وين اوديهم :(

[Kawaii GiяL]

السلام عليكم و رحمه الله و بركاته



ابيكم تساعدوني غيرلز ... :0bee2e8d89:

عندي هامسترات سوريه .. اللي اهما كالاتي

1- بسكووته ..انثى .. الون كريمي بالنص ابيض .. العمر تقريبا 3 اشهر على ما اعتقد
الشخصيه ... شرسه مع باقي الهامسترات .. اليفه مع البشر ... لعبت بحسبتها و لا عضتني
و تحب تغير جو يعني تلعب داخل الكرة تحوس بره القفص .. المهم تطلع من القفص بين فترة و فتره

2- هام هام ...ذكر .. اللون كريمي ساده بس اللون مايل على رملي او برتقالي مو كريمي فاتح حيل مجرد انه فاتح
العمر شهرين و شئ ... الشخصيه ... دايخ و مسطول و يحتاج الى انثى تحبه و ترعاه .. اليييف ووليف جدا
و جبااان و يأكل من يد صاحبه بعد ان يألفه .. مو مهم عنده يتم داخل القفص او يطلع

3- سنووايت .. انثى .. اللون ابيض ساده او اووف وايت .. سكري اللي اهو العمر تقريبا شهرين و شئ نفس هام هام .. الشخصيه .. بما انه صارلها اسبوعين والده ليلحين ما تبين حقيقت شخصيتها ... بس عضتني مرة .. و شخصيتها مشابهه لشخصيه الهبله بسكووته بس الفرق مو مهم تطلع من القفص و محتاجه دلع و هدوء لانها بالنفاس

و اخيرا

بينكي و برين .... غير معروف الجنس .. العمر يبلغون اليوم 18 يوم ... اللون نفس سنووايت
صج انهم صغار ... بس بحاول من خلال اللي شفته الشخصيه ... نشيطين و استكشافيين ماشالله من الصغر
يحبون البلعه ... واحد منهم اللي حجمه صغنونو ياخذ و يتأقلم عالايد البشريه بسرعه و يتآلف معاها .. اما اللي اكبر منه بالحجم شويه ... يخاف و ينحاش من الايد ... ما تعود

مع العلم ان بسكوته و هام هام مدربين على الحمام الرملي يعني بس يوصخون في طاسه الرمل نادر تلقون وصخهم بره
و ما فيهم ريحه

سنووايت ما اقدر احكم عليها لانها كانت حامل ووالده .. فا القفص صارله من زمان مو نظييف و لا جربت احط لها طاسه رمل ما كنت اقرب صوبها لانها كانت والده

.....

الحين بتسألون شنو مشكلتي .. مشكلتي ان السوري ما تجمع بينهم الا وقت التزاوج و انا ابي اربيهم كلهم مع بعض بس ماصار .....

و حرام اخسر فيهم ... فا قوليلي بعد المواصفات اللي قلتها ... وين اقدر ابيعهم اي محلات ياخذونهم مني ؟؟
و ياخذونهم كلهم بالجمله و لا بس فردي ؟؟؟ و على جم ياخذونهم لان مابي اقل من 4 عالواحد و اذا اثنين 3 و نص
و الحمدلله كلهم نظاف و نشيطين ... مثل البيبيات امشط شعورهم بمشط شريته من مذركير لووول :0bee2e8d89:

شوفولي صرفه معاهم منو جربت تبيع على محل تدلني عليه و تفيدني ... و مشكورين مقدما ادري ماراح تقصرون معاي
:eh_s(7)::eh_s(7):




​

 

[ملاك زوجي]

كااوااي بتبيعينهم كلهم؟؟؟@@ ليش؟؟؟

 

[Kawaii GiяL]

ملوكة في منهم احبهم محتاره ما ودي ابيعهم بس مشكلتهم يتهاوشون مع بعضهم يعني الحين كل واحد يقفص بروحه .. لازم اجمعهم بس وقت التزاوج ... هالشئ ينفع مع وحده تبي هامستر واحد بس ... انا ابي كوكش ابي اربي عايله كامله مشروووع تربيه و انتاج على مدى السنين لوول يعني مو بس واحد
ابي اليد و اليده و الام و الابو و العياال و الاحفاد كلهممممممممممممم في قفص واحد خخخخخخ
و اهم شئ عندي اشوف عيالهم و ينتجون .. يعني مثل الروسي تخلينهم مع بعض و بس تلقينها حملت وولدت و انتي ما تدرين عنها لوول

بس السوري عشان االانتاج شلووون ... لازم تراقبينهم و تشوفين النثيا لما تحتاج ذكر اهني تجمعينهم ساعه الا ربع و تردين تفصلينهم
بالله انا متى بنطر لين حضرتها تدش المزاج هههههه ابيهم يفرخون فوق هذا اذا يابو مثلا 6 عيال و كلهم عاشو بالله بشتري 6 قفاصه !!! على الاقل الروسي كلهم يتعايشون مع بعض يوفرون علي القفاصه ...
مشكلتي الفصل لان ابي اربي وايد مو شويا
ابي ابيعهم عشان اشتري روسي بدالهم مو شرط ينباعون كلهم بس خليخفون وايد سوري عندي يمكن احتفظ باثنين ذكر و نثيا ... بس ابي الروسي اكثر

 

[ملاك زوجي]

اهاااا هههههههه ضحكتيني لمن تقولين متى يدش بمزاجها هع ههههههههههههههههههههههههههههههههههه

والله الله يعينج انا الحين عندي 8 روسي والله اهون من السوري حجمهم صغير وماتهاوشون اذا حطيتي الي نفس العمر مع بعض
انا حاطه 4 بقفص واحد و2 بقفص و2 بقفص مع اني عندي قفص ثاني فضي بس خلهم مع بعض يلعبون هع
ان شاء الله لو شفتلج احد يبي سوري اقول لهم

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

بتبيعــيـنـهـمـ عااد انتي كنتي حــدج مستانســه عـلـيـهـمـ ,,,

و المــحــلات ياخذونـهـمـ كـلـهـمـ بس مو بالسعر الي تبينه امكن ياخذونهـمـ على دينار دينار ونص ,,,

لأن شـلـون بيربحــون ؟؟؟

أنـــا مـا جــربــت للهامسترز بس القـطـاوهت دايماً أشوف ناس يبيعونهـمـ و المحلات ياخذونـهـمـ على 10 و 15 ,,,

و يبعـونـهـمـ على 50 و 45 ,,,

لكـن جربي و شوفي أو اعرضـيـهـمـ في مواقـع تبيع حيوانات أليفه ,,,

ياخذونها ناس ويربونها ,,,

حبيبتي أنتي يبيلــج تروحين عند مربين وتاخذين لـج أخواان و تربينهم مع بعض ,,,

علشان يتأقلمــون و ترى مو شــرط أخواان بس لازمـ يكونون بسن صغيرهـ شهر وشوي ,,,

و مشروعـج حلـو و يونس لكن يبيلـه صبر شوي ,,,
و أفـكـارج نفس أفكاري وناسه لما تربينهـمـ مـع بعض بس هذيلي نوعـهـمـ شذي شتسويــن ,,,

فيبيلـج أخواان يتقبلوون يعيشون مـع بـعـض أكـثـر ,,,

و أي شـيء تبينـه انـا حاضـرهـ ,,,

إي وشصاار على توشا وموشكـا ؟

نبي أخـر الأخباار ,,,

و بالتوفـيـق ,,,
و مــــــع الســــــلآمـــــه ,,,

|~|

 

[Forever & Ever]

ماعندي فكره الصراحه بس ماحبيت ما ارد عليج

الله يوفقج ان شاء الله وتلقين من يشتريهم

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

مـلآكـ الروسـي مـــن ويــن شريـتـهـمـ ؟؟؟

لآن انـا ودي ابـثـلآث إنــاث حــق إلي عـنـدي ,,,

و شــنـو ألـواان إلي عـنـدج ,,,

بــس تصـدقــيـن البـنـآاات يجونــج منتفـخـات و متبتبـآاات يجنووون ,,,

أمــا الأولاد يجوووون عـصـاقـيـل ههههههه يحـلـوهـمـ بس ,,
و مــــــع الســــــلآمـــــه ,,,

|~|

 

[miss colors]

كااوي ياخذهم منج محل بحولي بارك .. بس مايشترهيم منج ب 4 لان مراح يربح شي .. يمكن ياخذ الواحد 2ونص لان راح يقولج اذا شريتهم منج ب4 وراح ابيعهم ب 4 ومراح يربح شي وتقريبا هذا ينظبق على كل المحلات .. قلت اقولج

وبالنسبه حق البيبز الله يخليهم لج فرقي بينهم الحين لان اسهل وكل ماكبروا يصير اصعب لان شعرهم راح يصير اكثف
اذا شفتي نفس الكره صغيره هذا ذكر واذا مافي نثيه وهذي الصور


​

[/COLOR][/COLOR][/CENTER]

 

[Joo.Joo]

كحلاء عندي روسي اناث



كاواي عرضيهم للبيع في المزاد بس لاتروحين المحلات والله حرام ياخذونهم بدينار او دينار ونص

 

[Sparkle]

واااي كسرتي خاطري كاوي يحليلج business women حق il hamsters
عاد ما شفت كرا ما كرا الي تقووله مس كولرز همن بيبي القطوه أنا أقعد ساعه بس أشوف اذا في دائره أو خط
ولهة عليكم انتي وملوك وسكارف ذكرتووني اب هامستري اول هامستر حقي انا كان عندي كوكي اول شىء بس وانا اصغر كان عندي spike ونسيت اني شاريت له سياره اييي سيارة الهامستر احطه بل عجله اقفل عليه وهل عجله و تكون متركبه على سياره فيها تواير انشاء الله انزل لكم صورته بس صج كان عليه بيت وانابيب مو طبيعيه

 

[miss colors]

Sparkle .. الهامستر تقدرين تفرقين بينهم اذا كان ذكر ولا نثيه من اهما صغااار .. اذا كانت الصوره مو واضحه
اخذي الشرح :gathering: الذكر يكون في كره صغيره طبعا واضحه اللى اهيا المنطقة التناسليه اما النثيه ملساااااااااااااااء بس مجرد ما تمسكينه وتشوفينه خلاص عرفتي جنسه قبل لا يكبر ويطلع له شعر عاد اهني اقعدي وافرقي وقصه:krkrkr:​

 

[Sparkle]

sparkle .. الهامستر تقدرين تفرقين بينهم اذا كان ذكر ولا نثيه من اهما صغااار .. اذا كانت الصوره مو واضحه
اخذي الشرح :gathering: الذكر يكون في كره صغيره طبعا واضحه اللى اهيا المنطقة التناسليه اما النثيه ملساااااااااااااااء بس مجرد ما تمسكينه وتشوفينه خلاص عرفتي جنسه قبل لا يكبر ويطلع له شعر عاد اهني اقعدي وافرقي وقصه:krkrkr:​

مشكووره على المعلومه

 

[Kawaii GiяL]

مشكورين بنات ... شكلي راح انطر شوي .. مسوين لي جو بالبيت اخاف اتحسف عليهم لان حابتهم يعني شكلي حتا لو ببيع ببيع وحده بس .. لما اقرر 100% و اتاكد راح اخذ بشور جوجو ... و البيبيز بسميهم بينكي و برين ههههه دام على قولتج فيهم كره جيكت عليهم فيهم كرة يعني ذكرين ... بس ضايق خلقي لو فاصلتهم مبجر عن امهم .. لان سمعت 3 مرات صياح البيبيز قعدوني من النوم.. عبالي طبيعي حالهم حال اليهال اللي يبجون و مع مرور الوقت .. جيكت على القفص و لا في اثنين بس و ثلاثه مو موجودين والله اشوف جثه مافيها راس و الباجي مخلصه عليهم مالهم اثر بس فرووو ... لاعت جبدي .... بلشت الخدامه اهي اللي نظفت القفص لوول مسكينه
و فصلتهم .. بس ماشالله البيبيز صج عمرهم اسبوعين بس ياكلون و يخزنون الاكل و يشربون و حطيتلهم قطن يسحبون منه بحلجهم و يخشونه او يسوونه منه عش ماشالله يعني صج استغربت بهالعمر يسوون كلشي !!! و فوق هذا حتن هالنتاتيف مو سالمه منهم يتهاوشون و افصلهم بصبعي لووووووووووووووول من الصغر ماشالله نشاااط و لازم احط بالي عليهم و حاسبتلهم حساب

انا احب جذي هذا الحلو بالسوري يشغلج و يبي منج متاابعه اما الروسي لا عادي ما يحتاجونج و لا تحاتينهم
اووه مادري مادري لووووووووووووول كلهم عسل

سباركل عرفت قصدج اللي كرة تصير داخل سياره اي تونس

كحلاء العين توشا و موشكا مدلعييين على الاخر و توشا بتنفجر من الاكل لووووووووووووول بس قمت اخفف من الاكل و اخليها تتحرك شوي ليلحين ماصار فيها سمنه ... و قاعد يتغير لونهم ليلابيض فديتهم .. اصلا هذولا محد يحاجيهم شيوخ كل الهامسترات خخخ

 

[D A N G E R]

الله يخيليهم لك

وتشوفين عيالهم وعيال عيالهم وعيال عيال عيالهم

طيب بيعي وحده هامستره واشتري زوج روسي

 

[Kawaii GiяL]

اي انا جذي قاعده افكرررر بدال ما افقدهم كلهم وحده و اشتري بدالها روسي بس جذي راح احتاج قفصين زياده لوووووول و عندي الحين شكثر قفاصه تارسين الغرفه و اذا زدتهم بالوقت الحالي .. امي راح تكشني معاهم بره لووووووووووووووووول
عاد كله تهددني ترى اهد حيه عليهم اهي شغلها حيايا و عقارب و عناكب و كوبرا و شواذي اشياء خطره جذي ... ملت من الجلاب و القطاوة و ارانب .. بس كلهذا قبل اخوي الصغير لا ينولد الحين ابي قطوة ... بنات لقيت موقع بالكويت لتبني القطط
تسوين معاهم مقابله بالتلفون يسألونج جم سؤال بس الرسوم 30 دينار ... بس حلووين اللي عندهم اهما بكبر جنه ... طبعا شكو هذا بموضوعي لوول ما ادري بس دامني عرفت عنه قلت اقولكم

 

[Qـويتية]

واااااااااااااااااااااااي كااااااااااااااااااااااواااااااااااااااااااي ديسنييييييييييييييييييييييي !!!!!! حرااااااااااااااام والله !! ... ممممم أنصحج لا تبيعينهم بسوق الحمام لإنهم رح يمرضون هناك وما رح يعتنون فيهم عدل (( تعرفون جرايم سوق الحمام )) أنا أوقل بيعيهم على احد يربي هامسترات ويهتم فيهم.

 

[Kawaii GiяL]

شنو يعني ديسنييييييييييييييييييييييي لوووول حبيبتي منو قال راح ابيعهم بسوق الحمام على قولتهم سوق الحرام من صجج !!!

 

[Qـويتية]

ديسنيييييييييييي كلمة يايبانية مع كاواي هههههههههههههههه وزيييييين تسوين لا تبيعين ولا تقربين صوب هالسوق الاجرامي >d أكرهه !!!! مجرمين.... ونصيحة مني لج كل ما تشترين شي منهم الحيوان علطول وديه البيطري وخليهم يكشفون عليه وعلطول في البيت روحي سبحيه لإنه رح يكون متروس ريحة ووصاخة من السوق.

 

[Kawaii GiяL]

مشكورة يا قلبي عالنصيحه ..
بنات انا قررت ابيع سنوزفت ... قططيعه علت قلبي ... واايد جبانه و ردت فعلها علطول انها اتعض اذا جستها !!!

يعني بسكوته بس شرسه مع الهامسترات بس معاي انا كللشش اليفه مسكينه حبيتها والله

هذيج موووو صج .. تخيلو اول شئ عضتني عالخفيف ... ثاني مرة انحاشت فا كنت بردها القفص عضتني طلعو مني قطرتين دم ... ثالث مرة لان بسكوته و هام هام تهاوشو .. فا قلت احط بسكوته مع سنوايت لانهم انثايا و يمكن يتفاهمون مع بعضهم
و على فكرة تفاااهمووووو هم صج تفااهمو و انا الضحيه بسم الله بسكوته من طبت القفص سيده نطت فوقها هذيج احط ايدي ابي افصلهم ماني قادره
و يعضوني من كل صوب و اييب فوطه عشان انا لا اتعور بالهوشه ... المووهييم الحمدلله بالاخير فصلتهم مافيهم اصابات .. لان كل العض صار بيدي .. و في صبع حاشه نزيف لووول بنات لا تشوفين دمي عالقفص بكل مكااان انصدمت @@ عضوني وايد بس الجرح هذا كاان قوي ... احس بالعروق داخل تنط تنط .. قطيعه دبااااااسه مو هامستر ... ذكرتني بايام ما كانو يسوون فحص دم بالابره الصغنونه اللي تنحط بالابهام تكون سريعه و تغرز داخل
هااا بنات شوقتكم حق السوري صح لووووووووول ... اتوقع عشان جبانه و توها والده و تعبانه و ماكله 3 من عيالها فا صارت دمويه

بنااات محد راح ياخذها ... يا ابيعها عالمحلات او بدينار او دينارين .. و اقولهم سالفتها ... يا اعرضها للتبني
بس والله اخاف ابيعها على محل ما يخاف ربه و يبي يستفيد و يبي الفكه يقول انها اليفه و يقص على اللي بياخذها و يبتلش
و هم لان المحلات يجمعون الهامسترات بمكان وااحد .. اخاف يحطها معاهم و تعفر فيهم و تجرحهم و تاكلهم
اووف شسوي فيها انا ما عندي قفص بس حطيتها بصندوق صغير مؤقت

 

[Kawaii GiяL]

3- سنووايت .. انثى .. اللون ابيض ساده او اووف وايت .. سكري اللي اهو العمر تقريبا شهرين و شئ نفس هام هام .. الشخصيه .. بما انه صارلها اسبوعين والده ليلحين ما تبين حقيقت شخصيتها ... بس عضتني مرة .. و شخصيتها مشابهه لشخصيه الهبله بسكووته بس الفرق مو مهم تطلع من القفص و محتاجه دلع و هدوء لانها بالنفاس

**** تعديل **** محتاجه طراااقات على ويهها

​

فكوني من هالوحش :0bee2e8d89:​