((( وشلون زوجها راضي )))

[منوة القلب]

اسمحيلي من اسخف المواضيع اللي قريتها

كل وحده حرة بنفسها وكلن ذنبه على جنبه

وترا الفتوى مو شي هين عشان تفتين ياحلوة

((اجراكم على الفتوى اجراكم على النار ))

الله يجزاك خير

ليش انا لحقت الحريم بعصا وقلت روحوا اولدوا عند دكتوره

حتى انا حره اطرح اي موضوع انا ابيه وين الدمقراطيه والحريه الشخصيه الي تنادون فيها

ولا اي وحده مايعجبه موضوع او ماتفهمه تقول ماله داعي اوسخيف او وش الهدف منه

بكل بساطه ماعجبك لاتردين

وبمناسبة الفتوى راح انزل الحين فتوه من بن باز عشان تعرفين انه حرام الا لضروره القصوى

 

[Tom ♥ Jerry]

رد : ((( وشلون زوجها راضي )))

.



اذا توآجدت الدكتورة أوكي لأنه مثل مآ قلتي حرآم !
بس اذا انا فيني طلق و واصله حدي و الياهل خلاص رآح يطلع و مآكو الا دكتور !
هني انا مضطره آني أولد عند الدكتور

رضيت و لا مآ رضيت أو رضى ريلي و لا مآ رضى : )
لأنهآ حآله طآرئه (= !

 

[منوة القلب]

انا ولدت ولدي الاول بمستشفى حكومي
واللي ولدتني فلبينيه مو دكتور ممرضه
بس صار فيني نزيف مادري شسوت فيني
الظاهر جرحتني وهو توسع الرحم والله مادري
المهم حتى الخياطه اللي تخيط<<<<<حلوه الخياطه
انصدمت يوم شافت الجرح
قالت مااخيط

وانطرررررررر لين ماجا دكتور العمليات هو اللي خيطني
والله بوقتها ماهمني رجل مره ان شاءالله قرد بس اخلص

شوفي تقولين لا مستحيل ومادري ايش بس اذا جا وقتها تقولين اي شي
بس خلصوني

وافضل الشااااااطر سواء مره او رجل

الشرهه عليهم انهم مخلين فلبينيه تولدك مالت عليهم

بس اهم شي انك قمتي بالسلامه ..

فعلاً الواحد حزت الحزه تستجد عليه امور ويضطر

 

[منوة القلب]

رد: رد : ((( وشلون زوجها راضي )))

آنــآ نفسـج أمــسس قــآعدهـ أقــول لزوجي مستحيــل يولدنـي دكتوور
والله إذآ قرب لآتلقــآئيــآ برفسه على ويهـآآآ << لووووووووووووووووووول مــآتتفــآهم
أحــٍسسس فشلة قــآعده ومبطلة ريوولي لدكتــووور
خخخخخخخخخخخخخخخخخخخخخخخخخخخخخخخخخخخخخخخ إحرآج

ههههههههههه حلوه رفسه .. اي والله فشله واحراج

 

[منوة القلب]

رد: رد : ((( وشلون زوجها راضي )))

انا طبعا دكتورة استحي وبعدين قولي حزت الولاده مو حاسه بروحج تبين تخلصين وبس لكن لما تروحين عشان المراجعه وتتذكرين اللي صار ولما يجيك على الخياط فشيله

اكيد اللي تولد عند دكتور تكون مطره يعني مو رايحه بمزاجها اكيد ظروفها

الله يكون بعون الحريم ويسهل عليهم

 

[منوة القلب]

انا استحي مستحيل اراجع او اولد عند ريال بالحمل و الولاده اكيد

والله حتى طبيب الاسنان لو ريال و لازق بويهج يا بوووووووووووووي فشله

اي والله فشله

نورتي

 

[منوة القلب]

انا بغربه من وييييييييييييييييييييييييييين اجيب دكتوره مايتكلمون انجليزي وانا ماعرف ايطالي اشلون بتفاهم مع الدكتورة ماحصلت الا دكتور يعني مجبورة يا اولد عندهالدكتور يا بالبيت ريلي يولدني ويصير لي دايه:gr4uu:
اختي انتي تقولين رياييلهم اشلون يرضون وما يغارون يعني اللي عندج ريال واللي عندنا دياي وديوث
بعدين انتي تقولين حرام وما يجوز ممكن تيبين لي فتوه شرعيه من بن باز او بن عثيمين
اللي اعرفه السعوديه تطبق الشريعه الاسلاميه معناها ما عندهم دكتور رجال يولد؟؟؟؟؟؟؟ياريت يفيدونا السعوديات
الضروره لها احكام بس هدا اللي ابي ابينه لج:denya:

وانا جبت طاري زوجي انه يغار وازواجكم لا .. عاد تدرين ماعمري تكلمت انا وياه بهالموضوع ولا عمري جسيت نبضه

هو يوافق اولد عند رجال او لا

من قال ماعندنا بالسعوديه دكاترة نساء ولاده مليااااااااااااانين وبكل المستشفيات

اما الفتوى .. هذي فتوى لـــشيخ بن باز

فتوى الإمام عبد العزيز بن باز رحمه الله ، وهذا نص السؤال :" ما رأي سماحتكم في تطبيب المرأة للرجل او العكس في مجال طب الأسنان او غيره هل يجوز ؟ علماً بأنه يتوافر أطباء من الرجال والنساء في نفس المجال ، ونفس البلد " .
فأجاب الشيخ عبد العزيز بن باز :
" لقد سعينا كثيراً مع المسؤولين لكي يكون طب الرجال للرجال، وطب النساء للنساء ، وأن تكون الطبيبات للنساء ، والأطباء للرجال في الأسنان وغيرها، وهذا هو الحق ؛ لأن المرأة عورة وفتنة إلا من رحم الله ، فالواجب أن تكون الطبيبات مختصات للنساء ، والأطباء مختصين للرجال إلا عند الضرورة القصوى إذا وجد مرض في الرجال ليس له طبيب رجل فهذا لا بأس به ، والله يقول : {وقد فصل لكم ما حرم عليكم إلا ما اضطررتم إليه } ( الأنعام 119) . و إلا فالواجب أن يكون الأطباء للرجال ، والطبيبات للنساء ، وأن يكون قسم الأطباء على حدة ، وقسم الطبيبات على حدة ، أو أن يكون مستشفى خاصاً للرجال ، ومستشفى خاصاً للنساء حتى يبتعد الجميع عن الفتنة والاختلاط الضار ، وهذا هو الواجب على الجميع " .

هذي الفتوه اذا كان طب الاسنان حرمه بن باز عاد وشلون الولاده حتى قال بتحريمه طب الاسنان وغيرها

 

[درة أهل الطولات]

رد : ((( وشلون زوجها راضي )))

ما تفرق المهم اقوم بالسلامة

 

[منوة القلب]

حبيبتي مستشفى السلام لو عندي قطوة ما أولدها هناك

هذي شغلة ، الشغلة الثانية آنا عندي تأمين صحي عالمواساة ، يعني مو معقولة أقط مئات ولا آلاف على

ولادة في مستشفى السلام وانا عندي خاص ببلاش ؟؟؟؟؟؟؟؟؟؟

بعدين عطيني من الآخر انتي لج مصلحة مع أي دكتورة بالضبط ؟؟؟؟؟؟؟؟؟

وبعدين ربج أبصر بعباده ليش ادخلين نفسج بمتاهات الحلال والحرام

يعني الدكتورة ما تكشف على الريال إذا صار فيه ( تكرمون ) بواسير ولا في هالحالة غير ؟؟؟؟؟؟؟؟؟؟؟

دعي الخلق للخالق وهو يحاسب

ومشكورة عالإفادة ​

وراك عصبتي طيب

اي مصلحه تتكلمين عنها ليش عندي مصلحه عند الهنديااااااااااااات بتعطيني بخشيش بعد كل زبونه

بنات انا موضوعي مافيه دعايه لا مستشفى ولا لدكتوره معينه

انا سئلت سؤال وحبيتكم اجاوبوني وبينت وجهة نظري ليش قلبتوا الموضوع لحزازيات

ليش اذا كنت اقدر وبستطاعتي انصح غيري انه حرام ومايجوز راح يحاسبني ربي

ولا صار الحق بهالوقت ماينقال ..

حبيبتي واجب عليك النصح اذا شفتي غيرك اخطاء بدينه وفيه حديث عن هالامر

بس ماراح اقوله لان البنات بيفهمونه غلط وراح يزعلون


انا مدري وش زعلك من ردي بصراحه اولدي بلمستشفى الي تبينه والله مذكر بردي جبرتك على السلام او غيره

 

[منوة القلب]

رد: رد : ((( وشلون زوجها راضي )))

بالنسبة للموضوع الاول . .

انا لو شنو والله ماأتعمد اروح عند دكتور، بس سبحان الله احيانا تصير ظروف الواحد مايقدر يتصرف فيها

يعني يوم ولدت انا المفروظ كانت تولدني دكتورتي .. بعدين ساءت حالتي ونبض البيبي قام يصعد وينزل وكنت ادوخ فخافت وعلطول يه الاستشاري قالي انا بولدج ..

وولدني قيصري

بهالحالة شنو تقدرين تسوين؟؟؟ او زوجي شنو يقدر يسوي؟؟؟ اكيد بنرظى بالامر الواقع



وسالفة هل ترضين بدكتور نسا وولادة .. هذي وجهات نظر وكل وحدة ورايها

والله مقدر اسوي شي والله يكون بعونك

صح كل وحده وجهة نظره بمسألة ترضاء بدكتور نساء ولاده بس للاسف اشوف البنات ركزوا على هالموضوع مع انه مو موضوعي

 

[منوة القلب]

انا اتوقع صاحبة الموضوع تقصد اللي مو في حاله طارئه اهي جذي تبقي تولد عند دكتور وصج هذا حرام اذا في دكتوره شاطره وتعرف شغلها عدل
واصلا مو بس بالولاده حتى في الشغلات الثانيه اذا مايستدعي الدكتور ماله داعي اتكشف على دكتور وموجوده دكتوره
وبالنسبع لطبيب نساء وولاده انا بعد مستحيل اتزوجه

عليك نور هذا قصدي ..

بس مدري ليش بعض البنات قعدوا يحققون معاي

 

[منوة القلب]

انا ولله الحمد دكتوري ريال وعن مليون واحد

وما اثق الا فيه وقت الولادة

باذن الله السهالات من ربي بس همن الخبير يزيدج اطمئنان

واهوة نفسه الي ولدني بعيال ما غيرته
الولادة حياة ولا موت وما اغامر بهالشي

وبعدين المرا لما تخترب من تحت تنتهي حياتها الزوجية والنفسية

فهل اغامر بكل هالاشياء

والله انا الي ولدوني حريم وخياطتهم جدا ممتازه وتجميليه بعد حتى بنات عمي والحريم الي عرفهم الي مولداتهم حريم

شاطرات وخياطتهم حلوه .. يعني لا خربنا ولا شي


وانتي براحتك


للمعلوميه انا لما اتكلم واقول وجهة نظري تراي ما افرضها عليكم مجرد اني ابين قصدي او اقول معلومه عندي

 

[منوة القلب]

أعتقد الإسلام ما حرم هذا الشي

يعني لو كان عندج ولادة


و ماكو إلا دكتورة توها بقشورها يعني توها متخرجة


و دكتور لها خبرة في المجال هذا 10 سنين ؟؟

تخاطرين بحياتج و حباة البيبي عشان هذا الشي و تولدين عند دكتورة ولا تختارين الأفضل إلي هو الدكتور ؟؟


و أحيانا صج يكون في دكاترة حريم

لكن كلنا نبي زين لنفسنا

أنا أمي كان فيها نفس تليف بالرحم

و راجعت عند وايد دكاتره حريم الوحيد إلا عرف شنو فيها بالضبط ريال و الحل كان عملية بس عشان إستئصال التليف

الحريم كلهم قالوا لها لازم نشيل الرحم

إختصار كلامي

الإسلام اي شي في سبيل الصحة أباحه لانه هذي نفس محاسبين عليها

انا معاك فيه بعض الدكتورات دباشه وحسافه ماخذه الشهاده

بعدين انا ليش اروح لدكتوره توها متخرجه ليش ماسئل قبل واشوف وحده شاطره وعندها خبره وبعدين الروحلها

وبمناسبة التحريم انا نزلت فتوه لشيخ ابن باز .. تقدرين تقرينها

 

[دلع86]

اكيييييييد عند دكتوووره

لاني استحييييييي

 

[منوة القلب]

عن نفسي مراجعاتي بكل شي احب دكتوره رتاح نفسيا وطبعا ولاداتي عند دكتوره مو دكتور
السبب: استحي + ريلي ما يرضى (لعلم مادري اذا حرام ويجوز ومايجوز كل شي بالفطره الحيا شعبه من شعب الايمان --- شكو هذا بالموضوع ههه)

موضوع التضييق ماعندي تعليق عليه اموووت ولا اسوي عند دكتور
موضوع دكتور النسا والولاده نفس رايج و وجهة نظرج يظل في مقارنه وغيره على ريلي بس بالنسبه لكونها وظيفه تقلل من قدره وهالامور مادري مالي تعليق عليها بس احس اشمعنى اختار نسا و ولاده ؟؟؟ هههه توني افكر بهالسؤال

وسلامتج وتعيشين

صح وش معنى اختار نساء ولاده ؟؟

نورتي يالغلا

 

[منوة القلب]

انا عن نفسي من اول ولاده ولله الحمد اطلب دكتوره بالبدايه كانت حياء والله بس بس بعدين لا والله صارت خوف من الله ومن ترك شي لله عوضه الله بخير منه مع العلم ريلي عمره مافتح معاي موضوع ريال ولا مره دكتورج ولا عنده اهتمام بالموضوع اصلا تري الرياييل علي نياتهم اذا الموضوع يتعلق بالصحه يعني مايظنون السوء بالدكتور ابدا ويشوفون انه من الضرورات اللي تبيح المحرمات

ان شاءالله مافيه ضن سوء ولا توصل لهدرجه .. وعلى قولتك بعضهم على نيته

 

[منوة القلب]

رد: رد : ((( وشلون زوجها راضي )))

على كيفكم تحللون و تحمون

على فكرة

في حديث بما معناه اسرع الناس في الفتوى اسرعهم إلى النار

و ترى حتى الفتاوي موو مقياس لأنها قابله للتغيير

و مو من حققج تقللين من الريال اللي يشتغل دكتور نسا و ولاده...و الله حاله !! ترى انتي ما قذقتي واحد و الا اثنين قذفتي واااااااااااااااااااايد و ترى المقارنه على قولتج مو من طبع الانسان اهوا شايف و متعود فمستحيل يقعد يقارن شغله طبيييب و بس

بعدين مادري شيقارن و اللي ايوله يا بيولدون و الا التهابات !!

بنسبه للفتوه نزلت لشيخ بن باز عن هالمسئله

فيه فتاوي حبيبتي ماتتغير ابداً ولا فيه مجال تتغير

انتي الي والله حاله من قذفت الله يخليك كلامي مافيه قذف .. تدرين وش القذف اني اتهم شخص بزنا لاسمح الله

او اتهمه ابخلاقه انا قلت يقلل من قدره يعني ينزل شوي من قدره

يعني انا من وجهة نظري اذا قالوا هذا مهندس او محامي او قاضي او سفير او دكتور بجميع المجالات الا هالمجال

احسه يرفع من شئنهم

بنات لا تقولون على لساني كلام ماقلته

منين جبتي سالفة القذف....؟

 

[منوة القلب]

رد: رد : ((( وشلون زوجها راضي )))

.



اذا توآجدت الدكتورة أوكي لأنه مثل مآ قلتي حرآم !
بس اذا انا فيني طلق و واصله حدي و الياهل خلاص رآح يطلع و مآكو الا دكتور !
هني انا مضطره آني أولد عند الدكتور

رضيت و لا مآ رضيت أو رضى ريلي و لا مآ رضى : )
لأنهآ حآله طآرئه (= !

صح بهالحاله الوحده تكون مو على كيفها لازم احد يولده تكون مضطره

 

[منوة القلب]

رد: رد : ((( وشلون زوجها راضي )))

ما تفرق المهم اقوم بالسلامة

نورتي يالغلا

 

[بطه حميسه]

رد : ((( وشلون زوجها راضي )))

كلوج بقشورج صح عادى حبيبتى يا ما بتشوفين
اتوقع قصدج موضوع اللى سوت تجميل للشفرتين الحمدلله والشكر حتى انا مت من القهر يعنى شغله تجميليه ماهى حياة او موت عشان تروح لدكتور
اقولج شغله انا كنت حامل ب4 توائم ركزى 4 والله ولدتهم بالولاده يعنى حكومه لان الخاص ما يتحمل مسؤولتى وطلبت دكتوره واكتبوا على الملف من بره انه بس ابى دكتوره والسهالات بيد رب العالمين مو بيد دكتور ولكن اذا ماكان فى دكتوره والوضع خطير اتوقع يجوز
والله يعينج عالردود ومشكوره عالموضوع