يقولون دكتور اشرف يعرف جنس البيبي من الاسبوع 11 صج عاد؟؟

[قلبي خالد]

انا الحين ١٥الشهر راح اكمل الثالث يعني انا الاسبوع ١٢و يومان ابي انطر لحد اليمعه

 

[جمالي خيالي]

قلبي خالد .. انا مارحت له ليما الحين بنطر لي عقب رمضان عشان يعطيني القرار الاخير

ام عفاف .. سلامتج حبوبه من كل شر وربي ييسر لج ولادتج ويقومج بالسلامه *

 

[جمالي خيالي]

ام عفاف بسألج اذا بروحله لازم ادق عليهم اخذ موعد؟
ولو سمحتي ابي رقم قسم الاشعه

 

[مس لوتس]

لا بنات ماياخذ موعد تدشين ع طول ومبروكه حبيبتي يعرف المشيمه وكل شي وام عفاف صج يخربط صدمتيني لاني رحتله اليوم وقالي جنس البيبي وقال اعرفه من الاسبوع١١وانا بالاسبوع١٤و٦ايام

 

[ام عفاف الكويت]

مافي انسان معصوم من الخطا
ومافي شي اكيد
انتي سوي بالشهر الرابع او الخامس

 

[a7la_nono]

بنات اسبوع 11 يعني الثالث؟

 

[جمالي خيالي]

وي وانا شاده الظهر فيه على اساس كلمته مسمار بلوح اثاري عنده سوابق بالاخطاء

 

[جمالي خيالي]

بنات اسبوع 11 يعني الثالث؟

عشان تعرفين جم لج بالاسابيع في مواقع تحسبلج تحطين موعد اخر دوره ويطلع لج جم اسبوع
جربي babycenter.com

عالعموم حسبه الاسابيع تبدي من اول يوم للدوره

 

[جمالي خيالي]

احلا نونو .. توني الاحظ توقيعج موجود حساب الاسابيع
انتي لج الحين ٦ اسابيع ويوم

 

[ضي]

السلاام


انا رحت له وكنت فبداااية الاسبوع ال١٣ وبين معاه

والحين انا بالاسبوع ال١٦ وتاكدت والحمدالله نفس ماقال

بالعكس الدكتور شاطر بس روحوله عقب ال١٣ احس

 

[أحلى كروزه]

بنات عفيه شلون دوامه بالرمضان متى اروحله

 

[جمالي خيالي]

ضي .. اي احسن شي الوحده تنطر لي اسبوع ١٣ عالاقل

احلى كروزه .. والله ماعندي فكره عن دوامه برمضان اتصلي عالمستشفى وسأليهم وياليت تردين لنا خبر

 

[FuSheYa]

الله يسهل عليكم وعلي

ذكرتووني بوقت الترقب .. وشلون كنت انطر ميته ابي اعرف شنو جنس البيبي

 

[مس لوتس]

الاسبوع اللي فات دوامه من الساعه٨مساء الي ١٢ليلا

هالاسبوع من الساعه٩صباحا الي٤عصرا وكل اسبوع يتغير مره بليل ومره صبح

 

[أحلى كروزه]

دقيت الظهر قالولي دوامه طول هالاسبوع من س٩الصبح ل٣العصر وبس الخميس من ١الظهر ل ١ بالليل*

 

[ام عفاف الكويت]

انا لما رحت تقريبا رحت 9 وقالوا قاعد الى 2 الفير

 

[جمالي خيالي]

واي شوقتوني ودي اروحله الاسبوع الياي
جان زين يكون دوامه ليل

 

[مس عسولة]

بنات وين صاير عياده ولا وين

 

[جمالي خيالي]

مس عسوله .. دكتور اشرف اخصائي اشعه موجود بمستشفى السلام قسم الاشعه بالسرداب

 

[النووف]

.,


الصبر مفتاح الفرج