هوس التبييض عند البنات .. امبيه وين ثقتج بنفسج !!!

[بحر الذكريات]

جان زين اصير بيضه لووووووووووول

 

[لا مو صج!!]

الجمال ما يعتمد على لون البشره سواء كانت بيضه او سمره !! أهم شي الملامح والطول والجسم والشعر واللون الواحد هذا اهم شي بنظري ويعطيج العافيه حبيبتي على الموضوع الحلو

 

[a3andho0om]

اممممم كله حلوووو بنسبه لي انا و بيضه حلوه وبس اسوي تان حلوه مولأني مو وااااثقه من نفسي بس ونااااسه تغيير لوك يديد والجميييله جميييله مو لون بشرتها يحكم عليها المهم يكووون موحد و صاااافي واللي تبي تبيض كيفهااا يمكن حابه التغيير مثل اللي تسوي تااان يعني اللي تغير لون شعرها مو واثقه من نفسها ما اعتقد المسأله مو جذي و مو شرط الريال يحب البنت البييضه لوووول تضحك هالسالفه

 

[لآ بيرلآ]

انا بيضا .. بس مسألة اللي صاير مو صج

اوكي تحافظين على لونج .. اسمريتي من الشمس و انتي اساسا بيضا و تبين تردين لونج ..
آمنا بالله ..
بس ان انتي لونج مو ابيض اساسا و تبين تبيضين غصب !! ليش ؟
صاير اللون الشبحي .. كاسبر !!
يعني الشي الطبيعي من عمره حلو .. اشوف هالبنات سمرا و تلطخ بالفاونديشن و تصير طحين والله مو حلو !!
و المصيبة لمن تقلب رمادي !! يا مامييي .. تخرع !!

ماكو لون احلى من لون .. لا البرونز احلى من البياض و لا البياض احلى من السمار ..
الحلو ان لونج مناسبج و بس ! يعني تخيلوا بيونسيه بيضا ! وااي لا مأساة لوول
تخيلوني انا سمرا حيل !! و الله كلش اصير جيكرة !!

طبعا التان برا الموضوع لانه مثل الميك أب .. فـ بس العبرة باللي يصلح حق كل بنية ... ماكو شي يتعمم لا بياض و لا سمار

 

[Loutes]

انا ادور توحيد اما تبيض بالعكس انا سمراء وعاجبني

 

[نتاشا الجميله]

انا عن نفسي
اشوف البياض احلى على البنت
البنيه البيضا زبده وجبنه شحلاتها تشتهيها النفس ^_^
وتعطيج احساس انها نظيفه


وهذا مايمنع تكون السمره والحنطاويه حلوه ^_^ احنا بالون مو بالجمال

وشكرا

 

[viva la glam]

فيه سمر ملكات جمال وفيه بيض جياكر والعكس

 

[يــاغربـــالي]

حبوبه ماله شغل بالقه بالنفس //


اللي تحط خلطات بياض مثلها مثل اللي تحط مكياج وتكشخ

الواحد بيطور من نفسه/

لو كان هالشي سالفة ثقه جان كل بنات الكويت الثقه زيروو

بس هذا شي عادي ماحد بيوقف على شي اكيد الكل يدور الاحسن

واذا البنت متأكده ان البياض حلو عليها ليش ماتدور خلطات خل تدور

وانا اشوف اغلب اللي يدورون مايبون يغيرون جسمهم كله يبون يبيضون منطقه معينه / تكون شاذه عن باقي الجسم وسمارها زايد

يسلمو ع الماااااااااااضوع <جيكو

 

[وردة-الكويت]

انا اشوف ان مافيها شي يعني وحده حابه تغير من شكلها يمكن ريلها قال لها ابيج بيضه مافيها شي

مع اني ترا عمري مادرت ا حطيت اي خطله على وجهي

لكن يمكن البنت شايفه انها اذا صارت بيضه بتكون احلا يعني نفسيتها ترتاح

وناس اذواق

هم يت فتره بنات يصبغوون بشرتهم برونزي عادي كلن وذوقه

 

[اسوووره]

والله تبين الصج البيضه تبي تصير سمره و السمره تبي تصير بيضه و ام شعر ناعم تبي كيرلي و ام الكيرلي تبي الناعم و الضعيفه تبي تمتن و المتينه تبي تضعف و بالاول و الاخير (( لكل زهره عطرها )) و (( القناعه كنز لا يفنى )) و اهم شي الثقه بالنفس ...

و بالنسبه للون البشره ما يعني الجمال لانه من وجهة نظري انه الملامح اهيا اللي تحدد مستوى الجمال باختلاف لون البشره بيضه كانت او سمره ...

 

[SaD FaCe]

في فرق بين اللي كانت بيضه وتبي ترد حق لونها ..وفرق اللي اهيه اساس مو بيضه وتبي تبيّض روحها غصب هذي عاد لا تعليييييييييييييييق !!

شلون اذا انتي مو بيضه من الله .. ومو كل بيضه حلوه ..

نقص نقص

ومشكووووره عالموضوع

 

[حصووونه]

انا اهم شي عندي لون واحد سواء بيضه او سمرررره بس

 

[a7La_3eMeYa]

اشكردج ختي عالموضوع اول شي
والله كلامج عدل انا رايي حلو انج توحدين لونج و تصفين بشرتج بس مسألت تفتيح لا يعني حلو البرونزي الحنطاوي الابيض و الله يعني انا بيضه و عادي عاجبني لوني و اختي حنطاويه و عاجبها لونها لا و بعد تبي تغمج اكثر لووول بس اهم شي الوحده تكون واثقه من جمالها و لونها و نفسها يعني تصفين بشرتج اوكي اما هالبناات اللي اييدها لوون و ويها جنه حاطته بطحين ويع مو حلو و الله عندي لو تحط نفس لون بشرتا بتطلع احلو مليون مره
ادري مافهمتو شي خخخخخخ
و الناس كل واحد مايعجبه شي لوول مادري ليش

 

[NoNoFeTa]

انا بيضه ولايعه جبدي من لوني ادور السواد دواره لوول امووووووووووووووووووووووووووت عالبرووونز بس ارجع الديره بتسدح عالبحر لي تصكني الشمس واصير كووووووول
واااه يالاسمر يااازين
واصلا من قال البياض حلووو بالعكس لو البياض حلو جان تغنو عالبيضه مو عالسمره هههه
ويا سمر ياسمرانني اااه من اسك علياااا هههه

 

[أمانيQ8]

طفارتي الفنديشن الأبيض ...وع يصيرون اشبااااح ولا لي اضحكت وطلعت الضروس الصفر يااااااااااااااو اتقولين متمضمضه بكركم لووووووووووووووووووووووول
واي فانديش ابيض عاد؟؟؟ اللي مثل اليص الأبيض او الطحين والله يصير لووعه

 

[هجورة (:]

انا حنطااوية والحمد لله عاجبني لوني
واخواني كله يقولولي يا العبدة>>شدعوة p:
عاد اذا قالت لي اختي يا العبدة اقولها يا البيضة كاااااك
حتى تحطمت تقول حق امي يبيله نروح البحر نتسدح عشان نسمر p:

 

[عاشقة الكاكاو]

والله البيااض حلوو

بس حتى السمرر يهبلووون ودمهم خفييف >>> خخخخخخ الاخت حنطاااويه

والله الانساان مو بلونه بأخلاقه

وبالنسبه حق التبييض انا اسعى مو حق التبييض حق توحيد لون الجسم هذا الأهم

وبالنسبه حق العروووس ماكو شي طبيعي بالعرس

كله مكياااج وكريمات اساااس

بس كل شي على صاحبه حلووو

والشااااطره هي اللي تبرز الجمااال بشكلها

 

[مراام]

up

up


ردودكم روعه وفعلا الناس اذواق .. انه الوحده تغير من اللوك هذا شي حلو لكن انا قصدي البنيه اللى تذبح عمرها وتجرب كل خلطه عشان تصير بيضه او البنيه اللى تحط فاونديشن افتح من درجه لونها بوايد علبونه بصير بيضه انا ماشوف هذه واثقه من جمالها بالعكس اهيا قاعده ترسل مسجات للناس انى مو مقتنعه بشكلي وغصب طيب بحاول ابيض روحي


انتظر باجي مشاركاتكم

 

[شوشو الشقيه]

يشرفني ان اكون في صفحتج
الروعه
صح لسانج
يا قمر
والله موضوع رائع
انا عندي قاعده اساسيه في حياتي
الي يريدني يريدني على حالي بطباعي وتصرفاتي ولوني واصلي
اذا ما مو عاجبه في بنات كثيرات
في بنات اجمل مني واحلى مني و اغني مني واطيب مني واجمل مني بالف مني بالف مره
خليه يختار واحده منهم
اقولها بشكل صريح العباره تره الدنيا مليانه بنات اختار واحده تعجبك
ولكن الانسان يعتني بنفسه
بشكل طبيعي ومعقول وليس شكل جنوني
من اختكم شوشولشقيه

على فكره في بنات بيض ولكن ما فيهم ملامح بصراحه بدون جمال
في بنات سمر لكن عليهم ملامح وجمال رباني
بالعكس شوفوا الهنود صدق سمر ولكن عليهم جمال رباني حلو
شوفوا الممثلات الهنود

يا بنات الي ياخذك عشان جمال والله طماعان في جمالك بعد ما يشبع منك يبحث عن اخري اجمل منك
اخذي الرجال الي ياخذك عشان اخلاقك وطباعك
حتى في اختيارك للرجل اخذي الرجل الذي يكون عالي في اخلاقه وليس لمنصبه او جماله
الجمال ما يدوم
ما يبقي الا وجه الرب

 

[بنوته86]

انا ابنظري اشوووووووف السمررررررر اهم الاحلى واهم الانعم
مااقول انه البيض مو حلوين بس اانا اشوووف السمر الصراحه يجذبوووووون
فيهم جاذبيية
ومشكوووووورة عالموضووع