ياريت كل مستجدات الحقوق يدشون ضروري ضروري عشان مصلحتهم

[Dazii]

رد : ياريت كل مستجدات الحقوق يدشون ضروري ضروري عشان مصلحتهم

حقووقيه عسل

انا مابقى اخد بالدنيا ماقالي حجي عن الحقووق
صعبه وماتقدرين عليها وانتي نوعج طلعات وروحات وييات
وسهر ولعب وماتدرسين ماتنفعلج
بس وقفت بويهم وقلت اللي تخرجو بامتياز مو احسن مني
وانا ولد خالي مشالله عليه توا متخرج وهالسنه بيكمل ماستر
كلا اقولهم اهوا صبي دواوين وسفرات وروحات مع ربعه
واييب امتياز وانا البنيه اللي ماعندي شغل الا الفراره بالمجمعات بس بالويك اند
انا المفروض اييب احسن منه واعلا منه ماكو احد احسن من احد
اقدر اشد حيللي وادرس واتفوق جذي ينجعكوون ولا يفكرون يقولولي
اي كلمه ثانيه تحبطني

 

[حقوقية عسل]

رد : ياريت كل مستجدات الحقوق يدشون ضروري ضروري عشان مصلحتهم

Dazii


كلامج عين العقل وكل واحد عارف قدرات نفسه واذا حطيتي في بالج شي بتسوينه اكيد ومحد يقدر ياثر عليج والله يوفقج يارب واشوفج من الاوائل وتقهرين حسادج والناس اللي قلوبهم سوده اللهم ياكافي وميرسي حبوبه على الرد اللي اثلج صدري...

 

[A7la Lawyer]

رد : ياريت كل مستجدات الحقوق يدشون ضروري ضروري عشان مصلحتهم

حبيبتيي يعطييج العافيه

اي والله الكل قال انها صعبه
بس بالعكس انا اهلي اهما اللي مشجعيني
الله يسهل ان شاء الله

 

[Dazii]

رد : ياريت كل مستجدات الحقوق يدشون ضروري ضروري عشان مصلحتهم

امييين يارب والله يوفق الجميع انشالله

 

[حقوقية عسل]

رد : ياريت كل مستجدات الحقوق يدشون ضروري ضروري عشان مصلحتهم

a7la lawyer

الله يعافيج حياتي ميرسي

 

[خزااامى]

رد: رد : رد: رد : رد: ياريت كل مستجدات الحقوق يدشون ضروري ضروري عشان مصلحتهم

‏!‏‏!! والله انه كلامج متناقض

شر البلية مايضحك

متناااقض !!!!!! ليش شقالت البنت ماقالت شي !!

 

[L a w y e R]

رد : ياريت كل مستجدات الحقوق يدشون ضروري ضروري عشان مصلحتهم

يعطيج العافيه

بس اسمحيلي اختلف معاج بجم شغله

الحقوق فعلا تسرق الطالب من المناسبات الاجتماعيه وهذا واقع تجربه .. مو سنه ولا 2 بالحقوق

انا صارلي 4 سنين بالكليه وعندي خبره الحمدلله

وهم اختلف معاج بسالفة الدراسه قبل الميدتيرم بجم يوم .. مستحيل !

ليلة ميدتيرم التزامات والا مرافعات عندج عرس .. تروحين والا لأ ؟

اللي تبي القريد مستحيل تقول اي

.

وعموما انتي ليلحين ماجربتي ثالثه وضغطها ولا جربتي رابعه

راح تغيرين وجهة نظرج بالموضوع

.

التفوق بالحقوق مو مستحيل

بس يبيله مثابره وتعب وتنازلات

ولما اتكلم عن التنازلات اقصد الطلعات والوناسه والمناسبات الاجتماعيه

انا ماقول حكروا روحكم بالبيت ، بس راح تشوفون ان في ايام ماتطلعون من البيت

خصوصا حزة الفاينل

.

والمستجدات ، اللي تبي المعدل وتبي ترتاح بالحقوق

ختشد حيلها من سنة اولى وتييب معدل يرفع الراس ، والا راح تتعب تالي

.

عموما اللي عندها اي استفسار اتمنى تشرفنا بتجمعنا للحقوقيات

http://www.q8yat.net/showthread.php?t=677958

.

شكرا

 

[حقوقية عسل]

رد : ياريت كل مستجدات الحقوق يدشون ضروري ضروري عشان مصلحتهم

الله يعافيج أختي ومشكوره عالرد..

لو قريتي كلامي عدل راح تفهمين شنو اقصد وبعدين انا ماقلت حق البنات درسوا نفس يوم الامتحان او قبلها بليله ولا انا مو حارمه نفسي ولا اطلع وموبس انا بعد كل رفيجاتي ما اقيس على حالتي فقط انا ما اقول كلام الا اني مجربته وهذا الشي راح اتحاسب عليه و انا عندي رفيجات يدرسون قبل الامتحان بيوم وفاينل بعد وينجحون ومادشوا تكميلي وبعدين الناس مستويات تتفاوت درجه الذكاء عندهم في بنات يدرسون قبل الاكتحان باسبوع وينجحون عالحفه وفي بنات قبلها ب3 ايام وقريدهم امتياز يعني هذه المساله تتفاوت بين بنت وبنت ومثل ما انتي قلتي رايج بعد انا قلت راي بمستواي وهذا حق مشروع لي وما يحتاج كل هالهجوم علي والله اذا انتي مستواج ضعيف وتخرعين البنات هذا شي ثاني والعموم انا ما اقول شي الا انا مجربته واثقه منه بعد واذا عديت ثالثه ان شاء الله راح اكتب تجربتي عدل وهذا وعد مني عشان توضح الحقيقه للبنات وابري ذمتي من كلامج وكلامج غيرج..
يعني مالها داعي تخرعون البنات كل شوي وانها صعبه شدعوه طب مو حقوق( وفعلا سو خير وقطه بحر )!!!

ومالها داعي تحطين اي استفسار دشوا تجمع الحقوق جنه كلامي مو موثوق فيه للاسف والله
وانا محترمه التجمع اللي حاطته وافيد البنااات فيه

عالعموم سامحيني واحنا خوات وهذا اختلاف في وجهات النظر والاختلاف في الرأي لا يفسد للود قضيه وأتمنى ما تشلين بقلبج علي..

 

[L a w y e R]

رد : ياريت كل مستجدات الحقوق يدشون ضروري ضروري عشان مصلحتهم

شدعوه ماقلت شي :/

ولا كنت اقصد شي ..

اللي كنت بوصله ان اللي يبي المعدل لازم يتعب

والشاطره والعاديه يتعبون بالكليه ومافي شي ايي بالساهل

واذا عاللنك مال التجمع حشا والله ماقصدت التشكيك بكلامج :/

اقصد ان التجمع ملاذ الكل وجامع الكل وشور اللي بتدخله بتستفيد من كذا ناحيه

سواء بمناقشه المواد او الدكاتره او نظام الكليه او طرق الدراسه

لاتحسسين من كلامي لاني فعلا ماكنت اقصد الا الخير

واتمين اخت عزيزه وغاليه وتمونين

 

[حقوقية عسل]

رد : ياريت كل مستجدات الحقوق يدشون ضروري ضروري عشان مصلحتهم

^

^

^



وانا اسفه اذا جرحتج بكلامي اختي وسامحيني يالغلا بس تضايقت من الردود شوي...
:eh_s(6):