يا تحبني يا أعبد الشيطآن ..!

[زيتونه مرت باباي]

لاحول ولا قوة الا بالله

بس دام عندها عقل و تفرق بين الصح و الغلط

خلاص ولد خالتج ماله شغل فيها , و الخربان من اولها ما يتصلح بسهولة

فخل يبعد عن الشر و يغنيله

 

[صعب غلاها]

امبيه صراحه هالبنت تخرع

احس تتعامل مع ينانوه ولا شي بسمله

انا اقووووول خل ولد خالتج يسوي فورمات حق جهازه

وماله شغل بالقروب واخر اخبارهم

يغير خطه يفتك من هالدعله وكيفها تسوي بنفسها الي تسوي اهوا ماله شغل فيها

 

[حرم القيصركمودس]

رد : يا تحبني يا أعبد الشيطآن ..!

اعوذ بالله من الشيطان الرجيم ,
الله يهديها وبعدين ,
اهوة ماله شغل جد جهنم فيها ,,
اهوة شكوو فهمي ان هذا لفت انتباه منها له ,,
فقط لاغير ,

 

[يوآش يوآش]

رد : يا تحبني يا أعبد الشيطآن ..!

اي فلم بس فلم اكشن ورعب واحنا حتى المسلسلات اتبجينا ونتأثر فيها ..
واهوا يقول لو انا شاك 1% ان مجرد حجي وكلام فاضي جان مااحرقت نفسي لأن ماقالي السالفة
الا لان تعب من التفكير .. اهي ماقالتله ترى انا عبدت الشيطان واهوا على طول تأثر لاااا ما تأثر الا بعد ماشاف المصايب !
الله يستر عليه ويثبته والله هالفئة اتخرع اذا البنت الطبيعية لما تحب بجنون تنتقم شلون هالحثاالة ؟!
مشكور يالغالية كلامج ترى منطقي واهوا وايد اقتنع فيه

العفو ولو ماسويت شي

والحمدلله انه اقتنع ولو بشي بسيط : )

 

[pure-poison]

رد : يا تحبني يا أعبد الشيطآن ..!

خل يخليها تولي ويغير ارقامه وايميله

 

[( المـلاك )]

خليه يحقرهااا
و اذا بتعبد الشيطان كيفها
محد ينام بقبر الثاني
و اهو ماله شغل
اهي عقلها براسها واهي تختار طريجها جنه ولا نار
و اهو ماله شغل
هذي تسوي هالحركات عشان يردلها بس

ما منها فايده و البنت مووليه
يهدها و يوخر عنها احسن

 

[* فراشة فوشية]

الحمدلله والشكر من صج ولد خالج شايل همها خل تولي خلاص عندها عقل وتفهم واهوا شسوالها على شان تصير جذي دام اهو واثق من نفسه انه مو مسويلها شي خل يخليها او يدزلها مسج كل شي بيقوله وبعدين يغير خطه ...
وكــــــــــــلـــــــــــــــــن ذنـــــــــــــــــــبـــــــــــــــــــه عــــــــــلـــــــــــــى جــــــــــــــنـــــــــــــــبــــــــــــه ...
اهوا ماله شغل بهالشي اللي اهيا سوته بس تدورها حجة عشان تكلمه ...
والله يهديها ويصلحهاا ان شاء الله ...

 

[يالبى روحك]

رد : يا تحبني يا أعبد الشيطآن ..!

تقوله (( ذنبي برقبتك )) ؟؟؟!!!


يعني تدري انها قاعده تذنب بحق ربها ؟؟!!

اجل شكو تحمله هالذنب .!.!

صدقيني اهيا جي قاعده تلعب عليه تبيه يرجع لها

اهو اذا صج صج يبي ينصحها ويهديها خل يدعي لها بالهدايه احسن له


لانه حتى لو يدق عليها يبي ينصحها فراح يكسب ذنب لانها تعتبر امراة اجنبيه عنها ولا يجوز له يكلمها لو لغرض نصحها

وشلون تقولين عن ولد خالتج ان ايمانه قوي وهو يدخل شاتات ؟؟


حتى لو بغرض النصحيه صدقيني اهو مرح يقدر يعدل الكون كله

يعني خليه يبتعد عن هالشاتات ترا للشيطان مداخل كثيره واهو الحين يوسوس لولد خالتج يدخل الشات عشان ينصح

مثل سالفة اللي دخلت الشات داعية وطلعت عاشقه.!.!.!

ادري طولت بالكلام بس قولي لولد خالتج يعطيها اكبر طاف ولا يهتم لها وان شاء الله ما عليه اثم بهالشيء

واما عن سالفة يكلم اهلها فنصيحه لا يدخل نفسه بمتاهات ومشاكل مالها اول ولا تالي


اهلها معاها بنفس البيت واكيد ملاحضين عليها اذا ما كانت تصلي ولا تصوم ..؟؟!!!

يعني الصورة واضحه وان هاذي وحده من خططها عشان يرجع لها


و صدقيني اهو دام ايمانه قوي ان شاء الله مرح يسحبونه معاااه بفئتهم الضاله


الحمد لله على الهدايه والله يهدي الجميع يا رب ​

 

[مآمثلك شبيه]

رد : يا تحبني يا أعبد الشيطآن ..!

ختولي يباااا
خل ولد خالج يوخر عنها خل يغير رقمه وايميله واذا هكر يغير لابه كله
وبعدين أهوا ماله شغل مو يقول انا بوخر عنها خل يسوووي جذيه
لا وربي تبلي ولد خالج وماتدرين يمكن بنت مينونه فيها بلاوي

 

[miss.mute]

رد : يا تحبني يا أعبد الشيطآن ..!

واااااي لأ مستحيييييييل في نااس جذي ..
ويت لحظة ترى ولد خالتج من امههه مالة علاقة بسالفتها والبنت من الاساس ايمانها ضعيف فلقتها عذر عشان يرد لهاا ..

ونصيحة نصيحة من قلب لا يرد لهاا ليش ان اذا زعل عليها او صار بينهم اي شي يمكن توصل لي مرحلة الانتحار والعياذ باللة .
واللة ينخاف منها هالبنت يباا خل يهدهاا ويريح بالة من مشاكلها

 

[زهراء الركابي]

رد : يا تحبني يا أعبد الشيطآن ..!

لا الله الا الله امبيييييييييييييييييييه

 

[لمسة اناقه]

الله يهديها بس
وبعدين مثل ماقالوا البنات فعلااااا ماكان علاقته هدايا لانه الي بيهدي مايكلم ون وماسن وغيره
بس على العموم اهو حاس بذنب وماينلاااام خل يدزلها مسج او مسج للبريد مالها تبع المسن يمكن تقرا الرساله ويهديها الله
<< ربنا لاتزغ قلوبنا بعد ان هديتنا

 

[Miss McDonald]

رد : يا تحبني يا أعبد الشيطآن ..!



قصصصة عووويصة !!!

خل يكلم امهآ ويفهمهآ حالتها لآن البنت جذي رآح تتعذب !!

واصلآ اهي مريضة فـ حرآم يزيد الطين بلة ~؛

 

[Galaxyaah]

رد : يا تحبني يا أعبد الشيطآن ..!

اذا اهيا دشت مقتنعه

بعقيدة عبدة الشيطان

شلون تقوله انا بذمتك

وانت اللي سويت فيني جذي

يعني اهيا عارفه انها قاعده تسوي

شي غلط ومو زين

دليل انها قاعده تقوله ذنبي برقبتك

معناته اهيا من الاخر مألفه قصه

تبي تكسر خاطره عشان يرد لها

لان المقتنع بعقيده معينه مايقول

ذنبي برقبتك !!!!

شلون اهيا مو مؤمنه بهالعقيده @@

لاتقص عليه هذي

قاعده تسوي افلام

بس عشان يرد لها ..

وبعدين شنو يسحبونه يعني يصير عبدة شيطان

خاف بكيفهم بس .. اكيد اهوا ثابت على دينه

يعني مستحيل يقدرون يسحبونه

حبوبه لا تقعد تخرف على روسكم

شافت ولد خالتج يسكت لها قالت

اتماده هذا صيده ..

صح كلامها خل اهو يوخر عنها مايقدر يعني يغير رقمه وايميله ؟؟

 

[كويتيه مذهله 87]

رد : يا تحبني يا أعبد الشيطآن ..!

لو انا مكانه سكب علي ويها ماهمتني

 

[laymona]

رد : يا تحبني يا أعبد الشيطآن ..!

لا يبا لا يدق على امها ولا شي

لا يبلش روحه بشغلات و يطيح نفسه بمتاهات

خلا تولي بنت ابليس ما تخاف ربها توقعي منها اي شي و الحمدلله ولد خالتج ريال ان شاء الله و ما يهزه شي


العيب عليها اهيا

والحمدلله ما بلش روحه و طلع معاها جان ما يندره شسوت فيه بعد


خلا يعطيها طاف و ينساها محد بيشيل ذنب الثاني

 

[غ ــلا الــروح]

رد : يا تحبني يا أعبد الشيطآن ..!

امــبي مـو صج

خلــيها تولــي هي ارخــصت بروحها

ودخــلت هالطريــج برغــبتها

وخلــيه يغــير خطــهـ وكــل شي هي فيــه

والله يســتر عالجمــيع​

 

[bintmishref]

رد : يا تحبني يا أعبد الشيطآن ..!

حبيبتي الولد خايف على عمره.. وتفكيره راح تفكر فيه اي وحده لو كانت بمكانه..
والشيطان اول شي سواه انه قال له ( خل علاقتك فيها بنيه انك تصلحها)

مهما تقول هذي البنت ذكري الولد ان بمجرد قراءه ايه الكرسي.. راح يحترق الشيطان..
بمجرد قراه سوره البقره ربي راح يحفظه لمده 3 ايام..

لا يترك الاذكار و الرقيه..

(طبعا هذا اذا كانت فعلا صادقه..)

بالاضافه الى انه يقطع كل وسائل الاتصال فيها.. يغير ايميله و يسوي فورمات لجهازه و يغير رقمه..
ويحاول ينساها.. يمكن يتعب اول جم يوم و يحلم فيها و يفكر ان ممكن تطلع له من يديد..

لكن لا ينسى ان من توكل على الله ربي راح يكون معاه.. ويقول الله سبحانه وتعالى (انا عند حسن ظن عبدي بي)


وذكريه.. ترى ربي اكبر من الشيطان!

واخر شي حبيت اقوله (لا تزر وازره وزر اخرى)!! يعني ماله شغل لا ذنبها برقبته ولا شي.. لا يحط هالافكار السلبيه في باله علشان ما يتعب..

ودامنا بدينا العشر الاواخر.. خل يجتهد فيها و يدعي الله سبحانه وتعالى.. القادر.. المعين.. الهادي.. العالم.. الرحيم.. الغفور..!

الصراحه انا ماشوف المواضيع و يالله يكفيني وقتي حق الاستشارات بس جذبني العنوان من برى القسم و دخلت عليه على طول..

 

[White Musk]

رد : يا تحبني يا أعبد الشيطآن ..!

اعوذ بالله
خل يخليها تولي لا تضره باجر ولا تتبلا عليه هذه وحدة ما تخاف الله كل شي تسويه وبايعة عمرها
خل يغير ارقامة وايميله ويحاول يبعد عنها
ا سنغفر الله
اشهالمشاكل واش هالبلاوي
وخليه يكثر من الاستغفار وخل ينضم مع مجموعة صالحة من الشباب علشان يلهى وينسى
بعدين ليش ما تكون تمثل عليه علشان تجره حق هالمجموعة يمكن اهي من زمان معاهم بس اهو الي مسكين ما يدري عن الدنيا
الله يحفظه يا رب