وين كنتي وقت الغزو ...صامده والا بره الديره ؟؟

[حناينq8]

**هالموضوع عباره عن مرجع لقصص واقعيه حصلت وقت الغزو العراقي لدولتنا الغاليه الكويت
اتمنى من كل عضوه تفضلت بالدخول لهذا الموضوع بانها تخصص من وقتها وتقرا قصص العضوات وتحط قصتها
خصوصا ان العديد من العضوات ما لحقوا على الغزو - ومنها نستذكر ايام عشناها الله لا يعودها
تم التحديث 6 / 7 / 2012**

حياكم الله يالغوالي ​

شرايكم نستذكر هالفتره من حياتنا الله لا يعودها طبعا ​

وكل وحده تدخل تقول وين كانت وقت الغزو وشنو شافت من احداث​

:q8:​

انا من ناحيتي كنت صامده بالكويت وعشت الاحتلال بكل ظروفه واحلى ايام حياتي يوم اللي صعدنا فوق السطوح نكبر واللي احلى واحلى اهو يوم التحرير ظلينا شهر كل يوم مسيره ​

​

ناطره اجوبتكم لا تخلون ​

 

[*سكون*]

صااامده :q8:

وبصراحة أعتبرها اتعس أيام حياتي لأنا فقدنا اثنين من العايله

بس الحمدلله على كل حال ..وعسا الله يآجرنا ولا يردها من أيام ويحفظ ديرتنا من كل شر

 

[حناينq8]

صااامده :q8:

وبصراحة أعتبرها اتعس أيام حياتي لأنا فقدنا اثنين من العايله

بس الحمدلله على كل حال ..وعسا الله يآجرنا ولا يردها من أيام ويحفظ ديرتنا من كل شر

يحياتي
الله يرحمهم ويغمد روحهم الجنه

والله يعوضكم كل الخير عن فقدناهم

 

[مريوما الحلوه]

صامده انا وامي واخواتي 3 واختي العوده انحاشت مع خوالي وخالاتي ويدي كان معانا و ابوي وكنت 8 سنين

 

[حناينq8]

صامده انا وامي واخواتي 3 واختي العوده انحاشت مع خوالي وخالاتي ويدي كان معانا و ابوي وكنت 8 سنين

حبيبتي مريوما الحلوه

اكيد كنتي واعيه نوعا ما على هالايام

وكل الشكر على مرورج

 

[¤§ زيتونة §¤]

صااامدة للنهاية


ولله الحمد

وفرحة التحرير ما تساويها فرحة خصوصا احنا شفناها لحظة بلحظة وعشناها بتفاصيلها وكنا نستمتع لما نراقب مضاد الطائرات واهوا يفشل في صيد الطائرات ايام التحرير ههههههههههههههههه
الصراحة ايام صعبة حيييييييييل وخوف بس كان فيها فعلا ترابط ومودة وتعاون بين الكويتيين



الله لا يعيدها من ايام ويحفظ ديرتنا من كل مكرووووه يا رب




مشكورة حبيبتي عالموضوع

 

[ام الفهد712]

صاااااااااااااااااااااااامده

وكااانت اياااام الله لا يعيدهاااااا علينااا يارب واللي كااان

بس احلا اياااام لمااا كنا نكبررر فوق السطح وتشوفين الكويتيين شلووون قلبهم على بعض الله لا يفرقنا انشاالله

ونااااسه يووووم التحريرررر كاااان احلى يووووم

الله يحفظ ديرتنااا من كل شررر انشاالله

 

[وجدان الكويت]

وااااي كانت ايام الله لايعيدها علينا يااارب ويحفظ ديرتنا


انا كنت بالكويت شهر وبعدين رحنا السعودية

 

[عذوووب85]

صامـــــــــدة وكنت بالروضة

 

[blue diamond]

انا كنت صامده وكان عمري 3سنين ونص
بس سبحان الله اتذكر
كنت اتذكر الدبابه لما يت فريجنا واحنا انخشينا بين الشير لان كنا رايحين الخباز
اتذكر لما يونا العسكرين يبون يشربون ماي
اتذكر يوم يونا العسكريين مره ثانية يسألون عن ضباط
اتذكر لما كنت انحاش من بيتنا اروح بيت ييرانا >> كنت حدي جريئة بوقتها ههههه بس هم كنت بريئة
اتذكر يوم طلعنا انا واخوي رحنا بيت الييران وخذينا أكله لان أهلنا ما كانوا يدرون
اتذكر ان غيرنا سكنا 3 مرات في الغزو (( اذا مو اكثر لاني كنت صغيرونه ))
والله اتذكر اشياء وايد الحمدلله

 

[[]نهاوند[]]

انا سافرت قبل الغزو بيوم لتركيا وكانت الوالده تحاتي اخواني لأن مو كلنا مسافرين نصنا بالكويت

وكنا ندق عليهم بس الخطوط مقطوعه وبعدها بجم يوم ابوي دق على بيت خالتي بالسعوديه ولقى اخواني عندها وما انسى هذاك اليوم اول مره اشوف ابوي يبجي من الفرحه على سلامة اخواني

بعدين ردينا من تركيا للسعوديه وقعدنا هناك فترة الغزو كلها​

 

[أسماء 123]

الله لايعيد الشر
كنت صغيره مااذكر شي
كان عمري اربع سنين وقتها
مشكوره على هالموضوع

 

[violet-rose]

أنا كنت بألمانيا مع يدتي وعماتي وعقب رحنا المغرب حق ناس نعرفهم بالسفارة الكويتية بس أبوي وأمي وخواتي كلهم بالديرة بس الحمدالله ردت لنا ديرتنا طبعا الفضل الأول لله والثاني لعيال الديرة وطبعا كل من دافع عن الكويت

 

[قــ القلوب ــوت]

صامده وافتخر :q8:

وكان عمري ايامها 5 سنين ولي الحين اتذكر كل شي من اول يوم لي التحرير .. الله لايعود هالايام ..

خصوصا انه احنا حيل تعبنا في هالايام لانه ابوي عسكري وكان مقاومه واكثر من مرا يهجمون على بيتنا ومره خذونا كلنا انا وامي وابوي واخواني وخواتي علشان يستجوبون ابوي ويحاولون يسحبون كلام منا .. بس الحمدلله الله كتب لنا عمر يديد وحفظ الوالد اللي ماقصر ضحى علشان البلد وعلشانا ..

الله يخليه لنا ويحفظه يارب مثل ماحفظنا وحفظ الديره .. ويخلي كل كويتي وبالاخص اللي صمدوا وضحوا بعمرهم واستشهدوا علشان هالديره .. ديره الخير .. احبج ياكويت :q8:

 

[أمووورة الكويت]

الله لاا يعيد هذيج الاياااااام يااارب ..


كان عمري 9 سنوات واتذكر تقريبا كل شي ؟؟

قعدنا بالكويت اسبوعين وطلعناااا لان العراقين حسبي الله عليهم يبـــون امي ..

فابوي ماخلانه بالكويت وطلعنا بيت يدي بالسعودية ..

الحمدلله على كل حاااااااال ..

انا وامي تمنينه نكووون هني صامدين بس خيره ان شاء الله ..


أحبببببببببج ياكووووووووووويت يا اغلى واحلى وارووووووووووع بلد والله مافي مثلج احددددد ..

 

[احلى كويتيه]

ذكرتوني الله لا يعوده لت شاء الله

قعدنا شوي ورحنا السعوديه ماقدرنا ابوي بالحرس وبرتبه والبيت فيه يهال وبنات وكل شوي مهددينا

 

[FOZQ8]

صامده
وكنا اغلبنا بنات وأكثر أخو عمره 13
مع هذا ابوي مارضى يطلع
والله يعطيه الصحه ويخليه لنا كبير بالسن بس احسه بعد الغزو فعلا زاد عشرين سنه
تخيلوا ريال بروحه يشيل هم ثمان بنات برقبته
ابوي ريال عظيم
عسى الله يخليه لنا

قال كلمه لأخوي العود اللي الله يسامحه خلانا وأخذ مرته وطلع من رابع يوم
قاله اذا الله كاتب لنا الموت بنموت حتى لو احنا بره
بس لو بمووت بره ديرتي وين بندفن ؟ وين بندفن ؟
انا اندفن بديرتي وتحت تراب بيتي أشرف لي

آخ على ذيج الأيام

من المواقف اللي مسخره
كنت مصدقه روحي مطربه
ونقعد تالي لليل اتسحب انا واختي الصغيره اللي يدوب تفهم
ونركب سياره أبي بوووووكس شخباري ههههههههههه سفينه نوح نسميها
وأقعد أغني واندمج
واسأل اختي ها صوتي حلوو تقولي إي
اخخخخخخخخخخخ

 

[مطيريه ماركه]

يؤ يؤ يؤ

الله لا يعيد هذيج الأيام صج كنت صغيره ولا أذكرها

احنا كنا مسافرين السعوديه من قبل الغزو

لو اني كبيره رديت الكويت حتى لو فيه غزو

أحبـــــــج ياكــــوبــــــت

 

[نداوي]

صامده واذكر كل شي كانت ايام عصيبه من ناحية الوضع والاسر اللي صاير بس لمتنا كل العايله في بيت يدي العود قربتنا مع بعض وصرنا على قلب واحد اكثر من اي وقت مضى

 

[^وجد قلبي^]

والله كان عمري سنتين رحنا السعوديه اى منطقه مادري كنت داداااه

في ناس من اهلنا صامدين ..ماشاءالله عليهم

خووووش موضوووع