يا بنات ريلي غااااااااااااااثني ... في وحده مثلي تكفووون؟؟

[فوفو22]

رد : يا بنات ريلي غااااااااااااااثني ... في وحده مثلي تكفووون؟؟

كل زوجه تغلط على خوات زوجها رح تسمع منه

( أبيعج وأشتري خواتي )
تخيلوا قالها لي ريلها

حبيبتي واضح انه مافيه احترام منج له

اجل فيه وحده بعقل وام وبسن ناضج

تسب وتلعن وتدعي على عمااات عيالها


غير انها


عووووبه

اسمحي لي

اقول هالكلمه

اذا تبين زوجج يغيًر معاملته معاج

صفى القلوب ....وخلي قلبج ابيض

عامليهم بالحسنى

ترى من زرع حصد

فوفو

 

[جوري 2007]

حبيبتي البلا مومن الخوات

البلا من ريلج

اهوة اللي داي يسألهم واهما اكيد ماراح يردونه

انتي اشدراج انه مايقولوله " اشفيك يافلان كيفكم انت ومرتك تنيازون _ولاكيفكم وين ماتبون تسافرون روحوا"

بس اهوة اللي متعود يسألهم

يعني بالذمة لو اخوي يستشيرني بشغلة ماراح اقول رايي اكيد بقول رايي وبختمها بكلمة ترى كيفك انت ومرتك وشوف اهية

شنو رايها وسوه

 

[ماكنتوشه بنفسجيه 12]

رد : يا بنات ريلي غااااااااااااااثني ... في وحده مثلي تكفووون؟؟

الله يعينج حبيبتي

سبحان الله وبحمده

سبحان الله العظيم

 

[شمعة الدنياا]

العيب برجلج مدخل خواته بحياتج @وبعدين يوم يقول عن خواته ابيعج واشتري خواتي اكيد غلطانه عليهم @عشان جذي قال الكلام هذا@كلميه واقعدي معاه جلسه مصارحه وقوليله خواتك حياتهم غير وانا وحيلتي غير مع الحجي راح يطخ@لوتوصل لهواش انا قبل مثلج هواش بينهن ليما طخن وابتعدت عنهن واحتكاكي بسيط معاهن @امسكي رجلج وكلميه

 

[مآمثلك شبيه]

رد : يا بنات ريلي غااااااااااااااثني ... في وحده مثلي تكفووون؟؟

الله يعينج

 

[روحي تحبه غصب]

الله يسخرلج ويهديه

 

[بندوله مصدعه]

الله يعينج

حاولي انج اتفهمينه ان هذي حياتكم ومحد يتدخل في شؤونكم

وان اهو الريال واهو اللي يتخذ القرار ويفكر

مو كل شي يقطه على خواته

وريلج اهو اللي غلطان مو خواته

اهو اللي يدق عليهم ويستشيرهم

حاولي تفهمينه اللي قلتلج عليه بهدوء واقناع واسلوب حلو منج

 

[أم ورود الحلوه]

ريلج الحمار مطاوعهم ولا الحريم يدورون سوالف التحرش دواره ,,, ادعي ربج يهديه مو تدعين عليهم

 

[كرز حالي.]

رد : يا بنات ريلي غااااااااااااااثني ... في وحده مثلي تكفووون؟؟

انتي منو تشترين ريلج ولا اخوانج؟؟؟؟
مافي مثل الاهل واللي مافيه خير لاهله مافي خير لغيرهم
وطبيعي تشترين اخوانج بس اللي مو طبيعي انج تقولينها جدام ريلج
يمكن ريلج قالها جدامج لانج حريتيه بشغله فهالكلمة عديها لان كلنا نشتري اهلنا ومانبيعهم علشان ريال
اما سالفة اشور خواتي لالالالا هذي اللي موطبيعيه
يمكن انتي مو محسسه ريلج انج خبره بالامور وتعرفين تتصرفين مع اليهال وبالبيت علشان جذي يخاف من رايج ومايثق فيه
قوليله انا ماسمح لحد يتدخل بحياتي

 

[MoonDiamond]

قولي لا اله الا الله
واستغفر باليوم 100 مره


حبيبتي ابيج تقولين لزوجج هالكلمتين
اذا قال فلانه قالت تدري اللي تقوله فلانه صح
وطلبي منه طلب وقوليله ماني متاكده بس انت دق على فلانه شوف رايها شنسوي
حسسيه انه انتي ماتاخذين برايه ومهم راي خواته لانه هو اللي بيمشي بيحس على دمه

وترى بيني وبينج قوليله هالكلمتين بعد
الذنب مو ذنب حمواتج الذنب ذنب زوجج
هم حريم اخوهم دق يسالهم يقولوله مالنا شغل ويسدون التلفون بويهه طبعا لا
هذا اخوهم
الغلط غلطه هو اللي يدخل الناس وياخذ رايهم في امور بيته

انا يحصل معاي جذي وقمت اعصب بس قام يسويها بس مو جدامي
وداااااايما اجكه واقوله هذي سالفة حريم مو من مخك وتوهق فيني

الله يعينج
ويعيني​

 

[العاطفية]

الحل بسييييييييييط بس يبيله شوية صبر
شوفي الريال نفس الياهل والله تعاليله بالمسايس انا ادري انج محترة من خواته ومن ضعف شخصيته جدامهم بس الاكيد انج اتييبين طاريهم جدامه واهوا بحكم ان مايبي كلامج يمشي ويبي يصير سي السيد فيقوم ويستشير خواته ويرفع ضغطج وانتي اكيد ماتبين تخسرينه وتخسرين بيتج فالحل انج تقوليله اتصدق والله كلام اختك فلانة صح مستشفيات الحكومة روعة والخاص مو ثقة ومن هالحجي والخدامة الثانية عوار راس ماشاللله جد خواتك خبرة وانا كنت غلطانة برايي وعطيه من هالجرعات يوميا بس مو بمبالغة عشان يصدقج واذا قالج ابديهم عليج مرة ثانية قوليله صدقت ياقلبي حتى انا ابدي اخواني عليك لان الانسان لا تعور يقول اخ مو زوج وترى انت صج تفهم بالحياة والا الواحد من له غير اهله والشي المهم حيييييييييل انج لازم لازم اتشوفين شنو التصرفات الي يكرهه بخواته واتسوينها بالضبط لا اكثر ولا اقل واذا تنرفز قوليله لا ياقلبي ترى انا اثق باختك نفس ثقتك فيها والا جان ما تصرفت جذي--صدقيني طولي بالج تخيليه طفل وسايسيه واذا ماتغير تعالي قوليلي

 

[تعبااانه]

رد: رد : يا بنات ريلي غااااااااااااااثني ... في وحده مثلي تكفووون؟؟

كل زوجه تغلط على خوات زوجها رح تسمع منه




حبيبتي واضح انه مافيه احترام منج له

اجل فيه وحده بعقل وام وبسن ناضج

تسب وتلعن وتدعي على عمااات عيالها


غير انها


عووووبه

اسمحي لي

اقول هالكلمه

اذا تبين زوجج يغيًر معاملته معاج

صفى القلوب ....وخلي قلبج ابيض

عامليهم بالحسنى

ترى من زرع حصد

فوفو

ودي اشوف لج رد وااااحد مع البنات كلللله ضدهم بفهم ليش ؟

 

[فوفو22]

رد : رد: رد : يا بنات ريلي غااااااااااااااثني ... في وحده مثلي تكفووون؟؟

ودي اشوف لج رد وااااحد مع البنات كلللله ضدهم بفهم ليش ؟

لان جيلكم غريب عجيب

عمرنا ما نطقنا كلمات وادعية وسب وقذف لاي مخلوق

فما بالج

يكون هالمخلوقات هم اهل الزوج!!!!

شنو الشكل الخارجي للزوجه وهي تسب اهله؟؟؟

وشنو وضعها داخل قلب زوجها عقب ما ارتاحت من السب والادعية عليهم؟؟؟؟

تتوقعين بطبب عليها ويقول سامحيني وحقج عليي.....

ترى حتى لو الغلط راكب اهله من راسهم الى رجولهم عمر الزوج ما يقول اهلي غلطانين

*******

حبيبتي

تعلمنا بخبرتنا

ان الزوج كل ما كبر مخه صغر

عكس الزوجه كل ما كبرت نضجت

فمعامله الزوج تكون بالحسنى

بللسان الحلو ....بدعاء له .....

خليه بدال ما يشتكي منج ....يشتكي لج

وسعوا بالكم مع رياييلكم ......جربي وصفة اللسان الحلو

خليه من يصبح الى يمسى وهو يسمع الكلام العذب

وعقبها اخذي مرادج وهو راضي منج

فوفو

 

[محبوبه25]

رد : يا بنات ريلي غااااااااااااااثني ... في وحده مثلي تكفووون؟؟

ماادري حبيبتي انا اشوف المشكله بريلج
وريلج سوري لاتزعلين غبي شويه يعني يشوف خواته يودون اعيالهم طبيب خاص بس اعياله عادي حكومه
يشوف خواته عندهم خدم بس اهوا عادي مو لا زم خدم
عالعموم الله يعينج ويهديه
انتي كبيره وتعرفين اشلون اتخلينه ينسا طوايف اهله

 

[(m & m)]

@@

ليش بيكلمهم لهم علاقه بسفره او مثلا يبي يستفسر عن شغله معينه ؟

وبصراحه هالمقدمه :

أسأل الله في هذا النهار المبارك
وفي هذا الشهر الكريم
أن ينتقم لي من حمواتي ( خوات ريلي )
وأن يريني فيهم يوماً أسوداً
وأن يجعل كيدهن في نحرهم وأن يجعل تدبيرهم تدميراً عليهم يا قوي يا عزيز

حسستني ان الوضع متازم صحيح انتي ما شرحتيلنا مشكلتج بالتفصيل

بس مبين عليج تعبانه الله يفرج همج و يهديهم يا رب

 

[قَلبڪْ صًخرْ]

فوفو بقول كلمه لج .. ربي يرزقج بحموات مثل حمواة كشكول .. ونشوف شعورج هني
قولي آمين

 

[Apple blosSom]

رد : يا بنات ريلي غااااااااااااااثني ... في وحده مثلي تكفووون؟؟

شي يقهر صراحة بس ترا الخلل بزوجج

 

[أنفاسي دخون]

يا قلبي العلة بزوجش مو بخواته

الله يسخره لش ويهديه غصين عنه

 

[al3ta]

رد : يا بنات ريلي غااااااااااااااثني ... في وحده مثلي تكفووون؟؟

الله يسخره لك والله يشغل حمواتك في نفسهم

 

[دانة حبيبها]

رد : يا بنات ريلي غااااااااااااااثني ... في وحده مثلي تكفووون؟؟

:
:


كلميه بتفاهم .. مو بطنازه و هواش و اوامر !

و بعدين هذيل خواته .. لي راحوا محد يردهم له !!

انتي مرا .. ان رحتي غيرج الف !!

صيري عاقله يا قلبي .. هدي عشان يهدي معاج ..

عرفي شلون تكسبينه !!

دلعيه و سايريه .. لا تعاندينه هذا ريال !


:
: