله ونعم الوكيل بس وصدقيني ربج راح ياخذ حقج وترااا موزين تدعين علي الناس حتن لوضلموج ترد لج الدعووه ونامي وانتي مضلومه ولاتنامين ضالمه والله يهدي سرج يارب

 

[حب الرّمان]

ترا الدنيا ماتسوى انا لمن توفت يدتي الله يرحمها شفة الدنيا صغييييره بعيني وماتسوى شي يعني ماتسوى انج تزعلين ولاتتضايقين
ولاتشيلين هم والله العظيم الله الكريم بس قولي حسبي الله ونعم الوكيل والله كريم

 

[هجووورة]

على شنهو اسامح امانه
على الضيم- على الحقران - على التفرقة- على الحش- على الاهانات - على التجويع
لو اكتب لباجر ما اقدر اسطر اللي سووه فيني
وفووووووووووق هذا اشوفهم في احسن حال ما ضرهم شي من اللي سووه كلهم
بالعكس كل مالهم يزيدون وما ضرهم شي
يقولون سامحي اذا رب العزه والجلال يغفر ويسامح انتي ما تسامحين
ردي وقولي مثل ما قلت
هذا رب العزة والجلال محد مثله لكن انا امته الضعيفة
وماراح اسامحهم لين اشوف حوووووووووووووووبتي فيهم
اهنيه ارتاح ولا اقدر امثل اكثر من جذي

 

[عيون منوعه]

يامآآآ انظلمت و يآما بجييييييييييييييييت و يآما و يآآما

و انظلمت من ناس حيييل قراب و خلوني ليالي ما انام

بس تدرين اني ما دعيت عليهم بالعكس كنت ادعي لهم بالهدايه و يبعدني عنهم ....

و الحمدالله رب العالمين انكشفت السالفه الي قطوها علي و كلشي بان

بس سااقلبي قطي كلشي ورا ظهرج و ادعي لهم بالهدايه و اله يرجعكم حبآآآيب مثل قبل
و الباجيعلى رب العااااالمين

 

[nora al]

حبيبتي انتي مفروض تسامحين عشانج انتي !!

انتي قلتي القصه وقلتي الجواب بموضوعج شفتي هالشي مع حياتج مفروض تتعضين عدل !!

غلط تدعين على احد واكبر غلط مو عشانهم عشانج انتي !! لان الملك يقول ولك مثله !!


وغلط تحرين همج وتحرقين بنفسج لان احد ضايقج مو عشانهم عشانج انتي !! اهما مستانسين وانتي يصير فيج امراض الدنيا !!


الانسان اذا عصب ترتفع الاحماض بجسمه وهالشي يسبب كل الامراض ويوقف كل شي بالجسم واول هذي الامراض السرطان !

الله يبعد عنا الامراض بس انتبهي تصرفاتج غلط !!


دايما اقول حق الكل ( لاتعيشون دور المظلوم )


اللي غلط عليج تقدرين تردين بادب وتحرجينه وترتاحين بنفس الوقت تعوودي تعلمين قبلج على التسامح ! خلي قلبج رحوووم اذا ماقدرتي استغفري استغفري لين يليييين قلبج لاا تقسين بزوود هالشي مو زين لج تراا !!


اهماا كيفهم بس عشانج انتي ! لا تردين العلاقه مع احد اكتفي بالسلام ولا لج شغل فيهم حتى لو قراب

 

[النملة نواري]

انا اسامح كل الاشخاص الي ظلموني
الا شخص واحد لو يحب رجولي ما سامحته