هل تخجلين عندما يكون لديكي صديقه معاقه ؟

[عـواشـه]

لابالعكس عادي وكانت عندي صديقة معاقة وكنت استانس ان تكون معاي احس اني مسوية شي زين

وجهه نظر
بارك الله فيج
شاكره مرورج

 

[عـواشـه]

بالعكس المعاقه تلقينها احسن من البنات اللي نشوفهم الحين



واكيد بتكوون صديقتي بعد

بارك الله فيج اختي الكريمه

 

[عـواشـه]

بالعكس مافيها شي والي يعيبون يقولون ويييع اهم الي معاقين
ابيييه يعيبون على خلقه ربهم مايخافون يحوشهم

بارك الله فيج ..
للاسف هالفئه من الناس معاقين نفسيـآآ

 

[عـواشـه]

ماراح أخجل والله أحطها فوق راسي وأمشي
وخل يقولون الناس اللي يقولونه

بارك الله فيج ..

 

[عـواشـه]

والله حبيبتي الاعاقة ان صحت كلمة اعاقه اقولها لمعاق النفس والاحساس والاخلاق فقط وهل الانسان ان ولد بعيب خلقي امتحنه فيه رب العباد يكون له عار لا عن نفسي اتشرف يكون عندي صديقه او اخت او قريبه عندها عيب خلقي من ذوي الاحتياجات الخاصه ان مو ذنبهم والله قادر يبتلي المعافى والصحيح باي لحظة والانسان قبل لا يعيب احد ويتشمت فيه لازم يرجع ويحاسب نفسه ويخاف ربه حبيبتي لا يهمج احد ولا تخجلين ولا تستحين باحد والله يشفي كل انسان لانا كلنا مريضين مو ضروري بالجسد الا في العقل والنفسية وبدرجات

:rerrerek:
جزاج الله خير على المرور

 

[عـواشـه]

:rerrerek:
رايي من رايها
ما شاء الله وصلت اللي كنت بقوله بالضبط

بارك الله فيج وفيها
شاكره مرورج

 

[عـواشـه]

لاا ما انحرج ولا شي بالعكسس يمكن الصديقة المعاقة مرات تطلع احسسن من باجي الرفايج مع الاسف الحين في ناس يعتبرون اللي يصادقون المعاقين وجذي عييب ولا فشلة وجذي بسس الفشلة والاعاقة منهم اهم لانهم شافوا روحهم على خلق الله =( اصلاا انا كانت رفيجتي وحدة تقريبا جذي في لها اعاقة مؤقتة بريولها لانها مسوية حادث وفي بنات كانوا يضحكون عليهاوجذي ويقلدونها مرات وهي تمشي انا ماحب جذي
يعني اشدعوة شايفة روحج بس وانتي تعيبين عليها المفروض يضحكون عليج ><

يعطيج العافية علآ هالموضوع =)

الله يعافيج
جزاج الله خير

 

[عـواشـه]

اناعندي سوايه سوى كانت مجنونه او عاقله او معاقه لان الانسان له كرامه ويجب عدم ان ندني من هو مبتلى من تلك الامور بال با العكس يكون التعامل بكل رقي ولين الجانب لهولاء وهذا ليس لوضعهم بال لااوامر الله تعالى في ذلك وكم من معاق افضل من غير معاق با اخلاقه ودينه

بارك الله فيج :eh_s(17):

 

[عـواشـه]

شي عادي لي الفخر متعوده اخوي مايسمع مرا واحده متعوده عليه ولي الفخر فيه
قاعده سوالف وجيه تلفون مسج ورسايل علي الواتي اب شنو مشكله
وبعدين مو حنا الي نقرر نصاحبهم ولا اهم بعد له حق يختارون الي يصحبهم علشان فيه ناس تستغلهم عرفتي
وبعدين فيه ناس تجمل تقول ايه اصحبهم لي الفخر بس وقت الصدقيه شهر شهرين تشوفين كل يوخر منهم

بااارك الله فيج على وجهه نظرج الصريحه
شاكره مرورج :eh_s(17):

 

[عـواشـه]

لا حبيبتي ما أخجل أكييييد ومافيها شي إذا رافجتها يعنني الصرااحه كانت رفيجتي بالمتوسط معاقه ذهنيناً اشووي >بس مسكينه ما ادري ليش حاطينها بمدرسه عاديه لأنهاتعبت واايد من الدراسه كانت صعبه حييل عليهاا المهم داايم بناات يعيبوون عليها مسكينه كنا انا ورفيجتي الثانيه داايم نهاوشهم الله يهديهم

لاحول ولا قوة الا بالله ..
هالفئه من الناس الي يعيبون على المعاقين .. فئه ماعندها رحمه وقاسيه واذا شافت المعاقين بنظره قاسيه او كلش كلش .. شفقه للاسف من رايي مانحسسهم انهم غريبين ..
بارك الله فيج على المرور

 

[عـواشـه]

طبعا لا ..خير ان شاء الله ليش ماعندهم الناس إحساس ومو كلنا بشر وموممكن ربي يتليهم بعيالهم وأهلهم..لاحول ولاقوة إلا بالله

ماتصور ان في ناس لا إحساس ولا ضمير ولا رحمة وأنا بالنسبة لي حالهم حال اي شخص طبيعي

الحمدالله الذي عافانا مما ابتلاهم به وفضلنا على كثير ممن خلق تفضيلا..

ويقولون عنا شعب متطور...اي هين

بارك الله فيج ..
:eh_s(17):

 

[عـواشـه]

بالعكس افتخر بذلك ولا اخجل
فأنهم غير مخيرين بهاذي الاعاقه
لانه ابتلاء من الله عز وجل

بارك الله فيج .. :eh_s(17):

 

[عـواشـه]

اخجل !! وليش اخجل

انا اقولك متى اخجل .. اذا انا صادقت وحده معاقه فكريا وتقول ( وووووويع وش هالاشكال ) ليش الاعاقه لبس ولا قصة شعر و لا لوك هي مسويته ؟؟

بارك الله فيج

 

[عـواشـه]

ماأظن فيه نآس تخجل من المعاق

مستحيل< مو مستوعبه يقولون ويع لشي هم مالهم حيله فيه


عسى ربي يصلح الحال

شاكره لج مرورج اختي

 

[عـواشـه]

الحمدلله والشكر اشحقه اخجل وانا ناطره الاوادم علشان يقولون منو امشي معاه ومنو ما امشي معاه . اذا انتي حاطه في بالج الناس فانتي فيج نقص ومو واثقه في نفسج

جزاج الله خير على وجهه نظرج :eh_s(17):

 

[عـواشـه]

طبع ماراح أخجل يالله تذكرت موقف في الجامعه كنت جاالسه وجنبي معاقه بصريا ماعرفه يالله لو تشوفين البنات لما يلتمون حوله كاانو يحبونه بشكل مو طبيعي وهي االبنت سبحان االله لما تتكلم ينشرح صدرك لها وتسأل عن الجميع

ماشاء الله
بارك الله فيكم ..
:eh_s(17):

 

[عـواشـه]

مايعيب الانسان الا اخلاقه الشينه

:rerrerek:
شاكره مرورج

 

[عـواشـه]

مشكورين بنااااااااااااات ويعطيكم العافيه
صدقيني الناس الحمدلله فيها خير واللي يتفشلون ويتكلمون فئه قليله جدا الله يشفيهم محد ضامن صحته
انا والحمدلله من ذوي الاحتياجات الخاصه وعادي عايشه حياتي اطلع اكشخ استانس والحمدلله اهلي عمرهم ماحسسوني اني غير
الحمدلله لي صديقات ماشاءالله ينحطون على الجرح درسة وتخرجت والحمدلله ماحد ضايقني ابد ولاحسسوني اني معاقه

حبايبي ابي منكم تدعون لي باالوظيفه السنعه >>> (كيفي اتشرط :bbbiu:
والستر وتيسير اموري
لكــــــــــــــــــــــــــــــــم:eh_s(7):

الله يعافييج
ماشاء الله بارك الله فيج اختي الكريمه
الله يوفقج وتاخذين الوظيفه السنعـه

 

[عـواشـه]

اكيد لا لانه الانسان المعاق بتفكيره و اخلاقه مو بعاقه الجسديه

بارك الله فيج

 

[عـواشـه]

شدعوووووووووه ليش أخجل ؟؟؟؟؟!!!!

بالعكس لااااااااااااا أخجل أبدا ..

بارك الله فيج