يدا بيد نحو التغيير .. للجادات فقط

[الله كريم ويرزق]

اكثر شي ودي اغيرة (الحساسية الزايدة)
على طول افكر بالناس شتقول ومرات احس من كثر التفكير اني اتخيل اشياء مالها وجود(مثل كلام ما انقال واتخيل ان الناس بيقولونة عني)ادري هذي اوهام واني لازم اكون واثقة من نفسي/الثقة الحمدالله موجودة بس ماادري تخورها معاي حبتين مراااااااات
ابي اشيل العصبية اللي فيني واللي مضايقة اهلي فيها مرات مع اني طيبة حييييييييييييييييييل واتحسف لني اضخم الامور مرات
صج صج صج فية اشياء شكثر ودي اغيرها/نبي افكاركم بنات
ماتدرون يمكن هالكلام او الافكار اللي بتنكتب راح تغير ناس وانتوا ما تحسون (طبعا للاحسن ان شاء الله)

عسى الله يوفق الجميع لما يحب ويرضى​

 

[اسامي]

انا الحمدلله واثقه بنفسي
لكن صارلي موقف مع رفيجتي او اللي اعتبرتها رفيجتي وهو اللي صدمني
جد خلتني اعيد النظر باللي حوالي عشان اكتشف انه ما عندي صديقة حقيقة حوالي
انا الحمدلله ملتزمة واخاف ربي وثقتي برب كبيـــــــــــــــــــرة ولله الحمد
وما اترك صلاتي وقيام الليل وصيام كل اسبوع وكل شهر يعني من الناحية الدينية الحمدلله ولو اني مو مكتفية لأن مع ربي لازم نصعد دايم وما نوقف مكان واحد

بس جد انا ودي اطور علاقاتي الاجتماعية باللي حوالي

وعندي ثقة اني مع هالقروب بنتغير كلنا

الله يوفقج اختي الثقه عنواني ويعطيج على نيتج يارب

 

[لكـ الغـلا]

جزاج الله خير على هالموضوع القيم .. فعلا محتاجين للتغير .!

الحمدالله عندي ثقه بنفسي وبقدراتي ودوووم انظر لنفسي اني انسانه مميزه ولي حضور مختلف ..

هالنظره هذي حييييل مريحتني لأن مهما واجهة انتقاد من إي أحد مووووليه ما يهزني ابدا لأن عندي الثقه !

بس محتاجه اتغير للأفضل من ناحية العباده ودي اتقرب من ربي أكثر وأكثر ..

آنا مشكلي اجتهد فتره وعقب افج ..

وهمن ودي انظم وقتي بين العباده والاهتمام بنفسي وقرأت كتبي والنت << اعاني من عدم تنظيم الوقت !!

ودي أغير نظرتي لما أمر بمشكله مابي شي ياثر علي ودي نظرة التفائل ماتروووح عن عيني موووووليه ..

مابي العقبات تهزني ..

وبإذن الله لي رده ثانيه على هالموضوع القيم .!

 

[marsooma]

هلا اختي marsooma
ماهان علي اشوف مشاركتج وأطلع بدون لا أرد عليج
أول شي العفو حبيبتي وحياج الله بينا اخت عزيزه وغاليه
وثاني شي ليش هالدموع بعيونج مسحيها ومابي أشوفها مره ثانيه
إن شاءالله مع بعض بتلقين الهوايات اللي ترتاحين وتميلين لها بس يبيلها شوية صبر
توكلي على الله سبحانه ولاتستسلمين لأنج أكيد وبإذن الله بتوصلين لمرادج
أما الصداقات فهذا شي سهل .. صج ان الصداقات بهالأيام صعبه انج تثقين فيها أو ترتاحين لها من البدايه لأن انسانه يديده بتتعرفين عليها وبدخلينها حياتج وانتي ليلحين ماتدرين شنو اللي بيكون من وراها
بس أصابع إيدج مو سوا أكييد والحمدالله الدنيا ليلحين بخير وأكيد اللي بتعين وتعاون راح ترتاحين لها وراح اتميلين لها وراح تتعرفين عليها أكثر مع الوقت
حطي إيدج بإيدنا وإن شاءالله بتلقين لج صحبه صالحه اتعين وتعاون
وبإذن الله ماتندمين

خلااااص لادموع بعد اليوم .. شكرا على ردج و اهتمامج حبيبتي ...
راح اتابع الموضوع اول بأول انشالله ..
و يزاج الله كل خير:balo:

 

[الثقه عنواني]

السلام عليكم ورحمة الله وبركاته
شلونكم ياحلوات ياطموحات

ماتدروون اشكثر فرحت لتفاعلكم معاي وعزيمتكم القويه نحو التغيير
والله يقدرني وأكون قد المسؤليه إن شاءالله وأساعد كل وحده منكم باللي أقدر عليه إن شاءالله
سامحوني اليوم ما قدرت أدخل مبجر الحلوه شرفت والنفسيه كانت مش ولا بد بس الحمدالله مع سورة البقره ارتحت وااايد وهذي أنا بينكم وما راح أتركم إن شاءالله
برجع أقرا الردوود وأعلق عليها وإن شاءالله إن قدرت بحطلكم جم شغله حلوه

 

[الثقه عنواني]

يزاج الله خير

تسلمين حبيبتي وماقصرتي

مشكوره يا قلبي على هالموضوع الاكثر من رائع فعلا اتى ليضع النقاط على الحروف بالنسبه لي .... ارغب بالتغير لانني شهدت خلال السنتين الماضيتين صدمات اجد انها كبيره بالنسبه لشخص بعمري ...تبعثرت احلامي لانني لم استطع الاستمرار في المكابده والاجتهاد الذي لطالما عهدته في نفسي لم اعد استطيع التعرف عليها نعم اصبحت انسانا لا اتعرف الى مبادئه وقناعاته بل ختى اهتماماته ربما لانني ادركت بان الحياه ما هي الا وهم ... ولي عوده ان شاءلله

العفو حبيبتي
وحياج الله معانا اخت عزيزه وغاليه
الصدمات اللي شفتيها بحياتج لازم تكون دافع لج للإستمرار
والحياة اللي انعيشها قدر ومكتوب لنا واحنا بإيدنا نقدر نعيشها بالطريقه اللي نبيها
يعني بإيدج انتي وانتي بس انج اتسيرينها باللي تبينها
وأهم شي انج تتوكلين على الله سبحانه وبكل شي
إيدج بإيدنا وإن شاءالله بنكمل المشوار وبنغير مع بعض شغلات وايد مانحتاجها للأحسن إن شاءالله

واووووووووووووووووووو روعة اللحين احس ان قاعد اقرا شي مفيد للاخرتنا قبل هل الدنيا الزايلة
ابي اغيير طبعي شلووووووووووووووووون انا حسساسة حيل وكل شي ياثر فيني
وشي ثاني ابي اترك النميمة نهائي والله يابنات قبل لااتزوج مااعرف ومااحب اتكلم بحد واللحين
اسستغفرالله قبل لااتزوج كنت غير واللحين غير ابي ارجع مثل اول فرفوشة تونس عمرها والي معاها مالها دخل بالناس
والحين كثر الخير وزادت الضيقة
ودي ارجع نفس اول اجمع فليساتي واشتري الشي الي بخاطري فية وافرح وطول الليل ماسكتة
مو اللحين لا الماركات الي عندي تفرحني ولا الماسات ولا السفر
ضيقة يابنات مدري غريبة اول الناس وصديقاتي يحبون قعدتي واللحين يقولولي ليش تغيرتي
ادعولي تكففففففففففففففففففففففففففففففففففون وربي اكتب ودموعي على خدي
اللهم اشرح لي صدري
اللهم اشرح لي صدري

مرورج الأروع حبيبتي
والحمدالله اني قدرت أفيدكم ولو بالقليل
أول شي ليش هالدموع كلها ترى الدنيا ليلحين بخير
مابي أشوفج تبجين مره ثانيه ويالله ابتسمي علشاني وخلي كل شي ورا ظهرج
والحساسيه مشكله والله سأليني عن هالشي لأن من طبعي اني حساسه وايد بس الحمدالله بديت أسيطر على نفسي شوي ومع هذا أحس بعد وراي مشوار طويل
لاتحاتين بنكون معاج وبتتخطين هالمشكله بإذن الله
والنميمه هذي مصيبه الله يبعدنا عنها إن شاءالله وهالموضوع رااح يكون من ضمن اهم المواضيع اللي بنتطرقلها وإن شاءالله الله يعينا ويقدرنا ونتركها كلنا وللأبد بتعاونا مع بعض
حبيبتي صدقيني محد راح يتخلى عنج وراح ترجعين مثل قبل وأحسن إن شاءالله
المهم انج تتوكلين على الله سبحانه وتتفائلين وماتيأسين أبدا
إيدج بإيدنا وإن شاءالله مع بعض بنتخطى كل شي صعب

شلونكم بنات
انا الحمدلله بلشت من امس برنامج التغيير اللي نويتها وقلت بحط لنفسي خطوة خطوة
واحاول اغير شغلة شغلة فيني لاني اذا قلت انا عيوبي جذي وجذي وجذي راااح يصير فيني احباااط واحنا موناقصين
اول شغلة نويت اغيرها بنفسي ان تصير عندي هواية لان الانسان الفاضي راح الافكار السوداوية تروح وتجي معاه وتضيق خلقه
فاخترت كتاب وقلت بقراه
والحمدلله من امس وانا اقرا
والله يابنات ماتصدقون ان كل شوي يقولي الشيطان خلي الكتاب ويخليني افكر باشياء تصيرلي تضيييق الخلق
بس الحمدلله ارجع واقول انا واعدة نفسي وبنات القروب بالتغيير وابي فعلا اعينهم ونشجع بعض وارجع اكمل قراءة وعسى الله يعينا
واذا صرت قوية بالشغلة هذي راح ابتدي باشياء ثانية ودي اغيرها
بس قولوا لنا انتوا شسويتو؟

هلا وغلا
بخير دامج بخير حبيبتي
عيني عليج بارده وبدايتج وايد حلوه .. الله يتمم عليج دووم يارب وتحققين انجاز ورا انجاز
وهذا المطلوب ان الشغله اتكون خطوه خطوه وشغله شغله علشان لا تملين وتتحبطين بسرعه
ودووم قولي يارب إن هالشغله خالصه لوجهك فأعني عليها
والله يعينا أجمعين إن شاءالله

خوش موضوع والله بالفعل احنا محتاجين التغيير والله أنا من زمان قاعده اشتغل ع نفسي واغيرها للأحسن والحمدلله بس ياليت نقدر نغير المجتمع من حولنا بعد لأنه الحسد والحقد عمي قلوب الناس وماصار يفكرون إلا بدنيتهم نسوا إنه وراهم حساب وعقاب
وميرسي كثيررر ع موضوعك الرائع

حياج الله اخت عزيزه وغاليه بينا
والعفو حبيبتي المهم انكم تستفيدون واتكونون راضين
بالنسبه للمجتمع حولج صعبه انج اتغيرينه .. هذا الواقع
أخذيها قاعده لمن انتي تتغيرين راح اتشوفين كل شي حولج يتغير
لازم تتعبين على نفسج وتنسين الناس اللي يمج لأن علشان اتغيرين أي أحد لازم اتغيريين نفسج بالأول
توكلي على الله سبحانه هو اللي بيعينج إن شاءالله
وإيدج بإيدنا نحو التغيير إن شاءالله

جزاج الله ألف خير على هالموضوع وأكيد حابه أكون ضمن هالقروب الطيب
واجد أشياء ودي أغيرها بنفسي
من الناحيه الدينيه .. ودي أصلي الفجر بوقتها لأن للأسف دايما ما أقدر أقوم إلا بعد شروق الشمس
من الناحيه النفسيه .. واجد ههههههههه ودي أرضى بالقدر وما أستعجل الأمور حييييل نفسيتي تعبانه إنه عندي بنات وماعندي ولد وإنشالله ربي يرزقني وما أبي أستعجل مع إني مو صغيره وصارلي 12 سنه متزوجه عندي بنتين وحامل ببنت بس الحمد لله .. ودي أجيب الولد عشان تروح نفسيتي ويروح خوفي من كلام الناس ونغزات الحريم اللي ماتخلص
هم ودي أطنش بكلام الناس مو لا جا الليل قعدة أبجي ومحد درى عني ودي أعطي كلام اللي ما يستاهل طاف
طولت عليج بالكلام وجزاج الله ألف خير

حياج الله اخت عزيزه وغاليه
وتسلمين والله
حبيبتي قبل كل شي نصيحه مني لا تفكرين في احد غير نفسج وبس لأن محد راح يتعب غيرج
موضوعج كله بإيدج والله
وكلي أمورج كلها لله سبحانه تعودي دووم اتكونين بالقرب منه سبحانه
وصدقيني راح يعوضج خير إن شاءالله فما خاب من دعاه وطلبه
مارح نتخلى عنج إن شاءالله وحطي إيدج بإيدنا وبنكون لج عون بإذن الله
وماطولتي علي ولا شي أنا حاطه الموضوع لكم علشان تاخذون راحتكم واتقولون اللي بقلبكم كله
دام اني أقدر أفيدكم باللي عندي فالحمدالله هذا المهم
الله يقومج بالسلامه حبيبتي وياحلاة البنات والله
مافي احلى منهم حنونين اسم الله عليهم

والله موضوع التغيير يراودني بالدقيقه 60 مره

ولا انا الي تغيرت ولا انا اللي رضيت بواقعي المزعج


صج ان في اشياء قدرت اتحسن فيها شوي بس انا طماعه ابي اوصل لكل اهدافي واهم شي قررربي لربي هذا اهم موضوع عندي

ويزاج الله خير اكيد وياكم ..~

حياج الله اختي بينا عزيزه وغاليه
تسلمين وما قصرتي
وترى انتي اللي محبطه نفسج بنفسج
بإيدج تقدرين اتغيريين الواقع المزعج اللي عايشته وبإيدج اتحققين كل أهدافج بس الشغله يبيلها طولة بال وصبر
توكلي على الله سبحانه حبيبتي بكل أمورج هو اللي بيعينج إن شاءالله
والبدايه لازم اتكون خطوه خطوه علشان توصلين للي تطمحين له
حطي إيدج بإيدنا وإن شاءالله مع بعض بنحقق كل اللي نطمح له

جزاج الله خير على هالموضوع

تسلمين حبيبتي وماقصرتي

اكثر شي ودي اغيرة (الحساسية الزايدة)
على طول افكر بالناس شتقول ومرات احس من كثر التفكير اني اتخيل اشياء مالها وجود(مثل كلام ما انقال واتخيل ان الناس بيقولونة عني)ادري هذي اوهام واني لازم اكون واثقة من نفسي/الثقة الحمدالله موجودة بس ماادري تخورها معاي حبتين مراااااااات
ابي اشيل العصبية اللي فيني واللي مضايقة اهلي فيها مرات مع اني طيبة حييييييييييييييييييل واتحسف لني اضخم الامور مرات
صج صج صج فية اشياء شكثر ودي اغيرها/نبي افكاركم بنات
ماتدرون يمكن هالكلام او الافكار اللي بتنكتب راح تغير ناس وانتوا ما تحسون (طبعا للاحسن ان شاء الله)

عسى الله يوفق الجميع لما يحب ويرضى​

حياج الله بينا اخت عزيزه وغاليه
واللهم آمين
إن شاءالله مع بعض بنرتب أفكارنا وبنشارك الكل باللي عندنا بإذن الله
وبخصوص الحساسيه الزايده مثل ماقلت لحبيب قلب زوجها هي مشكله ويمكن أغلبنا يعاني منها وإن شاءالله مع بعض نلقى لها حل ونبعدها عنا وللأبد بإذن الله
والعصبيه هم بعد مشكله والله بس لازم اللي تملكها تتعلم شلون تتحكم بنفسها ولازم تتعلم شلون تضبط أعصابها وتسترخي
لا تحاتين حبيبتي ومافي شي وماله حل
أهم شي انتي توكلي على الله سبحانه ولا تفكرين في أحد غير نفسج لأن محد بينفعج بعدين
إيدج بإيدنا نكمل المشوار إن شاءالله

انا الحمدلله واثقه بنفسي
لكن صارلي موقف مع رفيجتي او اللي اعتبرتها رفيجتي وهو اللي صدمني
جد خلتني اعيد النظر باللي حوالي عشان اكتشف انه ما عندي صديقة حقيقة حوالي
انا الحمدلله ملتزمة واخاف ربي وثقتي برب كبيـــــــــــــــــــرة ولله الحمد
وما اترك صلاتي وقيام الليل وصيام كل اسبوع وكل شهر يعني من الناحية الدينية الحمدلله ولو اني مو مكتفية لأن مع ربي لازم نصعد دايم وما نوقف مكان واحد

بس جد انا ودي اطور علاقاتي الاجتماعية باللي حوالي

وعندي ثقة اني مع هالقروب بنتغير كلنا

الله يوفقج اختي الثقه عنواني ويعطيج على نيتج يارب

الحمدالله اختي اسامي
هذا المهم انج واثقه بنفسج وياجبل ما يهزك ريح
والحمدالله ألف الحمدالله وعيني عليج بارده لأن عندج واايد شغلات حلوه يفتقدونها كثير من البنات
وصدقيني كل شي يهوون بهالدنيا وإذا انتي انخدعتي من وحده فأنا انخدعت ب3 و 4 بس ماتوقف حياتي علشانهم
صج أتألم وأتضايق بس منو اللي بيحس ؟
هل يا ترى بتتأثر مثلي ولا تحس فيني ؟ أشك بهالشي والله
حبيبتي اللي يابها اييب 10 غيرها ولابد انه ايي يوم وتلقين اللي تكون لج اخت وسند بهالدنيا بس لا تيأسين ولا تستسلمين
وجربي مره واثنين وثلاث الحياة تجارب
وإن شاءالله وبإذن الله مثل ماانتي واثقه أنا هم بعد واثقه واحساس كبير يقولي انه بنطلع بشي حلو مع هالقروب
والله مايضيع تعبنا إن شاءالله .. المهم التوكل عليه سبحانه
الله يسلمج حبيبتي ويعافيج ربي ويرزقج كل ماتتمنين إن شاءالله

جزاج الله خير على هالموضوع القيم .. فعلا محتاجين للتغير .!

الحمدالله عندي ثقه بنفسي وبقدراتي ودوووم انظر لنفسي اني انسانه مميزه ولي حضور مختلف ..

هالنظره هذي حييييل مريحتني لأن مهما واجهة انتقاد من إي أحد مووووليه ما يهزني ابدا لأن عندي الثقه !

بس محتاجه اتغير للأفضل من ناحية العباده ودي اتقرب من ربي أكثر وأكثر ..

آنا مشكلي اجتهد فتره وعقب افج ..

وهمن ودي انظم وقتي بين العباده والاهتمام بنفسي وقرأت كتبي والنت << اعاني من عدم تنظيم الوقت !!

ودي أغير نظرتي لما أمر بمشكله مابي شي ياثر علي ودي نظرة التفائل ماتروووح عن عيني موووووليه ..

مابي العقبات تهزني ..

وبإذن الله لي رده ثانيه على هالموضوع القيم .!

حياج الله بينا اخت عزيزه وغاليه
والله يسلمج يارب
الحمدالله وهذا شي وايد حلو انج واثقه بنفسج ومايهمج شي
ومن ناحية العباده لازم اتوكلين أمرج لرب العالمين وتبدين خطوه خطوه وتبلشين شوي شوي لمن تتمكنين واتصير الشغله عندج عاده دايمه وماتملين منها أبدا ولا تنسينها
وهم بعد تنظيم الوقت يبيله وقت :d
إن شاءالله كل هالشغلات بنحطلها حلول وبنساعد بعض فيها بإذن الله
والمشكلات لازم تتعلمين شلون تتخطينها بدون لا تتركين أي أثر منها عليج .. صدقيني بقربج من الله سبحانه وتوكلج عليه راح اتشوفين كل شي يتبدد جدام عينج المهم ان ثقتج بربنا سبحانه اتكون كبيره
إيدج بإيدنا وإن شاءالله بنتجاوز كل العقبات

:d:d:d:d
خلااااص لادموع بعد اليوم :d.. شكرا على ردج و اهتمامج حبيبتي ...
راح اتابع الموضوع اول بأول انشالله ..
و يزاج الله كل خير:balo:

جني أشم ريحة شامبو بالموضوع :d
ايي أبيج دوووم جذي والضحكه ماتفارقج أبد
العفو حبيبتي وأنا ماحطيت الموضوع إلا علشان أكون موجوده معاكم على طول وأشاركم بكل اللي أملكه وأعرفه إن شاءالله
وتابعينا على طول لأن إن شاءالله بنزلكم شغلات اتفيدنا بين فتره وفتره
والله يسلمج يارب وحياج

 

[الثقه عنواني]

:: رسالة جميلة ::


أراد رجل أن يبيع بيته لينتقل إلى بيت أفضل
فذهب إلي احد أصدقائه وهو رجل أعمال وخبير في أعمال التسويق وطلب منه أن يساعده في كتابة إعلان لبيع البيت
وكان الخبير يعرف البيت جيداً فكتب وصفاً مفصلاً له أشاد فيه بالموقع الجميل والمساحة الكبيرة ووصف التصميم الهندسي الرائع ثم تحدث عن الحديقة وحمام السباحة ... الخ
وقرأ كلمات الإعلان علي صاحب المنزل الذي أصغى إليه في اهتمام شديد وقال :
أرجوك أعد قراءة الإعلان ...
وحين أعاد الكاتب القراءة صاح الرجل :
يا له من بيت رائع ...
لقد ظللت طول عمري أحلم باقتناء مثل هذا البيت ولم أكن أعلم إنني أعيش فيه إلي أن سمعتك تصفه
ثم أبتسم قائلاً :
من فضلك لا تنشر الإعلان فبيتي غير معروض للبيع !!!



هناك مقولة قديمه تقول :

" أحصي البركات التي أعطاها الله لك واكتبها واحدة واحدة وستجد نفسك أكثر سعادة من قبل "

إننا ننسى أن نشكر الله تعالى لأننا لا نتأمل في البركات ولا نحسب ما لدينا
ولأننا نرى المتاعب فنتذمر ولا نرى البركات

قال أحدهم :
إننا نشكو لأن الله جعل تحت الورود أشواك
وكان الأجدر بنا أن نشكره لأنه جعل فوق الشوك وردا ...!!

ويقول آخر:
تألمت كثيراً عندما وجدت نفسي حافي القدمين
ولكنني شكرت الله بالأكثر حينما وجدت آخر ليس له قدمين ...!!


أسألك بالله كم شخص تمنى لو أنه يملك مثل :
سيارتك
بيتك
تلفونك
شهادتك
وظيفتك

كم من الناس يمشون حفاة وانتي تقودين سيارة

كم من الناس ينامون في الخلاء وانتي في بيتك

كم شخص يتمنى فرصة للتعليم وانتي تملكين شهادة

كم عاطل وانت موظفة

كم وكم وكم وكم

ألم يحن الوقت لأن تقولي :

يارب لك الحمد كما ينبغى لجلال وجهك وعظيم سلطانك
اللهم لك الحمد حتى ترضى ولك الحمد إذا رضيت ولك الحمد بعد الرضا ولك الحمد على كل حال

لتكن نظرتك إيجابية .. فكل ماعندك يتمناه كثير ممن حولك له

 

[الثقه عنواني]

يارب لك الحمد كما ينبغى لجلال وجهك وعظيم سلطانك
اللهم لك الحمد حتى ترضى ولك الحمد إذا رضيت ولك الحمد بعد الرضا ولك الحمد على كل حال


استودعكم الله الذي لاتضيع ودائعه
وبإذن الله اليوم أتواصل معكم أكثر بس أبي تفاعلكم معاي

 

[طويت صفحة الماضي]

مشكوره اختي بجد كلامج روعه والقصص اروع لاعدمناج

 

[دلع العتبان]

يسلمووووووووو وموفقين يارب

 

[رووز q8]

اي والله صاجه

يارب لك الحمد على كل شي انعمت فيه علي ...~

 

[كيكه توفي]

يزاج الله خير

 

[amoraa-q8]

استغفر الله
استغفر الله
استغفر الله


سبحانك اللهم اني كنت من الظامين




لاتنسون الاستغفار كل يوم تذكروه ترى شي مو هين والله له مفعول بيومكم مو طبيعي




واحلى رفع لصاحبة الموضوع وياليت تعطينا نقاط مهمة وتزيدين هالقصص الحلوة ويعطيج العافية :ggdw:

 

[الثقه عنواني]

السلام عليكم ورحمة الله وبركاته
شلون الطموحات .. المتفائلات اليوم
اليوم بجعبتي الكثير وإن شاءالله ماراح أبخل عليكم بشي وبفيدكم كثر ماأقدر

مشكوره اختي بجد كلامج روعه والقصص اروع لاعدمناج

العفو حبيبتي وتسلمين والله
مرورج الأروع وإن شاءالله كل اللي بتقرونه بيعجبكم وتستفيدون منه

يسلمووووووووو وموفقين يارب

الله يسلمج حبيبتي
ويوفق الجميع يارب

اي والله صاجه

يارب لك الحمد على كل شي انعمت فيه علي ...~

والنعم بالله

يزاج الله خير

تسلمين حبيبتي عني وعنج كل خير إن شاءالله

استغفر الله
استغفر الله
استغفر الله


سبحانك اللهم اني كنت من الظامين




لاتنسون الاستغفار كل يوم تذكروه ترى شي مو هين والله له مفعول بيومكم مو طبيعي




واحلى رفع لصاحبة الموضوع وياليت تعطينا نقاط مهمة وتزيدين هالقصص الحلوة ويعطيج العافية :ggdw:

استغفرالله العظيم وأتوب إليه
صدقتي يوم قلتي إنه شي موهين .. الإستغفار له مفعول عجيب والله وانصح فيه كل البنات
تسلمين حبيبتي والله يعافيج من كل شر ويرفع من قدرج إن شاءالله دنيا وآخره يارب
تابعيني وإن شاءالله بتلقين اللي يسرج

 

[صديقه فله]

انشاء الله أنا معاكم بعد هيا الى التغيير

 

[الثقه عنواني]

النصائح التي تخط بماء الذهب
للشيخ عائض القرني

ما مضى فات , وما ذهب مات , فلا تفكر فيما مضى , فقد ذهب وانقضى ..

اترك المستقبل حتى يأتي , ولا تهتم بالغد لأنك إذا أصلحت يومك صلح غدك ..

عليك بالمشي والرياضة , واجتنب الكسل والخمول , واهجر الفراغ والبطالة ..

جدد حياتك , ونوع أساليب معيشتك , وغير من الروتين الذي تعيشه ..

اهجر المنبهات والإكثار من الشاي والقهوة ..

كرر( لاحول ولا قوةإلا بالله ) فإنها تشرح البال , وتصلح الحال , وتحمل بها الأثقال , وترضي ذا الجلال ..

أكثر من الإستغفار , فمعه الرزق والفرج والذرية والعلم النافع والتيسير وحط الخطايا ..

البلاء يقرب بينك وبين الله ويعلمك الدعاء ويذهب عنك الكبر والعجب والفخر ..

لا تجالس البغضاء والثقلاء والحسدة فإنهم حمى الروح , وهم حملة الأحزان..

إياك والذنوب , فإنها مصدر الهموم والأحزان وهي سبب النكبات وباب المصائب والأزمات ..

 

[الثقه عنواني]

لا تكثر من القول القبيح والكلام السيء الذي يقال فيك فإنه يؤذي قائله ولا يؤذيك ..

سب أعدائك لك وشتم حسادك يساوي قيمتك لأنك أصبحت شيئا مذكورا وشخصا مهما ..

اعلم أن من إغتابك فقد أهدى لك حسناته وحط من سيئاتك وجعلك مشهورا , وهذه نعمة ..

ابسط وجهك للناس تكسب ودهم, وألن لهم الكلام يحبوك , وتواضع لهم يجلوك ..

إبدأ الناس بالسلام وحيهم بالبسمة وأعرهم الإهتمام لتكن محببا إلى قلوبهم قريبا منهم ..

لا تضيع عمرك في التنقل بين التخصصات والوظائف والمهن فإن معنى هذا أنك لم تنجح في شيء ..

كن واسع الأفق والتمس الأعذار لمن أساء إليك لتعش في سكينة وهدوء , وإياك ومحاولة الإنتقام ..

لا تفرح أعدائك بغضبك وحزنك فإن هذا ما يريدون , فلا تحقق أمانيهم الغالية في تعكير حياتك ..

أنت الذي تلون حياتك بنظرك إليها, فحياتك من صنع أفكارك , فلا تضع نظارة سوداء على عينيك ..

إذا وقعت في أزمة فتذكر كم أزمة مرت بك ونجاك الله منها ، حينها تعلم أن من عافاك في الأولى سيعافيك في الثانية ..

 

[الثقه عنواني]

حياج الله اختي صديقه فله اخت عزيزه وغاليه بينا
وإيدج بإيدنا نحو التغيير إن شاءالله

 

[الثقه عنواني]

كان هناك طفل يصعب إرضاؤه فأعطاه والده كيس مليء بالمسامير وقال له :
قم بطرق مسمارا واحدا في سور الحديقة في كل مرة تفقد فيها أعصابك أو تختلف مع أي شخص

في اليوم الأول قام الولد بطرق 37 مسمارا في سور الحديقة
وفي الأسبوع التالي تعلم الولد كيف يتحكم في نفسه وكان عدد المسامير التي توضع يوميا ينخفض
الولد أكتشف أنه تعلم بسهوله كيف يتحكم في نفسه أسهل من الطرق على سور الحديقة

في النهاية أتى اليوم الذي لم يطرق فيه الولد أي مسمار في سور الحديقة
عندها ذهب ليخبر والده أنه لم يعد بحاجة الى أن يطرق أي مسمار

قال له والده :
الآن قم بخلع مسمارا واحدا عن كل يوم يمر بك دون أن تفقد أعصابك
مرت عدة أيام وأخيرا تمكن الولد من إبلاغ والده أنه قد قام بخلع كل المسامير من السور

قام الوالد بأخذ ابنه الى السور وقال له :
(( بني قد أحسنت التصرف , ولكن انظر إلى هذه الثقوب التي تركتها في السور لن تعود أبدا كما كانت ))

عندما تحدث بينك وبين الآخرين مشادة أو اختلاف وتخرج منك بعض الكلمات السيئة فأنت تتركهم بجرح في أعماقهم كتلك الثقوب التي تراها

أنت تستطيع أن تطعن الشخص ثم تخرج السكين من جوفه , ولكن تكون قد تركت أثرا لجرحا غائرا
لهذا لا يهم كم من المرات قد تأسفت له لأن الجرح لا زال موجودا
جرح اللسان أقوى من جرح الأبدان
الأصدقاء جواهر نادرة , هم يبهجونك ويساندوك
هم جاهزون لسماعك في أي وقت تحتاجهم
هم بجانبك فاتحين قلوبهم لك
لذا أرهم مدى حبك لهم

 

[الثقه عنواني]

الكلمات التالية تأمليها فربما تكون مفيدة لك في حياتك

أعطي الناس أكثر مما يتوقعون

عندما تقولين أحبك فلا بد أن تعنيها

عندما تقولين أنا آسفه أنظري لعيني الشخص الذي تكلمينه
لا تعبثي أو تلهي أبدا بأحلام الآخرين
أحبي بعمق وصدق

لا تعاقبي أو تصدري حكما على الآخرين وفقا لما تسمعيه عنهم فقط

تكلمي ببطء

لكن فكري بسرعة

اذا سألك أحدهم سؤالا لا ترغبين في اجابته .. ابتسمي واسأليه : لماذا ترغب في معرفه الإجابة ؟

تذكري دائما الطريق الى النجاح الكبير يتضمنه مخاطر كبيرة

عندما تخسرين لا بد أن تستفييد من خسارتك بأن تعتبري

احترمي ثلاث أشياء
احترمي نفسك
احترمي الآخرين
احترمي تصرفاتك وكوني مسئولة عنها



ابتسمي عندما تردين على الهاتف

المتصل سوف يشعر بذلك في صوتك

اقرئي ما بين الأسطر

تذكري أنه في بعض الأحيان لا تنالين ما تريدين
وربما تكونين محظوظة في ذلك