وينكم يا مهندسات الكويت (تجمع)

[[المهندسة]]

زين جم الرسوم دفعتي ؟ وشنو وديتي ؟ واستفدتي من العضويه؟

انزين عضويتج متى مسويتها جم صارلج ؟ ولمدة جم ؟

واذا ناسيه قولي نسيت

مشكوره حبوبه على ردودج

 

[San3a.Q8]

زين جم الرسوم دفعتي ؟وشنو وديتي ؟ واستفدتي من العضويه؟

انزين عضويتج متى مسويتها جم صارلج ؟ ولمدة جم ؟

واذا ناسيه قولي نسيت

مشكوره حبوبه على ردودج

كل فترة لها رسوم.. اذا بتسجلين الحين تدفعين 30 دينار و كل سنة تجددينها 20 دينار.. دشي السايت و تعرفين الاوراق المطلوبة ما اذكرها.. العضوية وايد اشياء تستفيدين منها (تذكرينها بالسيرة الذاتية, دورات, خصومات في اماكن معينة واشياء كثيرة)

عضويتي توني مسويتها من اسبوعين يمكن و صالحة لمدة سنة.. كل سنة تجددينها

والعفو حبيبتي ما سوينا شي

 

[[المهندسة]]

يقعدون العصر؟ ولا بس الصبح

 

[San3a.Q8]

اي يقعدون لي الساعة 8

 

[eng.q8]

صباح الورد:68_asmilies-com:

 

[JEED2007]

شنو اخر اخبار كادر المهندسين في احد عنده فكره

 

[Nokia N95]

بعد حل المجلس .... واستقالة الحكومة ... منو بيعطينا ويه ؟

 

[KillY 7aLA ^_*]

قوة مهندسااااااااااات

شلوونكم ؟

انا توني خريجة ييديييدة او ابي اتوضف بس محتارة وييين بس شكلي انشالله بقدم على النفط منو مهندسة بالنفط ؟ اذا في احد بالنفط خل ايفيدنا عنديي اسألــه وااااااااااااااااااااايييـــــــــــــــــــــــد

 

[Nokia N95]

q8_mohandesa

مبروك التخرج ...
اتمنى بنات البترول يفيدونج

 

[Nokia N95]

الظاهر الكل لاهي

خلونا نتناقش ....
يلا كل وحدة تجاوب ...
شنو تخصصها ومن وين ماخذه شهادتها ؟
وبتكمل دراستها او لا ؟

واللي بعدي تجاوب وتسأل جم سؤال

 

[spanish-girl]

nokia n95

ما نلهى عنج يالغالية

انا عن نفسي اتوقع رازه ويهي هني شكو مادري هههههههههههه

انا تخصصي قانون متخرجة من التجاري صارلي بطاليه سنه وشهرين ولا مره نزل اسمي سواء بالخاص او الحكومه واكيد ودي اكمل دراستي بس مو الحين

وانتي من وين متخرجة

يقولون لج اخراسرار بو راشد يقول

حاليا بنات قسم خدمات المشتركين في سنترال السرة فاردين خوش سفرة وجاي وكيك ويقولون للمشتركين مرونا باجر دوامنا للساعة 12 وماكو كهرباء!

 

[eng_hoho]

رد: وينكم يا مهندسات الكويت

بنات انا طالبه بكلية الهندسه وابي رايكم صج الهندسه الكيميائيه مالها وظايف وشنو احسن تخصص وظيفته زينه ما اعرف احد واعتبركم مثل خواتي

والله التخصص حلو و ممكن تتوضفين بسرعه بالقطاع النفطي بس اعتقد راح يكون شغلش تعب
انا نصيحتي تتخصصين كمبيوتر لان احلى تخصص صج
و كللللللللللللللللللللللللل مكان مطلوب
انا مهندسه كمبيوتر و ما تعبت وايد بالتوضيف , يعني وايد اماكن قبلوني حتى مع ان معدلي كان عادي
فتوكلي على الله و تخصصي كمبيوتر لوووول

 

[Nokia N95]

nokia n95

ما نلهى عنج يالغالية

انا عن نفسي اتوقع رازه ويهي هني شكو مادري هههههههههههه

انا تخصصي قانون متخرجة من التجاري صارلي بطاليه سنه وشهرين ولا مره نزل اسمي سواء بالخاص او الحكومه واكيد ودي اكمل دراستي بس مو الحين

وانتي من وين متخرجة

يقولون لج اخراسرار بو راشد يقول

حاليا بنات قسم خدمات المشتركين في سنترال السرة فاردين خوش سفرة وجاي وكيك ويقولون للمشتركين مرونا باجر دوامنا للساعة 12 وماكو كهرباء!

هلا والله ... نورتي الموضوع
مبين انج بطالية ... شنو تسوين بوقت الفراغ اللي عندج ؟
ونصيحة .... من اول معاش .... يمعي لج كل شهر لو 100 دينار علشان تقدرين تكملين دراستج بعدين .. وبالتوفيق

وانا متخرجة من جامعة الكويت

والله التخصص حلو و ممكن تتوضفين بسرعه بالقطاع النفطي بس اعتقد راح يكون شغلش تعب
انا نصيحتي تتخصصين كمبيوتر لان احلى تخصص صج
و كللللللللللللللللللللللللل مكان مطلوب
انا مهندسه كمبيوتر و ما تعبت وايد بالتوضيف , يعني وايد اماكن قبلوني حتى مع ان معدلي كان عادي
فتوكلي على الله و تخصصي كمبيوتر لوووول

معاج حق ....
انا اشوف احسن تخصصات الهندسة .... كمبيوتر - كهربا - ميكانيك
كل مكان يبونهم ... بكل وزارة وكل شركة

بنات .. شنو آخر اخبار الكادر ؟
ومنو فيكم تشتغل بوزارة التربية ؟ عندي جم سؤال

 

[farah-q8]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[Nokia N95]

الظاهر مافي مهندسات بالمنتدى !!!

 

[عناقيد الجنه]

أكو بس للحين ما تخرجناا

 

[Nokia N95]

أكو بس للحين ما تخرجناا

الله يوفقكم يارب ....
شنو تخصصج ؟

 

[د.ساره]

للرفع

 

[San3a.Q8]

هاااااااا مهندسااااااااات شخباركم

ميرسي د.سارة عالرفع

 

[Nokia N95]

انا الحمدلله بخير ....

انا ادري ان في بالمنتدى مهندسات وايد ...

يقرون بس ما يحبون يردون ....

اتمنى من الكل يتجاوب مع هالتجمع .... علشان الكل يستفيد

ياحلات التجمعات الثانية .... تعدوا الف صفحة ... واحنا لي الحين بالصفحة السادسة !!!

كل وحدة تسولف عن تخصصها و شنو شغلها ... شرايكم ؟
علشان نستفيد اكثر من هالتجمع ....

انا مهندسة كهربا .... وشغلي كله بالتصاميم ....