والله ماعرفت احط لهم عنوان يوصفهم !!

[Queenleo]

قوه بنااات

انا بحط هالموضووع من عقب ماشفت موضوع وحده من الخوات عن ريال ينطق قبال بيته

شنسووي اذا الاخلاق صارت ابييزه وانعدمت الرجووله:eh_s(1):

منو فيكم شافت هالفيديوو عن شايب ينطق من مجموعه شباب بمستشفى

ويوم زوجته هالعووده افزعتله وبتدافع عنه قام واحد منهم ولكمها بويها!!

هالفيديو صج الي هزني وتضايقة منه

شباب هالوقت لاقاموا يحترمون كبير ولا صغير

اول لو الشايب او العجوز يسون الي يسونه مانتحجى ونسكت

بس موضه انا ريال عالفاضي بدت تنتشر :cxxxp:

ماقول الا حسبي الله ونعم الوكيل فيهم ان شاء الله

والشرهه على اشباه الرياييل الي واقفين يتطمشوون

لانخوه ولا رجوله!! :eh_s(14):

ولا تشووف ريال عود وزوجته ينطقون والمسكينه تتكرفس بالارض وواقفين ماتسون شيء والله ماقول الا الله يرحم ايام يدي ويدتي كان اذا دش غريب فريجهم حطوا العين عليه واذا غلط اعفسوا عيشته

http://www.youtube.com/watch?v=8n4JPPtF-mY&feature=related

 

[manoooram]

لا حول ولا قوة الا بالله انا ما شفت اللنك بس حبيت أعقب على سالفة الأخلاقيات
حسافه زمن النخوة و الشجاعه والفزعه ماله هويه مؤكده بزمنا الحالي
الكل من يخاف ويقول شعلينا موقفهم ضعيف للأسف !!
وانا اللي كنت منزله الموضوع مال الريال اللي ينطق يم باب بيتهم
حسبي الله ونعم الوكيل فيهم

 

[عـيّــآره]

ماتو الريايل فديتج مابقى الا اشباه الرجال
هالزمن الريال يلبس تاج ويحط قلوس ويصبغ شعره شنو متوقعه
منهم
​

 

[دلوعة صلوح]

حسبى الله ونعم الوكيل فيهم
حسبى الله ونعم الوكيل فيهم
حسبى لله ونعم الوكيل فيهم

 

[PuPa^^SWeeT]

حسبي الله و نعم الوكييل


ليش عااد الطق



شنو هذا


حسبي الله ونعم الوكيل

وانتي قلتيها اشباه رياييل و مالهم من الاخلاق بشي

 

[سفييره الكويت]

كثرت الذكور وقلت الرجال..!


سابقا حين نقول هذا رجلا

ماكان يطلق عليه الا لكرمه وشجاعته واخلاقه وغيرته على بيته واهله والناس

 

[мαѕт αʟ-sнαяơ]

حسبي الله ونعم الوكيل

شباب هل الايام ما ينقال لهم رياجيل

ناسين الاخلاق للاسف

ياليت لو فيه قانون يمنهم

مشكووره اختي على الموضوع

 

[pusy cat]

انقرضو الرجاجيل والله

حسبنا الله ونعم الوكيل

 

[VET-Nour]

وااييي حراام
صج ما يستحون اصلا هذيل ذكور مو رجال حرام ينقال لهم رياجيل !
مالت عليهم ,
الشرهه ع اللي يتطمشون ما يقومون يدافعون عن هالشايب ! ؟

الكويت كل مالها و تصير من سيء الى أسوء , من بعد ما كانت من احسن الدول ,

قهرر والله ؛@

 

[فلنتينو]

والله عيب مو رجووله وقووه تمد ايدك علئ ريال كبير
او علئ مره

مصبنه

 

[حبي بيرين]

الحكمه من الضرب ؟ هل اثبات انهم رجال !
ردود اليوتيوب تقول انهم (.........)
الموضوع فيه ان واخواتها بعد لكن مهما يوصل الموضوع مايصير اعتدى ع المرأة الرجل له قوة يدافع عن نفسه(فخار يكسر بعضه ) لكن المرأة المفروض تقدم شكوى عليهم ليه ان شاءالله بأي حق يمد يدة لوحدة ماهي محرم له (همي المرأة اكثر من الرجل)
مشكلتكم مع الرجل المرأة وش دخلها بالموضوع ؟
المقطع مو واضح هل الرجل شايب او لسه بالثلاثين؟؟
ان كان بالثلانين معناه فيه بينهم شئ كبيروياما شفنا مضاربه رجال بالعقال والعصا وغيرة وحتى بعد بالسكاكين
لكن ان شايب ابدااااااا مالهم ادنى حق بضربه ؟

 

[حلمي امريكا]

حسبي الله ونعم الوكيل

تدرين في الزمن هذا نفتقد شيء اسمه ( احترام وذوق )

يعني الشخص الي فيه هالصفات نادر

يعني احس ما صار احد يضرب حساب كبير صغير متعلم جاهل > يتكلم وبس

مع ان المفروض مع التقدم العلمي والناس صارت متعلمه وواعيه الا أني نلاقي. ضعف شديد باهالناحية

بس ترا هذا يرجع ( الارتباط الديني & التربية )

لان لا دينا يسمح با هالشيء لأننا مسلمين والإسلام دين تسامح والاخلاق الرفيعة

ولا هو من تربيتنا وعاداتنا

 

[عادت ذكرياتي]

اللي حارني ليش المتجمهرين ما يدافعون حتى لو الشايب غلطان تظل له هيبته

 

[' #sǎrǎh . . ']

،
الله يقويك
للاسف ماعا فيه رجال في هالزمن الا نادر
والشيى الي بغيت اجن به ليش الشباب الي واقفين ماسوي شيى استغفر الله
حسبي الله ونعم الوكيل

 

[Tom ♥ Jerry]

.

انعــــدآم الرجولة

 

[Queenleo]

حيااكم الله بنات

والله نسيت هالمووضوع :/

اي والله انا مابط جبدي غير الي واقفين يتطمشووون

استغفر الله

ياحليله واحد بس الي لابس تي شيرت ازرق اهوا الي تدخل

والباقي ماتت الرجوله فيهم الله لايبلانا

ولا حرمه تنطق جدامكم وانتوااا تطمشوون

الله لايبلانااا

ويعطيكم العافيه عالردوود وحده ووحده

 

[نونه المنكوشه]

يعل ايدهم الكسر ان شاءالله وحسبى يالله عليهم

 

[حمام شاقني فنه]

شوفي الرد الي قبل الاخير فاليوتيوب تعرفين ان الموجودين ماككانو رجال شي ثاني


والهيئه مبين انهم اهل اخت واخوان وبينهم خلاف هيك



الله اعلم ويصلح حالنا

 

[بيرلا ستور]

ناس وسخة ولا دين ولا حياء والله العظيم
حدي انقهرت

وااااااااااي ياقلبي عليها شلون يضرب حرمةةةةة قمة الدناءة ربي حسيبه

ولى زمن النخوة