وربي انصدمت يا بناااااات

[Maaax]

$

حبيبتي لا تسوين شي وش لك بعوار!!
الراس نصيحه استري ..
عليها ودعواتك لها بالستر والله يوفقها!!
واخوك الله يرزقه بالمره الصالحه..

 

[gala q8]

المشكله انحلت , دام انها رفضت .. خلااص صكري الموضووووع ولا تقولين لاحد

 

[وردة الدوحه]

أختي صاحبة الموضوع بصراحه ماحبيت نفسيتج حسيتج راعية سوالف وتنقل حجي وملقوفه
انا ما اوقف بصف بنت عمج لانه مبين انه في حياتها حد عشان جذيه ترفض اللي يتقدمون لها
اني ويز انا ما أأيد زواج الأقارب لانه يسبب مشاكل لها أول مالها تالي وتفرق الاخوان والخوات عن بعض
حاولي تقنعين اخوج بوحده ثانيه يعني دوري له وحده جميله من ربعج او من الجماعه من بعيد وخليه يصرف نظر بطرقج الجهنميه !

 

[خالتي قموش]

اذا تبين الله يستر عليج
استري على غيرج

من حقها ترفض او تقبل اللي بيشاركها حياتها

اخوج له نصيب مع وحده ثانيه
وخلاص
وكان الله غفور رحيم

 

[روح رفيجآتي]

احسن لك اطعلي من السالفه من كبرها لاتدخلين

ترا بالنهاية بطيح براسك وبعدين م اعتقد احد يرضى احد يعلم عليه شيء من خصوصياته وانتي استري عليها

 

[أعشقه]

بالعكس زين انها رفضت دامها بايعه عمرها وراسله صوره
اصلا اخوك لو يعرف بالي تسويه هو من نفسه مايبيها
وش حارق قلبك ع اخوك وش عليك منها بعدين هي كبيره ومسوؤله عن تصرفاتها
هذا وجعة نظري وكيفك في النهايه واخوك ربي يوفقه مع بنت تعزه وترفع سمعته والله يوفق لكل خير

 

[مدّهره !]

صدعت من تصرررفج ومدة إيدج ع جوالهااا بعد نااويه تغلطين غلط ثااني وترسلين لأخوهاا عنها !!

إهي تُحااسب ع تصرفاتهاا شينه زينه لهاا رب لكن أنتِ مدّخله عمرج بزيااده !!

ترفض اللي تبي كيفهااا تواافق هم برااحتهااا المهم مااتآخذ أخووج دامهاا راعية سوالف والله حسيبهاااا

مع إنهااا لو راعية خررابيط جاان شفتِ جوالهاا مترووس شباااب أشكال ألواان وأنتِ قلتِ بس ولد عمتج يعني دليل خصت

هالإنساان يمكن بحكم صدااقته القووويه بأخوهاا تحبه وتبيه !!

مااآدرري يختج لكن تصرفج من أسااسه غلط إستري عليهاا مااتدرين عن كل التفااصيل

مااأداافع لكن هذي وجهة نظري

والله أعلم ...’

 

[غصون ق]

انه ماعجبني الموضوع اسفه
ما يصح اتقولين شي خاص فيج علني
اسفه بس هذي وجهت نضري

 

[PuPa^^SWeeT]

حتى لو فيها شوفت نفس



حتى لو رفضت اخوج


لا تفضحينها


جربي اتشوفين اذا ولد عمتها فعلا يحبها ولا بس يلعب عليها



اذا يلعب عليها همن لاتدخلين



خلي احد يقوولها

 

[Môre N!Ce]

خلي البنت بحالها الله يستر عليها

 

[ايمان الغساني]

اتفق مع كــلام الخوات ..خلاص خيره لخوج ..خليها تنكشف من حد غيرج ولاتدخلي نفســك فمشاكل انتي في غنا عنها..

 

[جوهره مصونه]

الزواج مو غصب ..!!
يعني اذا ماوافقت على اخوج لازم تنتقمين منها ..!!
لو انج صج تبين الخير تنصحينها مو تفضحينها ..!
ترضين احد يغصبج على انسان ماتبينه ؟
مافيها زعل ولا فيها شوفة خشم ..
الله امر بالستر وماراح تستفيدين شي اذا فضحتيها غير انج راح تسببينلها مشاكل وألم وتولدين حقد وكره وخلاف بينكم بين بعض
هالشي بشنو راح يفيدج عقب ؟؟
اكرر الزواج مو غصب ولها حرية انها توافق او لا
واذا اهي تحب انسان وبينها وبينه علاقه هاذا شي خاص فيها اهي مو فيج ..!!
راعي سفرات ولا راعي روحات انتي مو وصي عليها عشان تحكمين عليهم صح او غلط ؟

أنا مع الاخت بكل كلمه قالتها :eh_s(15):​

 

[محبه الهآشمي]

عشان مارضت باخوج تفضحينها !
باجر يدور الزمن وتاخذ حقها منج

الله يستر عليها ويستر ع بنات المسلمين

 

[اميره1980]

الحمدلله انها رفضت اخوج تدرين ليش؟؟
لان الله يحبها و فكها من ناس فضوليين مثلج
مو عيب تتجسسين على الناس؟ حتى لو غلطانة انتي مو وليه امرها
هذا ما صارت مرت اخوج و تتدخلين بخصوصياتها بهالطريقه عيل لو خذت اخوج شبيصير؟؟

 

[ماكواسم2]

الحين انتي مو هامج انها راعية سوالف بس اللي هامج ليش رافضه اخوج ..يعني عادي تاخذونها بس ترضى ....اقول انتوا واخوج ما شفتوا الا ظاهرها وميتين عليها ,,, اخوج شنو هالدراسه اللي ما خلته ناضج بتفكيره

 

[مولاي الفرج]

مالج شغل ابنت الناس

واذا بتنصحينها بينها وبينج


الستر زين!

 

[بحرانيـه]

شكلج سعوديه مادري ليش هذي سوالفكم كلا تشكون ببعض وحزازيات بينكم وبين بعض البنت كيفها ومالج شغل فيها تعلمين ابوج مادري عمج عنها بصفتج شنو عيب هالسوالف خلج بعيده عنها عيب تتدخلين بخصوصيات غيرج ماتبي اهم شي عرفتي انها ماتبي اخوج وهو هذا الي لازم يعرفه وبسس

 

[اصيله بنت البدو]

انا مراعيه شعورك عشانه اخوك واكيد تتمنين الشي الصالح له وانت تعبثتي بجواله واعتقد
انه خيره خلاص سكري على الموضوع وكلمي اخوك عشان يكون على وضوح ودوريله
باللي احسن منها وبالنسبه لها حريه شخصيه هي حياته مالنا دخل فيه المهم اخوك لايعشم فيه
وابحثي لها.

 

[ماكواسم2]

شكلج سعوديه مادري ليش هذي سوالفكم كلا تشكون ببعض وحزازيات بينكم وبين بعض البنت كيفها ومالج شغل فيها تعلمين ابوج مادري عمج عنها بصفتج شنو عيب هالسوالف خلج بعيده عنها عيب تتدخلين بخصوصيات غيرج ماتبي اهم شي عرفتي انها ماتبي اخوج وهو هذا الي لازم يعرفه وبسس

من شوية اسمج بحرانية

 

[أروح فدوه لك]

(من ستر على مسلم ستر الله عليه)

خيره لاخوج

وبخصوص ولد العم راعي سفرات البحرين والمغرب مب شرط البحرين مصخره والمغرب كذلك

انا بحرينية ونص الناس عندهم البحرين مو شي ... ليش يعني ترى كل ديره فيها الزينين والوسخين