ولد جيران العله ! >> كلمت امه \:

[lulwa-q8]

قوه بنات ...

تذكرون موضوع اللي حطيته امس عن ولد جيرانه اعوذ بالله منه

http://q8yat.net/showthread.php?t=677187
جم بنت قالت قولي لبنت عمج و بنات قالوا سكتي و في اللي قالوا علمي امه

فانا فكرت اقول لامه لان بنت عمي صراحه خفت اقول لها وتصير اشياء
فقلت حق امه امس بعد صلاة تراويح وفهمتها عاد ياحرام اهي قعدت دعي وتحسب عليه بس وصيت عليها انها ماتقول مني سالفه طلعت

المشكله شكلها قالت له مني سالفه ، لان دق ع بنت عمي و قالها،،، ياليت ادري بس شنو قالها

لان اليوم ع ساعه وحده وانا اطالع زواره خميس ومحد عندي قاعده بروحي بصالتنا طبت علي من مادري وين و قعد تصيح و تزف

تخيلوا تقولي ياللي ماتستحين و شهالغيره و ليتني ماعلمتج طلعتي حااطه عينج عليه

انا ماعرفت شقول تبلعمت قلت لها بس اغار منج ليش ! انتي مو قدي اصلا

جان ع طول تنط و تصيح تقول اي من اختج علمتيها وشيشتج انا اعرفها مادانيني ! (اختي اكبر منها بسنه و رفيجتها بس مزوجه وعندها بنتين و الله يشهد اني ماقلت لحد غيركم )

المهم قعدت تقوول حجي غريب باين عاكس سالفه علي اني انا اللي ابيه ومادري شنو !
انا ماعرفت ارد واخااف اصلا و ثانيا اهي اكبر مني و اسلوبها مادري شلون تمنيت امي تطلع تشوفها وتزفها بس مادرت عني كانت بدارها

بعد ماخلصت كلامها مشت ولا خلت لي مجال اوضح و خلتني انا اللي مااستحي واني انا راعيه صبيان و سوالف
والله يابنات قعت ابجي و قمت من تلفزيون وخليته يولي وقعت اصلي وادعي ، مابي ادعي عليها ولا عليه بس
ابيها تسكر حلجها خاايفه لما تيي اختي تهاوش معاها تقولها انتي سبه بعد !

بعدين حزتها لازم افهم اختي انه كان يلاحقني وافتح علي بااب لاني انا ماعلمت احد بسالفته ابدا


مو عارفه شنو اسوي الحين اروح باجر افهم بنت عمي ! حدي خاايفه منها والله وانتوا الوحيدين اللي تدرون عن سالفه
.. وااي ياليتني ساكته

 

[i'am THE ONE]

صج موقف يبيلها حكمة عشان ينحل


في طريقه انك تبعثين لها مسج ـ ان ام الولد عارفه بخرابيطه و خليها تتأكد من ام الولد كطرف محايد

الله يعينك

 

[فـــخـــر]

امبيه صج موقف ماتنحسدين عليه

انا مع البنت اللي قالت خليي امه طرف

محايد لانها تدري عن سالفته معاج

ومعاها

وان شالله ان شالله ياااااااااارب تنحل مشكلتج

والله يهدي بنت عمج

 

[مــ_ــا مــ_ــي]

شوفي قبل كل شي تمسكين امج وتعلمينها بكل السالفه من اول ما تحرش فيج وقال يبي يخطبج لحد سالفة اليوم عشان ان صار شي لا سمح الله الا عندها علم وتقدر ترد مو تكون اخر من يعلهم وتنصدم منج..

وبنت عمج هذي مسكينه وحدها غافله .. لو يبيها يدل بيتهم يروح يخطبها شحقه تلفونات وخرابيط... وانتي اطلعي من الموضوع كله ولا لج دخل ببنت عمج انتي خايفه عليها وهي ما درت عنج..

بالزمن هذا النصيحه عيب ويفهمونها غلط!! الحين تبين تبعدين هاللعوب عنها تقول لج انتي تبينه!!! ماعليج من احد وخصوصا بهالسوالف عشان ما تنقلب عليج..

والله يستر على بنات المسلمين

 

[shshoo]

رد : ولد جيران العله ! >> كلمت امه \:

انا ماقريت اول موضوعج بس هو شنو يقربلها؟؟؟
اقولج شنو تسوين اولا:لازم تاخذين حقج وبعدين طرشيلها مسج
لأن اذا دقيتي او رحتي بيتها ماراح تستقبلج وتلفون ماراح ترد وبالمسج فهميها
الموضوع وقوليلها تبين تصدقين براحتج مااجبرج وفهمي اختج مسكينه لا تنصدم

 

[سعودية عسل]

ماادري اختي بس انتي ليش خايفه من البدايه

مادامك واثقه من نفسك ماعليك منها المفروض اول ماقالت لك بنت عمك السالفه على طول تكون ردة فعلك انك تقولين لها انو نصاب وكذاب وكان يلاحقك وقلتي لامه مو تسكتين

وبعدين تروحين تقولين لامه توقعين ان امه راح يعجبها انك تقولين عن ولدها كذا مستحييييييييييييييييييييييل

بس انتي اللي حطيتي نفسك بهالموقف كانك خايفه من شي

مافي الا انك تواجهينهم اثنينهم وتفشلينه هالخايس وتصحين بنت عمك هالغافله لان فضيحتها من فضحيتكم

 

[Model Look]

حبوبه والله موقف ما تحسدين عليه

بس فهمي اختج اللي اكبر منها بسنه وقولي لها السالفه كااااااامله وبعدين خليها تتصرف لانها اكبر منج وافهم

وممكن تكلمها وبذيج الساعه اختج تقدر تاخذ وتعطي معاها بس انتي بعدي عن الموضوع واذا لزم الامر كلمي امج بس بالاول اختج

 

[على الطيب تربيت]

رد : ولد جيران العله ! >> كلمت امه \:

COLOR="DarkGreen"]حبيبتي أنا من وجهة نظري نفس الي فوق يسلم فمها

روحي بكل هدوء بعد الفطور وقولي لامج هالكلام وانتي عاد صيغيه باسلوبج :

( يما حبيبتي بقولج شي محيرني وأبيج تساعديني ( خلج واثقه مو كأنج مسويه بلوى ) وقولي لها ..

يما ولد الجيران مراهق وطايش وازعجني بالمغازل وانا ماقلتلج يايما لان قدرج عالي ومابي اغثج بهالسالفه التافهه بس يوم شفته تمادى رحت قلت لأمه وكاهي شاهده وراحت هددته وبعدها ماقرب صوبي وبعدها بكم يوم اكتشفت انه حول لبنت عمي وخفت مدري اقولها اخاف تقولي اصغر مني ومحتره رحت وعلمت امه مره ثانيه وإظاهر علمت ولدها وراح كلم بنت عمي وجت تسمعني كلام ..

فمادري يما شرايج وش تشوفين وش اسوي مابي اخسر بنت عمي ومابيها تحقد علي ؟؟)


هذا كلامج لامج

الهدف انج تقولين لأمج حتى السالفه ماتنكشف بعدين وتتورطين وثانيا حتى ماتتبلى عليج بنت عمج وهالولد

وتعودي اي شي يصير علمي امج اول باول حتى باجر لاصار شي قالوا بنتج وبنتج تلقين امج هي اول وحده بصفج حتى لو كنتي على خطأ فهي تدافع عنج لان عندها علم وخبر

أحسن ما تنقلب عليج السوالف وتجي عمتج تهاوشج جدام امج وحينها امج ينصفق وجهها وقتها تعالي رقعي ماينفعج شي ..

وسلامتج ياحياتي وياعل ربي يوفقج على صفا نيتج وحبج للخير لبنتا عمج[/COLOR]

 

[lulwa-q8]

يعني بنات من كلامكم اكلم امي ؟

انا اذا بكلم احد راح اكلم اختي لانها راح تفهم و تعرف بنت عمنا هذي عدل ، لان امي مره عوده مو ناقصه غثه

وسالفه المسج حلوه بس اصلا رقمها مو عندي لان مافكرت عمري اخذه يعني كلش احنا مو مع بعض

واللي تقول ليش خايفه !
ليش مااخاف هذي اكبر مني و مطيحه صحبه مع ريال اتوقع حاقد علي بعد و فوق هذا اهي بنفسها صارت مادانيني فخايفه يسوون فيني شي بعد ،، دنيا ينخاف منها

استغفر الله واتووب له ،،

ويعطيكم العافيه و ادري دوختكم معاي
=)

 

[كيميائيه]

وليييه حده لوويه
ماكو الا تدزين لها مسج
او تقعدين وتفهمينها الموضوع
وتقولين لها سالفتج معاه
وقوليلها ليش انتي قلتي حق امه
وبالنهايه قوليلها ان القرار قرارج
بس انا من حبي وخوفي عليج سويت جذي
والله يوفقج معاها وتنحل المشكله

 

[om_3kash]

رد : ولد جيران العله ! >> كلمت امه \:

لاازم ضرووري تقولين حق امج و اختج السالفه قبل لا تقلب كل الساالفه علييج

ماعليج خلج واثقه من نفسج و قولي كل السالفه علشان يوقفوون معااج

 

[يوآش يوآش]

رد : ولد جيران العله ! >> كلمت امه \:

انتي قولي لامج كل السالفه

وخلاص ..

 

[مرمووور]

رد : ولد جيران العله ! >> كلمت امه \:

أممممممم
قوولي لآمج واختج هالسوالف هذي
عششان لاسمح الله تكلمت اوو شي اهلج يدروون

 

[حجيه هيونه]

شوفي قبل كل شي تمسكين امج وتعلمينها بكل السالفه من اول ما تحرش فيج وقال يبي يخطبج لحد سالفة اليوم عشان ان صار شي لا سمح الله الا عندها علم وتقدر ترد مو تكون اخر من يعلهم وتنصدم منج..

وبنت عمج هذي مسكينه وحدها غافله .. لو يبيها يدل بيتهم يروح يخطبها شحقه تلفونات وخرابيط... وانتي اطلعي من الموضوع كله ولا لج دخل ببنت عمج انتي خايفه عليها وهي ما درت عنج..

بالزمن هذا النصيحه عيب ويفهمونها غلط!! الحين تبين تبعدين هاللعوب عنها تقول لج انتي تبينه!!! ماعليج من احد وخصوصا بهالسوالف عشان ما تنقلب عليج..

والله يستر على بنات المسلمين

صح امج لازم تكون بالصوره لانه ماتدرين الموضوع شكثر ممكن يكبر ووين ممكن يوصل



وانتي ماشالله عليج تصرفج عين العقل صحيح وبالسليم بس لو قايله حق بنت عمج على سوالفه يمكن كان فهمت وقدرت


الله يهديها ويستر عليها

 

[Stay alive]

والله اهي ماتستحي صج .. انزين حتى لو كنتي حاطه عينج عليه مثلا
بس مو اسلوب انها تجي وتزف وتقول كل اللي تبي وماتعطيج مجال حتى تدافعين عن نفسج

هذي انانيه ..!

المهم انتي نصحتي وسويتي اللي عليج واهي طلعت ماتستاهل ..
الحين طلعي من السالفه بس قولي لاختج الموضوع دامكم متفاهمين .. قوليلها كل شي من طقطق لي السلام عليكم
خليها بالصوره .. امج مره عوده ومو ناقصه مشاكل
لكن اختج واعيه مثل ما تقولين وراح تحل السالفه بمنطق وهداوه ..

وبنت عمج والزفت خليهم يولون والله يهديهم ان شاء الله ..

 

[لوازم العائلة]

رد : ولد جيران العله ! >> كلمت امه \:

قولي حق ابوج يكلم عمج
قبل لاتكبر السالفه وتطلع معاه وصور الخ

 

[ترانيم القصيم]

حبيبتي لا تندميـن على أي عمل خيري تسوويـنه حتّى لو كانت آثارهـ سلبيّـة عليكـ لكن عند الله شي عظيم و يبي يكافئكـ عليه

لأنّكـ كنتِ ( مغلاقة للشّر )

في طريقه انك تبعثين لها مسج ـ ان ام الولد عارفه بخرابيطه و خليها تتأكد من ام الولد كطرف محايد

أيوااااااا , كلمي أمّه و علميـها بآللي صار .. و قولي له الولد يبي يخرّب بيني و بين بنت عمّي ,

 

[miss.mute]

رد : ولد جيران العله ! >> كلمت امه \:

شوفي حبيبتي اختصري المشوآر وقولي لامج او اختج .. ولا تخافين مااتوقع يزفونج اصلا بتكبرين بعينهم بما انج تجاهلتي سوالف هالشخص التافه ولد جيرانكم ..!

وماعليييج من بنت عمج مادري ليش من سوالفج حسيتها عايشة مراهقتها متاخرة حدة .. وانتي عاد اخذيها على قد عقلها

 

[lovely jojo]

تصرفج سليم

 

[ترانيم القصيم]

و بشرينن وش يصير معتس ^_^