ناس محرووومه ومعدووومه وناس الله راهي عليها@@@@

[شادن33]

السلام عليكم حبايبي

طبعا الله سبجانه مقسم الارزاق ومحد يعترض علي اي شي
الله كاتبه ومكتوب في اللوح المحفوظ عنده
لان لكل شي حكمه خافيه عن بني ادم ولابد انها تكون لصاح الانسان
حتي لو كانت في نظره شر بس اهي خييير له سواء كانت في الوقت الحاضر او في المستقبل

هذا شي مفروووغ منه وكل عاقل يعرف
انزييين
موضوعي عن شي ثاني
اهو كيف تتعاملين مع المحروووم من اي شي كان
من المال
من الصحه
من الزواج
من العيااال

في ناس الصراحه موليه ماعندهم احسااااس
يعني وحده محرووومه من العيااال والثانيه قاعده اتبوس ولدها واتفداه او تبيين حبها الاوفر لولدها
اووحده حالتها الماديه مو لي هناك يادوب لمصروفها اومصروووف بيتها والثانيه تمدح السوق الفلاني او البضاعه الفلانيه واهي مشتريه منها ولازم اتجربونها وجذي اهي يمكن موقصدها بس الوحده الفطينه اذا عرفت ظروووف صديقتها
المفروووض تراعي مشاعرها وماتذكر شي تتحسس منه هذا اهو الذوق والتربيه الصحيحه
ونفس الشي في المحروم من الزواج وصديقتها بعدها مومتزوجه اتيي تمدح ريلها والزواج اوكيه بس اللي جدامج محروووم ماعنده حلو انج اتبينين السلبيات والايجابيات من كل جانب عشان الواحد مايحز بخاطره اوينجرح



ابي وجهات النظر
تحيااتي

 

[شادن33]

انتبهوا انا ما اقصد الحسسسد لاء
اقصد الذوق بالتعامل مع هالفئه

 

[نجداويه نجد]

السلام عليكم حبايبي

طبعا الله سبجانه مقسم الارزاق ومحد يعترض علي اي شي
الله كاتبه ومكتوب في اللوح المحفوظ عنده
لان لكل شي حكمه خافيه عن بني ادم ولابد انها تكون لصاح الانسان
حتي لو كانت في نظره شر بس اهي خييير له سواء كانت في الوقت الحاضر او في المستقبل

هذا شي مفروووغ منه وكل عاقل يعرف
انزييين
موضوعي عن شي ثاني
اهو كيف تتعاملين مع المحروووم من اي شي كان
من المال
من الصحه
من الزواج
من العيااال

في ناس الصراحه موليه ماعندهم احسااااس
يعني وحده محرووومه من العيااال والثانيه قاعده اتبوس ولدها واتفداه او تبيين حبها الاوفر لولدها
اووحده حالتها الماديه مو لي هناك يادوب لمصروفها اومصروووف بيتها والثانيه تمدح السوق الفلاني او البضاعه الفلانيه واهي مشتريه منها ولازم اتجربونها وجذي اهي يمكن موقصدها بس الوحده الفطينه اذا عرفت ظروووف صديقتها
المفروووض تراعي مشاعرها وماتذكر شي تتحسس منه هذا اهو الذوق والتربيه الصحيحه
ونفس الشي في المحروم من الزواج وصديقتها بعدها مومتزوجه اتيي تمدح ريلها والزواج اوكيه بس اللي جدامج محروووم ماعنده حلو انج اتبينين السلبيات والايجابيات من كل جانب عشان الواحد مايحز بخاطره اوينجرح



ابي وجهات النظر
تحيااتي

~

وعليكم السلام ورحمة الله وبركـــاته

طيب أنا بكتب بشكل عام وأوضح وجهة نظري فإن أصبت فمن الله وإن اخطأت فمن نفسي والشيطان .. أنتي ذكرتي مثال [ الزواج ] ولعلي انطلق في الحديث عنه ..:



:::

يقول تعالـــي [ ومن آياته أن خلق لكم من أنفسكم أزواجاً لتسكنوا إليها, وجعل بينكم مودة ورحمة, إن في ذلك لآيات لقوم يتفكرون ]

فالزواج لايختلف إثنان علي انه من أجَّلْ النعم وأرفعها .. << ع الأقل في الدنيا ..
وبه تأنس الفتاه مع زوج تكون معه بقية حياتها سواء كان زوجها صالحــا ً أو طــالحـــا ً .. يكفي انه ينتشلها من شبح العنوسه الذي يطرق أبواب المسلمين وبات يُهدد كُل بيت .. لكن إذا لم تُرزق الفتاه بزوج هل تعيش بقوقعة الأكتئاب والحسد ..!!



لا...!!

العاقله تعلم أننا عابرون وان حياتنا لاتتوقف علي رجل ..!! بل انتي وهي وأنا خُلقنا لهدف أعظم من أن تنكح إحدنــا زوج لربما يُخرجها من عز أبيها إلي بيته فلا يُكرمها ,,!!


...


أختي الكريمه الله قسم الأرزاق كما أسلفتي واذا الله تعالي رزق صديقتك وبدت تتحدث عن سعادتها مع زوجها أليس من باب أولى أن أبرمج أحاسيس إزاء هذه المواضيع وأن اتعامل معها بإجابيه هذا حقها أن تتحدث عن حياتها ..!! لابد ان اكون الناصحه لها في حياتها مُعينه لها ,, لا أن أطلب بُكل أنانيه ان لاتتحدث أمامي عن حياتها .. كيف تكون صديقتي إذا لم تُفضفض لي وتشاورني وتطلب رأي عن حياتها ..!! ماأجمل أن نكون قناديل في حياة أصدقائنا


واذا الله لم يرزق إحــدنا زوج ..!! فهي ليست كبيرة الكبائر بل لابد ان أشغل حياتي بما ينفعنا لا اكون عاطله باطله واضع يدي علي خدي افكر بفارس الأحلام أن يأتي ولربما لايأتي فضيعت حياتي بحلم وهمي ..!! يجعلني أفكر وأوسوس بإمور سلبيه تؤثر بشكل عكسي علي حياتي ..!!



...


عزيزتي الحياه جميله وحلوة خضره إذا أزلت هذه الأفكار والأحاسيس من رأســــي ورضيت بقضاء ربي وقدره والله للحياه مع الله والأنس به أجمل من حياه فانيه ..



.....


جربي الحياه مع الله من اجل رضاه فهو الكريم إذا رضي أعطى وأجزل في العطاء سبحانه

 

[روانتي 12]

سلام عليكم . .

بنسبه لي اذا شفت ناس جذي تمدح اشيئاء و الي جدامها محرومه على قولتج . . راح أنبهها بأي طريقه ان كانت . .
و أقول يبي لها هديه او شي من المحل الي مدحتيه ومن هالكلام . . عشان لا يحز بخاطرهم ومرعاة لمشاعرهم .

 

[ماتغير شي]

انا مريت بالمواقف هذي الله الرازق والنعم بالله

بسس فيه نــآس تعمد تجرحگ من هالناحيه


انا محرومه من العيال وانا راضيه وعندي ثقه بالله انه راح ايي يوم ويرزقني


في ناس مادرو عن عيالهم وإذا شافوني يحبون عيالهم ويبالغون بس عشآن يجرحون اللي جدامهم


بالنسبه لي تعودت عليهم وصآر عندي شي عآدي


ويسلموووو على الموضوع ياشاادن &#55356;&#57144;&#55356;&#57144;

 

[Patcholli]

معاج حق وايد ناس عديمين احساس للاسف .. الواحد شيقول الله يصلحهم

 

[ترانيم القصيم]

~

وعليكم السلام ورحمة الله وبركـــاته

طيب أنا بكتب بشكل عام وأوضح وجهة نظري فإن أصبت فمن الله وإن اخطأت فمن نفسي والشيطان .. أنتي ذكرتي مثال [ الزواج ] ولعلي انطلق في الحديث عنه ..:



:::

يقول تعالـــي [ ومن آياته أن خلق لكم من أنفسكم أزواجاً لتسكنوا إليها, وجعل بينكم مودة ورحمة, إن في ذلك لآيات لقوم يتفكرون ]

فالزواج لايختلف إثنان علي انه من أجَّلْ النعم وأرفعها .. << ع الأقل في الدنيا ..
وبه تأنس الفتاه مع زوج تكون معه بقية حياتها سواء كان زوجها صالحــا ً أو طــالحـــا ً .. يكفي انه ينتشلها من شبح العنوسه الذي يطرق أبواب المسلمين وبات يُهدد كُل بيت .. لكن إذا لم تُرزق الفتاه بزوج هل تعيش بقوقعة الأكتئاب والحسد ..!!



لا...!!

العاقله تعلم أننا عابرون وان حياتنا لاتتوقف علي رجل ..!! بل انتي وهي وأنا خُلقنا لهدف أعظم من أن تنكح إحدنــا زوج لربما يُخرجها من عز أبيها إلي بيته فلا يُكرمها ,,!!


...


أختي الكريمه الله قسم الأرزاق كما أسلفتي واذا الله تعالي رزق صديقتك وبدت تتحدث عن سعادتها مع زوجها أليس من باب أولى أن أبرمج أحاسيس إزاء هذه المواضيع وأن اتعامل معها بإجابيه هذا حقها أن تتحدث عن حياتها ..!! لابد ان اكون الناصحه لها في حياتها مُعينه لها ,, لا أن أطلب بُكل أنانيه ان لاتتحدث أمامي عن حياتها .. كيف تكون صديقتي إذا لم تُفضفض لي وتشاورني وتطلب رأي عن حياتها ..!! ماأجمل أن نكون قناديل في حياة أصدقائنا


واذا الله لم يرزق إحــدنا زوج ..!! فهي ليست كبيرة الكبائر بل لابد ان أشغل حياتي بما ينفعنا لا اكون عاطله باطله واضع يدي علي خدي افكر بفارس الأحلام أن يأتي ولربما لايأتي فضيعت حياتي بحلم وهمي ..!! يجعلني أفكر وأوسوس بإمور سلبيه تؤثر بشكل عكسي علي حياتي ..!!



...


عزيزتي الحياه جميله وحلوة خضره إذا أزلت هذه الأفكار والأحاسيس من رأســــي ورضيت بقضاء ربي وقدره والله للحياه مع الله والأنس به أجمل من حياه فانيه ..



.....


جربي الحياه مع الله من اجل رضاه فهو الكريم إذا رضي أعطى وأجزل في العطاء سبحانه

راااااااااااااااااااااااااائع بحق :eh_s(9):

جزيتِ الجنّــة يا غاليــة ,, :eh_s(17):

و أزيد على كلامتس :

أنـا ما لي سلطة على النّاس حتى أمنعهم من التعبير و الفضفضة عن حياتهم الشخصيّة

لكنّي أقدر أمنع نفسي من الحقد و الحسد و النّظر إلى الموضوع بمنظار سلبي من زاوية ضيقة

 

[المرتاحة]

اشلونج اختي شادن عساج طيبة


شوفي اختي شادن

اللي يتحسس بالنقص وخاصة لما يكونون الناس اللي حوالية يتكلمون بعفوية مو قاصدين انهم يحرونه او يعايرونه بطريقة غير مباشرة اعتقد العيب يكون فيه اهو شخصيا ونقص في ايمانه مو في الناس.

بما اني مو متزوجة لكن ما عندي اي مشكلة اذا قعدت مع صديقاتي المتزوجات و تكلموا عن حياتهم الزوجية بكل عفوية بالعكس ما اتضايق و اشاركهم الحديث بس وايد اتضايق اذا حسيت وحده تحاول انها ما تتكلم خصوصاً جدامي لانها بتصرفها هذا تحسسني اني ناقصة او اقل منهم ما جني امرأة عاقله و مقتنعه بنصيبي.

ونفس الشي الفقير يعني عادي اذا تكلمنا بعفويه بدون ما نقصد ان احنا نتكبر بالرفاهيه اللي احنا عايشينها..وحتى المحرومه من الاطفال يعني انا اشوف الناس اللي تتحسس بزيادة ناس مو قنوعه ومو راضية بقضاء الله و خاصة اذا صارت الناس اللي حواليها عفويين ما يقصدون يجرحونها

 

[شادن33]

المرتاحه حبيبتي صح كلامج
بس انا اشوف انه حتى لو هالفئه مو راضيه بواقعها وهذا يمكن يكون صح
بس في ناس راضيه بما قسم الله لها بس ساعات تتحسس من النقص اللي عندها خصوصا اذا كان موابايدها تغيره
فانا اذا كنت عندي هالنعمه ما اقعد اتفاخر فيها خصوصا جدامها عشان لا احسسها بالنقص عرفتي

 

[الزورق222]

وليش نعتبر كل من يتكلم بشكل عفوى عن حياته ناوى يقهرنى مثلا عادى الموضوع ولازم الكل يرضى باللى قسمه له ربي يمكن يكون فيه خيره له ..

 

[شادن33]

شااااكره للكل حبايبي

 

[MiSsY HottY]

الله ياخذ ويعطي

 

[أحلى البشر]

موضوعج قمممه ياليت يتثبت والله

واااايد نعاني من هالسالفه خصوصا المتزوجات لين قعدت تمدح طلعتها مع زوجها وسفراتها لا ومرات تفصل تفصيل شنو صار معاها وشنو شرالها وسوالها والفندق الفلاني والله مو حسد بس تحز بالخاطر انزين تسولفين لبنات مو متزوجات شتستفيدين يعني ؟؟؟

وشغله ثانيه اشوف مالها حل وهي البنوتات ام 9 و10 سنوات عليهم لقاااافه مو طبيعيه يعني بنات اخواني وخواتي لي صرنا قاعدين بالصاله تليقفت وحده انتي ليش ماعندج بيبي؟ بطنج في بيبي؟ متى تصيرين عروس؟ عاد جدام الكل وتعالي لقطي ويهج والمشكله حتى اهلهم يفتشلون !

 

[فجر 1]

موضوع حلو .. كل انسان بيتعامل هو وذوقه ............
احلى البشر ( ضحكتنى سالفه البنات الى عمرهم 9 وعشره سنين .. دائما تصير .... ) ...

 

[زعفرانة_73]

فى البدايه أحب اشكرج أختى شادن على الموضوع​

فى شغله انتوا ناسينها واهى(رضا الناس غاية لا تدرك)
تدرون ليش لأنهم لو اسكتو وما تكلموا عن اللى الله منعم عليهم فيه بيقولون ويييييه تخاف من العين والحسد واذا تكلمت قالو تحر وتقهر وتضايق اللى ما عنده ، فدايم حطو على بالكم ان البنى آدام صعب ترضينه.
وتذكروا فى آيه كريمه( واما بنعمة ربك فحدث):eh_s(7):​

 

[شادن33]

اي والله زعفرانه بس انا احتر لماانكون في يمعه واتتي وحده اتسولف وتتفاخر واهي اتعرف اللي يمها ماعندها هالشي او فاقدته
وانا قاعده اشوف اثنيناتهم الثانيه بعد قلبي تبلع ريجها او تغير السالفه والله اتعب عشانها
اتصدقين امي علمتنا ان ما نتكلم عن وناستنا او اشياء نملكها جدام محروووم والله مو عشان الحسد لا والله
بس عشان لايحز بخاطره وينقهر علي نفسه واحتراما لشعوره
عاط ما ادري امي صح ولا لاء

 

[شادن33]

فجر واحلى البشر مشكووورين

 

[روحها في الكويت]

صح كلامج

 

[زعفرانة_73]

اي والله زعفرانه بس انا احتر لماانكون في يمعه واتتي وحده اتسولف وتتفاخر واهي اتعرف اللي يمها ماعندها هالشي او فاقدته
وانا قاعده اشوف اثنيناتهم الثانيه بعد قلبي تبلع ريجها او تغير السالفه والله اتعب عشانها
اتصدقين امي علمتنا ان ما نتكلم عن وناستنا او اشياء نملكها جدام محروووم والله مو عشان الحسد لا والله
بس عشان لايحز بخاطره وينقهر علي نفسه واحتراما لشعوره
عاط ما ادري امي صح ولا لاء

حياتي شادن اذا كانت الأخت اللى تتفاخر وتتقصد اتحر اللى ما عندها وتكرر هالشى أكثر من مره ( وهذا يرجع شنو نيتها والله أعلم)، هالشى يكون مو من الذووق ، ولازم تحط بالأعتبار ان هالشى يجرحها .​

 

[شادن33]

صح كلامج زعفرانه كل واحد ونيته
مشكوره بعد عمري