يافرحه ماتمت

[وصوف]

قوه بنات شلونكم

انا حابه تساعدوني:eh_s(11):
انا الدوره قبل تجيني كل20يوم ورحت للدكتوره وعطتني حبوب وكليتها وبعد5ايام نزلت عادي والحين مغتسله لي 5ايام ورجعت نزلت


وزواجي بعد يومين ولا ادري وش اسوي
يعني لا ليزر ولا حمامات مغربيه
الله يفرج للي بتساعدني:eh_s(16):

 

[~mmm~]

مادري شقولج والله
بس حاولي تاكلين حبه توقفها
الله يتمم لج على خير

 

[معزوفة عشق&]

الله يهون عليك حبيبتي ويسر لك امررك

 

[حكآية قلب]

انصحج نصيحة لاتلعبين بنفسج
خليها عليج و متى ماخلصت تنضفي و حفي و عادي

ترا شكثر بنات تزوجووو وعليهم الدورة و اغتسلو وماشوفو اادورة بعدها


لا تازمين نغسج الرجال بيفهم و عادي تالي لاحقين خير

كااااافي انجج بتحسين شوي براحة لانه ماراح يصير شي


عااااااادي البسي و اكشخي بليلتج والله يعيييين


صح الدورة تحسس الوحده وصخه خخخخخخخخ بس عادي طوفيها

 

[فرفورهـ]

شنو نوعيه حبوبج ؟

وانتي دايم دورتج منتضمه ولا لا ؟

في ابره توقف لج الدوره روحي طقيها وعادي ماتاثر ان شالله

 

[وصوف]

لا صعب شلون بسوي ليزر
ويجهز نفسي انا اول مره اكل حبوب منظمه اسمها
كليمين

 

[وصوف]

مشكورين حبايبي:"

 

[أدعج غنج]

حبيبتي ألف مبروك الله يتمم لج
لاااا تحاتين ولا تكبرين اموضوع ...عادي لا أولولا اخر وحده عليها الدوره وهي عروس...نصيحه لا تتعبثين في روحج وصحتج كله ولا الهرمونات
انا مرت اخوي كانت مثلج وهي عروس ...الامور طيبه لا خلصتي من الدوره تنظفي وحفي وكل اللي تبينه سويه
احنا اللي ريحها ان اتفقنا معاها ان ما يبات عندها الا لما تطهر ..لأن كانت وايد مضايجه وكارهه نفسها !!! مع ان عادي !
بس علشان تكون مرتاحه كلمنا أخوي وواففق بالعكس
يعني كانت مثل الضيفه مدة 4 ايام بقعدون يسولفون وياكلون مع بعض ولما طهرت راحت الصالون وكشخت ويات وهي احلى عروس

 

[<miss botamba>]

رجعي لدكتوره

 

[عروسة اكتوبر]

اكلي جبوب ترفعها او افضل ترجعين لدكتورتج افضل

 

[مـهـــابــــه]

انا اللي اعرفه انها اذا نزلت ما تقدرين توقفينها خلاص

 

[^^ ǺГฬα]

راجعي دكتوره نساء وولاده

واذا تشافيتي عادي لاخلصت سوي الحمامات وكملي جلسات الليزر

لاتحاتين حبيبتي روحي دكتوره ثانيه عشان تتابع حالتج حتى بعد الزواج

 

[^^ ǺГฬα]

انا اللي اعرفه انها اذا نزلت ما تقدرين توقفينها خلاص

اي اذا نزلت ماتقدرين توقفينها الافضل تروح لدكتوره تعالجها

 

[لوولوو_88]

موفقه يا رب رايي من راي مهابه

 

[ملكة نوفمبر]

محد قالج تغبثين بنفسج

حمدي ربح وقفت على جذي يمكن خيره لح
لا تعبثين زياده كااافي لايصير معاج نزيييييففف شتسوى عليح

 

[أم*سلمان]

لا تلعبين بنفسج

 

[الأوركيد~]

راجعي دكتورة افضل

و الله ييسر لي و لج بالخير يا رب

 

[وَدَقْ]

واذا يعني عروس وهي عليج
ترى مو مصيبة الحمدلله الرجال يتفهمون واحسن اصلا ان الشي مايصير من اول يوم
ومثل ماقالوا البنات هذا لعب بهرموناتج
عمري مافكرت اخذهم الا عشان حج او عمرة هذا وانا صيدلانية واعرف مضارهم عدل !
ومنافعهم تكاد تكون شبه معدومه

هي تاخر نزول الجسم الاصفر اللي اللي بنزوله تنرسل اشارة لبطانة الرحم ان مافي حمل
فينزل الدم اللي بالبطانة !!
ةتخيلي انتي قاعدة تلعبين بساعة جسمج كلها اللي ربي يسرها على هذه الخطوات والتسلسل !
ةالحين لازم تراجعين دكتورتج وتسوين فحص هرموني
لان اللي صار موطبيعي ،ً

وعسى ربي يوفقج ويريح بالج

 

[Patcholli]

حبيبتي هاذا الدكتوره معطتج ياه راجعيها وقوليلها اهي بتفيدج اكثر منااا

 

[بنت الكويت90]

لاتوقفينها ولا شي



هذي دورة لاتتلعبين بنفسج



وشنو يعني اذا جت كلها جم يوم وبتروح منتي اول عروس ولا اخر عروس تكون عليها الدوره؟؟!!!!!!!!!!