ولدي وشهر العسل

[M!$_ $heme]

السلام عليكم

انا عروس عمري 23 سنه وعرسي شهر 5 انشاءالله

وكنت منفصله وعندي ولد الله يحفظه :yaaaaaarb:

وانا من اول ما ولدته انفصلت وكان ولدي عندي يعني ولدي

متعلق فيني حييييييييل وانا بعد ماياكل من ايد احد ولا ينام الا معاي

والله وفقني وبتزوج وزوجي ماعنده اولاد ويحب ولدي وااااايد

على قولته احبه اكثر منج

مشكلتي الي معوره قلبي ان زوجي بيسافر في صباحية العرس

يقول نعرس ونسافر على طول وهذي امنيته وانا ماقدر اسافر

بدون ولدي وبنفس الوقت ماقدر اخذه لان امي زفتني وخواتي بعد

يقولون الريال بيستانس بشهر العسل لاتقثينه وانا ماقدر اخليه عند

اهلي كلششششش لاسباب خاصه وابوه اذا عرف اني مخليته

ومسافره بيرفع علي قضية اهمال بس عشان ياخذه مني

والريال من حقه يسافر بروحه مع ان الله يشهد انه قالي

انا موعيزان عنه واسفره قبلج بس هم لازم احس على دمي

وما امصخها والله اني ما انام بسبب هالموضوع وعارفه ان

ولدي بيتمرمر هني بروحه وهم ماراح استانس وقلبي مع ولدي حبيبي:eh_s(2):

ساعدوني بليييز والمايك لكم:eh_s(4):​

 

[مذهلة2013]

حبيبتي ولدج جم عمره ؟
ريلج ماشاءلله عليه مبين حبوب ربي يخليه لج يارب ويتمم عليكم على خير يارب
بصراحه احسه صعبه تسافرين ويه ولدج الريال يبي ياخذ راحته بعد :\
حاولي تخلينه عن خواتج عالاقل لو اسبوع او 10 ايام

موفقة

 

[طريق السعاده]

خليه عند خواتك وامك فتره سفرك حتى لو يحبه وقال يبيه ميصير يروح معكم شهر العسل

وعن ابو الولد مب لازم يعرف اذا اهلك ماتكلمو محد بيدري انك سافرتي وان الولد عندهم

استودعيه ربي بيحفضه وكلها اسبوع ولا 15 يوم بالكثيرعند امك وخواتك اكيد بيخافون عليه اكثر بعد عن اهتمامهم وانتي موجوده لان بيعوضونه غيابك صح صعبه بس مو اصعب من انك تاخذينه معك شهر العسل

 

[Um Rashed]

الله يعينج ..... ماعندي شي اضيفه على اللي قالوه البنات ...إلا اني ادعي لج انه الله يسهل اورج ويوفقج ويتمم عليكم ويجمع بينكم بالخير والحب آمين .

 

[منورة 90]

اذا تقدرين تأمنين عليه عند ابوه خليه عنده
عشان مو يقول خليتيه عند اهلج و رحتي
ولا يقدر يامرج انج تاخذينه معاج لانه ماله كلمه عليج و ملزوم في ولده
بس اذا ما تقدرين تأمنين عليه عند ابوه
خليه عند اهلج ووصيهم لا يدري
اكيد اهلج بيكونون حريصين عليه و ما بيعلمون ابوه

بس من حقج قبل ما يكون من حق ريلج انج تروحين شهر عسل مثلج مثل كل البنات
بدون ما تلتهين في ولدج

وانتي استخيري وسوي اللي يرتاح له قلبج
و الله يسهل اموج و يتمم لج على خير

 

[برنسيسة2007]

شوفي حبوبه اذا الموضوع ان ضميرج يأنبج بقولج شي اغلب المتزوجات اذا تبي تسافر نقاهه واستجمام اتخلي اعيالها عند امها وهي مو منفصله اللي بتسافر معاه هو ابوه لذلك حطي قلبج بماي بااااارد وروحي مع زوجج بروحكم عسا الله يسعدج ويوفقج

انتي قبل لاتتزوجين وين ساكنه مع اهلج ولا ابروحج اذا بروحج خلي امج اتعيش في شقتج مع ولدج في فترة غيابج وان شا الله امج اتضحي

ومن ناحية طليقج ودعي الله الموضوع وهو سبحانه لاتضيع ودائعه

وهلفتره اللي قبل عرسج عودي ولدج انه يقعد مع امج وطلعي السوق او اي مكان بدونه

وحطي في بالج انج ماراح تغيبين عنه طوووول العمر بس فتره وتعدي


ونصيحه حبوبه مهما زوجج بين لج رحابة صدره اتجاه ولدج لا تهملينه اقصد زوجج
لان الابو واهو الابو يتزوج علا زوجته اذا كانت مهتمه بالبيت والعيال وناسيته


وموفقه يااااارب
ونسييييت الف الف الف مبروك اللهم بارك لهما وبارك عليها واجمع بينهما بالخير

 

[امـ خــزامـى]

مبرروووك حبيبتي

الله يوفقك ويسخرلك ويسعدك

شوفي ياقلبي انا ام ومو مطلقه وسافرت مع زوجي نقااهه لمدة 10 ايام وخليتها عند امي

والحمدالله عااااااااااااااااااااااااادي وسهااااااااااااااااااااااااااااااااااااااااااله
واستمتعت بالسفره وعشت حياااتي


وشلون انت شهر عسسسسسسسسسسل !!! ولا مع رجل مايعرف ولدك ولا حتى يقرب له

حبيبتي انصحك اذا ضامنه نفسك مارح تصيحين وتتوترين وطول الوقت تكلمين امك هاه وش اخباره نام زين
شرب حليبه وطول الوقت تسولفين مع زوجك عنه وكيف تحبينه ومشتااقتله وقلبك معه

لاتساااااااااااااااااااااااااااااافرين تزوجي وقوليله اجل شهر العسل على الاقل بعد زواجكم بشهر
عشان تتاقلمين ويتاقلم ولدك بعد


الله يريح بالك

 

[قاهره عذالي]

هو مافي حل غير تخلينه عند امج وخواتج اللي زفوج وقالولج لا تاخذينه

ووصيهم عليه

 

[رحماك ربي **]

الف الف مبروك

والله يتمم عليك ان شاء الله ويوفقك بحياتك الجديده

شوفي نصيحه مني خلي الايام هذه بروفه لهلك مع الولد

يعني هم اللي ياكلونه وينيمونه خليه يتعود عليهم

انتي مسافره شهر عسل يبي لك تفرغ كامل للزوج :eh_s(22):

مو طفل يبي له رضعه وغيار بضيع طعم شهر العسل

سافري واستانسي اكيد اهلك مابيقصرون معه​

 

[ام مشعل المطيري]

صراحه الله يكون بعونج وانا اكثر وحدة حاسة فيج أنتي بين نيران
صلي استخارة أفضل شي لأن الولد مايتعوض والزوج يتعوض
المهم شلون تقعنين ولدج انج تسافرين وتخلينة! !!
إذا ولدج صغير تحت اربع سنوات ماراح يحس الا إذا كان حيل حيل متعلق فيج
الرجال له حق وهم ولدج له حق الله يسهل امورج ويوفقج ويرزقج بر ولدج دامج بارة فيه

 

[ام مشعل المطيري]

ولاتزعلين من كلامي

 

[المـــــها]

حطيت نفسي بمكانج و اللي اسويه أامن عليه عند أمي و بس
لكن انتي مشكلتج طليقج ممكن يسويلج مشكلة!

 

[حلآوهـ حلوهـ]

مالج غير اتخلينه عند امج وخواتج يقولج اغلى من الولد ولد الولد
واكيد انهم راح يهتمون فيه بعد قلبي ياهل ماله غيرج
ومستحيل حد يأذيه
بس اهم شي ان ابوه مايدري ومايطلع خبر سفرج بره
لان مثل ماقلتي راح يسويلج مشكله
وريلج ماشاء الله مبين عليه قلبه طيب من حقه يستانس معاج صدقيني حتى لو يقول بودي ولدج
اكيد من داخله يتمنى تكونون بروحكم لان شهر عسسل =)
عسى الله يوفقج ويكتبلج اللي فيه الخير

 

[مهندسة الابيات]

مبرروووك حبيبتي

الله يوفقك ويسخرلك ويسعدك

شوفي ياقلبي انا ام ومو مطلقه وسافرت مع زوجي نقااهه لمدة 10 ايام وخليتها عند امي

والحمدالله عااااااااااااااااااااااااادي وسهااااااااااااااااااااااااااااااااااااااااااله
واستمتعت بالسفره وعشت حياااتي


وشلون انت شهر عسسسسسسسسسسل !!! ولا مع رجل مايعرف ولدك ولا حتى يقرب له

حبيبتي انصحك اذا ضامنه نفسك مارح تصيحين وتتوترين وطول الوقت تكلمين امك هاه وش اخباره نام زين
شرب حليبه وطول الوقت تسولفين مع زوجك عنه وكيف تحبينه ومشتااقتله وقلبك معه

لاتساااااااااااااااااااااااااااااافرين تزوجي وقوليله اجل شهر العسل على الاقل بعد زواجكم بشهر
عشان تتاقلمين ويتاقلم ولدك بعد


الله يريح بالك

انا معاها :eh_s(15):

 

[PuPa^^SWeeT]

ابووه مالخ شغل

حتى لو رفع قضي اهمال


امج اهي اولى منه


معروف هالشي بالدين


وعادي خليه عند اهلج مافيها شي



ومو كل من سافر رفعو عليه قضية اهمال


بلغي امج اتدير بالها عليه



ومادري شلون اتم


بس رسميا من اتزوجين امج تاخذ حضانة ولدج على طول

 

[PuPa^^SWeeT]

اتقولين اسباب خاصة ماتقدرين اتخلينه عند اهلج


عيل همن لازم اتاجلين شهر العسل


بس خواتج قالو اندير بالنا عليه


فا ما اعتقد فيه مشكلة

 

[Mrs_Orchidia]

الله يسخر لج زوجج يارب .. حبيبتي حاولي من هالايام انج تنومين ولدج عند خواتج وللا عند امج بدارها او ااي مكان بعيد عنج يوم عندج و يومين عند احد ثاني لما تتعودوون

ترى شهر العسل مع الزوج ايام ما تتعوض ولا راح تنسي صدقيني

وليدج موجود ياقلبي بحفظ الله .. حاولي تخلينه عند احد و حاولي تخلين سفرتكم قصيرة

 

[M!$_ $heme]

مشكورين كلكم فديتكم واسفه عالتأخير بس كان عندي مشكله بالنت وبرد عليكم وحده وحده

 

[M!$_ $heme]

حبيبتي ولدج جم عمره ؟
ريلج ماشاءلله عليه مبين حبوب ربي يخليه لج يارب ويتمم عليكم على خير يارب
بصراحه احسه صعبه تسافرين ويه ولدج الريال يبي ياخذ راحته بعد :\
حاولي تخلينه عن خواتج عالاقل لو اسبوع او 10 ايام

موفقة

ولدي عمره 5 سنوات الله يحفظه وشكلي بخليه عند اهلي لكن المشكله ان امي عوده ومالها خلق ياهال كبرت الله يطول بعمرها وخواتي راح يكونون جامعه ومدرسه مافي مجال يعني

 

[M!$_ $heme]

خليه عند خواتك وامك فتره سفرك حتى لو يحبه وقال يبيه ميصير يروح معكم شهر العسل

وعن ابو الولد مب لازم يعرف اذا اهلك ماتكلمو محد بيدري انك سافرتي وان الولد عندهم

استودعيه ربي بيحفضه وكلها اسبوع ولا 15 يوم بالكثيرعند امك وخواتك اكيد بيخافون عليه اكثر بعد عن اهتمامهم وانتي موجوده لان بيعوضونه غيابك صح صعبه بس مو اصعب من انك تاخذينه معك شهر العسل

والله لو اقدر جان خليته بس ماقدر اامنه عند الخدم ةعارفه ان اهلي مشغولين وامي حرمه عوده مالها مقاقة ياهال الله يحفظها