انا جربتهم ..
انا يمكن من عمري ١٣ و انا اعاني من شعري والتساقط و من دكتور لي دكتور
و جربت كل شي حق الشعر كل شي مافاد شي
رحت حق دكتوره و قالتلي جربي الميزوثيرابي و راح يردلج شعرج و من هالحجي
وسويت الكورس تقريبا شهرين
والله العظيم احلفلج ان شعري ما تغير ولا نتفه
و التساقظ طل
بس اروح كل اسبوع تطقطق راسي بهالابر و ادفع همجه و ارد البيت
ولا جنه شي صار
و تحسفت على قد شعر راسي اني رحتلها
مع اني رايحه حق طبيب من قبل وسائلته عن الميزوثيرابي وقالي هذا اصلا احنا انسميه نصبو ثيرابي لان ينصبون فيه عالناس
و ما سمعت كلامه و عاندت و سويته
الصراحه استاهل ههههههه
ما انصحج تجربينه كلش
بس في شي الصراحه فرق وياي .. اذا تعرفين محل لوكسيتان بالافنيوز شامبواتهم اتينن
انا استخدمت شامبوهم و فرقت على شعري نوعيته صار انعم
استخدميه مع البلسم ...
حتى تفرقين من اول استخدام خصوصا اذا كنتي تستخدمين شامبو الجمعيه
انا مره يت اختي تسبحت بحمامي جان تقولي شنو هذا شنو شامبووج اينن! من اول مره
و راحت شرته والحين البيت كله يستخدم هالشامبو
شكيت ان معطيني عموله هههههه
ولاااا تقولون لي خلطات انا اكككرره الخلطات ولويتها وما التزم:eh_s(2):
