وجبات الاطفال من الشهر السادس>>

[ورده المحبه]

السلام عليكم


مساء الخيرات عليكم ياامهات جميعا

ممكن وصفات لاطفال من الشهر السادس وايش اكثر الاشياء الي نعطيها اطفالنا
انا بديت فالخضار المسلوقه بس طفلي مايتقبل البطاطس المهروسه ابدا يحب دايما اي شي حالي
للخبيراات اسعفوني بوصفات لاطفال خلونا نستفيد
:eh_s(9):

 

[همي رضى خالقي]

بروكلي
جزر
بطاط
قرع
ملوخيه
كوسا
سبانخ
تفاح مطبوخ
شوفان مطبوخ
عيش ابيض

وتقدرين تخلطين بينهم

 

[حمرة الورد]

العيش المصري الخضار المسلوقة وحتى التفاح مسلوق يحبونه سيريلاك روب بالفواكه والبسكوت الخاص والعصاير الطبيعية البروكلي والجزر مهم جداً وكل ماكبر ادخل شي شي والجريش وشوربه كويكر

 

[مالي شغل]

البطاطا الحلوه
السبانخ
الشمندر
الشوفان عجيب انا اسويه علي ماي التمر ( تمره اذوبها بماي حار] و لما كبر شوي قمت احط نتفه هرده عشان الكالسيوم
الجبده المشويه سواء جبده دياي او لحم افرمها و اخلطها مع الشوربه

عموما بعمر الست اشهر يبدا يقل مخزون الحديد عنده الياهل فركزي عالحديد ا لانه مهم حق النمو و الذكاء و ..

همن الفاكهه المجففه احط حبه وحده من تمر و قراصيا و مشمش مجفف و تين حبه من كل ن،ع او الموجود و اطبخهم بماي لما يذوبون يصير ثقيل جنه جلي ذايب تقريبا ..
يحبونه اليهال طعمه حلو و كله فوايد..

انا بدالالعيش كنت اسوي عيش اسمر او شوفان او يريش
لما يكبر شوي اشتري هريس من مال الجمعيه اليهال يحبونها
او سوي خضارج او عيشج او الشوفان بماي اللحم او الدياي مفيد حق عظام اليهال...

 

[Mrs.H]

لاتوكلين البيبي لحوم وبيض قبل عمر سنة..
اول شي تبدين معاه باخف شي.. انا الاسبوع الياي انةشاء الله بيكمل كتكوتي 6 شهور وببدي اوكله
قالولي: مقدار فنجان عيش.. نص حبة كوسة نص حبة جزر قطعة صغيرة قرع قصيهم صغار صغار وفوحيهم مع العيش بماي وايد ولما يستوون شخليهم وحطيهم بالخلاط وخلطيهم ليما يصيرون لينين حيل وممكن تضيفين شوي ماي. تعطينه مرتين كمية صغيرة وتوكلينه بقفشة الجاي الصغيرة ولازم وجبته تكون بعد مايشرب حليب بساعة جذي مو على جووع مو مشكلة لو ماتقبل الا شوية اهوا بالتدرج

وعندج سيريلاك العيش استخدميه افضل من القمح خلي القمح بعد فترة لما يتعود ياكل.. وعندج ماركة ابتاميل عندهم نفس السيريلاك بعد ومثل ماقتلج بقفشة صغيرة
ضيفيني بالانستقرام بحط وجبات الاسبوع الياي
t_drinker

 

[عاشقة الككاو]

سوال بنات


اول ما يخلص الخمس اشهر ويدش السادس ابلش اوكله ولا لما يسكر شهرة السادس ابدا اوكله ؟؟؟؟؟؟؟؟؟؟؟؟




ضروري الرد بنات

 

[Mrs.H]

لما يكمل ست شهور بالتمام والكمال وكليه.. وتغيريله الحليب بعد في حالة صناعي
وبنات الاكل لازم يكون بقفشة مو بممية

 

[ورده المحبه]

مشكورين حبايبي علي ردودكم

والخبيرات لاتبخلون علينا بالوصفات

 

[ورده المحبه]

مشكورين حبايبي علي ردودكم

والخبيرات لاتبخلون علينا بالوصفات:eh_s(7):

 

[$قطوه$]

نص بطاطا افوحها ولما تستوي اهرسها واوكلها مع روب


تمره اهرسها حييل واحط عليها ماي واشخلها واشربها في المميه

كوسه وجزر مع عيش وشوي ماي الدياي كنكهه وافوحهم بس اهم شيء احطهم في حافظه في الثلاجه واخذ من الحافظه واوكلها


وبالعافيه

 

[mrs_ntfa]

يعطيكم العافيه

 

[meme11]

بنات تستخدمون الأرز العادي وإلا أرز السيريلاك مع الخضار

 

[N.o.d]

ارز العادي انا استخدم وماتفرق وصفاتي عن البنات

لا تنسون الفاكهه ولا تنسون عصير البرتقال

 

[Ranoon]

نفس سؤال عاشقة ككاو

يعني لما يدش شهره ٧ أوله اوكله
وأغير حليب لرقم ٢


والأكل كم وجبة باليوم يعني
بس غداء وعشا ؟؟؟


تعطونهم بسكوت بشاي او لا ؟؟

 

[سمو النفس]

جزر وقرع وبطاط حلوه وكوسه وارز مصري وروب قليل الدسم طبعا الخضره تقدرين تخلطينهم بالخلاط اي نوع تبين وتقدرين معا الارز او ارز وروب او روب وجزر يعني نووعي وفواكه مثل تفاح وكمثرى بالخلاط واحط فوقها عصير برتقال فريش واخلطهااا واذا ماعنده حساسيه من الموز حطيهااا

وسيريلاك اي نوع يحبه وبسكوت فارليز طبعا كل يووم تنوعين من الاكلات


عيالي مايشربون منقوع التمر ولا عصير البرتقال ولا العصاير المعلبه اللي بالجمعيه ماادري شنو الحل

 

[سمو النفس]

رنوون يعني لمن اطعمينه تطعيمه ٦شهور تغيرين حليبه وتبدين بالاكل تدريجيا باليوم ملعقه واليوم اللي وراه ملعقتين على شووي شووي لين تتقبل معدته وتصير وجبه كامله ونصيحه اول شي اكليه خضره لين يتعود بعدين اكليه فواكه

 

[سمو النفس]

رنوون يعني لمن اطعمينه تطعيمه 6شهور تغيرين حليبه وتبدين بالاكل تدريجيا باليوم ملعقه واليوم اللي وراه ملعقتين على شووي شووي لين تتقبل معدته وتصير وجبه كامله ونصيحه اول شي اكليه خضره لين يتعود بعدين اكليه فواكه

 

[souhaila]

بنات عفية
بنتي عمرها٨ شهور و رافضة الملعقة حاولت معاها بترجع
كله احطه بالممية
ادري مو صح بس شو هو الحل

 

[دلال.]

انا اوكلها السيريلاك القمح مع التمر .. بس ودي ادخل التمر مع شي ثاني وخايفه يكون ثقيل عليها
اعجبتني وصفه وحده من البنات بطاط مهروس مع روب

سهيله ماني عارفه الحل توني اول بيبي وان شاء الله الخبره يساعدونج

 

[ورده المحبه]

الله يعطيكم العافيه

والي تبغا تفيدنا لاتبخل علينا