هرمون الحليب

[ghalaty]

السلام عليكم واشلونكم في أحد عنه معلومات عن أضرار ارتفاع هرمون الحليب وشكراااااااااااااااااااااااا

 

[الزينة]

الي اعرفه انه ارتفاعه يمنع الحمل..اعرف وحده عقب ولادتها ما خذت اي مانع ولا حملت لمده ثلاث سنوات.وليما راحت حق الدكتوره قالت لها السبب في عدم حملها ارتفاع هرمون الحمل

 

[ghalaty]

شكراا اختي على مرورج وردج عندي خبر عن سالفة تاخير الحمل بعد فيه اضرار ثانيه؟؟؟؟

 

[coffee]

هلا غلاتي سلامات
لازم تسوين التحليل عقب ما يسدحونج بالفراش وتكونين مرتاحه لان اقل سترس بيكون التحليل غلط

راجعي الطبيب احسن ومافيج الا العافيه

 

[*دبدوووبه*]

هرمون الحليب
اهوا البرولاكتين
اذا ارتفع يسبب الام بسيطه بالصدر او ضغطات
واذا كان مرتفع لي 600 ما يعطونه علاج
اذا اكثر من 600 يعالجونه
ولازم عند سحب الدم
لتحليل البرولاكتين
اقل شي الاعصاب تكون مرتاحه ربع ساعه
لان اي خوف
او قلق او تفكير
يرفع نسبة البرولاكتين وينشطها
وللعلاج
لازم مراجعه دكتور امراض نساء و ولااده

وانا انصح في
ناهده العلي
و فوزيه القطان

 

[q8ia_cutaa]

اوكي انزين اذا وحدة بنية ماتزوجت ..

ويوم حللت طلع 960 !!!!


اعتقد كنت مخترعه يومها لان ماحب الابر.. فهل هذا الي زاده ّ!!!


قاعدة احاتي

 

[ملكة الأحساس]

بالنسبه لهرومون الحليب انا اعرف من اضراره انه يخربط الدوره ومايخليها تجي منتظمه
وانا كنت اعاني منهعندي بشكل غير طبيعي لدرجة اني كان يطلع بعض قطرات من الحليب من الصدر لما اضغط عليه:eh_s(1):
انا استخفيت لما شفت هالشي وللعلم انا مو متزوجه بس لما رحت للطبيب قالي لالاتخافين وسوالي التحليل وطلع مثل ماقلت مرتفع حيل 6000 والطببيعي لازم يكون 600 يعني انا دبل جم مرررررررره
بس مع العلاج انخفض والحين صار 800 وبغيت ارد اعالج بس قالتلي الدكتور هذا عادي الحين مع الزواج ينضبط

والاخت q8ia_cutaa

حبيت اقولج مسألة الخوف ترى مالها اهميه بالموضوع كم مره انا اسوي التحليل علشان اشوف النسبه عمرهم مقالولي لالاتخافين ولاترتبكين بس يقولون لازم تكون تقريبا خامس يوم بالدوره على ماذكر

 

[ghalaty]

مشكورين خواتي :eh_s(17): على ردودكم والبذات اختي دبدوبه شكرااا على معلوماتج القيمه

 

[jolie_q8]

ملكة الأحساس

بالتحليل هذا بالذات لازم تكونين مرتاحه تقريبا ساعه

لانه اي جهد راح يطلع التحليل غلط

واحتمال هذا اللي صار وياج

حتى اذا كنتي ماشيه للمختبر وسيده قعدتي علشان تحللين << هم يأثر

لازم تكونين مرتاااااااااااحه جدا

وشكرا

 

[jolie_q8]

السلام عليكم واشلونكم في أحد عنه معلومات عن أضرار ارتفاع هرمون الحليب وشكراااااااااااااااااااااااا

شوفي هالموضوع

واتمنى يفيدج ويرد على كل اسألتج

http://q8yat.net/showthread.php?p=1351900#post1351900

 

[*دبدوووبه*]

اذا ارتفع هرمون الحليب>>البرولاكتين
عند البنت المومتزوجه
لازم تعالجه
لان يسبب ألام بالصدر في اغلب الاوقات
ويخرب فترة التبويض ويلعب في انتظام الدوره
قبل جم يوم كنت عند دكتورتي وقالت لي هالكلام
والله اعلم
بس بالنسبه للي انا عالجته
كان كلام الدكتوره صح
والخوف او تسارع في دقات القلب
يأثر في هالهرمون
لان مرتعب في هرمون الطوارئ
فيرفع هرمون البرولاكتين
علشان جذي ربع ساعه قبل سحب الدم
تكونين طبيعيه
وريلاكس
واذا كنتي خايفه
طلبي من الدكتور او الدكتوره اللي بتسحب لج الدم
بخاخ المخدر
انا استخدم هالبخاخ
طبعا مو كل دكتور يوافق
بس انا دكتوري وايد طيب هههههههههه ومسكين مايقولي شي
لان الخوف بالانسان محد يقدر يتحكم فيه
والله يعافي الجميع يارب

 

[ملكة الأحساس]

jolie_q8

شوفي عزيزتي انا كنت اتعالج لمدة 3 سنين بس مو متواصله يعني كنت اقطع لفترات وارد بعدين اعالج ومريت على اكثر من دكتور وكل دكتور لما يستلم حالتي يطلب مني تحليل وكلهم يطلبون انه التحليل يكون خلال فترة الحيض وما عمرهم جابوا لي طاري اني اكون مرتاحه مادري ليش اول مره اسمع منكم هالكلام معقوله كلهم مايفهمون شي مادري والله الله العالم

ومشكوره على المعلومه

 

[*دبدوووبه*]

ملكة الاحساس
عززتي
انا بنصحج نصيحه
وانتي اذا حبيتي سويها
واذا ماحبيتي
ماراح اخسر شي

سوي هالتحليل البرولاكتين ؛هرمون طبعا
ثاني يوم الدوره
وخلج مرتاااحه
وهاديه ولا تشدين اعصابج
ولا تتنرفزين
وتنفسي بكل هدووء
وشوفي اذا صار تغير ولا لا
انا محد كثري جرب بتحاليل الدم والهرمونات
خصوصا البرولاكتين
يوم بالخامس ويوم بالحادي عشر
لم سويته بالثاني
طلع اضبط شي
والله العالم

 

[ملكة الأحساس]

*دبدوووبه*

يسلموا يادبدوبتنا على النصيحه لاخلى ولا عدم

بس انا الحمدالله الحين نزل عندي الهرمون صار بس 800 يعني بس باقي 200 واوصل حق المعدل الطبيعي وانا مثل ماقلت فيما سبق انه الدكتوره قالتلي عادي هالنسبه مافي منها خوف

وبيني وبينج انا اكره شي عندي التحاليل لاني بس اخذ التحليل اصير بعالم ثاني ادوخ ويصفر وجهي وقلبي يقعد يدق وبعض مرات توصل لدرجة التشنج
لان عندي فقر دم وهذا يأثر علي

 

[*دبدوووبه*]

ماتشوفين شر ياقلبي ياملكة الاحساس
ليش ما تطلبين البخاخ المخدر؟
ترى انا نفسج
قلبي شبه يوقف من الخوف
والله الحين في هالشهر ولا 7 مرات مركبه درب وساحبين دم
بس كلا بالمخدر
لان صج صج ماقدر من الخوف اعصابي مادري شيصير فيها

بس ماتشوفي شر يالغاليه
ومع العلاج ان شاء الله كل شي يتعدل

 

[ملكة الأحساس]

*دبدوووبه*

الشر مايجيج فديتج

بصراحه اول مره اسمع انه في بخاخ مخدر حق سحب الدم كان زييييين والله ويفكوني من هالعذاااااااب اللي اشوفه مايسوى علي علشان شوية دم اتشنج

بس بغيت اقولج انتي يحطون لج هالبخاخ وين بالمستشفى حكومي ولا خااااص

 

[*دبدوووبه*]

هلا ياقلبي
انا اسوي التحاليل بالخاص

بس لم سويت بالحكومه
قالت لي السستر
بلالاش دلع ايه مخدر
كولهاا شكت ابره ههههههههههه زفووني
بعدها حرمت اسحب دم
كلا بخاص

 

[طير الحب]

تجربتى ... ماله اعراض اكتشفته بالصدفه وكان 1000

وعندى عيال ودورتى منتظمه .... اللهم ما اعرف الا من التحليل

 

[jaggy-cat]

من اعراض ارتفاع هرمون الحليب

1- العقم.
2-اضطراب الدورة الشهرية أو غيابها.
3-استمرار تدفق الحليب من الثديين.
4-ضعف الشهوة الجنسية.
5-جفاف القناة التناسلية .

أعراض موضعية:

1-الصداع.
2-الضغط على الأعصاب البصريةاضطراب في الدورة الشهرية

عند زيادة هرمون البرولاكتين يجب عمل:[/u]
بعض التحاليل مثل قياسالهرمون بالدم بعد ساعتين من استيقاظ المريضة.
أشعة علي الرأس لبيان الغدة النخامية وتحديد وجود أية أورام من عدمه.

قياس البرولاكتين في الدم:
200 نانو جرام/ميللتر أو أكثر هذا مؤشر لوجود ورم بالغدة النخامية بالمخ.
100-150 نانو جرام/ ميللتر هذا يجعل هناك شك بوجود ورم بالغدة النخامية.
ولذا يجب عمل أشعة مقطعية علي المخ لتأكيد التشخيص في الحالتين السابقتين.

أما إذا كان زيادة الهرمون من 50-60 نانو جرام/ميللتر هذا يشير إلي اضطرابات في الهرمونات والتبويض وبالتالي فشل الإخصاب الذي يكون معظم الشكوى بالنسبة للمريضة وهنا يجب قياس هرمونات الغدة الدرقية T4,t3,tsh في الدم أيضا وذلك لعلاج الحالة وإرجاع التبويض الذي يحل المشكلة.

ولكي نقلل البرولاكتين في الدم يجب استخدام ما يحث علي زيادة الدوبامين مثل بروموكريبتين 2.5 مجم