والله والله اختفت الخطوط البيضا القديمه بنسبه ......% خلال اسبوعين وشي تقريبا !!!

[MisS.Wawa]

:33_1185028183:صباح / مساء الورد يا أحلى كويتيات:33_1185028183:​

​

في البدايه احب أشكر اختي "noty"​

لنقلها لموضوعي اللي شكرت فيه الأخت "GrasS" و " anl "​

و الاخت "ماي ورد" ...​

​

أول شي احب اقولكم معاناتي مع الخرايط والتضاريس اللي كانت بجسمي من الخطوط البيضا والله مو حمرا لا بيضا يعني اصعب واقدم واهيا اصلا قديمه حيل يعني زيبرا كلمه تنطبق كانت على خطووط جسمي في منطقه الخصر ؟!!​

​

الحين والله نصها اختفت والسبب خلطتي اللي بسميها الفتاكه صج فتاكه من قلب يعني وخرت نص الخطوط باسبوعين تقريبا ونعمت بشرتي سرت زبده وبيضت وشدت المكان من جهاز المساج والتجاعيد والجفاف كله باي باي لانها مركزه كل شي فيها مركز وانا بالبدايه كنت حيل ملتزمه بالبرنامج وبرنامجي عباره عن 3 خطوات اسويها كنت يوميا والله​

بكتب لكم طريقه المساج و مكونات الخلطه والسنفره اللي كنت استخدمها مع انواع الصابون​

الخلطه شتسوي :​

( للجفاف ، السترج مارك القديمه بالأخص واليديده ، تنعيم من قلب ، شد وتشيل التجاعيد ، ريحه ورطوبه الجسم) ...​

( مكوناتها )​

· 1/4 زبده الشيا الخام ( توفرها الأخت GrasS (​

· علبه كامله زبده الككاو ( ماركه بالمرز / GrasS )​

انا حطيت ماركه بالمرز لانها كانت عندي من قبل ...​

· علبه زيت جنين القمح ( ماركة وادي النحل )...​

· علبه كامله كريم كولاجين (ماركه ستيفز )...​

· علبه كريم ملتي فيتامين e ( ماركه ستيفز يديد وحجمه صغير)...​

· زبده المانجا ( نص العلبه أو كامله ) أمانه ماحطيتها نسيتها فوق وانا اسوي الخلطه بس امس ذوبتها وضفتها ...​

· الحين نيي حق كريمات ماركة بالمرز​

( كلهم بالميره موجودين ) :​

· اول كريم اسمه :​

Massage Cream for​

Stretch Marks​

With vitamin e​

Collagen & elasten ​

( هذا الكريم حجمه اطول من كف اليد وعليه صوره حامل ومكتوب عليه مركز ) ​

​

· ثاني شي اهوا لوشن واسمه :​

Massage lotion for​

Stretch Marks​

With vitamin e​

Collagen & elasten​

with shea butter​

(هذا اللوشن في زبده الشيا وتكون علبته كبيره وعصار من فوق وعليه صوره حامل ) ونفس الكلام اللي كاتبته الاخضر نفسه مكتوب على اللوشن عشان تعرفون لاني مو عارفه انزل الصور،،،

​

​

طريقه خلط المكونات:​

· تذوبين زبده الككاو بالمايكروريف​

· تحطين فوقها زبده الشيا ومن نفسها راح تذوب​

· تحطين فوقهم قرشه زيت جنين القمح​

· وبعدها كريم ورا الثاني كامل العلب كل الكريمات تفرغينهم بالخلطه ليمن تتجانس الخلطه وتسير مثل الكريم شوي اثقل من اللوشن ...​

الحين خلصنا الخلطه وسويناها نيي حق الخطوات عشان تبين النتيجه بدون التزام النتيجه بتكون بطيئه حيل ​

​

بالسباحه :​

· اول شي استخدم صابونه المره والكركم ( بالحواي موجوده ) تفتح وتشد وتضفي وتوخر الحبوب والتضاريس الموجوده بالجسم لووول ...​

· الخلطه الصابونيه اللي لونها مايل عالوردي (بالحواي موجوده ) تنعم ترطب وتبيض وريحتها تينن ...​

· صابونه الككاو ( ماكرة بالمرزبالميره موجوده ) توخر السيلوليت ترطب تنعم ريحتها تينن وكافي فيها فيتامين e وترى الصابونه لاعبه دور في الخطوط بجسمي تينن والله ...​

· سنفرة جوز الهند واللوز (من ماركة kustie بالجمعيات موجوده)​

احسن بوايد من سنفر المشمش ( انا اقولكم ليش ؟ جوز الهند : ينظف بعمق يقشر يشيل الخلايا الميته / اللوز : يرطب ينعم يبيض ويجدد الخلايا ويوحد اللون ) بنات السنفر آخر ومجرد انج تحطينها على جسمج وتسوين مساج بحركات دائرية مو بخشونه او بالليفة ؟ بتقولون ماراح تفيد انا أقولكم العكس ماتشوفون الصالونات مو اي صالون السنفره بس تكون مع مساج دائري شنو فايدته ؟؟
لمن تسوين مساج بحركه دائريه :
· تحركين الدوره الدمويه بالطبقة الاولى من البشرة اللي تكون فوق طبقة الدهون النافعة بجسم المرأه فقط ) عشان جذي البنت لو ضعيفه نسبة الدهون تكون بجسمها اكثر وعشان جذي قالوا عنا بنات ناعمين زبده ( احم ) من الله في كل جسم انثى تحت الطبقة الأولى من البشره تكون طبقه دهنية نافعه اهيا اللي تطري بشره الانثى بالتالي لمن تفركينها حيل راح تنشفينهالدهون النافهة وتجرحين نفسج وتفتحين باب تقدم سن البشره السريع >>> وبتجعدين بشرتج وبتنشفين جسمج كافي عليج تسوين مساج بحركات دائرية بالسنفره للبشره ويفضل بشكل يومي انا السنفرة بشكل يومي استخدما لويهي وجسمي والكل يسألني عن نعومه جسمي وبياضي ...
بجذي نكون خلصنا السباحه ،،،،
طريقه المساج بالجهاز:
بعد تنشيف الجسم نسوي المساج اليدوي اللي بجهاز المساج السحري بالراس المسح ،، نمرر المساج على المنطقه اللي فيها خطوط ونخليه ليمن تسين بحراره واحمرار وشويه الم بسيط حيل من تحسين بالألم تحركين الجهاز بشكل دائري على المنطقه نفسها وحوالي المنطقة ولمن تخلصين كل الاماكن اللي تبين تمحسن الخرايط والتضاريس والهضاب اللي فيها تحطين الخلطه وهم نفس الطريقه تحطينها بشكل دائري وبكميه كافيه لا تغرقين نفسج ولا تبخلين على بشرتج بشي بسيط حطي عادي ودقايق وتنشف بس بتظلين زبده وريحتها تينن من الككاو والله ....ماراح تحرقون بشرتكم بجهاز المساج السحري اذا سويتوها يوميا بس لاتعودون بشرتكم عالجهاز يعني يوم وترك وبتشوفين نتيجه انا اقولكم ليش ماراح تحرقون بشرتكم ( الأشعة الحمرا اللي تطلع من الجهاز تفتح وتشد المسام وتحرك الدهون والدوره الدموية بالطبقه الأولى والثانيه والاشعه مدعمه بفيتامين د على كلام الخبيرة اللي شريت منها الجهاز واهيا ماكانت تدري لي شانا ماخذه الجهاز بس نصحتني فيه لانه مدعم بالفيتامين وغير اني يعالج قبل ما يجمل البشره ...
بنات انا بستخدم الصابون الافريقي بدال الخلطه الصابونية
انشالله:rerrerek::rerrerek:

وأي سؤال انا حاضره ومن عنووووني:wqedqw: ،،،​

 

[سوسو العصلة]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

ونااااسه مبروووووووووووووووووووك عليج الاختفااااااااء والجسم اليدي :eh_s(9):

بس جنه برنامجج طوييييييييل ويتعب يعني انل طريقتها وااايد اسهل ومضمونه باذن الله

بس هم مشكووووووووووورة على نقل تجربج ياااعسل وعسى دووووم الوناسه والنظافه والبياض اللي يلق لق

موفقه حبيبتي :eh_s(7):

 

[بــــدور]

مشكووورة حبيبتي والله يهنيج :yaaaaaarb:

 

[حور العيون]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

ماشاءالله


الله يطول البياض والصفاء عليج

 

[shahooda123]

يعطيج العافية على نقل تجربتج

 

[ام كوشه منكووشه]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

ماشاءالله

عليج بالف عافيه ياقلبي وعقبال ماترووح كل الخطووط ان شاءالله

باذن الله بطبق طريقتج بعد مااولد ان شاءالله

مشكووره على طرح تجربتج:eh_s(17):

 

[MisS.Wawa]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

فديتكم والله يعاااااااااااافيكم انشالله يارب:eh_s(7):
اهواا لمن تقرين الموضوع تحسينه طويل بس والله ما ياخذ من وقت يعني السباحه يمكن نص ساعه على حسب وتدهين الجسم ما يبيله وقت كلش اول يوم بتحسين وقت طويل بعدين اذا ما طبقتيه كل يوم بيسير ادمان والله بتحسين شي ناقصج اذا ما سويتيه :rerrerek:​

 

[نوريهة]

يعطيج العافية

 

[حصه11]

ما شاء الله :eh_s(15):

عقبال ما اكتب تجربتي :yaaaaaarb:

 

[&موناليزا&]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

مشكورة حبيبتي:eh_s(15)::eh_s(15)::eh_s(15):

 

[حلاتي غير]

حلوه عنايتج بس عيبها وايد الاغراض

 

[A.N.L]

قلبووووو علييييج بالعاااافيه النتيجه

واستمري :eh_s(7):

 

[آمول~]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

U p

 

[miss angel]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

ماشاءالله وايد حلووه عنايتج

والله يتمم عليج حبيبتي

 

[*بسبوسه*]

الله واكبر كل هالكريمات
الشيا كافيه بس بروحها

 

[#تولين#]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

مشكوره عليك باالعافيه

 

[نــوره]

الله يتمم عليج حبيبتي

 

[Grass]

رد : والله والله اختفت الخطوط البيضا القديمه بنسبه ......% خلال اسبوعين وشي تقريبا !!

ماشاللللللله

الله يتمم عليج ولا حد يكسر مجاااااديفج استمريييييييييييييييي

ماكو احلا من العنايه بالنفسسسسسس:eh_s(15):

 

[بنت السلطآإآن]

الله يتمم عليج واستمري فديتج

:eh_s(7):

 

[أم*سلمان]

ما شالله

يعطيج الف عاافيه