وينكم يا مهندسات الكويت (تجمع)

[zeeta]

رد: وينكم يا مهندسات الكويت

(استغفرالله )

الله يوفقج يارب شدي حيلج
نبي تردين وجدام اسمج د.



كنت بسالكم يا مهندسات

جم كوادركم؟؟؟

ويختلف الكادر من وزاره لي وزاره ثانيه؟؟؟

او من شركه لي شركه ثانيه؟؟؟؟

وله ثابت؟؟؟

و الكادر واحد لجميع التخصصات؟؟؟وله يختلف في من تخصص لي تخصص ثاني؟؟

 

[omdoodoo]

رد: وينكم يا مهندسات الكويت

الله يوفق الجميع

 

[eng_na30ma]

هلوووووووووو شلونكم باركولي اخيرا اخيرا صرت مهندسه بعد صراع وكفاح الله فكني من هالكليه الصعبه وتخرجت بس م قبل الاسم مو معناه مهندسه معناه مينونه لانم يخرجونج عقب ماتينينن اضحك معاكم
المهم محتاره وين اقدم مابي قطاع خاص لاني حيل تعبت بالدراسه ابي مكان مريح بس مادري اي زاره؟ انا هندسه صناعيه وسمعت ان وزاره لاسكانزايدين رواتب المهندسين 200 دينار زياده صج؟
ساعدوني قوليلي وين اتوظف

 

[eng_na30ma]

سوري اقصد وزاره الاسكان زايدين رواتب المهندسين 200 دينار

 

[مهناز]

لووووووووووووول نعومه انا بعد تخرجت هالصيف من الكليه قصدي من مستشفى الميانين :d

احس كان محكوم علي مؤبد وطلعت براءه توه

مبرووووك :d وانا نفسج مادري وين اقدم للحين

 

[أم الحلوة جمان]

هلا يا باشمهندسااات ....
الله يسمع منكم و ينزلووولنا الكااااادر ... ويكووون قوي .. لأن صججج صججج انظلمنااا ..

وااايد زيادات صااارت واحنا ما حاشنا شي على اساس ان عندنا كادر .. و كل من يزييد و احنا مكاااانك ثابت ...

انا مثلا اشتغل بوزارة الداخلية ... و الداخلية نزلت زيادة لمساواة المدني بالعسكري ...
واحنا ما حاشتنا لأن عندنا كادر ...

و مرة نزلت زيادة 50 دك ... عقب كادرنا بمدة ... جان يقولون اللي حصل على زيادة السنتين اللي طافوا ما تنزله ال 50 ..

يعني ما سوا علينا كاادر .. و يا ريت كادر نفس الأوادم ...

و الحين ماراح تنزل ال 50 للي فوق ال 1000 دك

المهم ... للي تستفسر الكادر ينزل لمنو ....
طبعا الهيئات و المؤسسات الحكومية عندهم كادر خاص فيهم .... و بما أن قانون الخدمة المدنية ان الموظف ما يصير يجمع بين كادرين .. فإنتي تختارين الكادر المناسب .. يعني اذا كادر الهندسة أعلى من كادر الهيئة .. تختارين كادر الهندسة .. و العكس صحيح ....

و يالله يااااااااااااارب تكون هالسنة سنة خيييير علييينا .. و يقروون لنا الكاااادر

 

[مشتطة وبس]

واي عندي حكي وايد وردود بس اصابعي تعورني ماقدر اكتب المرة الجاية................................سلام

 

[مهناز]

قوه مهندسات

ما قلتو لي وين اقدم ؟؟ ومتى يفتح ويصكر الديوان ؟؟ ===> حشى بقاله

لا صج بنات محتاره بين الخاص والحكومه شوفوا انا تخرجت ومعدلي مو وايد عالي يعني ما احس اني كنت فاهمه كل شي عدل بس تعبت وايد وماعندي استعداد بعد اتعب انا ابي ارتاااااااااح بعد الكراف طول هالسنين وهم ابي مكان زين فيه علاوات وبونصات :d وتقدير للمهندسين

 

[مهناز]

للرفع

 

[أسيرة قلبه]

يه يه شالموضوع اللي نزل علي من السما


انا من زمان ادور على تجمع لمهندسات الكويت الاوفياء

اولا اعرفكم بنفسي


أسيرة قلبه

مهندس مدني

اشتغل في وزارة الاشغال عفوا وزارة الماكو أشغال من ثلاث سنين


عاجبني مكاني و لله الحمد و مرتاحه فيه

و بالنسبه للكادر انا سامعه من فتره ان ما أدري منو مطالب هم ما أدري منو باقرار كادر للمهندسين>>>> وايد معلوماتي دقيقه لووووووووول


و ان الكادر لا يقل عن 350 دينار


بس بنات شرايكم اذا رفضوا اقرار الكادر نسوي استقالات جماعيه مثل ما سووا الاطباء


لان بعض الناس ما ينفع معاهم الا العين الحمرا

 

[مهناز]

اسيرة قلبه هلا فيج

شلون الاشغال وجم راح يكون معاشي اول ما اتوظف ؟

انا هندسة كهربائيه وتوني مقدمه عالديوان وحطيت رغبات

 

[أسيرة قلبه]

الراتب اول ما تشتغلين راح يكون 823+120 يعني 943 ديار
طبعا هذا اذا كنت في التنفيذ لان النتفيذ ياخذون 100 دينار زايد بدل موقع

 

[مهناز]

هذي الرغبات اللي حطيتها

مؤسسة البترول الكويتية
ديوان المحاسبة
الصندوق الكويتي للتنمية الإقتصادية
وزارة الأشغال العامة
وزارة الكهرباء والماء

ابي أسأل عن كل مكان جم الراتب + البدلات + المميزات

وينكم مهندسات ؟؟

 

[أرياف]

مرحبااا بنات شلووونكم

الله يعطيها العافيه صاحبة المووضوع لاني فعلا محتاجه له صج ضايعه مادري شسوي


انا خريجة تكنولوجيا تخصص مختبرات كيميا تطبيقيه وقريت بالجريده بس وزارة الدفاع و وزارة الكهربا والماي اللي طالبين تخصصي


وتوكلت على الله وسجلت وانا ماادري عن هالوزارتين اي شي

لانه امدحولي الاشغال وانا الميداني كان بالابحاث والادله الجنائيه


وللاسف انا الوحيده بالعايله اللي تخصصها علمي فما عندي احد اسأله


ابي اعرف طبيعة العمل بوزارة الدفاع ووزارة الكهربا والماي طبعآ لحملة شهادة دبلوم كيميا

واي وزارة احسن و اذا في مقابلات عمل شنو طبيعتها ونوعية الاسئله وجم معاشاتهم يعني بالمختصر كل شي


واسمحولي اذا طولت عليكم

ويعطيكم ألف ألف عاافيه ويرزقنا واياكم الجنه يااارب

 

[مهندسة خطيرة]

هااااااااااااااي بنات حبيت اشااااااااااارك بالتجمع واضيف اسمي :68_asmilies-com:

 

[iKaRia]

مرحبا مهندسات وغير مهندسات
شلونكم

حرااام عليكم ليش كل وحده تتحلطم عالهندسه بالعكس وااااايد حلوه انا كنت ابي طب بس الله ماكتب وصرت مهندسة اصلا كافي ينادونج بش مهندسة

انا مهندسة اتصالات والكترونيات صراحه احلى تخصص شفته ومجاله حلو وواااااااااااسع ومطلوب كل مكان موظفه يديده في البترول صارلي سنه بس شسوي الكل يقولي يديده

صج كل مكان بتشتغلين فيه بتلقين الي يحبطونج بس انتي وشطارتج تثبتين نفسج

 

[موت الحمر]

موت الحمر انظمت اليكم


رحبوا فيها


هييييييييييييييييييييه



شكرا لترحيبكم



انا توني متخرجة من الكلية الاسترالية تخصص دبلوم هندسة مدنية و ابي احط رغباتي بالديوان


ابي مكان رزة و كشخة مافيها العمالة الوافدة اللي تارسين الكويت

انا ابي مكان كلللله كويتيين و كويتيات و يكون معاشهم حلو


اشرايكم بالبلدية؟؟؟

و سمعت بإدارة التنفيذ اللي بالاشغال . اشرايكم فيها ؟؟؟

 

[مطيرية قمر]

آنا مساعد مهندس
وعندنا نفس بدلات المهندسات
بس أقل بالقيمه
انتوا بدل موقع 100 إحنا 50
بس دوامي مريح حده
قصوا البدل مال الموقع من زادوا مال المعيشه
حدهم نحاسه
بس بفضل الله وعوات الوالده
بيرد بأثر رجعي من الشهر الياي

 

[موت الحمر]

آنا مساعد مهندس
وعندنا نفس بدلات المهندسات
بس أقل بالقيمه
انتوا بدل موقع 100 إحنا 50
بس دوامي مريح حده
قصوا البدل مال الموقع من زادوا مال المعيشه
حدهم نحاسه
بس بفضل الله وعوات الوالده
بيرد بأثر رجعي من الشهر الياي

حبيبتي انتي ون تشتغلين ؟؟؟؟

 

[eng.q8]

هلا والله
انا مهندسه ميكانيك وتوني متوظفه الاسكان
بس معاشاتنا توها زادوها وصارت نفس الوزارات ولا قبل كانت اقل
ان شالله فدكم