ولدي والأنفلونزه

[CrystalQ8]

بنات عفيه شنو أحسن قطره توقف الخشم لطفل عمره 10 شهور مسكين خشمه موراضي يوقف شسوي مافيه أحتقان ولا شي أخاف فيه لحميه ؟

 

[*دبدوووبه*]

ثلاث غزلان
مايشوف شر ولدج ان شاءالله
بس لازم تودينه حق الطبيب
وشوف المشكله
بس يكون دكتوره اطفال شاطر

احسن شي تودينه لدكتور اطفااال
واهوا يحدد لج القطره او الشراب
ومايشوف شر يااارب

 

[CrystalQ8]

مشكوره دبدوبه ياليت أبي أحسن دكتور وشاطر منو ؟

 

[srabeel]

حبوبه لازم تودينه الدكتور واهو إلي يعطيج القطره لأنه ما يصير تاخذين وصفه حتى لو قطره من تجارب الناس لأنه إلي يطيح على الياهل ما يطيح على الثاني فوديه أحسن قبل لا يصير فيه إلتهاب بأذنه وينزل لي صدره ويصير معاه الكحه وغيره فوديه أحسن

والله يشافيه إن شاء الله

 

[srabeel]

إيه صج عندي دكتور شاطر دايماً أودي عيالي حقه إسمه خالد السعيد وهو إستشاري

 

[وحده من الناس]

روحي الطبيب مثل ماقالوا البنات ومايشوف شر

انا وحده تأذيت منها الصراحه فا شلون الاطفال

 

[*دبدوووبه*]

هلا والله ثلاث غزلان

والله بصراحه
ماكو اعلى من الدكتور / فهد المخيزيم
واهو استشاري اطفال
ومسؤول قسم الاطفال في مسسشتفى مبارك
وعنده عياده بالجابريه
ويحرص جدا على الطفل

انا بنت اخوي كانت بدش بغيبوبه بسبب غلطة دوا من دار الشفا
اهوا عالجها بنفس الوقت الحمدالله

والامر راجع لج ياقلبي

بس اهم شي تروحين لدكتور يشوف حالته
وماتسمعين كلام اي احد يقولج هالدوا او هالقطره
لان حياة طفلج بيدج مو بيدهم

والله يحفظه لج يارب ويتربى بعزج

 

[أم حمني المزيون]

مايشوف شر الغالي....
شوفي آنا أثق بالدكتورة عفاف الرومي بصراحة ومن زمان آنا أودي عيالي عندها.....
بس بصراحة صارلي شهر هونت عنها ...مو عن شي بس الزحمة اللي عندها مو طبيعية وصارت بصراحة بوقت الزحمة الفحص والتشخيص بسرعة بسرعة...المهم صدف ان ولدي مرض وياتة حساسية بصدره شديدة ومن بعدها ياله جفاف فقالت لي الدكتورة وديه المستشفى ياخذ درب....المهم ما أطول عليكم اللي تابع ولدي دكتور اسمه طارق قطب وهو استشاري وبصراحه هو شاطر وارتحت معاه وعلاجه وايد زين وافتكيت من الزحمة اللي ما تخلص وهذا الدكتور طلع ناس وايد تمدحه وهو قديم مو يديد وراعي خبرة ....نصيحه ودي ولدج عنده وجربي وعموما الراي رايج....
وسلامته الحبوب......