والله مفتشلة اسألكم ..

[نطوووعه]

بنات بالنسبة لمشكلة الهوا االلي يطلع من ... خلال العمليه الشسمونيه

شنو علاجها؟؟ حدي تفاجأت فيها من اقل من شهر تحووووشني وانا ماكنت جذي قبل كللللللش؟؟


حدي منحرجه و مفتشله ابي حل بأي طريييييييييقه؟؟؟



ساعدوني

 

[omajiad]

ما أقدر أفييدج بس صج فشله

 

[نملة حوله]

انا كان يصير فيني جذي قبل .. بس اتوقع شي طبيعي .. بالنسبة للعلاج مادري ..
بس شي طبيعي يصير لان الهوا يدش الرحم ويطلع من عملية المعاشرة

 

[قمر من شافها طمر]

حبيبتى ساعات ايصير جذى فى اوضاع معينه : /

بس لشفتيه مستمر هذا ايسمونه هواا وفيه حريم ايعالجونه

او تبخرى بقشر بصل ..او عود زين..وتدفى على طول

وان شاء الله مالج شر

 

[ArEEj]

لالالا مو شي طبيعي

لحقي على نفسج بالعلاج

وانتبهى من اكلج ايام الدوره

احسن شي علاج الحريم نصيحه الدكتور ما ينفعج

 

[نطوووعه]

omajiad
مشكوره اختي عالمرور


نملةحولة


يمكن شي طبيعي انا مستنكره لان اول مرة يصير فيني جذي و مو تقولين توني والده لاء صارلي 8 شهوووور

مشكوره عالمرور حبيبتي



قمرمن شافها طمر


صحكلامج هالشي لاحظته يصير بوضعيات معينه :\ مع ان قبل بنفس الوضعيات مايصير و مو قبل سنييينوالا اشهر لااااء بالكثير الشهر اللي فات انا يتروالي دخلني برد اخر ايام الدوره تكرمين من جذي صار فيني هالشي بس ياريت اعرف منو حريم يعالجون ويكونون مضمونين؟
مشكوره عالرد حبيبتي



اريج



مشكورهحبيبتي هالرد بس خرعتيني صراحه انا توني صغيره على هالسوالف ان شاء الله في علاج واقدر ارد طبيعيه؟

اذا انتي تعرفين حريم يعالجون لحقيني بأرقامهم عالخاص واذا انتي مجربتهم بعد يكون احسن و اريح لي بالي عالاقل مضمونين ولا انهم يعورون فيني و يخبصوني زياده؟

 

[يمّه مني]

ترا عادي هذا هوا يكون داش
تبخري ابقشر بصل وورق حنه واكلي كمون مطحون
انا توني صايرتلي هالشغله معني مومتزوجه لمه اقعد يطلع صوت فامي قالتي شسوي

 

[frfr]

جربي تمارين كيجل وايد تفيد والصراحه فادتني انا لمده شهر كنت اسوي هل تمرين وحسيت فيه فايده

 

[زيتوونه3]

تبخري بالكركم ولبسي سروالطويللللللللللللللل واشتري من الحواي ملح النفاس وحطيه رابع يوم الدورة

 

[rzaan77]

اى صج حبيبتى انا اختى كانت نفس مشكلتج تبخرت بقشر البصل وحطة معاه كركم تبخرت فيه وتقول وهى قاعده تتبخر كان يطلع الهوى منها

 

[MaYoOoma]

صج قشر البصل ينفع يعني ؟ بس انا حامل يمكن يضرني

 

[ام علاوي-82]

الصرااحه انا ماصار فيني بس انشالله البنات مايقصرون

 

[رهوف]

اول شي مو عادي ... انتي يمكن توج والدة وماتنفستي عدل او حايشج برد عالدورة او اثناء الشغلة هذيج داشج برد
ودايما خلوا السرير بعيد عن تيار الهوا . يعني لا يصير تيار الهوا جدام ريولكم ترا انا صار فيني جذي بسبة فتحة التكيف عند ريولي

اول شي اذا ياتج الدورة اخذي ادوية نفاس حسو لهوم وشاي اعشاب واهم شي تدفي

ثاني شي استمري عالبخور مدة انا قبل فترة صار فيني جذي والحريم الكبار لما تقوليلهم عن الهوا يخافون ويقولون عنج مختربة ؟؟؟

البخور تاخذين قشور بصل احمر وقفشة كركم ومرة وتاخذين علبة ماكنتوش ... موتضحكين تاكلين اللي فيها وتترسينها تراب وتحطين عليها قطعتين فحم وتحطينها داخل المرحاض بس تسمين قبل

وتقعدين عالمرحاض وتفتحين ريولج عدل عشان يدش البخور وتحاولين بجسمج تصكين الفتحة مالت المرحاض عشان لا يطلع البخور ... وترا تحسين بحرارة الفحم بس انتي كل شوي رفعي جسمج وردي قعدي والله تحسين بعدها بالهوا يطلع منج

بعدها تلبسين بيجاما وروب وتتدفين عدل مدل .... طبعا حاولي محد يشمج لأن الريحة تفشل

وقعدي ساعة جذي بعدين تسبحي وكرري هالحركة

الشرح يفشل ادري .. بس لا تهملين روحج ترا الهوا اذا ما تعالج عدل يخرب المرة ويصير معاها رطوبة كلش مو حلوة

وتبخري بعود هم يفيد

 

[ملح وسكر]

تبخري بقشر البصل والمره

 

[منوووووله]

شنوو هاذا اول مره اسمع عن هالشي ؟؟؟

ومنكم نستفيد ماشالله عليكم اتفيدوونا ماقصرتوو


:eh_s(9): :eh_s(9): :eh_s(9): :eh_s(15):

 

[مزيونه وشقره]

انا اللي لاحظته صار من وضعيات معينه من حركات يعني

بس الحمدلله صرت الاحظ واعرف اذا دخل هوا او لا

وهمن وقت الدوره لازم تتدفين عدل وتاكلين عدل مثل النفاس وتصدقين التمارين والحره لاحظت انها مفيده وايد

ورهوف ماقصرت بجرب طريقتها بس عساني ما انسا



مع تحياتي يا حياتي

مزيونه وشقره

​

 

[سعوودية]

شوفي يا قلبي يمكنك متنفسه وطالعه توك من النفاس بس مو متنفسه زين

او انك تهملين بنفسج وقت الدوره


الصوت ذا ما يطلع غير من لاهمال وقت الدورة

اعلمك وش تسوين بس ذا بيساعد ويخفف مو ينهي الشي ذا وصوت الهواء

حنا نقول للصوت ذا خواء :: يعني خروج الهواء من الرحم مع افرازات ولزوجه من الرحم

اهم شي تتبخرين وقت الدوره بقشور البصل كمون مره وحبه سودا اشلون تتبخرين ؟؟؟

انا اعلمك جيبي صحن معدن وحطي فيه رمل وحطي الفحم فيه وحطي البخور اللي هو من قشور البصل والكمون والمره والحبه السودا

حطيه بالمرحاض وجلسي وتبخري والبسي صروالك بسعره عشان لايخش الهواء


وتبخري لين ماتحسين بالدفي خش ارحامك وتحسين بحراره

وقت الدوره تبخري الثلاث ايام لاولي


اكلي زين وقت الدوره وخلي اكلك دافي


اخذي تمر وشيلي النواة منه واعجنيه مع سمن وحبه سودا وفلفل اسود وكمون وشوي مره مو واجد

ورشاد اللي يطبخون منه الحسو عرفتي قصدي حنا نقوله رشاد اعجني التمر فيها واكليه

اشربي حليب وقت الدوره واشياء دافيه وبتعدي عن البارد

البسي شراب ترا البرد مو زين يخش جسم الحرمه

وبتعدي عن اي شي وقت الدوره فيه لزوجه او ماء واجد مثل الباميا المولخيه

اللبن مو زين المنجا الموز البطيخ كل ذي اشياء مظره وغيرها بعد مظر

اكلي مرقوق ثريد هريس جريش وقت الدوره خبيصه ومن الشغلات ذي ونشالله افدتك :eh_s(8):

​

 

[دمعة يراع]

مشاء الله عليك ياسعوديه والله استفدت من كلامك

انتي وباقي الخوات

 

[المرأه الأسد]

يقولون إن المره إطلع الهوى وشدي حيلج عقب الدوره تبخري وحطيلج تحاميل من الحواي عشان ينظفون الرحم وماتشوفين شر

 

[خبيرة اعشاب]

هلا فيكم حبيباتي

اشلونكم ؟؟

بالنسبة للهوا بس حبيت اوضح ان ماله علاقة بالتيار او التكييف ..الخ

انما خروج الهوا من المنطقة هاذي هو علامة من علامات الخراب الي يكون بالرحم ...

و في اعراض ثانية كالافرازات و توسع المهبل بشكل مو طبيعي ..يعني اتحسين في رخاوة ..و الرائحة ...الخ

و الشي هذا ممكن يكونن نتيجة لنفاس مو زين او عدم الاهتمام خلال وقت الدورة

و انصح اي وحدة اتعاني من الشي هذا انها اتطير لاي حواج و تشتري اغراض الكورس ..و تبتدي اتعالج نفسها ..
و اضمن لكم 100% ان اي وحدة اتابع الكورس بانتظام لمدة شهر رح تختفي منها اعراض الالتهابات و الافرازات و هم بعد رح تنشد من ذاخل و اتصير 100% جنها بنية هههههههههه و ما يطلع الهوا باي وضعية كانت ...

و الكورس عاشن ما اطول عليكم يكون من الذاخل لان علاج مشاكل الرحم يكون العلاج الذاخلي بنسبة 70% و الكبو او الغسول نسبة 10% و ال 20% الباقية اتكون بالاهتمام بالاكل و النظافة الشخصية و التدفئة ..يعني تلبسين سراويل طويلة و اذلاغات الخ الخ


الكورس هاذي مكوناته و ان ما عرفتوا شي كاتبوني على الخاص

السفوف : يختص بانه ينظف لجسم من ذاخل يعني الافرازات المهبليه الفطريات ...بطانه الرحم الضعيفه تنشد انشاء الله ..يعني لتقويه الرحم و الجهاز التناسلي عامة...

شاي الاعشاب : مكمل لعمل السفوف

الغسول : للتعقيم + الشد و التضييق + و القضاء على الفطريات الخارجية و الحكة


يعني العلاج يبدا من الذاخل ثم ينتهي الى الخارج


مكونات السفوف :
-4 م ك رشاد
-4 م ك سويدة
-4 م ك عنب الدب
- 2 م ك خولنجان مطحون
-2 م ك زنجبيل مطحون
-1 م متوسطة عنزروت
- كبر حبه الحمص من المرة
- 2 م ك دارسين
- 2 م ك بذور كرفس
-4 م ك بذور بقدونس
-2 م ك نخوة


طبعا الاعشاب هذولي اتنظفينهم من لشوائب و اتحمصينهم شوي على النار في مقلاه بدون دهن و بعدين تطحنينهم بالمطحنة الكهربائية و حطيهم في علبة محكمة الاغلاق
الاستعمال : ملعقه متوسطة يوميا على الريق / ممكن استعمال الوصفه في اي يوم شرط الانتظام عليها من تاريخ الاستعمال
اذا استعملتيها في ايام الدورة يكون احسن طبعا بس انا افضل تستعملينها خارج الدورة عشان اتلاحظين شكل و لون الافرازات


شاي الاعشاب :
القبضه يعني ملئ يدج من الاعشاب
- قبضه مليسيا
- قبضه مريمية
- نص قبضه اس
- قبضه قشر قهوة
**** قبضه فرسيون ابيض
****قبضه لاميون
- الحين كل الي الاعشاب الجايه منها بس 2 م ك كبيرة ( زوفا/ زيزفون / بابونج/ اذريون/ ورق حنا/ عرعر / ورق جوز/ ورق صفصاف )

الاعشاب هاذي بعد ما اتنظفينها من الحصى تطحنينها بالمطحنه الكهربائيه و تحفظينهم في علبة زجاجية

الاستعمال : ملعقه كبيره غير ممتلئه تنقع في كوب ماء مغلي ثم تشرب موزعه على 3 مرات في اليوم اولها على الريق , يعني تشربين اول مره ثلث الكوب على الريق بالاضافه الى ملعقه السفوف و اتغطينه و الباقي اتوزعينه على طول اليوم

الغسول :

نص كوب اذباغ الي هو عباره عن قشر رمان مطحون
نص كوب مريميه مطحونه
ربع كوب خزامى مطحونه
ربع كوب ورد مطحون
ربع كوب بابونج مطحون

اذا تبين اتحسنين من ريحته بس جيبي صابونه المسك و ابشريها مع الخلطة ( صابونه المسك يعني مسك جامد اي نوع )


و تطحنينهم بالمطحنة و تحفظينهم في علبة زجاجية

الاستعمال :

ملعقة كبيره تغلى في لتر ماء لمدة 10 دقائق تبرد و تفى ثم تستعمل كغسول قبل النوم


الكورس يتابع الى حين التخلص من الافرازات و الالتهابات و كل مشاكل الرحم يعني 3 اسابيع اقل شي

بعدها يستعمل في ايام الدورة فقط [/B][/SIZE]