نداء لكل وحده سوت اطفال انابيب ضروري!

[حلوة الاخدود]

بسالكم اللي مسوين اطفال الانابيب
اول مره اخوض تجربة اطفال الانابيب
المراجعات اللي طافت لسونار زادولي مرتين ابر التنشيط

انا باجر ثالث مراجعه للسونار
هل شي طبيعي؟

ثاني شي انا باجر مراجعتي يصيرلي اليوم 19
هل شي طبيعي يردون الاجنه بالايام الجايه
لنفرض يكون لي باليوم 24 او اليوم 25

مايأثر على البويضات ؟
اتمنى تردون علي؟

 

[رتولة]

بصراحه ما اعرف انشاءالله يفيدونج البنات
حبيبت ادعي لج
عسي الله يرزقج بالحمل السليم و تقر عيونج بشوفة عيالج

 

[glby7sas]

شوفي تجمع التوأم رديت عليج

 

[حلوة الاخدود]

حبيبتي قلبي حساس شفته
جزاج الله خير ودعواتج

 

[حصوص88]

اطفال الانابيب اثناء فتره التنشيط لازم كل يومين او يوم ترك تروحين للطبيب عشان السونار و الطبيب يحدد اذا يزيد جرعه المنشط او يقللها حسب استجابه البويضات و حجمها و عددها لحد ماتوصل للحجم المطلوب و بعدها راح تأخذين ابره تمنع نزول الدوره و ابره ثانيه عشان تفجير البويضات و بعدها ب24 ساعه راح يتم سحب البويضات تحت تخدير كااامل و بس تخلصين راح ياخذون عينه الزوج و تنطرين 3 ايام او 5 ايام حسب البرتوكول اللي يتبعه الدكتور معاج وطبعا الارجاع باليوم الخامس افضل لان البويضه الملقحه راح تكون بحجم البلاستوسيت و هذي اكبر شوي و فرصتها للاتصاق اكثر و هم في ناس يرجعون لهم البويضات باليوم الثالث بالذات اذا البويضات الملقحه كانت شويه .. قانون دوله الكويت يقول المريضه اللي عمرها تحت 35 يتم ارجاع جنينين فقط لاغير و اللي اكبر من هالعمر يرجعولها 3 و الباقي يفضل تجمدينها لان في حال فشل العمليه يتم اعادتها الشهر اللي وراه بدون حاجه للتنشيط و السحب مره ثانيه راح يكون فقط ارجاع… واي سؤال ثاني انا حاضره اتمنى اني كفيت جذي… و ربس يكتب لج النجاح و ثبات الاجنه من اول محاوله و يرزقج بالذريه الصالحه .. بعد الارجاع كثري من شرب الماااي نصيحه شربي ماي بمعدل 3 لتر باليوم و كثري من اكل البروتينات و ابتعدي عن السكريات و الوجبات السريعه .. موفقه

 

[حلوة الاخدود]

حصوص كفيتي وفيتي يعطيج العافيه
الحمدللله الموعد الاثنين السحب
دعواتكم