ياحليلها تهقون شتبي؟

[غالية زمانها]

يا حليلها شكلها طيبه وحبوبه .. ولا جان ماتعرفت عليج ..
خليج معاها عاديه ..

 

[حبك بلاني!]

مدري حاسه نيتهاا صافيه وحبوبه//:

 

[Čut!e Quèéи]

الاسلوب يقول انها حبوبه
بس تعرفين الحريم بعضهم عقرب رمل
حطي بالج مادري ليش شكيت بشي
شكيت انها تلعب بويهين
الويه الاول حبوبه وطيوبه وتخاف الله
الويه الثانيه تدس بين السوالف سوالف تحر قلبج وتغيضج
ولا على اي اساس تبي تتعرف على طليقه زوجها ؟؟؟
يمكن صج لان ولدج مدلل عندهم ومايرضون عليه
تلقينها محتره وتغار تحاول توصل لج عشان تسوي مشاكل ويخلون ولدج عندج لانها ماتبي تشوفه عندها
فكري عدل احنا ما نظن السوء بالناس بسرعه لكن الحذر واجب يا بنت
خلج رسميه معاها ولا تعطينها ويه وايد اغلب الوقت تعذري مره مشغوله ومره نايمه

 

[nora al]

ماادري ليش ماحسيتها حبووبه بالعكس شواقه حسيتج انتي اللي حبووبه !!

من رايي بعدي عنها سواء زينه ولا شينه مالج شغل فيهاا فيه الناس حتى لو كانو زينين الظروف ماتخليناا نكون علاقات معاهم


براايي بعدي عنها بخيرها وشرها وخلي اتصالج مع طليقج اوو انه امج تكلمه اذا تبين شي يخص الولد ونهائي المحادثه معاها لا تفتحينها ولا تدزين لها شي عشان لايوصل عندها انج شفتيه ومارديتي عرفتي !


وبرايي سالي ولدج عن معاملتهاا له حبيبتي


والله يووفقج شواقه تستاهلين كل خير :*

 

[ام خلوووودm]

تصرفهاااا غريب ومافهمت معقولة بزمنا هذا فية حريم جذي مااصدق لاتثقين فيها

 

[حبـ admant ـك]

مبين عليها حليوه
وان شاءالله ماتطلع عكس هالشي
الله يوفقج

 

[جوري 2007]

تحذري ! مادري ليش مو مرتاحة !!>>> انتي شكو

 

[آهات الليل]

شكلها حبوبه خلج معاها عادي سوالف عاديه اما اذا تتسال عن اهل طليقج قوليلها مادري خلج طبيعيه معاها ياقلبي وانتي منو اللي مايحبج؟؟؟

 

[++The DuchesS++]

حبوبه شوفي شنو مرتاحه عليه وسويه
اذا قلبج ناقزج خلي العلاقه مثل ما اي ولا تزيدينها
خلي علاقتكم يمر عليها وقت تالي حكمي
وموووفقه

 

[سويت فانيلا]

سبحان الله في ناس قلبهم مثل اللولو

 

[بخـــارى]

باين عليها بنت حلال
وانا مع مناي هناي

 

[غلا بندر]

سؤال براحتج اذا حبيتي تردي عليه اولا

اكثر شي لفت نظري بالموضوع

ضناج اللي حملتي فيه 9 شهور

ورضعتي وربيتيه وهو صغير

وسهرتي عليه وياما سبحتي ولبستيه وغنيتي له

واختلفتي مع ابوه وانفصلتي

ليش تعطينه بنت النااااس تربي لج؟؟؟

ليش ما يكون عندج وتحت عينج ؟؟

اول 5 سنوات تتكون شخصية الطفل ....

ومن 5 الى 10 سنوات .....يبتدي يقتدي بامه وابوه....

بصراااحه ما انصحج ابدا يستمر بحضن الغريبة

لا تقولين لي جدته وابوه

مثل الام مااااكو ....................

الام تحس بضناها قبل ما يقول الآه ....

الام ....مستحيل تأذي ولدها او بنتها وان حصل لمصلحتهم

اسفه ضغطت عليج ولكن من حبي لج وطيبتج لخلقه

اقولج

فتحي عينك وجربتي ....حياتج الجديده وشفتي المشاكل

حطي ولدج بين ضلوعج واحتفظي بزوجج الجديد

واذا الزوجه غاليه عند الزوج يرضى بعيالها وطوايف اهلها

فوفو

انا مع فوفو :rerrerek: شواقه انا احبج واتابع ردودج وسوالفج بس استغرب انج مخليه ولدج عند مرت ابوه مهما كانت زينه كاهي بنفسها قالت اعصب عليه اذا ماسمع كلامي شوفي انا مطلقه وعندي ولد تقريبا بعمر ولد ومفكره لو اتزوج ماراح اخذه وياي من البدايه بس لما الله يرزقني لو بجاهل ثاتي من الزوج الثاني راح اخذ ولدي ليش اربي بس الجاهل اللي منه واخلي ولدي تربيه غيري سوري اذا كلامي فيه شي يضايق حبيبتي وسوري اذا ظروفج تمنعج عن ولدج واحنا مانعرفها

 

[وآحشنــي زمآنـك]

عادي كلميهاا بس بحذر ..

 

[اشتياق]

ثانكيو حبايبي عالتفاعل
الرد اللي طلع عن الموضوع فتحلي ابواب مابيها تنفتح
انا تكلمت عن المره والواتساب لاغير
اما موضوع ولدي وليش مايتربى عندي فهذا شي ثاني
الله يهديها اللي اطلعت وشطت عن الموضوع

 

[Tutti-Frutti]

حتى لو زينه وخوش بنت
خلج معاها رسميه ما تدرين شنو بـ نيتها

 

[فوفو]

امممممممممممممممممممممممممممممممممممم
تبين نصيحتي اتركيها

 

[Tutti-Frutti]

ثانكيو حبايبي عالتفاعل
الرد اللي طلع عن الموضوع فتحلي ابواب مابيها تنفتح
انا تكلمت عن المره والواتساب لاغير
اما موضوع ولدي وليش مايتربى عندي فهذا شي ثاني
الله يهديها اللي اطلعت وشطت عن الموضوع

عذريهم ما يدرون بظروفج
وما اشوفها حلوه اني اتدخل بشي ما يعنيني
بس حريم لووول

يقول الامام علي عليه السلام: من تدخل فيما لا يعنيه لقي ما لا يرضيه

 

[العفاسيه]

مهما كانت طيبه وحبوبه ديري بالج ماتدرين عن نيتها والله يسخرها لولدج

فوفو حتى انتي بناتج مو عايشين وياج بنفس البيت والا انا غلطانه

 

[Cute mama]

اغلب الردود ايجابيه بس انا احس احساس ثاني مو تقولون عني شريره بس احساسي ولازم اكتبه
مادري انا مو مرتاحتلها اشوف مو معقوله في وحده ماتغار من طليقة زوجها
يمكن تبي تشوف منو هذي اللي كان متزوجها ريلها يمكن فضوول مادري
بس هم انتي خلج حبوبه ورسميه معاها ولاتخلينها تدش وايد بخصوصياتج وكل ماحاولت تبطل مواضيع مثلا عن طليقج او حياتكم قبل غيري الموضوع
الله يعوضج حبيبتي ويبعد عنج كل سوء
​

 

[غاآيتي مــرادكـ]

حبوبه ماشدني بموضوعك غير الواتس آب
شنو هذا اول مره اسمع فيه....؟