يدا بيد نحو التغيير .. للجادات فقط

[بحر الذكريات]

حلوه فكرة القروب

يسلمووو

 

[الثقه عنواني]

السلام عليكم ورحمة الله وبركاته
شلوونكم يالطموحات
اسعدني تفاعلكم معاي
راجعه أقرا الردوود وأعلق عليها إن شاءالله

 

[sweet dashttya]

انا بعد بغير شغلات مو حلوة فيني وان شاء الله تتعدل واصير احسن

 

[Q8iYa'87]

وااااااااو انا بعد بدش بالقروب و صج صج صج ابي تشجيع ,, عندي وايد اشياء و افكار بس ما القى تشجيع حواليني ..

ان شا الله التزم و استمر معاكم اتمنى تضيفيني اختي صاحبة الموضوع بالقروب :*

 

[الثقه عنواني]

جزاج الله خيير

تسلمين اختي وماقصرتي والله

الثقه عنواني وربي موضوعج جا بوقته انا بنظم معاكم
لان بصراحه نفسيتي بالمره تعبانه واجامل اللي حولي بالضحك وسوالف واللي بداخله الله العالم فيه مرت علي ايام وانا امرحاليا فتره طلاق واحس من بعد هالمشاكل اللي مريت فيها ماصار لي مزاج على احد صرت انطوائيه اكثر اوقاتي نوم او بالدوام وغالبا مااقعد مع اهلي ماصار لي خلق على احد ودي اغير كل اللي امر فيه وانا واثقه بالله ثم فيج ياقلبي وعسى ربي يفرج الحال يارب وانا بنظم معاكم

حياج الله بينا اخت عزيزه وغاليه
أول شي الله يعوضج خير يارب ويوفقج بحياتج يارب والطلاق مو نهاية العالم والخيره فيما يختارها ربج إن شاءالله
حبيبتي أبيج الحيين أول ماتشوفين ردي تضحكين وتضحكين من قلبج
ترى مافي شي يسوى بهالدنيا ومحد راح ينفعج
انتي اللي تعبانه وانتي اللي مضايقه وانتي اللي شاغله تفكيرج واللي حولج كلهم مشغولين بحياتهم ولاهين يمكن يتفاعلون معاج ويواسونج بس هالشغله مؤقته وكل من بيلهى بنفسه ومنو الخسران بالأخير :080402ask_prv:
تركي كل شي ورى ظهرج اوعديني تفتحين صفحه يديده وبيضه كلها تفاؤل ونشاط
أشكر ثقتج فيني من بعدالله سبحانه وإن شاءالله أكون قد المسؤليه
قومي الحين صليلج ركعتين حمدي فيهم ربج سبحانه وادعي انه يمسح على قلبج ويريحج
بعدها إيدج بإيدي علشان نمشي بطريج التغيير

 

[الثقه عنواني]

:080402ask_prv::080402ask_prv:وااااااااااااااااااااااو ماشاء الله موضوعج حلوووووووووووووو :n2006107:ومدري من وين ابتدي بصراحه عندي اشياء كثيرة ودي اغيرها بحاول اكتب بعضها على شكل نقاط:blueSmCLR:


اولا انا ولله الحمد واثقة من نفسي الحمد لله وواثقة ان الله ميزني عن غيري باشياء كثييييييييرة والحمد لله الحمد لله الحمد لله الله يديمها :yaaaaaarb::yaaaaaarb:


بس في اشياء ما ادري ودي اغيرها انا مو متقبلتها من داخلي بس مادري شلون ابتدي اغيرها ومو قادره حتى لو تشوفونه تافه بس انا ماقدرت :eh_s(11)::eh_s(11):

- اول شي احس ان حقي ما اقدر اخذه بنفسي ودايما انتظره يجي من حاله بس :s141: احس انه هالشي غلط انتم شرايكم يعني دايم اقول توكلت على الله ان ياخذ لي هالشي دام ماقدرت عليه مثل اذا في ناس يتقصدون لي بالشر وتعرفون التنغز والحركات ما اعرف ارد عليهم انا طبعي خجولة :080402ask_prv:بس بصراحة ماودي اسكت عنهم لازم كل شي له حدود هالايام الناس تبي جذي واللي مايسوي جذي معاهم يتمادون

- وبعد لا تضحكون ياويلكم ودي اغير طريقتي بالشيلة ابي البسه بالطريقه الصح مابي الشباصات المرتفعه كل ما احاول ابتدي اغير احس ما اتقبل شكلي وارجع بس بحاول وبحاول الين اقدر ادعولي ببتدي هالاشياء من رمضان باذن الله:RoadRunner:


اممممممممممممم وعندي اشياء اشياء بس لي رجعه ان شاء الله معاكم

اما مشاكلي وهمومي وكل شي عندي طريقة وحده وماشية ومرتاحه عليها هي ( اذا تضايقت والا شي على طول اشكي لربي بسسسسسسسسسسسسسسسسسس وادعيه من كل قلبي لأن هو الوحيد أقرب وهو اللي خلقني وهو اللي يعرف اللي بنفسي ) والله يثبتنا يارب:yaaaaaarb:


وبالتوفيق وشكر لصاحبة الموضوع

مرورج الأحلى وحياج الله بينا اخت عزيزه وغاليه
ماشاءالله عليج وعيني عليج بارده
أحلى مافيج انج انسانه واثقه ومؤمنه بالله سبحانه وهذا أهم شي
بالنسبه أخذج لحقج أنا عندي قاعده بهالحياة ان حقج لو مهما راح لو طال الزمن او قصر راح يرجعلج يرجعلج إن شاءالله
ربنا سبحانه يمهل ولايهمل صدقيني خلج واثقه من ربنا سبحانه وادعيه من كل قلبج ان حقج يردلج لأن دعوة المظلوم مو شويه
وسالفة الناس اللي حولج عطيهم أكبر طاف خليهم يتكلمون كثر مايبون خلج ياجبل ما يهزك ريح .. مارده لهم يوم ويسكتون
وسكوتج ما يعتبر ضعف بالعكس انتي ترفعتي عن ناس ماتستاهل والحمدالله انتي من وراهم لج الأجر وهم لهم السيئات اللي بدت تنمسح منج
كوني مثل الملكه خلي بسمتج دايما تسبقج وكسري عين الكل بكلامج الطيب وقابلي الإساءه بالإحسان بكل بساطه كوني أفضل من الكل ولاتنزلين لمستواهم
أما سالفة الشيله فما راح أضحك صدقيني لأنها صج تعتبر مشكله وإن شاءالله تتخلصين منها
توكلي على الله سبحانه وقولي يارب تركت هالشغله لوجهك الكريم فأعني عليها وإن شاءالله ربنا سبحانه بيعينج على هالشي
والحمدالله انج دووم تلجأين لربنا سبحانه بمشاكلج لأن مافي أحد بيساعدج وبيسرلج أمرج غيره سبحانه
الله يتمم عليج يارب اختي العزيزه ويوفقج بحياتج ويحققلج كل ماتتمنين إن شاءالله
بإنتظار مشاركتج وإيدج بإيدنا للأمام

جزاك الله خير
وأنا إن شالله معاكم
أنا باديه بكم شغله
عيوبي إني كسوله وماألتزم
بس قاعده أجاهد
أبي أتعلم النظام والترتيب والإنظباط وأهتم بديني ودراستي وصحتي وشكلي وشعري

تسلمين حبيبتي وحياج الله بينا اخت عزيزه وغاليه
وقبل كل شي توكلي على الله سبحانه وانسي شي اسمه كسل
أصلن لاتفكرين انج كسوله أبدا والإلتزام ماراح يكون بين يوم وليله يبيلج وقت
واحنا قلنا كل شي بيصير بس شوي شوي وبالصبر إن شاءالله والتفاؤل
إيدي بإيدج وإن شاءالله ماراح تندمين

توكلنا على الله

حسبوا حسابي معاكم

والنعم بالله
حياج الله اختي بينا اخت عزيزه وغاليه

مثلج بالظبط ولا ازيدج ابي اغير اسلوبي في الكلام ابي اترك الغيبة والنميمة احاول ازيد من حسناتي ابي اداوم على الاستغفار ابي اصادق بنات بس دائما اخاف من اي احد مااثق باحد ابي احد ارتاح لة افضفض لة وبعد ابي اصلي بالليل ركعتين وادعي ربي من كل قلبي اتمنى اني ملتزمة بس احس الشيطان اقوى مني

حياج الله اختي العزيزه بينا
ومثل ماقلت لأختنا NNA أرد وأقولج انسي شي اسمه كسل ولا تفكرين في هالشي أبد
توكلي على الله سبحانه وخطوه خطوه وبشوية صبر راح نوصل بإذن الله
وتقريبا الشغلات اللي تبينها نفس اللي أبيها لنفسي وفي جم شغله قدرت أحققها الحمدالله
فإيدج بإيدنا وإن شاءالله بنعين ونعاون ونكون لج خوات دنيا ومن هاللحظه اعتبريني اختج اللي ماولدتها أمج

حلوه فكرة القروب

يسلمووو

الله يسلمج اختي
وحياج الله

 

[الثقه عنواني]

انا بعد بغير شغلات مو حلوة فيني وان شاء الله تتعدل واصير احسن

حياج الله اختي العزيزه
وحلو انج اتفكرين بالتغيير فاستمري حبيبتي وتوكلي على الله سبحانه

وااااااااو انا بعد بدش بالقروب و صج صج صج ابي تشجيع ,, عندي وايد اشياء و افكار بس ما القى تشجيع حواليني ..

ان شا الله التزم و استمر معاكم اتمنى تضيفيني اختي صاحبة الموضوع بالقروب :*

حياج الله اخت عزيزه وغاليه
عطينا أفكارج والشغلات اللي تتمنينها وإن شاءالله راح تلقين التشجيع منا وراح نعين ونعاون ونكون إيد وحده بإذن الله

 

[الثقه عنواني]

من الشغلات اللي اتمنى أتركها السهر اللي ماله معنى
يارب اتعيني على هالشغله يارب

استودعكم الله الذي لا تضيع ودائعه
وبإذن الله باجر بحطلكم جم شغله وبنتفق على اللي نبي نبدي فيه إن شاءالله

 

[marsooma]

:e3:
خوووش موضوع..

أنا أبي هوايات يديده .. و ابي صداقات وطيده .. لوول .. بس صج احس دائرة الصداقه عندي ضيقة .. ابي أوسعها .. مو عارفه شلون ..:eh_s(2):

وشكراااااااا:eh_s(21):

 

[الثقه عنواني]

هلا اختي marsooma
ماهان علي اشوف مشاركتج وأطلع بدون لا أرد عليج
أول شي العفو حبيبتي وحياج الله بينا اخت عزيزه وغاليه
وثاني شي ليش هالدموع بعيونج مسحيها ومابي أشوفها مره ثانيه
إن شاءالله مع بعض بتلقين الهوايات اللي ترتاحين وتميلين لها بس يبيلها شوية صبر
توكلي على الله سبحانه ولاتستسلمين لأنج أكيد وبإذن الله بتوصلين لمرادج
أما الصداقات فهذا شي سهل .. صج ان الصداقات بهالأيام صعبه انج تثقين فيها أو ترتاحين لها من البدايه لأن انسانه يديده بتتعرفين عليها وبدخلينها حياتج وانتي ليلحين ماتدرين شنو اللي بيكون من وراها
بس أصابع إيدج مو سوا أكييد والحمدالله الدنيا ليلحين بخير وأكيد اللي بتعين وتعاون راح ترتاحين لها وراح اتميلين لها وراح تتعرفين عليها أكثر مع الوقت
حطي إيدج بإيدنا وإن شاءالله بتلقين لج صحبه صالحه اتعين وتعاون
وبإذن الله ماتندمين

 

[يوآش يوآش]

يزاج الله خير

 

[صفية العميري]

مشكوره يا قلبي على هالموضوع الاكثر من رائع فعلا اتى ليضع النقاط على الحروف بالنسبه لي .... ارغب بالتغير لانني شهدت خلال السنتين الماضيتين صدمات اجد انها كبيره بالنسبه لشخص بعمري ...تبعثرت احلامي لانني لم استطع الاستمرار في المكابده والاجتهاد الذي لطالما عهدته في نفسي لم اعد استطيع التعرف عليها نعم اصبحت انسانا لا اتعرف الى مبادئه وقناعاته بل ختى اهتماماته ربما لانني ادركت بان الحياه ما هي الا وهم ... ولي عوده ان شاءلله

 

[حبيب قلب زوجها]

واووووووووووووووووووو روعة اللحين احس ان قاعد اقرا شي مفيد للاخرتنا قبل هل الدنيا الزايلة
ابي اغيير طبعي شلووووووووووووووووون انا حسساسة حيل وكل شي ياثر فيني
وشي ثاني ابي اترك النميمة نهائي والله يابنات قبل لااتزوج مااعرف ومااحب اتكلم بحد واللحين
اسستغفرالله قبل لااتزوج كنت غير واللحين غير ابي ارجع مثل اول فرفوشة تونس عمرها والي معاها مالها دخل بالناس
والحين كثر الخير وزادت الضيقة
ودي ارجع نفس اول اجمع فليساتي واشتري الشي الي بخاطري فية وافرح وطول الليل ماسكتة
مو اللحين لا الماركات الي عندي تفرحني ولا الماسات ولا السفر
ضيقة يابنات مدري غريبة اول الناس وصديقاتي يحبون قعدتي واللحين يقولولي ليش تغيرتي
ادعولي تكففففففففففففففففففففففففففففففففففون وربي اكتب ودموعي على خدي
اللهم اشرح لي صدري
اللهم اشرح لي صدري

 

[*باجر أحلى*]

شلونكم بنات
انا الحمدلله بلشت من امس برنامج التغيير اللي نويتها وقلت بحط لنفسي خطوة خطوة
واحاول اغير شغلة شغلة فيني لاني اذا قلت انا عيوبي جذي وجذي وجذي راااح يصير فيني احباااط واحنا موناقصين
اول شغلة نويت اغيرها بنفسي ان تصير عندي هواية لان الانسان الفاضي راح الافكار السوداوية تروح وتجي معاه وتضيق خلقه
فاخترت كتاب وقلت بقراه
والحمدلله من امس وانا اقرا
والله يابنات ماتصدقون ان كل شوي يقولي الشيطان خلي الكتاب ويخليني افكر باشياء تصيرلي تضيييق الخلق
بس الحمدلله ارجع واقول انا واعدة نفسي وبنات القروب بالتغيير وابي فعلا اعينهم ونشجع بعض وارجع اكمل قراءة وعسى الله يعينا
واذا صرت قوية بالشغلة هذي راح ابتدي باشياء ثانية ودي اغيرها
بس قولوا لنا انتوا شسويتو؟

 

[*باجر أحلى*]

واووووووووووووووووووو روعة اللحين احس ان قاعد اقرا شي مفيد للاخرتنا قبل هل الدنيا الزايلة
ابي اغيير طبعي شلووووووووووووووووون انا حسساسة حيل وكل شي ياثر فيني
quote]
شوفي حبيبتي مافي احد بالدنيا كثري حساس لدرجة احس حياتي كلها صارت ضيقة خلق وبجي بسبة هالسالفة وكلما سمعتلي كلمة قلت شنو قصدهم واكيد يبون ياذوني بس تعبت تعبت تعبت والناس تمشي جدام وانا بس قاعدة واكلم روحي واكل بنفسي ولااااعت جبدي
بس قلت خلااااص ابي ارتاح فقمت اطنش واسمع واتالم بس اقول الناس مادروا عني يسولفون ويضحكون وانا اكل بنفسي بس طنشي طنشي طنشي وتجنبي الناس قدر الامكان

 

[*باجر أحلى*]

اصلي وراحعة ان شاءالله

 

[الخشف النداويه]

خوش موضوع والله بالفعل احنا محتاجين التغيير والله أنا من زمان قاعده اشتغل ع نفسي واغيرها للأحسن والحمدلله بس ياليت نقدر نغير المجتمع من حولنا بعد لأنه الحسد والحقد عمي قلوب الناس وماصار يفكرون إلا بدنيتهم نسوا إنه وراهم حساب وعقاب
وميرسي كثيررر ع موضوعك الرائع

 

[الحسن كله]

جزاج الله ألف خير على هالموضوع وأكيد حابه أكون ضمن هالقروب الطيب
واجد أشياء ودي أغيرها بنفسي
من الناحيه الدينيه .. ودي أصلي الفجر بوقتها لأن للأسف دايما ما أقدر أقوم إلا بعد شروق الشمس
من الناحيه النفسيه .. واجد ههههههههه ودي أرضى بالقدر وما أستعجل الأمور حييييل نفسيتي تعبانه إنه عندي بنات وماعندي ولد وإنشالله ربي يرزقني وما أبي أستعجل مع إني مو صغيره وصارلي 12 سنه متزوجه عندي بنتين وحامل ببنت بس الحمد لله .. ودي أجيب الولد عشان تروح نفسيتي ويروح خوفي من كلام الناس ونغزات الحريم اللي ماتخلص
هم ودي أطنش بكلام الناس مو لا جا الليل قعدة أبجي ومحد درى عني ودي أعطي كلام اللي ما يستاهل طاف
طولت عليج بالكلام وجزاج الله ألف خير

 

[رووز q8]

والله موضوع التغيير يراودني بالدقيقه 60 مره

ولا انا الي تغيرت ولا انا اللي رضيت بواقعي المزعج


صج ان في اشياء قدرت اتحسن فيها شوي بس انا طماعه ابي اوصل لكل اهدافي واهم شي قررربي لربي هذا اهم موضوع عندي

ويزاج الله خير اكيد وياكم ..~

 

[N.springflawer]

جزاج الله خير على هالموضوع