((( وشلون زوجها راضي )))

[منوة القلب]

يعني شنووو اللي ماعجبها كلامج ولا اتفقت معج بس لانه حراام !!

شقصدج مانعرف الحرام والا مو ملتزمين بشرع ربي ؟؟

هذا اسلوب نصيحه بالله عليج استغفر الله واتوب اليه محتاجه كورسات اسلوب نصح
غصب غصب تدشين بنوايا الناس

البنات الي دخلوا بنيتي

انا من نزلت الموضوع لا فرضت رايي على احد ولا قلت غصب تقبلوا النصيحه ولا قلت تراكم بتدخلون النار

ولا قلت مو ملتزمين ولا قلت انكم ماتعرفون الحلال والحرام على قولتك

بس فيه بعض الاحكام الشرعيه يجهلونها بعض الناس .. انا عن نفسي فيه بعض الاحكام توني ادري انها حرام وكنت اسويها

بس للاسف بعض البنات هم الي هاجموني وانا مضطره ارد عليها بنفس اسلوبها

الحمدالله اسلوبي مافيه شي والكورسات مستغنيه عنهم لك

 

[Pearl Qatar]

رد : ((( وشلون زوجها راضي )))

عيل ليش الشباب يتخصصون تخصص نساء وولاده .. !


علشان يحطون يدهم على خدهم ويتفرجون


الصراحه موضوعج سخيف مع احترامي لج

 

[منوة القلب]

انا كنت اراجع عند دكتوره ولما صارت حزة الولاده قامت تصارخ دكتورتي مو عارفه تتصرف لان المشيمه انفصلت عن البيبي وانزلت قبل لايطلع البيبي وبالتالي مايقدر يتنفس البيبي فاضطرت توديني العمليات عشان ولاده قيصريه ووقف على راسي ثلاث دكاتره وممرض فلبيني وسستر ودكتورتي يعني منحاشه عن الرجال مابيه يولدني ووقفوا علي كل هالرياجيل وبعدها توبه اولد عند دكتوره لانها ماتتصرف بهدوء وعقل مثل الرجال والحين الحمدلله ولاداتي عند دكتور وشاطر الحمدلله

الله يكون بعونك والحمدالله ربي سهلها عليك ..

طيب ليش مو بعض البنات يقولون رايهم وجهة نظرهم مثل كرستاله وغيره طبعاً من البنات الي قالوا رايهم بأدب واحترام

بيظركم شي اذا حسنتوا اسلوبكم بالرد

 

[Pearl Qatar]

رد : ((( وشلون زوجها راضي )))

إنه في بعض المستشفيات يقوم بولادة الحريم وكشف عوراتهن دكتور رجل، فهل في ذلك إثم وهل هو حرام في الشريعة، وهل يلحق المرأة إثم؟


الواجب على المسئولين أن يهيئوا لهذا نساء وقد سبق التفاهم معهم في ذلك فوعدوا وأنهم حريصون على تأمين طبيبات وأنهم سوف يبذلون وقد بذلوا الجهد الكثير في أن يتولى توليد النساء النساء هذا هو الواجب، فإذا لم يتيسر ذلك وخيف على المرأة من عدم تولي الرجل توليدها وأنه يخشى عليه من ذلك فلا حرج فاتقوا الله ما استطعتم إذا دعت الحاجة والضرورة إلى ذلك فلا بأس وإلا فالواجب أن لا يولدها إلا النساء فلا حاجة إلى التوليد لأن الناس مضى عليهم دهوراً طويلة لا يحتاجون إلى توليد الأطباء تلد المرأة في بيتها والحمد لله لكن إذا خيف عليها أو خشي عليها فتوليد الرجال لها لا بأس به عند الحاجة.



المصدر

http://www.binbaz.org.sa/mat/19934

موقع الشيخ عبدالعزيز بن باز

 

[ايطاليه]

انا صراحه مستحيييييييييل اولد عند رجال اساسا دكتورتي لما افحصتني داخلي مت من الفشلللللله شلون لو رجال
ومااحب الزواج من دكتور نساء وولاده

معاها :rerrerek:

 

[ايطاليه]

اشفيكم بنات الله يهديكم

البنت قالت رايه وماجبرتكم تقتنعون فيه

يعني ياتصير معاكم ولا تسكت

 

[منوة القلب]

الصراحة اختي رفيف

وااااااااايد ريحتيني بهالموضوع لاني شايفه المواضيع اللي تتكلمين عنهم

والبنات يتعاملون مع الموضوع عادي كنها مومسويه شي!!

خاصة التجميلي اللي لا ضرورة ولا حالة مستعصية


المهم يابنات ياللي تتكلم وتقول لاتفتون

خل اهيه تتحقق وتسأل وراح تعرف احنا علينا

اللهم بلغت اللهم فاشهد

وخل ناخذ حياتنا من الناحيه الشرعية حلالها وحرامها

موبس نفكر مو أحسن دكتور منو احسن جراح منو احسن ريال بالتعامل

احنا وايد اشياء غافلين عنها

وحتى في موضوع عن الحجاب قريته والصراحه ماصار فرصه ارد فيه <<< ادري ماله شغل بس عن تفكير البنات

حتى لما بيقنعون البنت عن الحجاب اللي تقولها شوارفسكي واللي تقولها ربطي اهني واهناك

واللي تقول لبسي كذا وحطي كذا قـلـه اللي قالولها حرام ولازم لبس الحجاب الشرعي الكاااااااااااامل




الوحده فينا لي متى بس تفكر بالدنيا احنا على ذنوبنا يبيلنا نفكر بكل خطوة نخطيها

وعلى طاري هالمواضيع..

وحده معاي بالكلية قاعدين نتكلم عن الشيرة والنظافه
جان تقول انا اخلي وحده من الصالون تييلي البيت وتشيلي كل شي
وحتى الـ.... قتلها حرام تشوف عورتج

تخيلي شنو ردها؟؟

تقول وقفت على هذا حرام احنا وايد اشياء بحياتنا حرام

لي هالدرجة وصلنا ان حتى الحلال والحرام صار عادي ونتساهل فيه



وتسلمين عالموضوع وعالتنبيه وسامحيني اذا دخلت بأمور ثانية

خذي راحتك ياقلبي ..

صادقه اللهم بالغت اللهم فالشهد

البنات فهموا نصيحتي انها فرض راييي واني ماعرف انصح انا وش قلت بس قلت حرام

وحده قالت بذمتك عشاني نزلت فتوى .. ترى الفتوى ما الفتها هذي فتوى عن الشيخ بن باز

وعلى العموم بذمتي وانشاءالله راح اتواجه انا وياك يوم القيامه واتواجه مع غيرك

ايه قريت موضوع البنت الي ماتبي الحجاب وقريت ردود البنات ماراح اعلق لان البنات الحين يدورون علي الزله

اي والله ملتهين بالدنيا وناسين الاخره وهالكلام معمم على الجميع حتى علي ..


تدرين وش مشكلت بعض الناس مايرضى تقوليله هذا حرام يتضايق ويحاول يسكر الموضوع ويكابر

على العموم ذنبهم على جنبهم محد شايل ذنب غيره اهم شي انك تنصحين لوجه الله والباقي عليهم تقبلت ماتقبلت براحتها

على طاري الشيره اعرف وحده مسويه ليزر للمنطقه الي تحت وش رايك ..

 

[منوة القلب]

رد: رد : ((( وشلون زوجها راضي )))

إنه في بعض المستشفيات يقوم بولادة الحريم وكشف عوراتهن دكتور رجل، فهل في ذلك إثم وهل هو حرام في الشريعة، وهل يلحق المرأة إثم؟


الواجب على المسئولين أن يهيئوا لهذا نساء وقد سبق التفاهم معهم في ذلك فوعدوا وأنهم حريصون على تأمين طبيبات وأنهم سوف يبذلون وقد بذلوا الجهد الكثير في أن يتولى توليد النساء النساء هذا هو الواجب، فإذا لم يتيسر ذلك وخيف على المرأة من عدم تولي الرجل توليدها وأنه يخشى عليه من ذلك فلا حرج فاتقوا الله ما استطعتم إذا دعت الحاجة والضرورة إلى ذلك فلا بأس وإلا فالواجب أن لا يولدها إلا النساء فلا حاجة إلى التوليد لأن الناس مضى عليهم دهوراً طويلة لا يحتاجون إلى توليد الأطباء تلد المرأة في بيتها والحمد لله لكن إذا خيف عليها أو خشي عليها فتوليد الرجال لها لا بأس به عند الحاجة.



المصدر

http://www.binbaz.org.sa/mat/19934

موقع الشيخ عبدالعزيز بن باز

جزاك الله خير وهذي فتوى ثانيه

يبين ان المرآه لازم واجب تولدها مرآه الا عند الضروره والحاجه يعني اذا كانت الام والبيبي بخطر مثل حالة بعض البنات

الحمدالله ماجبت شي من عندي

الله يجزاك خير مره ثانيه

 

[منوة القلب]

اشفيكم بنات الله يهديكم

البنت قالت رايه وماجبرتكم تقتنعون فيه

يعني ياتصير معاكم ولا تسكت

شفتي خلوني فارضه رايي غصب وانا ماغصبت احد على رايي

الا ابسئلك وبسئل البنات كلهم


اذا كنتي قاريه ردودي كلها ..... هل

أنا تدخلت بشؤون البنات ؟

فرضت رايي على احد ؟

تشمت على احد لاسمح الله ؟

انا قلت رياجيلكم مايغارون ؟

انا قذفت الدكاتره ودخلت بنواياهم وقلت عينهم زايغه ؟

نصيحتي فرضتها على احد ؟

 

[منوة القلب]

رد: رد : ((( وشلون زوجها راضي )))

عيل ليش الشباب يتخصصون تخصص نساء وولاده .. !


علشان يحطون يدهم على خدهم ويتفرجون


الصراحه موضوعج سخيف مع احترامي لج

والله ماشوفهم حاطين ادينهم على خدهم هذاهم يشتغلون

مشكوره اهم شي الاحترام مع احترامي لك

 

[المدينه]

انا اللي ولدني دكتور

 

[~Mazuna~]

رد : ((( وشلون زوجها راضي )))

شووفي
اهواا صح فششله واحرااااااج بس مراات تكون الوحده حالتها ماتسمح

انا اختي لما بتولد رااحت عند دكتووره بس ولادتها تعسّرت ويابولها دكتوور

بس الي تراجع عند دكتوور مراجعه وفحص وجذي واهياا حالتهاا ماافيها شي

ماادري انا اشووفها موحلووه يعني ماله دااعي

 

[كويتية بروما]

الحمدالله والشكر ..

متى تشمت شفتوا انتم قاعدين تقولون كلام انا ماقلته

حتى ماطرى على بالي اني اتشمت على احد

وعلى قولتك حدتهم الظروف ماجيت وقلتلها لا حرام عليك مايجوز اتقي الله

كل وحده عندها ظروفها وعند الضروره تحلل المحرمات


اي والله الحمدالله والشكر على نعمة العقل

ليش مو انتي الي طلبتي فتوه من بن باز او بن عثيمين وجبتلك

اما سالفة اتدخل فيما لا يعنيني هذي مالي رد عليها لان واضح من ردودي اني ماتدخلت بأحد

فتوى بن باز مالت اسنان مو طبيب ولاده فرق بين اسنان وولاده:cxxxp:
ونفس ماقلت لج ان شاء الله الفتوى انه حرام وما يجوز الولاده عند دكتور بدمتج ليوم القيامه والله يحاسبج عليها مو احنا
الله يهداج وايد متناقضه بكل كلامج تقولين شي وتردين تنفينه المهم مشكورة ع الطرح والموضوع المفيد للبنات بالمنتدى

 

[عضوة ذهبية]

رد : ((( وشلون زوجها راضي )))

انا عن نفسي ماحطيت في بالي مسالة اختيار منو اللي راح يولدني دكتور ولادكتورة لان في قناعة نفسي انهم كلهم كفو وانشالله الله يسخرلي الزين منهم سواء دكتور او دكتورة ،،، بعدين في وضع الولادة اشبه اني اكون بين الحياة والموت يعني احتاج الكل يساعدني ويساعد الجنين في حالة الضرورة "" والضرورات تبيح المحضورات """ بعدين زوجي مافكر ابد ولا حط في بالة ان اللي ولدني دكتورة او دكتور لان الاهم من هذا كله سلامتي وسلامة الجنين وفي النهاية اللي ولدني دكتور مصري ودكتورة كويتية وكلهم خير وبركة والله انهم مثل البلسم والله يعطيهم العافية

 

[مــســك]

يما فشله رجال يولدني ؟؟



اذا من الدكتورة ونستحي فما بالج من رجال يكشف عليج ؟؟

 

[منوة القلب]

انا اللي ولدني دكتور

نورتي يالغلا

 

[منوة القلب]

رد: رد : ((( وشلون زوجها راضي )))

شووفي
اهواا صح فششله واحرااااااج بس مراات تكون الوحده حالتها ماتسمح

انا اختي لما بتولد رااحت عند دكتووره بس ولادتها تعسّرت ويابولها دكتوور

بس الي تراجع عند دكتوور مراجعه وفحص وجذي واهياا حالتهاا ماافيها شي

ماادري انا اشووفها موحلووه يعني ماله دااعي

صح اذا كانت الوحده حالتها صعبه ومافيه الا دكتور وش بتسوي الله يكون بعونها

 

[منوة القلب]

فتوى بن باز مالت اسنان مو طبيب ولاده فرق بين اسنان وولاده:cxxxp:
ونفس ماقلت لج ان شاء الله الفتوى انه حرام وما يجوز الولاده عند دكتور بدمتج ليوم القيامه والله يحاسبج عليها مو احنا
الله يهداج وايد متناقضه بكل كلامج تقولين شي وتردين تنفينه المهم مشكورة ع الطرح والموضوع المفيد للبنات بالمنتدى

فتوى بن باز قال الاسنان وغيرها ....... بعدين فيه وحده من البنات نزلت فتوى ثانيه لأبن باز

وشلون بذمتي وانا نزلت فتوى من شيخ يعني ماجبت كلام من عندي

طيب اذا كنت انا متناقضه قوليلي وين التناقض بكلامي وشو الي انا قلته وتراجعت عنه اقتبسي كلامي المتناقض ورينياه

البنات قعدوا يقولوني كلام ماقلته والمشكله انكم اخذتوا على كلام البنات روحي اقريي ردودي من البدايه وجيبيلي التناقض..

العفووووووو ونورتي

 

[منوة القلب]

رد: رد : ((( وشلون زوجها راضي )))

انا عن نفسي ماحطيت في بالي مسالة اختيار منو اللي راح يولدني دكتور ولادكتورة لان في قناعة نفسي انهم كلهم كفو وانشالله الله يسخرلي الزين منهم سواء دكتور او دكتورة ،،، بعدين في وضع الولادة اشبه اني اكون بين الحياة والموت يعني احتاج الكل يساعدني ويساعد الجنين في حالة الضرورة "" والضرورات تبيح المحضورات """ بعدين زوجي مافكر ابد ولا حط في بالة ان اللي ولدني دكتورة او دكتور لان الاهم من هذا كله سلامتي وسلامة الجنين وفي النهاية اللي ولدني دكتور مصري ودكتورة كويتية وكلهم خير وبركة والله انهم مثل البلسم والله يعطيهم العافية

يعطيك العافيه على الاضافه رايك ونحترمه .. نورتي يالغلا

 

[منوة القلب]

يما فشله رجال يولدني ؟؟



اذا من الدكتورة ونستحي فما بالج من رجال يكشف عليج ؟؟

اي والله دكتوره واستحي عاد وشلون دكتور .. هلا فيك نورتي حبيبتي