هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[بنت باباتي]

يلا ياحليوين يا امهات المستقبل علموني شلون احط شريط الحمل انا عرفت اسوي كل شي بس ما اعرف احطه بالتوقيع

 

[بنت باباتي]

ام عبود شو بدك ياني احسب لاني قاعده اقرى المشاركات انتي كاتبه حق ام بناتي
ام باباتي مت من الضحك بس يلا اختي الخبره عندي قولي لي شنو احسب

 

[بنت باباتي]

وووووووووووووينكم ليش الهدوء عندكم قاااااااااتل انا كان المنتدى معلق معايdatabase error بس فصلت وشبكت ومشت الامور اوكي

 

[الداعية]

انا بعد مو معاكم بس حبيت ادش ادعيلكم انه الله يثبت اجنتكم يارب
وتقر عينكم بشوفتهم بين احضانكم

 

[بنت باباتي]

آمين معاج ان شاء الله

 

[Om Banati]

ام عبدالله انتي موعد ولادتج صح 13-12 ما فرقت على يوم وانتي الحين بالاسبوع العاشر و 3 ايام الله يتمم عليج يارب معناته الشريط اللي انتي حاطته واقف يمكن والا حسبتج صح
وانتي الحور مو عد ولادتج 6-12 باذن الله وانتي بالاسبوع الحادي عشر لوووول يعني 11 و 3 ايام بعد والله يحفظلج اللي ببطنج ويارزقج الولد الصالح وانا وياج كلا رازة عمري
بنت باباتي الظاهر تخربطو البنات بيني وبينج انتي شلونج بشرينا عنج ؟
وباجي الحوامل الحلوااات شلونكم ؟

 

[مظلومه ياناس]

غلا الدنيا الف مبروك عالحمال ديري بالج على نفسج .......انتي باي اسبوع الحين؟ انا بعد بالاسبوع السادس وماتوحمت الحمدلله لاحقه على دبلة الجبد والغثا


انا باجر موعد سوناري الاول ادعولي بنات اشوف الكيس واسمع النبض ........ انابولدي سمعت النبض من الاسوع السابع بس سمعته مو عند دكتورتي سمعته عند اخصائي السونار حميد الطالب

 

[مظلومه ياناس]

اي صج بنات اللي ودها تتطمن عالبيبي وسماكة الرحم وحجم البيبي وبدقة تروح لحميد الطالب اخصائي السونار ويحددلج موعد الولاده بالضبط سبحان الله انا واختي حددلنا وولدنا بنفس التاريخ مو نفس حسبة دكتورتي............... انا وخواتي كل شهر نروح نسوي شيك اب عالبيبي عنده والسونار عنده ب15 دينار ومكانه بحولي

 

[ام مهدي]

شلونكم حوامل وشلون البيبيات ؟
ام بناتي عفية حسبيلي انا بعد ماعليج امر آخر دورة لي 31 /3 وانا ما اعرف حق الشريط كلش وابي أعرف أنا بأي اسبوع

 

[Om Banati]

هلا فيج ام مهدي اتي موعد ولادتج 5-1 باذن الله والحين لج 7 اسابيع ويوم واحد والله يتمم عليج ياااارب

 

[Om Banati]

بناااات اليوم تكرمون يوم دشيت الحمام ولا اشوف بقعه دم كبيرة بس غااامجة يعني مو دم فاتح سوري لوعت جبدكم بس والله حدي مخترعه دقيت على عيادة دكتورتي قالتلي السكرتيرة الدم الغامج يعني هذا دم قديم انتي يا مسوية مجهود يا شايله شي ثقيل لازم تريحين وتنامين على ظهرج واذا نزل شي مرة ثانية تعالي واذا بس مرة وحده عااادي ماكو مشكلة بس ريحي تهقوون عادي والله قاعده واوسوس الحين انا مافيني شي بس مادري نفسيا ظهري قام يعورني ولا قبلها ماحس بولا شي وانا على طووول اشيل بنتي عمرها سنه و 3 شهوور تهقون من جذي ولا شنو ؟؟ انطر ولا اروح اراجع شسوي شوروا علي انا اول مرة بصراحه يصير فيني جذي ولا حمله من قبل نزل علي دم ماعندي خبرة

 

[ام مهدي]

حبيبتي ام بناتي اول شي مشكورة وماقصرتي وثاني شي ان شاء الله ما فيج إلا العافية بصراحة انا ماادري شنو اللي صارلج بس ان شاء الله ماكو شي مدام قالولج اذا مرة وحدة عادي يمكن اهما أخبر بس ديريبالج وارتاحي واذا على شيلة بنتج اسم الله عليها ان شاء الله ما يأثر لأن أنا بعد كله شايلة ولدي عمره سنة و7شهور والله الحافظ ان شاء الله ويتمم علينا

 

[@ ام عبدالله @]

ام بناتي ماتشوفين شر ان شالله بس انا اقول روحي للدكتوره احسن وجيكي عالبيبي واسمعي نبضه علشان تطمنين

اكثر لاتاخذين راي السكرتيره روحي احسن ماتدرين يمكن يعطونج مثبتات ولا شي احسن لج هذا رايي وان شالله

ماعليج الا العافيه

 

[@ ام عبدالله @]

بنات انا بديت اتردد بالاول كنت متحمسه اولد بمستشفى دار الشفا بس هالناس بدو يتحلطمون من المستشفيات

الخاصه والظاهر اني بولد بمستشفى الاحمدي عند الدكتوره سميتا الهنديه سمعتو فيها وشرايكم فيها علموني

 

[Rafeef]

بالعكس المستشفيات الخاصة عناية و كمــــــــــــــــــــــــــــــام على الاقل ما تحسين بالولادة الاصلية بس بتلاطيشها و مهما احد قالج حس بالولادة الاصلية فهذا ما يعرف اصلا لان في كمام ... و إللي حس في بعض الالم بس عباله كله ....
و بعدين الخياط عند الخاص على طلبج و شكله الخارجي تجميلي ما يبين كلش و الداخلي على طلبج اما الحكومة شخبط شخابيط .....يصير شكل الخياط شوارع و فيه عقدة على قوله الكل.....
و الولادة أصلا توفيج من رب العالمين و عليج بالدعاء و بذل الاسباب.... و بعدين تختارين الدكتورة الكفاءة مو اي شي في اسماء لامعة في هذا المجال.....
( بالنسبة لي في ولادتي السابقة كنت بدار الشفا عند الدكتورة معصومة...... اللهم لك الحمد و ماشالله عليها و الله يوفقها وين ماراحت صج كفائة و خبرة اهم شي)
حتى على كلام الوالدة عنها لانها كنت داخله معاي بالولادة تقول اول دكتورة اصادفها جذي تعاملها و هدوووووووووووووءها و حكمتها لان ولادتي كانت متعسرة حييل .... و إهي حدها هاديه كانت
و الوالدة قارنتها مع دكاترة ثانين من مستشفيات مختلفة لانها كلا تدخل الولادة مع خواتي و خالاتي

 

[الحور]

ام عبدالله انتي موعد ولادتج صح 13-12 ما فرقت على يوم وانتي الحين بالاسبوع العاشر و 3 ايام الله يتمم عليج يارب معناته الشريط اللي انتي حاطته واقف يمكن والا حسبتج صح
وانتي الحور مو عد ولادتج 6-12 باذن الله وانتي بالاسبوع الحادي عشر لوووول يعني 11 و 3 ايام بعد والله يحفظلج اللي ببطنج ويارزقج الولد الصالح وانا وياج كلا رازة عمري
بنت باباتي الظاهر تخربطو البنات بيني وبينج انتي شلونج بشرينا عنج ؟
وباجي الحوامل الحلوااات شلونكم ؟

هلا والله Om Banati مشكوره ياعمري .. الله يرزقج ويرزقني بالولد
هالمرا انا اللي رازه عمري وياج لووووووول:tomato2::tomato2::dddds:

 

[الحور]

بناااات اليوم تكرمون يوم دشيت الحمام ولا اشوف بقعه دم كبيرة بس غااامجة يعني مو دم فاتح سوري لوعت جبدكم بس والله حدي مخترعه دقيت على عيادة دكتورتي قالتلي السكرتيرة الدم الغامج يعني هذا دم قديم انتي يا مسوية مجهود يا شايله شي ثقيل لازم تريحين وتنامين على ظهرج واذا نزل شي مرة ثانية تعالي واذا بس مرة وحده عااادي ماكو مشكلة بس ريحي تهقوون عادي والله قاعده واوسوس الحين انا مافيني شي بس مادري نفسيا ظهري قام يعورني ولا قبلها ماحس بولا شي وانا على طووول اشيل بنتي عمرها سنه و 3 شهوور تهقون من جذي ولا شنو ؟؟ انطر ولا اروح اراجع شسوي شوروا علي انا اول مرة بصراحه يصير فيني جذي ولا حمله من قبل نزل علي دم ماعندي خبرة

ماتشوفين شر يأم بناتي وريحي نفسج لاتعبين عمرج .. ولي شفتي الدم مره ثانيه وان شاء الله ماتشوفينه
راجعي دكتورتج .. ام بناتي حبيت اسئلج منو دكتورتج وبحملج هاذا سويتي طريقة تحديد جنس الجنين ياليت تفيديني ..

 

[الحور]

بنات انا بديت اتردد بالاول كنت متحمسه اولد بمستشفى دار الشفا بس هالناس بدو يتحلطمون من المستشفيات

الخاصه والظاهر اني بولد بمستشفى الاحمدي عند الدكتوره سميتا الهنديه سمعتو فيها وشرايكم فيها علموني

حبيبتي على راحتج انتي وين تلقين راحتج روحي .. وبالنسبه لمستشفى الشركه انا اسمع حيل يمدحونه ويقولون نفس الخاص .. وانتي شوفي اللي يريحج .. والله يسهل عليج ..

 

[Om Banati]

هلا حبيبتي الحور مشكووورة على الدعوه و الشر ما ييج والله صج ضايق خلقي الله لا يضيع تعبي ان شاء الله .. انا اراجع عند د.دلال السالم واهي اللي ولدتني بكل حملاتي وانا احبها ولو اني اسمع وايد ناس يذمونها بس انا ماشفت منها الا كل خير وعارفتني ماودي اغيرها مرتاحه وياها..
تصدقين انا بنتي الصغيرة عمرها 1 و 3 شهور قبل لا انوي اسوي الطريقه بجم شهر حملت بالغلط سبحان الله والله ماكتب اسوي الطريقه وهالمره هم سبحان الله حملت وانا ارضع بنتي وحاطه لولب تخيلييييي اذا الله كتب ماكو شي يمنع وصج هالمره حسيت ان اكييد خيرة جنه الله مايبيني اسوي الطريقه وهم ريلي قال نفس الشي هذي حكمة ربج واكيييد هالشي مافيه خيره لج والله يرزقنا يارب باللي فيه الخير لنا والحمدلله على كل حال ..
مشكورين حبايبي ام عبدالله و ام مهدي والله يتمم عليكم يارب ومشكورييين على النصايح انا بنطر لي باجر اذا استمر الدم بروح اراجع ان شاء الله والله يطمنا ياربي

 

[الحور]

الله يثبته ياعمري ويكتبه لج ولد .. الخيره فيما اختاره الله ..