يامتزوجـــات شنو الأغلاط اللي سويتيها بالتجهيــز ؟؟ تعـالي نصحي العـروس اللي بتجهـــز

[bnt_kwt]

انا غلطتي اني شريت قمصان نوم واااااايد وما سمعت كلام امي

على قولتها كل روحه سوق بتشترين صدقيني لا تكثرين وفعلا
الحين انا 8 سنوات متزوجه ولي الحين كل روحه سوق ما ارد خاليه لازم اخذ لي قميص نوم

 

[كويتية1]

انه بعد تحسفت اني كثر قمصان نوم لانهم تكودو ياني اشكثر هدايا

الي ما تحسفت عليه ان جزء من المهر اكتتبت فيه بالاسهم وجز شريت فيه ذهب

 

[عرووووس الكون]

جبتيها ع الجرح !!

انا للحيــــــن مارحت عنده بس تقريبا خصلت جهـآزي وارتكبت غلطات شنيعه !!

اول شي العطووووور والبخوووووور وربي لو اقولج قطيت عليهم 900 دينار غير المكيــآج !

انا اساسا ادمان بخور وانا عند اهلي شلون لا تزوجت \

واكثر شي شريته البخوووووووور والعود الاصلي

وهذول ماعيهم حسوفه كاافي لاتبخرتي فيهم نفسيتج ترتاح << مدمنه بخور

.:.

والغلطه الثانيه اني يوم رحت الخبر فليتها وماخليت شي ماشريته !

.:.

وكثرت حيـــــــل من لبس البيت والبيجامات وكله من الغالي يعني بيجامات خذت علي 400 غير لبس الشقه !

.:.

واكبر غلطه اني ماقسمت من البدايه !

طبعا انا شريت عقد المااااااس وساعه ماركه وباجي المهر ميك آب وعطور خخخخخخخ

ماشريت ذهب احس راحت عليه والالمااااس احلى وارقى !

.:.

بس نصيحه لوجه الله لاتكثرين ميك آب واخر شي تنصدمين انه عندج نفس الحمره من كل الماركااااااااات لووووووووول !


وطبعا الدرارررررررررررريع والبدل والكشخه اهم شي للعرووس واهم شي تكونين

ذوبه وراقيه وتبتعدين عن الخبه على بو عرووووووس !

والله اشوف بنات مهولين بعمرهم على بو عرايس !

{ موفقه حبوبه }

 

[همي رضى ربي]

:gr4uu::eh_s(21):قــــــــــــــــووووه بناات خـــــــوش موضوع لان متعلق فيني وأنا صارلي كم يوم اجهز لعرسي يعني انا على البداية بجهز واسمع نصايحكم أول ما بلشت انا على البخور شريت واايد والعطورات الفرنسية بس شريت 2 فقط أما الخلطات للفرش كثرت منهم وكذالك خلطة عود للجسم اما الذهب ماراح اشتري واايد بس طقم واحد والباقي خواتم وأساور وتراجي وبأكثر من الدراريع والبدلات الكشخة+ بجامات للبيت وجنااط اسعارها معقولة يعني مو مااركة حرام اقط 200 ولا500 على جنطة أمل منهاا خلال شهر مو ؟؟ ولا شرايكم
خاطري اشتري ساعتين ماركة والباقي ساعات اللي اسعارها معقولة على حسب لون البدلةوعالموضة والباقي ملافع وعبايات ومكياج وملابس نوم واذا بقي من المهر أخليه بعد عرسي وأشتري الي ابيه عالمـــوضة
هــــــــــــــــــــــااه تأيدونــــــــــي على تجهيزي هذا

 

[عــروس]

ماشاءالله موضوع راااااااااااااااااااااااائع جداااااااااااااااااا

:ggdw: :ggdw:

انا سمعت كلام خواتي لا اكثر لا قمصان ولا بخور وعطور
لان بتجيني هدايا وثاني شي يقولون لي لا تكرهينهم

فا شريت بخور وعطور شرقيه ب 200 دينار بس
والعطور الفرنسيه ناويه ان اشاءالله اشتري بس 2 قويين و واحد شوخفيف للبيت

وقالولي خواتي من ضمن نصائحهم
اكثر من الدراريع + العبي

اختي كانت مفصله عباتين كشخه ووحده عاديه .. تقولي من اول اسبوعين كرهت
عباياتي اكرر فيهم حسيت جنه ماعندي غيرهم ودايما انعزم واطلع معاهم
غيرطلعاتي من زوجي

فا ان شاءالله راح انوع بالعبايات

وقالولي لا تكثرين بجامات لان وقتج بيصير كله طلعات + عزومات عند اهله+قمصان نوم
يعني ماكو مجال للبجامات الا قلييييييييييل اذا مثلا عليج الدوره لوووووووووووول

عسى الله يوفق كل عروس مثلي ويسهل عليها تجهيزها وييسر لنا امورنا ياااااااارب

:eh_s(8):​

 

[Um Humaid]

السلام عليكم ورحمة الله وبركاته...

أولاً الله يهنيج ويوفقج في عرسج إن شاء الله... ويكون العرس مثل ما تبين....

إسمعي كلام البنات ولا تشترين وايد أشياء.. من كل الأغراض خذي كمية مناسبة و لا تبالغين... لآنج بعد العرس إن شاء الله.. مثل ما قالوا لج بتطلعين وبتروحين السوق وبتشترين.. غير الهدايا اللي بتيلج.:jbdwjbd:.. الموضة تتغير... إعتدلي في كل اللي بتشترينه علشان ما تندمين... العطور مثل ما قالوا إن شاء الله بتحملين وبتكرهينهم مثلنا كلنا.. أنا كرهت العطور والبخور... وعطور ريلي:ioljnmlk:... والثياب بتكبر على الحمل... ولين تربين بتتغير الموضه... بتشترين يداد... وقمصان النوم،،، عندي قمصان نوم ما لبستهم لين ألحين.. والجلابيات نفس الموال... والجواتي والشنط...والمكياج وكل شي بتاخذين منهم زيادة كل ما طلعتي السوق... تبين نصيحتي زيدي من الذهب وخذي لج كم عباية حلوة للطلعات بس لا تبالغين فيهم...

الله يهنيج ويكملج على خير...وألف مبروك...:yaaaaaarb:

 

[نظـــرات حـــائرة]

وحجي الناس شلون تفتك منه الوحدة ؟؟؟


هذي مو شارية وما تعرف وومطيرة المهر على ولا شي ووووو ... ومن هالحجي

 

[bnt_7waa]

7oosh maw`6oo3`

ya36ekoom el 3afyaa

 

[slk]

اكثر شى بالغت في وتحسفت ملابس الطلعه والجينزات بخبال شريت !!!!
واغلبهم متنت ومالبستهم وبعدين وزعتهم على خواتى وبناتهم:0bee2e8d89:

 

[nada24]

هاااااااااااااااااااااااااااااي اولا الله اوفقج انشالله
نصيحتي لج لا تكثرين من العطور يعني 3 ستات كافي و بعدين اشتري غيرهم على اساس اتعرفين ذوقه و شنو احب,,, و لا تخلين body sabry و ايد حلو اخلي ريحتج على طوووووووووووول فرش راح تدعي لي ..... و الهدوم يعتمد على طبيعة اهله هل اهم اهل عزايم او لا .. لا تبالغين بشي لانه انتي للحين ما تدرين شنو ريلج احب من لبس و شنو ما احب الا بعد الزواج و على هل اساس اشتري بعد يمكن تحملين على طول و اتغير قياسج .... بالتوفيق

 

[Moondance]

اااي انا شريت هدوم الدنيا الدين وتمووووواااا عندي لما راحت الموضة وطاحوا بجبدي وقمت البسهم حق البيت تبهذلوا حسافة عليهم

 

[GaZoZiYa]

انا الحمدالله احس اني ما بالغت بشي

و أقوولكم سر
انا بديت اجهز من قبل ملجتي بـ6 شهور تقريبا كنت كل ما اسافر اشتري جم قطعة و اخشهم و لما اشوف شي مميز سواء قمصان نوم او بدل طلعة كشخشه حتى لو ما عندي مناسبة اشتري و اخشهم

و الملابس الماركة ما تروح موضتهم اذا حصلت شي سعره اخذه

يعني شوي شوي صار عندي جهاز كامل و راهي
و انا ليلحين ما خذيت مهري فأتوقع اني سويت شي وايد زين لاني ماراح اضيع مهري علا قمصان نوم و لا بدل او جناط ماركة لانه كل هالاشياء عندي من قبل

 

[حناينq8]

انا انصحكم بشي حطوه فيه بالكم وانتوا تشترون


ان السوق ماراح يسكر الي الابد

اخذي اغراض حق شهر بس لانج بهالشهر وايد راح تنعزمين وتطلعين معاه وعيون الاهل عليج وعلى ستايلج
واذا نقصج شي ترا السوق موجود

انا لمن كنت اجهز

كودت عطورات وميك اب كان مصيرهم الزباله تكرمون لاني تنسيت فيهم
والبدل كلها صارت ضيجه علي عقب شهر وفي منهم اللي ما لبسته بالمره

حسافه <<<<<<<<<<عقب عشر سنين توها تتحسف :0bee2e8d89:

 

[DLOOL]

ايه وبعد يا بناات اخت ما تحسفت على شي كثر انها ما خاطرت في التفصااال الا لما صارت عروس
ودب
حطت كل دراريعها عند خياااط واحد وكلهم اخربوااا
ديروا بالكم ما لكم غير تروحون لاخياط انت عارفينه جربوا تفصلون شيء عنده من باب الاختبار ولا ضبط تكوا عنده لانه مع المده رايح يفهمج وتفهمينه >>>> ما ادري حب من اول نظره
ويمكن يرخص لج بالسعر بعد

 

[نـور الكويت]

يا الله يا بنات عطونا من نصايحكم ..


لا يووووووووووووووووووووووقف

 

[MissChoco]

اي خنستفيد بنات


انا اقتنعت بجم شغله لووول


بس البخور عاد غراااامي :×

 

[كلي فخر]

موضوع حده مفيد

لا يوقف لايوقف

فيدونا يامتزوجاااات

ورانا تجهيز ودخنا واحترنااا

 

[هاردلك يا قلب !]

نفس خواتي متحسفات على كثره الملابس .. والعطور .. والقمصان .

كانت تقول لو يعني مقللين وشارين فيه ذهب ابرك .. لان اختي الكبيره حملت على طول . واختي الثانيه سافرت مع زوجها دراسه مده 6 شهور من اول اسبوع . ومافي تجهيز ولا لبست دراريع

واختي الثانيه مجهزه صيفي كله واجلوا عرسها على شهر 3 وراحت جهزت مره ثانيه شتوي ..


يعني خواتي اللحين على تجهيزي .. يبون يمسكوني .. وبعتداال اجهز .. عاد انا طبيعتي احب افسفس الفلوس واشتري اللي بنفسي ؟

 

[kandora]

نصيحتي للعرايس انهم يشوفون وضع البيت الي بتروحله اذا كان يقعدون مختلط ولا الحريم بروح والشباب بروح لان انا توهقت اغلب تجهيزي كان ضيج ولا جم تور ولا قصير ومالبستهم لان يقعدون مختلط والغدا هم مختلط فما لبست شي عندهم

انا معاج ونفسج

 

[احلى مهندسه]

عاشوا عاشوا البنات


والله خوش موضوع وفيه جم شغله استفدت منها

يعطيكم العافيه وناطره الباجي


لا يوقف لايوقف