و الله اني مضايقة وخايفة الحوبة رب يارب سترك

[جروح خالده]

رد : و الله اني مضايقة وخايفة الحوبة رب يارب سترك

يمه ماتبين يعلم امه علي حمالج ليشش استغرب من الحريم اللي يخبون حمالهم الحمدالله والشكر

اشدعوه لو امه علمة بنتها شنو بيصير وهو يروح يهاوش امها ياويلكم من الله

 

[أم الحلووووين]

لا توسوسين ..
الله ان شاء الله يثبت حملج ..

 

[**miss 3sola**]

رد : و الله اني مضايقة وخايفة الحوبة رب يارب سترك

الله يثبت حملج انشالله

 

[كاكاوة81]

رد: رد : و الله اني مضايقة وخايفة الحوبة رب يارب سترك

بصراحة انتي وحده ما تستحين تفرحين أمج وتخلين أمه ولا موصيته ما يعلم امه وانتي رايحه بتبشرين حماتج !!!!!!!!؟؟؟؟؟؟؟؟؟؟؟؟؟ وزافه الريال علشان قال لامه مو انتي بطيتي الجربه وركبتيها الغلط ..

انا ما ألومها لو دعت عليج أو حتى تحسبت استاثمتي فيها مرتين مرة لما حرمتيها الفرحة بحمال مرت ولدها والثانية لما زفها ولدها بسبتج ..

ومو شرط حوبتها إن الجنين يطيح يمكن تكون حوبتها عيال عاقين فيج ولا يبرونج ولا بجنه قويه ومسيطرة مثلج ..

أخذي لها هدية عليها القيمة وتسوى وروحي لها مع ولدها اعتذروا تراها ام ولا تعرفين معنى هالكلمة إلا في حزة الولادة طبعاً من غير بنج مثلي ...

الله يسامحج بس ويرزقج كوكش يهال ...​

حبيبتي انا مو رايحة ابشر حماتي انا ابي اجس النبض بشوف يدرون و الا لا انا مو هبلة ولا عبيطة علشان افشي سر ريلي و ترى انا يوم قتلها قتلها بقولج شي بس لا تقولين لاحد عرفت قبل لا تتكلم انها تدري من ردة فعلها الحمدلله انا واااايد بارة ولا ني مسيطرو ولا هم يحزنون انا امي لين طرحت و الا صار فيني شي بتخاف علي وبتضايق علي بس امه اذا طرحت ادري بتضايق على الضنى الي طاح مو علي انا جم مرة تسمعني كلام ان ولدها كبر ويبي عيال انا مابي انقث قلت بخلص الثالث و اودي حلو و ابشرهم
وااااايد خليتيني سيئة الموضوع اتفه مما تتوقعين و انا ماخليت ريلي ينام الا مراضيها انا عمري ما كنت عاقة لاهلي علشان اكون عاقة لاهل ريلي

 

[كاكاوة81]

جزاكم الله خير بنات و الله اني حاسة بضيقة مو طبيعية

 

[دنيا رديه]

الله يثبته يااااااااااااارب

 

[أم تروكـ]

رد : و الله اني مضايقة وخايفة الحوبة رب يارب سترك

الله يثبت حملج ان شاءالله

 

[>> True Love<<]

ياكبرهاآآ

عند


لله..!!


هاوش امه وتبجي..!

لله لله لله يدنيآآ!!


ولله يثبت حمالج
ويرزقج بالذريه ياارب
ماعندي اكثر من هالنعليق..!

 

[تنـــاســـانــي]

اشدعوه عليج حتى امه ما تبينها تدري ؟؟

انتي استانستي و قلتي حق امج اهوا من حقه ،، هذي بشاره بيفرحولج فيها مو شي شين الله يبعد عنج كل شين ..

من حقها تزعل و تبين الصج مو من حقج تخشين هالموضوع عن امه ،،

 

[noorq8]

شسوي يعني انا عندي اجهاض متكرر وقلت ابي يثبت هال3 اشهر بس وبقول

ادري و الله غلطانة ورب الكعبة تصرفي تصرف وحدة غبية ماعندها مخ

جزاكم الله خير بنات و الله اني حاسة بضيقة مو طبيعية

أول شي ألف ألف مبروووك الحمال وربي يثبته لج ويجعله من الذريه الصالحه ,حبوبه لاتقثين عمرج ولا شي أصلا اللي سبق وأجهضت يمكن لي الشهر السادس يالله تعلم الناس من الخوف والوسواس وماكو أحن وأشرح من قلب الأم لاتكدرين عمرج باللي يقول لج تفرحين أمج وخالتج لأ من لج غير أمج تستشيرينه ويجاوبج وعلى قولتج الخاله بتفرح لولدها بالضنى وبيضيق خلقها عالضى لي راح مو عالجنه ,الحين خلج كووووووول وريلااااااااااكس الحمال مو مال قثى ترى يطلع البيبي نرفوووووووز وصياح استمتعي بحملج وربي يثبته ويبلغج فيه وقطي ورى ظهرررررج وانسي اللي صار انسيييييييييه عشان يرتاح مخج وعليج بالدعاء للبيبي والله يوفقج.
ذكرتيني لما تعورت مثلج وعقبها حملت ماكنت أبي أعلم أحد غير أمي أحس كأنها تطمني ان البيبي بيعيش يعني تعطيج الاحساس بالأمان لكن الخاله ماتدري عن هوا دارج تبي تتطمن لذرية ولدها وبس .

 

[Ba$ko0oTa]

الله يثبت حملج انشاءلله انشالله ماكو الا العافيه
بس المفروض ما كنتي تخبين عن امه مثل ما بشرتي
خالتج بس حصل خير حياتي

 

[أسيرة_أحزاني]

رد : و الله اني مضايقة وخايفة الحوبة رب يارب سترك

الله يثبته

 

[الرياش]

الله يثبت حملج حبيبتي شكلج طيبه وما كنتي تقصدين الي صار
ألحين امفروض تروحين حق خالتج وتأسفين منها وتحبين راسها والله يهدي النفوس ان شاء الله

 

[هنـــــد]

رد : و الله اني مضايقة وخايفة الحوبة رب يارب سترك




والله الشرهه على زوجج اللي يزف أمه حلوة اللبن عشان مرته !!
هذا شنو من رجال ؟؟؟؟؟؟ الحمدلله والشكر بس عيال آخر زمن
مو مشكلة احتمال اللي في بطنج لي كبر بيزفج عشان مرته خووو من وين جاي اهو !!


عموماً انتي مالج ذنب انا بكلامي أقصد زوج العازه
وعسى ربي يثبت حملج وتولدين بالسلامة

 

[الشهد كله]

رد: رد : و الله اني مضايقة وخايفة الحوبة رب يارب سترك

تدرين بقولج شي انا ملاحظة ردودج كلها قاسية انا السالفة مو سالفة عين انا اجهاض متكرر ابي اعدي الثالث و اتكلم و اقول اني حامل مو من اول الحمال وردج رفع ضغطي وضايقني حيل

ليش تزعلين من الحق ؟؟؟؟؟؟؟؟؟؟

اشلون ترضينها حق نفسج إنج تقولين حق أمج وما تقولين حق خالتج ؟؟؟؟؟؟؟؟

هذي أم وهذي أم !!!!!!!!

لا وتقولين حق ريلج لا تقول حق أمك ، وين قاعدين ؟؟؟؟ شهالجرأة ؟؟؟؟؟؟؟؟؟؟

جان نطرتي لحد ما توصلين الثالث وتقولين حق أمج بشوف ترضين ولا لأ ؟؟؟؟؟؟؟؟

ويوم عفستي الدنيا تقولين خايفة من الحوبة !!!!!!!

ترى من غبىّ ما ربىّ

والله يعينج ​

 

[قمر^خالد]

الله يثبت حملج آميين

 

[meen_ana]

حبووبه ليش ماتبينها تدري ترى مافيها شي والله خير الحافظين

 

[ماادري]

رد : و الله اني مضايقة وخايفة الحوبة رب يارب سترك

الله يثبت حملج
المفروض ماتغبين على خالتج انج حامل
بس هم خالتج غلطانه انها ماحفظت السر
وانشاء الله مافي حوبه ولا تزعلين روحج عشان اللي في بطنج

 

[om MaRyooM]

عادي هالامور تصير بس زوجج اهو الغلطان شحقه يدق على امه مو من حقه صراحة


ودامج اعتذرتي لخالتج خلاص طوفي السالفة والله يكثر من امثالج .. ياحلوج والله

 

[فديته]

مو غلطانه يا قلبي,,, انا زوجي جذيه اي شي اقوله ,, علطوول عندهم ,, وانا اشوفهم دايماا زعلانين علي وماعرف السبب!!!

ريلج الغلطان حبيبتي ,, شنو اهاوش امي واختي مو حلوووة واللي مافيه خير لهله مافيه خير للناس المفرووض يعتذرر

هم عبالهم انج انتي السبب وانتي اللي حرشتيه عليهم روحي مع ريلج لهم واعتذري