نادي %كويتيات% لهواة التصوير الفوتوغرافي

[SabaQueen]

مشكورين بنات على التشجيع و الله يسهل إن شاء الله و افوز

حتى لو ما فزت لا سمح الله يكفي اني شاركت

 

[SabaQueen]

اليوم رحت الساير و الغانم علشان اشوف كاميرا كانون لقيت و السعر ما يفرق بس الساير راح يعطيني جنطه كبيره معاها و الكاميرا اللي بغيتها اهيا كانون 400 D
مع عدسه مايكرو يصير سعرها 475 شرايكم فيها ؟!؟!

 

[يالبا قلبي]

الكاميرا عجيبه سبا اخذيها

اهي بالغانم انا سألت 340 تقريبا
بس بالساير مادري

 

[Pink GirL]

سبا >> الغانم مسوي معاها عرض معاها برينتر خاص للصور ,, واعتقد غير دولاب الحظ الي راح تربحين فيه كوبون مبلغ اعتقد

 

[supermarket]

سبا بالاول شوفي الفرق بالنت

يمكن تطلع لج ارخص او عروض مثلا...

http://www.bhphotovideo.com/


http://www.amazon.com/

 

[SabaQueen]

الكاميرا عجيبه سبا اخذيها

اهي بالغانم انا سألت 340 تقريبا
بس بالساير مادري

اي و الله عجيبه و الزين فيها حجمها حلو صغير و خفيفه كاميراتي اللي قبل كانوا كبااار ..

نفس السعر مثل ما قلتي بالغانم ،
اما الساير بعد عطاني مثل الغانم و زياده جنطه و زدت عليها عدسه مايكرو طلعت كلها ب 475
الصراحه ارخص من النيكون

 

[SabaQueen]

سبا >> الغانم مسوي معاها عرض معاها برينتر خاص للصور ,, واعتقد غير دولاب الحظ الي راح تربحين فيه كوبون مبلغ اعتقد

هلا اختي بنك للأسف ما في عرض عن البرنتر !!
بس دولاب الحظ موجود عااد و حظي

 

[SabaQueen]

سبا بالاول شوفي الفرق بالنت

يمكن تطلع لج ارخص او عروض مثلا...

http://www.bhphotovideo.com/


http://www.amazon.com/http://www.amazon.com/

تصدقين اختي سوبر ماركت لقيتها بآمازون ارخص لا و معاها عرض حلو و تطلع بالكويتي تقريبا
265 دينار

بس الصراحه آنا ما اعرف اطلب من النت بس اختي عندها حساب في آرامكس بشوفها اذا تطلب لي و اوفر لي اكثر من 100 ينار

 

[جروح تبتسم]

سابا انا لمن اخذت كامرتي > اللي لي الحين ماصورت فيها لووووول


من دولاب الحظ ربحنا موبايل طبعا بوطقه عطيته سايقنا لووووووووووووول

 

[supermarket]

سبا خلي اختج تطلب لها لج من الارامكس

او طلبيها من مركز سلطان ... انا طلبت كاميرتي منهم

 

[جروح تبتسم]

سابا كوين

روحي قسم كويتيات مول وسيدات الاعمال هني بنفس المنتدى والبنات ماراح يقصرون معاج
راح يطلبونها لج برسم الخدمه وبعموله بسييييطه

 

[Harmony]

واي عبالى هالموضوع وقف لوما انى دخلت موضوعج اليديد يا سوبرماركت
و شوفينى خوش بنت اسمع الكلام رديت عليج هنى لوووول

تسلمين على الدليل فعلا مفيد و منه عرفت ان هالموضوع شغال و عرفت عن موضوع جاي مال معلومات الصور تسلمون ثنتينكم

 

[supermarket]

هارموني

تابعينا انا وجاي

ومش حتغمض عينيك

ههههههههه

 

[Pink GirL]

سبا >> شلون ؟؟ اهم حاطين اعلان في الكاتالوج مالهم انا توني يوم الاربعا ماخذته محطوط فيه ان اذا شريتيها يعطونج معاها البرنتر !!!
حتى بيني وبينج قعدت افكر اخذها ولا لأ

 

[SabaQueen]

سبا خلي اختج تطلب لها لج من الارامكس

او طلبيها من مركز سلطان ... انا طلبت كاميرتي منهم

هلا بالغاليه

بغيت أسألج مركز سلطان لما طلبتي منهم جم خذوا منج عموله ؟؟ و جم يوم على ما وصلت ؟؟

 

[SabaQueen]

سبا >> شلون ؟؟ اهم حاطين اعلان في الكاتالوج مالهم انا توني يوم الاربعا ماخذته محطوط فيه ان اذا شريتيها يعطونج معاها البرنتر !!!
حتى بيني وبينج قعدت افكر اخذها ولا لأ

هلا بنك
آنا و الله رحت و شفت الكاميرا و شرح لي البياع كل شي و عطناني السعر بعد الخصم . بس ما قال لي عن العرض !!!
ليش ما تطبينها مثلي من آمازون اذا الله سهل لان حاطين عرض وااايد حلو

 

[جاي وحليب]

SabaQueen

انا كاميرتي 400D
طلبتها من النت .. انا ماعندي حساب بارامكس ولااعرف حق هالسوالف
فـ كنت ادور مكان اطلب عن طريقه وياخذ نسبه، ماكنت ادري عن خدمة
مركز سلطان وقتها.. المهم لقيت سايت لهم مكتب يوفر هالخدمة وياخذ نسبه
راح اخوي ودفع النص اول شي وعطوه وصل، وبعد ماوصلت دفع الباجي
المكتب يطلب من امازون واهي بامازون 270 تقريبا ..
مع النسبه اللي خذوها طلعت علي 315 .. واخذت معاها ميموري 1GB
كنت ابيها مع عرض بس للاسف العروض كانت خالصه وقتها...

من برا تفرق وايد بالسعر عن الكويت.. شوفي الانسب لج وتعاملي معاهم..

 

[Pink GirL]

سبا كوين >> بنطر ان شاء الله شهر 4 لأن بيني وبينج كنت خاشة جم فلس لما فكرت اشتريها وطارواااااا على ساعه عجبتني

جاي وحليب >> يعني لا طبنا ولا غدا الشـر اهي بالغانم 340 واكيد معاها ميموري مايفرق وايد !!

 

[جاي وحليب]

بنك .. انا لما اخذتها ماكانت نازله بالكويت
وماكنت ادري ان في اماكن تاخذ نسبه اقل من اللي تعاملت معاهم
علشان جذي ممكن تحصلينها ارخص
واعرف وحده خذتها من الامارات 280 جنه المهم اقل من الـ 300

وعلى فكره اذا كان في ميموري ايي معاها فـ مو 1gb

 

[supermarket]

سبا :

سلطان ماياخذون منج عمولة ... بس مصاريف الشحن

انتي روحي لهم خليهم بس يحسبون لج مع الشحن اذا عجبج السعر

توكلي على الله ودفعي نص ولما توصل دفعي الباجي

وانا طولت تقريبا 10 ايام