رد : ودي ازوجة!!!برتاح منه
أختي حبيبتي لا تفتحين على نفسج باب انتي ماتدرين ومو واثقه منه .. ماتدرين يمكن هالزوجه تحرضه عليج ويزيد همج هم ثاني عاد بعدين شنو بيصير فيج !!!!
حبيبتي .. الله سبحانه وتعالى جعل للزوج مكانة عظيمة بس مو معناته انطيعه بكل شي يعني على قولتج :
يقول العلم يخلي المرة قوية وتعرف حقوقها وهو يبي وحدة طرمة اي شي يعطيني افرح واستانس واشكرة وبس حتى لو مايكفي
اي شي يقوله لازم حاضر وبس
قولي له الله سبحانه خلقنا لعبادته وأمرنا ان نتعلم والرسول صلى الله عليه وسلم وصانا بهذا الشي وامهات المؤمنين رضي الله عنهم كانوا يعلمون الصحابه شنو كان الرسول صلى الله عليه وسلم يسوي في بيته وشلون كان يتعامل مع أزواجه .. ذكريه ان مثل ما اهو له حق حتى انتي لج حق ولازم يعطيج حقوقج كااااامله .. قولي له لو كان العلم بيكبر روسنا عليكم جان الرسول صلى الله عليه وسلم أول من منع هذا الشي .. وشي طبيعي الواحد يعرف اللي له واللي عليه لأن الحياة الزوجية مسؤوليه وتعاون بين الزوجين والزوج ملزوم يعطي زوجته كامل حقوقها يقول الله سبحانه وتعالى " ولهن مثل الذي عليهن بالمعروف " عيل الريال ليش يتزوج ولا المره ليش اتزوج بس مظهر ؟!!!!
انا ماراح اموت اذا تزوج بسودي ارتاح من نقاشات كل يوم المملة عن الطاعة وخضوع الزوجة الكامل وان المفروض ازور اهلي كل شهر ساعتين والمكالمات اخفف ولازم اقابله وانسى كل الناااااس
حبيبتي أهلج صلة رحمج ولازم تبرينهم واتواصلين معاهم ما اقولج كل يوم روحي لهم ولا كل يوم كلميهم بالتيلفون بس لازم زوجج يعرف ان مثل ما اهو حريص انج توجبين أهله حتى انتي لازم توجبين أهلج وتقعدين معاهم قولي له الله سبحانه وصانا نبر باهلنا .. وفي قصة في عهد عبدالله بن عمر رضي الله عنهما تقول : ( روي أن رجلاً طاف بأمه حول الكعبة سبعة أشواط وهو يحملها على ظهره ، وعندما انتهى سأل بن عمر رضي الله عنهما ، فقال : يابن عمر أتراني قد جزيتها قال : لا ، ولا بزفرة من زفراتها ) ذكريه ان حتى أهو الله بيجزيه عن هالشي خير الجزاء وان اهو يسعى بالخير .. يعني لو كل أسبوع مره قلنا مو مشكله وأمرها هين إن شاء الله بس كل شهر ساعتين !!! هذا شي كبير
زوجي ملتزم شالفايدة هو ابخص بكلام العلماء
انا عارفة اح يقول اولا000000000طااااااااعة الزوج
يعني لو اقول قطي روحج بالنار تقطين
حبيبتي ماكو شي اسمه أبخص في شي اسمه بحث وتحري .. الله عطانا عقل عشان نستخدمه بالشي اللي ينفعنا بالدنيا والآخره .. وخير الأمور الوسط يعني لا إفراط ولا تفريط .. ولو يقول لج قطي روحج بالنار قولي له لا طاعة لمخلوق في معصية الخالق .. وانتي تقولين انه ملتزم .. إذا هذي افعاله وهذا تفكيره وين إلتزامه ؟!! عجيب أمره
اليوم قعدتة ع صلاة الفجر عشان ماتطوفة
تخيلي شقال
لييييييييش مقعدتني ؟اقوله عشان الصلاة
يقول ليش اصلي؟ اقول طاعى لله
يقول ايييييييييييييييييييييييييييييييييييه تعرفين طاعة الله تدرين ان طاعتي عبادة لله
غثيييييييييييييييييث
محاااااضرة عشان اطيعة طاعة عمية
قولي له أطيعك بشرط مايتعارض مع أمر الله سبحانه وتعالى ..
يعني يأمرج بطاعة الله وهو مايطبق شي من اللي يقوله !!!
باااااااط جبدي
ابيه يلهى بشي ثاني
ذبحني
دقييييييييق حيل
عطاني قلم وضيعتة ماادري وين لاني سكنت بيت جديد وسوالي سالفة طويييييلة
بنتي اذا رحت لاهلي يوصيني الف وصاة
لايشيلها احد
لاتاكل اي شي
لايعورها احد
لاتطلع من البيت
افففف زهقت
وبنتي المسكينة تشوف اليهال يلعبون عيال خواتي وخواني واهي تطالع من بعيد لاني اخاف اخليها يمكن يشوف شخطة صغيرة من اللعب ويسويلي سالفة
تكييف اهلج عالي ع بنتي
حوش اهلج خشن لي طاحت بنتي
عيال خوانج صوتهم عالي يزعجون بنتي
ملييييييييت من حرص واوامره
مثل ما أهله لهم حق في عيالكم حتى أهلج لهم حق في عيالكم .. وقولي له ان وسوسته الزايده بتخلي بنتكم معقده وانطوائيه .. إذا ما العبت الحين وهي صغيره واستانست متى بتلعب وهي كبيره بعباتها وحجابها وحالتها ؟!!!!
حبيبتي في وايد أمور ريلج مع احترامي الشديد فاهمها غلط ..
اللي عليج تسوينه واللي اشوفه انج تقرين عن حقوق الزوج على زوجته وحقوق الزوجه على زوجها .. ولاتقولين اهو ملتزم وأهو أبخص ..
عندج النت سوي بحث بهذا الشي وراح تشوفين انه اغلب العلماء يقولون عكس اللي يطبقه ريلج..
وشي ثاني .. إذا حبيتي اتناقشين معاه أول شي طولي بالج عليه ولا تنبط جبدج ولا اتمللين بالعكس احتسبي الأجر عند الله .. واذا قاطعج أو حاول ينهي النقاش قولي له هذي حياتنا الزوجيه ومافيها شي اذا أحد نبه الثاني على أغلاطه وبيني له رايج بكل صراحه باللي حاسه فيه ويفضل تكون عندج خلفيه عن حقوقكم على بعض من الناحية الشرعيه ويا حبذا لو تكون عندج آيات وأحاديث بخصوص هذا الموضوع عشان مايكون له حجه عليج ..
وعسى الله يهدي ريلج ويسخره لج ولعيالج ويجعل حياتكم سعيده بما يرضيه سبحانه ويجعل بينكم مودة ورحمة ويبن له الصواب في هذي الأمور .. اللهم آمين
وسامحيني على الإطاله وأتمنى إني فدتج ولو بالشي البسيط
