صبآاآح \ مسسآاء .. آلخ ــير ✿
البارحه حرف الفرح ينعاني*
ماله على دربي ولا ماريّھ
أبطى يدوّرني ولا يلقاني*
وابطيت ادوّر له ( هنا منسيّه )
الفقد كاسرني وقلّل شاني*
قدْم العدى وأصحابي النتيّھ
أكتب ويعنّني بلون ٍ ثاني*
وارجع وأقراني مثل مرثيّھ
ماغير آكفكف دمعتي وأعياني:
شوق ٍ مواقيفه مٓـ / هي ودّيھ
تاكل بكبدي (وحْشتي) بأوطاني
ياكويت أحنّ إلـ أرضي النجدّيھ
العرق الأخضر دايم ٍ يلحاني*
والقلب الأزرق ماكفاني غيّھ
اتهيبّ ذكراها ولا بكّاني
إلاّ حنيني للحضن والفيّھ
ماغير للقعْده هنا تحْداني
الحاجه وقبْله عهد ووصيّھ :
(أبقى على شان الولا واخواني:
مسئولة ٍ عنهم مَـ ني معفيّه)
أمّي تقول و دايم / تتوصاني:
خلّي جميلك دوم لك : جاهيّھ
وأحفظ جنابي وأدحر الشيطاني
عن كل سيّه أصبح الـ منهيّھ
وآبطّل أسمع كلّ يوم آغاني
ما أصير بآمالي أبد سلبيھ
من وين ماسافر معي قرآني
واشرب ليامن ضقت ( ما مقريّه )
واقرى على نفسي ورى حسداني
مادامني في ضرّهم معنيّھ
لو بيدهم قد قطّعوا شرياني
ماكون في عين العرب حوريّھ
يمكن عرفت الحين وين الجاني
دام إستعارات الذكّاء مكنيّھ
الوقت بيّن لي وجه عدواني
ومنهو على شاني نطح بالهيّھ
واللي كذب ثم زاد في بهتاني
ربي سبحانه بلاه بنفسه الدونيّھ
واللي تعمّد بالوجع يصلاني
كبده من الحره بطت مصليّھ
بنت ٍ ورثت أطباع من جدّاني
كل ٍ يماري بي ولو اني بنيّھ
فكّيت أزمات العرب بلساني
حليّت كومات العِقَد بإيديّھ
طالبتك/ إعذرني ترى أضناني
هذا الهوس بالشعر (به مبليھ )
نوبٍ عن الـ( أحلام ) ما ينهاني
ونوبٍ يخلّيني شبه منفيّھ
أدري تتابعني وتتمنّاني
أترك دروب الساحه الشعريّھ
اكتب عشان الحزْن لو يبلاني
أرتاح من ضغطه عليّ شويّھ
تدري أفضفض/ للـ:ورق بالعاني
ويا جعل مَ اصبح صفحةٍ مطويّھ
أكتب عشان (أقراب) ماتنساني*
مادام فرحي ماخذينه ( دّيھ )
عيبي صدوقه في زمن يبغاني
أصبغ طباعي وأدفن العفويّھ
والبارحه حتى الأمل ينعاني
ماله على دربي ولا ماريّه
ماغير عرقٍ أخضرٍ يلحاني*
والقلب الأزرق ماسلم من غيّه
ممآ راق لــي ✿ ✿
