وين سكنتي يوم سافرتي؟ تعالي عرضي تجربتج

[الدلال]

السلام عليكم


فكرة هالموضوع شفتها في أحد المنتديات وحبيت انقلها مع اضافة بعض التعديلات عليها

وذلك للاستفادة والمشاركة بالمعلومه والنصيحه اللي اكيد كلنا نبحث عنها, وخصوصا لما تكون نتاج

تجربة....

فندق \شقة فندقيه\شقة عاديه سكنتيها بسفرتج

تمدحينها

تذمينها

موقعها

مكانها

تكلفتها

بأي ديرة كانت

كل شي عنها

ياليت نفيد ونستفيد

واذا بعد في صور يكون الموضوع احلى واحلى :eh_s(15):​

 

[الدلال]

راح اعرض تجربتي

سنة 2009 يوم سافرنا لندن سكنت في في فندق المارليبون , (في صور عنه بموضوعي سفرة لندن 2009 )

كان سعره حيييل مناسب (غرفتين بذاك الوقت طلع علينا تقريبا 1000 د.ك)

وموقعه حده عجييب , خلف دبنهامز الموجود في شاره اكسفورد

وبالشارع اللي خلف الفندق موجوده جمعية تيسكو

وحييل قريب من الهايدبارك والسوق ومتحف الشمع وحديقة الريجنت

وشكثر كافيهات ومطاعم يمه

نظيف حييل

خدمتهم ممتازه

وريوقهم زووين

وهذا رابط الفندق

http://www.booking.com/hotel/gb/jur...gog235jc;sid=c2147f329460070a73a3eb382127647d

 

[الدلال]

وياليت نشوف بعد تجارب العضوات

 

[الدلال]

الف شكر على تثبيت الموضوع

:eh_s(7):

 

[بسمه الم]

عاااااشت ايدينج ياااقميل خوووش موضوع بصراااحه :tek:
فنااادق لندن للاماانه ماكو عندي خبره فيهم وماجربتهم بس باوروبا وباجي المنااطق ب uk


فندق \شقة فندقيه\شقة عاديه سكنتيها بسفرتج : فندق الفور سيزن

تمدحينها : ميه ميه يهبل وفخم حيل وبالنسبه لي احلى فندق جربته في باريس

تذمينها : اممم للامانه ماكو شي بالفندق ماعجبني غير السبا ماحبيته

موقعها : موقعه يهبل بوسط الشانزيزيليه :eh_s(15):

مكانها : العنوان بالساايت

تكلفتها: اسعاااره غاليه شويونه بس يسوووووى وربي

بأي ديرة كانت : باااااريس

للامانه ماااكو عندي صور للفندق بس هذا الساايت

http://www.fourseasons.com/paris/photos_and_videos/

 

[Samurai]

2005, 2006 سكنا
في منتجع لندال هووق فالز في هولندا على الحدود الهولنديه الألمانيه البلجيكيه يبعد عن أخن 10 دقايق او أقل وبصراحه الصور اللي عندي أغلبها شخصيه فالصور كلها من النت ( مو تصويري) بس نفس اللي شفته بالضبط ..

المنتجع بشكل عام من الداخل

بين الشاليهات

المحيط بالمنتجع مزارع كبيره

البحيره الصناعيه بوسط المنتجع

العاب أطفال تقريبا بكل مكان في المنتجع

ووقت الحجز تقدرين تختارين شاليه مقابل الالعاب

ميني قولف وتأجير قواري وملعبين تنس داخل المنتجع

h

ا]

 

[Samurai]

المبنى الرئيسي وفيه العاب أطفال داخليه والعاب الكترونيه وبولينق وحمام سباحه مغطى وكافيهات ومطعم(ما انصح فيه)

السوبرماركت يم المبنى الرئيسي

حديقة حيوانات صغيره

الشاليه من برا

الشاليه من ورا
قعده حلوه واطلاله على مناظر طبيعيه كله نتريق هني

شاليه 6 اشخاص دورين
غرفه شخصين تحت وغرفتين فوق .. اول ما تفتحين الباب تلقين الغرفه الارضيه على اليمين ويمها الدرج يودي للغرفتين فوق يمين ويسار والي بينهم مغسله وللأسف كان في حمام واحد للكل

المغسله

الصاله نظام مفتوح على المطبخ

والجهه الثانيه

ه\ا مكان حلو يبعد عن المنتجع 5 دقايق نقطة التقاء الحدود وفيه قعده وكافيهات حلوه وتونس والعب اطفال وفيه لعبة المتاهه تونس وبرج تركبينه وفيه تلكسوب تشوفين فيه بلجيكا وهولندا والمانيا

 

[miss_british]

السلام عليكم

كنت اسكن بلندن بفندق سيلفرجز طبعا هذا قبل مايسكروونه ومن تسكر الفندق ثيتسل بس السنه اللي طافت كانت الكمبرلاند ومن راي الكمبرلاند احسن وانظف من ثيتسل


وبفرنسا فندق كونكورد لافايت حلو وتحته سوق والمحلات اللي فيه جمعيه صغيره وسيفورا وغاب وبربري الاطفال وهيلو كيتي وفي بعد

 

[miss_british]

السلام عليكم:eh_s(17)::eh_s(17):

كنت اسكن بلندن بفندق سيلفرجز طبعا هذا قبل مايسكروونه ومن تسكر الفندق ثيتسل بس السنه اللي طافت كانت الكمبرلاند ومن راي الكمبرلاند احسن وانظف من ثيتسل :eh_s(15):


وبفرنسا فندق كونكورد لافايت حلو وتحته سوق والمحلات اللي فيه جمعيه صغيره وسيفورا وغاب وبربري الاطفال وهيلو كيتي وفي بعد

 

[الدلال]

بسمه الم يا عسل انتي

الف شكر على مشاركتج الحلووه

واللي الاكيد راح نستفيد منها

 

[fona]

انا سكنت ابلندن فندق thistel ,cumberland انا رايي انه كمبرلاند وااااايد احسن من ثسل لانه مودرن وانظيف بس ثسل كلش كلش ماحبيته حده جيييب وكئييييييب بمعنى الكلمه بس وايد ناس يحبونه عشان موقعه

اما في برشلونه سكنت في EURO STARS GRAND MARINA اينن اشويه عليه وموقعه عجيب وانظيف حيل راااقي

ولي عوده للموضوع على ما اذكر باجي الفنادق

وثانكس دلول عالموضوع المفيد

 

[أمانيQ8]

والله اذا بالريف ااجر بيت وطبعا لازم يكون له مميزات واذا بالعاصمه شقه فندقيه

سفرتي الاخيره امريكا اجرت بيت وهالصيف بروح اوربا بعد بأجر شقق فندقيه بكل بلد بروح له وسلامتكم

 

[الدلال]

Samurai

الف شكر يالغااااليه على طرح تجربتج

 

[الدلال]

miss_british

الف شكر يالغااليه على عرض تجربتج

 

[HaYoOoMa]

رد : وين سكنتي يوم سافرتي؟ تعالي عرضي تجربتج

بفرنسا سكناا بالهلتون باريس قريب من ايفل

بجنيف سكنا ب اي انترناشنال .. ليلته 90 4 نجووم بالسنتر .. صراحه ويــــع وذبحنا الحر مافي مكيفات وازعاااااااااج حيل

 

[مزيونة الهيلا]

لندن :سكنت بفندق هليتون ميتربول 5 ستارز موقعه ممتاز بشارع اجواردروود مقابل ماركس اند سبنسر ويم ستاربوكس
الخدمة روووووعة وتروحين مشي للهايد بارك وشارع اكسفورد

ميونيخ :فندق ماريوت 4 ستارز موقعه حلو ومكانه هادي بعيد عن السنتر قريب عند اندر قراوند السيرفس جيد بس ريوقهم لذيييذ

زلمسي :جراند اليوم 90 دينار مطل ع البحيرة من كثر الزحمه السيرفس موشي البوفيه دايما زحمه احلى شي فيه انه مطل ع البحيرة
فندق رومانتيك حلو وهادي والريسبشين حيل متعاونين وبشوشين

فيينا :راديسون ساس موقعه حلو وقريب عند الاندر غراوند وخلفه السنتر وامامه حديقة والسيرفس ممتاز

الاسعار بالصراحة ما اذكرهم والحجز كان عن طريق موقع بوكينج

 

[الدلال]

fona

الف شكر يالغااليه على مشاركتج ومرورج

 

[law love]

الدوله محبوبتي لندن

الفندق كمبير لاند

مستوى الفندق 4 نجوم

تجربتنا :




اول فندق الكمبيرلاند

مرتين جربته

اول مره عطونا الغرف دخلناهم كلشششش ما عجبونا قمته و صغار و النظافه مش ولا بد
واذكر كنا حاجزين الليله غاليه مو هينه كان عيد اذا ماني غلطانه نزلنالهم و تناجرنا و عطونا غرف واايد اشرح و انظف و وحده من الغرف كانت راااهيه

المره الثانيه نفسسس الحركه الغرف مو شي و غيرناهم !

الي ما احبه بهالفندق انه هالحركه الي يسونها لازم يعطونج غرف لج عليها عاد و يشوفون ردة فعلج

و تنظيفهم للغرف موو شي و اكره شي ريحة الزقاير بالممرات و اللي ينظفون هم اشكالهم مو ملوت تنظيف و عااادي الجوادر مقططه بالممرات على بو انهم ينظفون الغرف الصراحه منظر يغثني احس الواحد رايح يشوف مناظر سنعه و نظافه صج انه 4 ستار بس ساعات اسعاره تظرب فبالمقابل تبين خدمه !

و مره من المرات كنا ساكنين فيه و رحنا باريس ليلتين و رجعنا لندن وكان حجزنا بكمبر لاند وسوو نفس السالفه بس هالمره الغرف ارررف كلش مو شي
ولا رظو يغيرونهم بحجه انه فيه غرف زينه فاظيه بس حق vip !!
لو اصير شي طارئ يسكنونهم فيه اذكر تهاوشنا هوشه سنعه و تعاندنا و تمينا باللوبي وحاولنا نحجز فندق ثاني يوم شافنا نحجز من النت جان يسكر نت اللوبي لوووول !!

دقينا على شيرشل بالفون و حجزنا باجي الايام

مال الرسبشن اسمه سنان ياااا كرهه غثيييث

طبعا عقب هالسالفه خطينا xxx اهوه مو حييل سيئ بس لازم انتعسر اذا رحناله

 

[law love]

الدوله معشوقتي لندن

الفندق شيرشل

مستوى الفندق 5 نجوم

تجربتنا :


طبعا الفندق 5 ستار ما عليه كلام من ناحية النظافه و الخدمه و الموقع و كل شي

لكن الشي الي ما احبه فيه وسمحولي اقولها بعض الكويتين الي فيه من ناحية الترزز و الخز من تنزلين من باب الاصنصير تلقينهم مقعدين على القنفه يطالعونج بالرايحه و الراده

و طبعا لازم يخزون الجياس

ياويلج اذا جياس بريمارك لكن الجيس الاصفر ولا الاخظر شي شي لوووول

و الشي الثاني الي ما احبه العرب الي يشتغلون فيه لازم القرقه بالرايحه و بالراده و التحيلق للبقشيش

هالشيين يكرهوني بالفندق

 

[law love]

الدوله لندن و هل يخفى القمر !!

الفندق ملينيوم

مستوى الفندق 5 نجوم

تجربتنا :


مره وحده رحتله و ماعدتها

اهوه بالاكسفورد بس مدعووس شوي

٥ ستار بس ما يستاهل

عيوبه ستايله قدييم الاثاث على بو انه كلاسك مكرووف

اول شي عطونا غرف صغيييره

و بدلناها بغرف اكبر و اشرح ( احنا لازم هالحركه ) اتصيرلكم بنات ؟؟؟

ما افكر اسكن فيه مره ثانيه و السبه مكانه مدعوس و الفندق قديم اهوه نظيف بس قديم جنه فنادق اول مو مجدد يبيله تجديد