يامتزوجـــات شنو الأغلاط اللي سويتيها بالتجهيــز ؟؟ تعـالي نصحي العـروس اللي بتجهـــز

[منوة الروح]

اي والله لايوقف لا يوقف

صج صج استفدنااا

==<< على وجه تجهيز ومانبي نغلط غلطاتكم

 

[رشيقه هانم]

بنات انا مو متزوجه بس بقولكم حسب خبرت اختي ورفيجاتي وبنت عمي طبعا سالتهم لعيونكم وبعدين اكتب لكم

طبعا بحط لكم بشكل عام

العطور بس اشتري 3 عطور فرنسيه وشرقيه هم 3

المكياج انتي اكيد عندج من قبل لا تبالغين بس زيدي جم حمره خالصه من عندج يعني في بنات والله مادري شنو يفكرون
يعني عندج حمره حمرا تشترين ليش فسق والله

خلصنا الحين الجناط حسب البدله والي يعافيكم همي رضى ربي قالت كلمه اشتري جنطه ماركه وازهق منها ليش لا تشترون ماركه
بس بوك ماركه حلو

الساعات على البدل اذا عندج من قبل لا تشترين بعد شحقه اهل ريلج ولا ريلج شافوهم شدراهم يدد قدم

الحين حق الملابس الداخليه اشترو 12 طقم بس

قمصان النوم كل الي اعرفهم قالو 7 زين ولا تكثرون
لان الصراحه اول حياتكم الزوجيه الريال ما يدقق على القمصان النوم وايد يحب البجامات القصيره والضيجه

الحين البجامات عاد 14 بجامه حلو عاد نوعو يعني طوال وقصار والدراريع القصيره وشورات من هالسوالف

ملابس الطلعه يعني وايد بنات عندهم قطع ما انلبسو الا مره ولا مرتين لا تقطونهم ضبطوهم زيدو عليهم شوارفسكي مثلا اكسسوار

ولا تخبون نفسكم هم 12 بدله حلوين مع الشيله والجوتبي وانتو بكرامه حلوين

والعبي 4 اثنين عادييين واثنين كشخه

واشترو ذهب احسن لكم والله لا تقول موضه قديمه ذهب اشترو سلاسل وتراجي شغلات ناعمه وتلبسه مو طقم

والله لو مهرج 4000 والله يكفي بس انتو وازنو الامور قبل بعدين اشترو وشوفو شنعدج بالبيت بعدين اشتري

ان شاء الله اكون ساعدتكم

والموضوع روعه ومشكوره حق صاحبه الموضوع

 

[فطـــومه^_^]

واااااااو مووووضوع حده كووووول:

لااااااااا يوقف نبي نستفيد ...

 

[لعيـــ ترخص أرقاب ـــوني]

مشكوووووووووووورين بناااااااااات واااااااايد استفدت منــكم


انا مع الأخت اللي تقوول غرامهااااا البخووووووووووور

 

[dl3 q8]

انا احس اهم شي الاعتدال .. ولا تبذروون حيل علشان الله يبارك لكم

 

[مناوووي]

رررررررررررررررررررررررررررررررررررررررفع

 

[نبض جابر]

لا يوقف لا يوقف

انا عروووس مع وقف التنفيذ خخخخخخخخخخخخخخخ


يعني بعدني ما أخذت المهر بس باديه أجهز من معاشي على شوي شوي


بس والله استفدت من هالموضوووع لاني محتاره ومو عارفه شنو اللي بستخدمه اكثر البجامات وملابس البيت ولا الدراريع


خصوصاً اني عند حمولتي يعني مو بسكن بروحي هذي ورطه بالنسبه لي :dddds:


لا تبخلون علينا يا المتزوجات ونردها ان شاء الله كنصايح لبناتكم بالمستقبل ^^


قولوا آآمين

 

[blue diamond]

وناااااااااسه موضوع وايد حلو
يعطيج العافيه حبوبه

 

[blue diamond]

بنات انا مو متزوجه بس بقولكم حسب خبرت اختي ورفيجاتي وبنت عمي طبعا سالتهم لعيونكم وبعدين اكتب لكم

طبعا بحط لكم بشكل عام

العطور بس اشتري 3 عطور فرنسيه وشرقيه هم 3

المكياج انتي اكيد عندج من قبل لا تبالغين بس زيدي جم حمره خالصه من عندج يعني في بنات والله مادري شنو يفكرون
يعني عندج حمره حمرا تشترين ليش فسق والله

خلصنا الحين الجناط حسب البدله والي يعافيكم همي رضى ربي قالت كلمه اشتري جنطه ماركه وازهق منها ليش لا تشترون ماركه
بس بوك ماركه حلو

الساعات على البدل اذا عندج من قبل لا تشترين بعد شحقه اهل ريلج ولا ريلج شافوهم شدراهم يدد قدم

الحين حق الملابس الداخليه اشترو 12 طقم بس

قمصان النوم كل الي اعرفهم قالو 7 زين ولا تكثرون
لان الصراحه اول حياتكم الزوجيه الريال ما يدقق على القمصان النوم وايد يحب البجامات القصيره والضيجه

الحين البجامات عاد 14 بجامه حلو عاد نوعو يعني طوال وقصار والدراريع القصيره وشورات من هالسوالف

ملابس الطلعه يعني وايد بنات عندهم قطع ما انلبسو الا مره ولا مرتين لا تقطونهم ضبطوهم زيدو عليهم شوارفسكي مثلا اكسسوار

ولا تخبون نفسكم هم 12 بدله حلوين مع الشيله والجوتبي وانتو بكرامه حلوين

والعبي 4 اثنين عادييين واثنين كشخه

واشترو ذهب احسن لكم والله لا تقول موضه قديمه ذهب اشترو سلاسل وتراجي شغلات ناعمه وتلبسه مو طقم

والله لو مهرج 4000 والله يكفي بس انتو وازنو الامور قبل بعدين اشترو وشوفو شنعدج بالبيت بعدين اشتري

ان شاء الله اكون ساعدتكم

والموضوع روعه ومشكوره حق صاحبه الموضوع

انتي بالضبط نفس تفكيري وانا هم مو متزوجه
و مو بس 4000 إلا ألفين يكفي ويزيد بعد
اهوا كل شي على الذوق وعلى حسن التصرف

يعني ماله داعي تشترون بدلات وايد واهل المعرس اصلا مو شايفين بدلاتج من قبل !!!
يعني ذوقج ماراح يتغير اهوا نفسه سؤاء عندج افلوس ولا لأ​

 

[ملح بدويه]

الله يوفقكم يتمم عليكم

اهم شئ عندي تكثرون من الملابس الداخليه

 

[*^*مــــزيــــانــــا*^*]

ولا شي من اللي نصحتونااا فيه مشيت عليه :0bee2e8d89::0bee2e8d89::0bee2e8d89:

يعني كثرت عطوووور سواء شرقي ولا فرنسي وبخوووور

خصوصا الشرقي بدعت خذيت 10 شرقي و7 فرنسي :krkrkr: ثلاث منهم ست

الذهب خذيت والله وامي قالتلي انه الذهب اذا ما لبستي يفيدج لانه قيمته فيه

والميك اب ما شريت لالحين بس احس اني ماراح أكثر

وبخاطري اكثر ساعات وجناط وعبي لانه هذووله اللي يبينون


طبعا اضافة الا الدراريع الكشخه وبدل الاستقبال

مممممممممم

يالله شنسوي

انا بس اقوول الله يوفقنا

 

[منتهى الرقة]

ايه بنات اللي لاحظته ان الكل يقوول لاتكثرين العطورات وقمصان النوم..

ولبسج عند زوجج فالبيت مو شرط يكون ماركات وغاااااالي وحتى قمصان النوم يعني 2 ماركة وغاليين والباقي عادي لان الريايل مايفهمون في هالاشياء اذا غالية او رخيصة المهم انها تكون حلووة...

والميك اب اليومي مال البيت مثل البودرة والغلوسات يكون بعد بو رخيص...

 

[alzen_kilah]

السلام عليكم


خوش موضوع وياليت كان موجود قبل لا اجهز بس خلاص خلصت ادعوووولي عرسي الخميس هذا


الاغلاط طبعا بدعت شريت عطور ودهونات عود بخبااااااال وبطعا كله من الغالي


تحسفت لاني ما شريت ذهب الا قليل

شريت وايد ملابس للبيت خصوصا البجايم كثرت

ملافع + بدل طلعه ما كثرت وايد لاني اساسا وايد اروح السوق ووايد اشتري ملابس واهل ريلي ما شايفين بدلي

والمكياج شريت ب300 ماركات والحمر نوعت طبعا غالي ورخيص

شريت جم بوت على جم كعب ما كثرت لانه نفس الشيء وايد اشتري واحب اغير

مهري راح عالخرابيط قمصان النوم + البجايم + الساعات + الجناط يعني لو شاريه ذهب احسن لي


اهم شيء نصيحه اخذوا نص المهر ذهب يعني اللي مهرها 6000 تخلي 3000 ذهب وتكيف نفسها انه مهرها بس 3000 وصدقوني تكفى وكل شيء تشترونه كتبوه بورقه عشان ما تكررونه

وكثرررت ملابس داخليه كل ما اروح مكان ويعجبوني اشتري جنه السوق بيطير

ادعولي الله يوفقني ويتمم عرسي على خير ويسعدني معاه

ترى الدعوة بظهر الغيب مستجابه

 

[رشيقه هانم]

بلو دايمون اشكرج على الوقفه معاي لان هذا احسن شي

والاخت الزين كله قالت اهم نصيحه كتبو كل شي بورقه وماراح يروح اي شي هدر صدقوني

انا ان شاء الله لو تزوجت والله بسوي الي انا قلت عنه ومالي شغل باحد


اي تذكرت الي تسكن بيت اهل ريلها تكثر شوي من الدراريع يعني جذي 6-8 دراريه وبس اكثر من جذي لان انا اختي بيت اهل ريلها تنزل كل يوم بيت اهل ريلها واهيا عروس فلازم تلبس حلو بس الحين بيصكون اربع سنين تنزل لهم بالبجامه بس تكون حلوه لان بيتهم مافيه رياييل وماخذه راحتها

 

[white**angel]

اب
اب
الموضوع اينن صج صج استفدت منه

 

[عـذبك طيفي]

انا مع البنات الي قالوا لا تبالغون

انا زواجي كان بشهر 10.. تصدقون شكثر اشيائ ما لبستها .. لا ورحت شريت لعيد الضحى بعد مع انه بعد عرسي بشهر وعندي بدل استقبال شكثر .. بس حريم لازم ندور بالسوقه ما نتوووووب


العطور لا تكثرووون وربي قهر ودي اشتري جديد ومتحسفه عالي شريته بتجهيزي شكثرهم .. شريت بس واحد قبل فتره عن خاطري

 

[لبيه ياعتيبه]

اولا مشكورة على الموضوع الحلو لان فيه فايدة للعروس والمتزوجه واللي ماتزوجت
اولا انا قسمت المهر 3000 للذهب و3000 للبدال والخرابيط بالاضافه الى معاشي والدنيا يابنات غاليه غاليه غاليه بس الله يبارك لنا بالفلوس
وانا اضم صوتي للبنات اللي مايبون يكثرون عطور بعد انا جذيه مابي اكثر بس بركز على عطوارت الجسم الفريش احسن والعطورات المركزة باخذ 2 فرنسي و2 شرقي مركزين بس والباقي تساهيل هذا شي والشي الثاني انا عند حمولة يعني لازم اكثر من بدال البيت
وللحين قاعده اجهز
مشكورة

 

[شووكولاته]

بنات في شي محد ذكره (( تصدقي من فلوس المهر عشان الله يبارك لج 00 والله يوفقكم بحياتكم الزوجيه 00 اللهم آمين

 

[MissChoco]

شوكولاته والله انج صاجه تصدقين انا على اي فلس تيني اتصدق بس المهر نسييييت تماما ويزاج الله خير انج ذكرتينا ماقصرتي


وانا بعد بسكن عند حموله يعني بكثر دراريع ..


والعطور ماراح اشتري وايد لانه بتجهيزي حاطين عطور ودهن عود وبخور اشكثر, يمكن عن خاطري باخذ واحد شرقي و2 فرنسي


وصاجين الذهب ذخر بكثر منه خصوصا انا اموت على الذهب الابيض



وبنات ماذكرتولنا سوالف التراجي والشباصات والتيجان حق البيت .. يعني نكثر ولا بالمعقول؟ لانه غراامي هالسوالف واتفنتق فيها لوول

 

[أم حسون]

اول شي بنات اخذوا من المهر مبلغ مثلا الف او الف وشويه خلوه حق بعدين نصيحححه لان بعدين تنزل اشياء ثانيه ويديده واحلى على الاقل عندج حق تشترين