وينكم يالمشرفات ترى طالت وشمخت

[نوف الصقعبي]

السلام عليكم ورحمة الله وبركاته


وينكم ياخواتنا المشرفات عن موضوع ساره الادريس قسم لوكات المشاهير

من نهاية شهر رمضان الفضيل لغاية هاللحظه


وسب الأعراض
سب الأهل
سب إمهات بعض
سب المذاهب والأصول
سب القبائل والعوائل سواء بدو او حضر
إثارة فتنه طائفيه بين سنه وشيعه

واشياء يعف عن ذكرها اللسان


امور توصل عقوبتها سجن وغرامه 100 الف دينار كويتي
وهذا ماهو كلامي
هذا كلام الامير
للي مايحترمون ويسببون فتنه طائفيه

والمشكله هالامور تحصل فى منتدى كويتي راقي محترم


انا ماني مستوعبه لهدرجه مافي مشرفه شافت هالموضوع من اخر رمضان للحين

شوفو اخر 5 صفحات شوفو بشاعة الكلام شلون

طعن عرض وشرف وكلام قذر جدآ

شنو هذا

مشرفات قبل ماتحذفون شكوتي وتلوموني

حذفو موضوع ساره الادريس بكبره لان تشويه للكويت كلها عاللى انكتب فيه

وعشان مايطلع محامى او محاميه ترفع قضية اهمال او تنسحب جم بنت من هني

اللهم بلغت اللهم ف اشهد

​

 

[دلع24]

يعطيييج العااافيه نوووف


بس بجد موضوووع مااينسكت عنه

 

[نوف الصقعبي]

الله يعافيج اختي دلع
بس والله شي ماينسكت عنه كلام كبير وقذر اللي انكتب ومازال ينكتب المصيبه

سبو الكويت
سبو السعوديه
سبو البدون
سبو العراق
سبو السنه
سبو الشيعه
سبو امهات بعض
سبو اعراض بعض
اقعدو يحقرون في بعض
اقعدو يدعون على بعض
بس عاد كافي
ترى حتى اعضاء مجلس الامه اليوم حاشهم نصيب للعلم فقط


اذا انا اليوم عضوه بالمنتدى اتكلم وانبه
باجر ماتدرون منو ممكن ينتبه لهالموضوع وينتلون البنات وحده ورا الثانيه
هذا غير الإهمال لإن امور توصل جذي اذا ماتبون تطردون عضوه حذفو الموضوع اللي فى سب بكبره


رساله بعين كل قليلة ادب


الكويت ماتحتاج رايج

اهل الكويت من قبل لاتخلقين انتى على قلب واحد
سنه شيعه

بدو وحضر

واذا هالكلام موبعينج يابنت أمس
اقري عن مواقف اهل الكويت سنة 1990 و 1991
عشان تعرفين ساعة الصجيه ووقت الشدايد
كلنا ايد وحده
وروح وحده
وقلب واحد

تختفي جميع المسميات وقت الشدايد
لا سني ولا بدوى
لا بدوى ولاحضري

الكويت وبس

سواء كنتى مراهقه او اكبر بالعمر
وماتستحين ولاتنتخين
وماعندج لاشغله ولامشغله
بس اثارة الفتن

بقولها لج

وتذكريها لا صار فيج شي

حسبنا الله ونعم الوكيل فيج دنيا وآخره
عاللي قاعده تسوينه
من فتن


وبخصوص تحقيركم لفئة البدون فى موضع ساره الادريس والكلام البذيئ

البدون ترى بشر من دم ولحم
كلو معانا وربو معانا وعاشو وانولدو بهالأرض
منهم اللي تم حصولهم على الجنسيه
ومنهم مازال
البدون اللي موبعينج ترى كانو حماية الأمير الراحل الشيخ جابر الله يرحمه
ومنهم من فدا روحه واستشهد
ومنهم اسشهدو سنة 1990 و 1991


وقبل ماتحقرين بالعالم تذكري ان فوق رب العالمين
وكما تدين تدان

يمكن هالفئه احسن منج منزله عند رب العالمين
واحسن مني
ومن غيرنا

طول منتى فى منتدى كويتي

تحترمين نفسج
وتحترمين اهل الكويت
واهل السعوديه
واهل الامارات
واهل البحرين
واهل قطر
واهل عمان
وتحترمين كل الدول
وكل الفصائل
والمذاهب
عشان ماتوهين صورة اهل الكويت وتنحسبين علينا ب الفاظج الدونيه
لان اهل الكويت موجذي
ولا اخلاقهم جذي


وعسى ربي مايوفق كل وحده تسبب فتنه طائفيه وتحقر بمذهب او قبيلة او جنسية وحده​

 

[نوف الصقعبي]

عشان ماتشوهين سمعة اهل الكويت الطيبيين​

 

[قاهره عذالي]

نوف لو تكتبين مليون موضوع بكل الاقسام


هذا منتدى كويتيات من 6 سنين وفيه بنات قليلات ادب

انا قبل كنت اسكت واتحمل وانصدم واتجاوز

وشفت سكاتي يخلي خلق الله تمادى

فلما انسب عشان جنسيتي

ابي ارد صراحه

ولازم اوقف الغلطان عند حده

خاصه لما يتعرض لشخصي

من حقي ادافع عن نفسي

لما بنت تسب البدو وتقول انتم خيمه وبر

وتسب السعوديين مدري شنو مسوين لها بالضبط وشنو قصتهم معاها

وكاتبه بتوقيعها المنتدى انقلب سعوديات

مع انه في عضوات سعوديات مثل ترانيم القصيم و ام ضاري وغيرها امسكوا اشراف بالمنتدى

لما تجرحين فيني مو مطلوب مني اسكت

لا ابرد عليج وبشوف هدفج ونهايتها معاج

ولما اتفاهم مع وحده مسويه هجوم علي من ولا شي وتقعد تتهمني تهايم شكبرها مدري منين جايبتها فطبيعي بدعي عليها وماني محللتها


انا قبل 6 سنين كنت جاهل ادش المنتدى واطكتب بكل برائه ومن خبرتي بالمنتديات

للاسف هالمنتدي حيل مفيد وفيه مواضيع مهمه ومفيده ونشاط ماشاء الله

بس بالمقابل واجد في بنات قليلات ادب ماينفع تعاملين معاهم ولا توقفينهم عند حدهم الا لما تنزلين مستواهم الوصخ وتجعمينهم

وترا مرات في نكات جنهم يهود تدش بس سالفتها تسب الشيعه ليل نهار وبعدين تقلب وتسب البدو ليل نهار

وتسوي فتنه وبس وشكثرهم انحظروا وحتى في موضوع كامل قديم باسماء العضوات اللي انحظروا بسالفة شيعه وسنه وجدلها اللي ما يخلص


اختي نوف عندج شكوى بدال ما تكتبينها كموضوع مخالف وماله خص بقسم العنايه بالبشره والجمال


اكتبي هالموضوع بقسم الشكاوي والاقتراحات


انا ياما هناك عطيتهم روابط مواضيع فيها تحقير للشعب السعودي وسب مباشر للسعوديين والبشريه الي يحملون جنسيه سعوديه

جاج العلم

وعلمتج التصرف الصح

وانتي كيفج

 

[HajaR_4eveR]

الغريبة يانوف انه لو تدشين بروفايل اغلب المشرفات بأغلب الاقسام تلقينهم موداشين المنتدى من شهووووووووووووور
شكثر مواضيع مخالفة ودعايات ومواضيع اماكنها غلط غير السب الي تقولين عنه كللله موجود وما انشال لي يومج!!!

 

[نوف الصقعبي]

معقوله هالكلام يعني المنتدى مافي مشرفات الحين مايصير انا قبل يومين شفت مشرفتين
داشين ومشاركين بمواضيع​

 

[ماكواسم2]

معقوله هالكلام يعني المنتدى مافي مشرفات الحين مايصير انا قبل يومين شفت مشرفتين​

داشين ومشاركين بمواضيع​

ياحليلج نوف كل واحد يدور مصلحته وانتي حارقه قلبج ... اهم شئ المنتدى عليه دوس ,,,,,,
وفي مواضيع وهميه تنحط علشان الاكشن والحركه

 

[ReD&FoSHia]

دزي بقسم الشكاوي اخر شي بالصفحة .. كتبي موضوع كامل يوصل الادارة .. او انا فعلا مقررة اني ما ادش هالمنتدى دام انه صاير جذي لا اشراف و لا محاسبة .. و موضوع سارة حلاته وحدة اتروح تشتكي عالبنات اللي سبوو و حولو الموضوع الى سب طائفي و سب بالدول الخليجية الشقيقة .. صراحة انا اقوولج من امن العقوبة اساء الادب .. قبل كان لهم رادع تنطرد و تتوقف عضويتها الحين وينهم الاشراف وينهم ؟؟

 

[ايمان7]

دزي بقسم الشكاوي اخر شي بالصفحة .. كتبي موضوع كامل يوصل الادارة .. او انا فعلا مقررة اني ما ادش هالمنتدى دام انه صاير جذي لا اشراف و لا محاسبة .. و موضوع سارة حلاته وحدة اتروح تشتكي عالبنات اللي سبوو و حولو الموضوع الى سب طائفي و سب بالدول الخليجية الشقيقة .. صراحة انا اقوولج من امن العقوبة اساء الادب .. قبل كان لهم رادع تنطرد و تتوقف عضويتها الحين وينهم الاشراف وينهم ؟؟

يووووووه شكثر كتبت مواضيع بقسم الشكاوي ولاشي تغير
الحين محد صار يدش منتديات كله واتسبات وانستغرام وتويتر
بس بنات انتوا لاتناقشون اللي مثل جذي لأنها راح تزيد وتغلط اكثر واكثر
أنا يوم شفت جذي صرت أطرش رابط الموضوع للمشرفات برسالةخاصة ومتى مادخلت تشوفه وتتصرف
والله يهدي الجميع يارب
​