يآلبـــى قلــبي .. ويلبــى قلبــك

[مـوني آلحلووة]

مـــرحبــآ بنوتـآت
كيفكووم يآ آمآمير :eh_s(22):

معآكــم آمولة الحلوة

لالآ يعني آقلد آمل العوضي

بنات انا مابي احش :eh_s(9):بدش على الموضوع دوووغري:yaaaaaarb:
صراحه انا لما ابطل برنامجها اتنح والله
يعني يصير ويهي تسذاااا :eh_s(1):
فمابالك رياييلنا العووووووووووووووب
سؤالي عادي يعني تطالعين البرنامج ويذ يور هازبنت:eh_s(15):
ولا تفرين القناة بسرعه اول ما يوصل

هذي اانا

صراحه اليوم هو بروحه بروحه يقول يالبى قلبي يالبى قلبي << مالت عليك وعلى قلبك

اقوله فلااااااااااااااااااااااااااااااان < خاف الولد

انت تشوف هالتفاهااات

يقول لا والله بس اسمع ربعي يقولون < صدقته

ماعلينآ

المآيك لكم بس انا ما ودي اتكلم عن اسلوب ولبس .... الخ آمل

بس ترضين بعلج يرى هذا الشي:bbbiu:وووليش

.؟

فتكم بعاافيه ومباارك عليكم باجي الشهررر:eh_s(22):
:eh_s(7)::eh_s(7):

 

[!الجادل الصعب!]

مرعندي مشكله لو يشوف هالاشكال بالدوانيه عاًي
ما حاتيت حليمة الي احلى منها باحاتيها وطبيعي بيشوفون
مانقدر نسكر عيونهم

 

[Perfume]

هههههههه
اي عادي انا اللي اقلب المحطة عليها واناديه عشان نشوف شنو لابسة
بصراحة خربت روحها بهالعمليات ولبسها يفشششل واوووفر واااايد
وهم تسريحاتها ومكياجها اوفر
مسوية نفسها مسخرة بهالشهر الفضيل

 

[فوفو22]

بالنسبه لي واصله مرحله

اشوف واقرا اللي يفيدني فقط لا غير

واحيانا امر بالريموت كنترول على برنامج اموله

ادعي لها بالهدايه

البنت صغيره وحلوه ودمها خفيف وشكلها طيبه ....بس الاعلام يستغلون البنات بطريقه ما تعجبني

فوفو

 

[الأميرة جوري]

عادي لان حليمه كانت احلي

 

[فرزاشيهـ]

انا مع فوفو .،


صايره ماشوف سخافات اشوف شي يفيدني ابرك لي بس لمن امر عليها تكسر خاطري الاعلام مهولين فيها و غير التجميل اللي مخليها ام ٤٥ سنه على هالعمليات اللي مسوتها .،


بس بالنسبه لسؤالج نو وي -ــــ- كيفه يشوفها يبالديوانيه ولا يشوفها عندي :/ ماتحمل اشوف سخافات

 

[-فلانة-]

والله يا حبيبتي انا ما شفتها و ريلي ما ياب الطاري..يقولون صايرة حلوة!!
ما علينا..
اذا طلعت بالصدفة و ريلي يمي عادي ما أغير المحطة ولا شي..
انا ريلي ميت على كيم كرديشيان و كان ذابحني فيها أول الزواج..
الحين انا صرت أييبله أخبارها..
انا عن نفسي ما أنغث لا من البنات اللي بره و لا البنات اللي بالتلفزيون..
ماني ملكة جمال بس واثقة وايد من نفسي.. فما يهزون فيني شعرة و لا أخاف منهم..
مو معقولة كل بنت حلوة تطلع بحط إيدي على قلبي..
المشكلة يخزون بهالشقر و الحمر و إن قلنا بنسوي مثلهم ونصبغ و نغير قالوا لأ..
جنس غريب عجيب..​

 

[حبيبه ببي]

حمدالله اناوحده ماحط هالشريره مااحبها وزجي شاايف بنات احلى منها بديرته هولندا بيطالع هذي بروحه يقول شكلها معوقه واهوابس يطالع mbs2 ,4 , fix

 

[كويتيه فرنسيه]

يابنت الحلال اذا بتغارين من اي وحده بالتلفزيون او بالنت منتي خالصه

ترا حتى لو حرمتيه من القناه الحين كل شي يوصل بتويتر وبالواتس اب وبكل مكان يوصلهم امل وملكات جمال العالم الي يصكون على امل

فريحي مخج ولاتفكرين لان اساسا الرياييل يشوفونهم مجرد اشكال حلوه ورخيصه مستحيل ينعجب فيها

 

[Gifts&Occaions]

عادي

 

[قَلبڪْ صًخرْ]

انا ماغار من الاعلاميات والممثلات
وماقدر امنعه من شي لان كل شي
بيوصله ،، وامل مو واو
عاديه وجلحه
ومن ناحية دلع
انا اتدلع اكثر منها هههههه

الي اشوفها جميله سمية خشاب مريام
هذيلا الي مفروض نغار منهم

 

[Trooofa]

حلووومه احلا وتبيني ااغير منها وهي خربت وهولت بروحها

 

[ترف بابا]

الحمدلله طوفنا حليمة مانطوّف هذي !

 

[om-3azo-83z]

انا الحين مو متزوجه بس لو على ايام زواجي عادي خل يشوف في اللي احلى منها / انا خخخخ لا لا انا واثقه بنفسي مو عاجبته؟ ليش خذيتني دام مو تارسه عينك خلقه ربي شحلاتها عاجبتني و الحمدالله ما اغار من تركيب
خلج واثقه بنفسج جدام ريلج بس مو لدرجه الغرور
والله على ايام زواجي لما يحطون هالسوالف اقوله شوف شوف التركيبات و شوف اللي يمك عالطبيعه كل شي احلى خخخخ مغروره ولا اقوله شوف الله يستر عليهم بس وين اهلهم عنهم اطيحهم من عينه غصب لين صار اهوا من يشوف يقو استغفر الله يلوعون الجبد كله صبغات يا حلات اللي عندي لوووووول

 

[سارة ة]

خل يشووف ماني مصكره عيوونه

 

[ام حسون24]

من حلاتها اموله

 

[مــســك]

يآربي مابي احشم وانا صايمه هههههههههههه

بصراحه ما اهتم كلش والحمدلله ما اغار .. اذا مثلا بيضايقني يعني بيقول شوفي فلانه شحلاتها .. على طول دايركت اقوله شحلات مهند .. آهو طفااارته مهند ..


انا نظامي جذي مااحب احد يضايقني .. الي يضايقني اضيقه .. << شريره


بالنسبه لآمل .. بصراحه سخيفه حييل تصنع مو طبيعي وتنعم بصوتها بشكل مبالغ .. ولبسها العن من حليمه حييل جرييئه وآوفر ما جنه احنا برمضان شهر العباده .. آحس انها تستعرض ..

وانا ما احب اتابع هالبرامج .. مرات احط بشوف شنو لابسه .. بس كل ماشوف لبسها عن يوم الثاني انصدم ..!!! احسها مو كويتيه تراعي الادب والدين والعادات والتقاليد ..

الله يهديهم كل الوسط الفني جذي .. غلط بـ غلط ..:/

الفن الجميل على ايام سعاد عبدالله وحياة الفهد .. فن محتشم وهادف .. حتى فوازيرها سعاد وعبدالحسين جميل ومحتشم << ركزو على جميييييييييييييييل ههههههههههههههههههههه



وعلى قولت بو طبيله بصفحه القبس .. امل العوضي ومريم حسين المغربيه بعد مليقياات ويقلدون حليمه ..

وعلى قولته احنا شعب الهبه والزمه بالكلام .. يعني مالها داعي لبى قلبي ويالبى قلبك .. آحسها سخيفه حيل ..


وعلى فكره هالكلمه مشهورة بالرياض الكل يقولها من زمان .. لان عندي وحده من الاهل هناك دايم تقولي لبى قلبج ..



ووووووبس واللهم اني صايمه ..<< تو الناس هع

 

[نسمة بحر]

مااحس انها حلوة عشان تعجبه
واذا طلعت عادي انطالعها لا واطول صوت التلفزيون لانه اهيا قرقه (يعني تسولف وايد ) واعرف انه مايعجبه جذي هههههههه

 

[هيبة ملك]

ماشفتها علي اي قناة؟

ماقدر اسكر عيونه خل يشوف

 

[دلوعه ناعمه]

لوووووووول ترااااا وايد معطينها اكبر من محجمها امل ووويهاا استغفرالله ممطوط ووحلجهاا مسررررح وسووووده يعني اللهم انها اطلع ركبها السود صا ت حلووهوالله مااادري ليش خابين عمركم فيهاا